Morgunblaðið - 30.10.2003, Blaðsíða 10
10 B FIMMTUDAGUR 30. OKTÓBER 2003 MORGUNBLAÐIÐ
NFJÁRMÁL DIGITAL Reykja-
vik, (www.digital-
reykjavik.com) alþjóð-
leg ráðstefna um
breiðbandsvæðingu,
verður haldin hér á
landi dagana 26.-28.
nóvember nk. Á meðal
fyrirlesara á ráðstefn-
unni verður Esther
Dyson, sem er at-
kvæðamikill áhættu-
fjárfestir sem sérhæfir
sig í fjárfestingum í
tæknifyrirtækjum um
allan heim með sér-
staka áherslu á Mið- og
Austur-Evrópu. Dyson
gefur einnig mánaðarlega út
fréttabréfið Release 2.0: A design
for living in the digital age, þar
sem hún fjallar um það sem hæst
ber í þessum geira á hverjum tíma,
fjallar um tækninýjungar og grein-
ir markaði. Þar að auki hefur
Dyson ritað greinar í virt blöð um
viðskipti og málefni hátæknifyrir-
tækja, blöð eins og Forbes Magaz-
ine og New York Times. Esther
Dyson situr auk þess í stjórnum
fjölda fyrirtækja víða um heim.
Þú hefur fjárfest mikið í Austur-
Evrópu. Eru helstu tækifærin í há-
tæknigeiranum í þeim heimshluta?
„Ég hef verið mikið í Austur-
Evrópu allt síðan árið 1989. Ég get
ekki sagt að þar séu mestu tæki-
færin í dag; þau eru í Kína.
Ástæða þess að ég hef verið mikið
í Austur-Evrópu er að ég tala
rússnesku.
Þar sem mestu möguleikarnir
eru til staðar á hverjum tíma, þar
er líka mest af fólki. Ef maður ein-
beitir sér að stöðum sem ekki eru í
kastljósinu, og lætur áhugasvið sitt
ráða för, þá er um leið minni sam-
keppni.“
Er stefna þín þá að leita tæki-
færa sem henta þínu áhugasviði?
Nei, mín stefna er að lifa áhuga-
verðu lífi. Líf mitt stjórnast af því
hvað vekur áhuga minn í það og
það skiptið, miklu fremur en af því
hvað felur í sér mestu ágóðavon-
ina.
Ég er sem sagt ekki bara fjár-
festir heldur á ég mér líf fyrir utan
það.
Svo er líka stór hluti af mínu
starfi að greina iðnaðinn og ég hef
því áhuga á öllu sem er að gerast
hvar sem það er.“
Hvað með Kína, hefurðu eitt-
hvað fjárfest þar?
„Ég hef farið þangað nokkrum
sinnum og ég hef áhuga á kín-
verska markaðnum, en ég er ekki
með mikil umsvif þar í samanburði
við annað sem ég er að gera.“
Margir fjárfestar fóru illa út úr
Internetbólunni um
síðusu aldamót.
Hvað með þig sem
fjárfestir nær ein-
göngu í tæknifyrir-
tækjum?
„Ég fór ekki eins
bratt í slíkar fjár-
festingar og margir
aðrir og lenti því
ekki eins illa í því.
Það er alveg sama
ástæðan fyrir því og
sú af hverju ég fer
ekki til Kína og tek
þátt í kapphlaupinu
þar. Ef þú ert með
það skýrt afmarkað
fyrir sjálfum þér hvað þér finnst
áhugavert þá heldur það þér frá
vitleysunni líka.
Auðvitað átti ég einhver við-
skipti sem borguðu sig ekki, en
eins og ég sagði þá lenti ég ekki
illa í því eins og sumir gerðu.“
Hefurðu eitthvað kynnt þér há-
tæknigeirann á Íslandi?
„Ég veit eitthvað smávegis um
geirann á Íslandi, en ástæða þess
að ég er að koma til landsins er
einmitt sú að mig langar að vita
meira.“
Þekkirðu einhver fyrirtæki; de-
CODE eða OZ t.d.?
„Ég hef heyrt um deCODE en
ekki um OZ.“
Tímaritið þitt, Release 2.0, er
það mikið lesið?
„Það nýtur almennrar virðingar
í þessum geira, en því er dreift í
mjög smáu upplagi, innan við þús-
und eintökum “
Skoða fjárfestar blaðið við mat á
fjárfestingarkostum?
„Blaðið er ekki hugsað fyrir
fjárfesta. Það er fyrir fólk í brans-
anum, fólk sem er að reka há-
tæknifyrirtæki. Blaðið fjallar um
hvernig markaðurinn virkar og
einstök afmörkuð atriði í rekstri
fyrirtækjanna.
Þú hlýtur að vera vinsæl hjá
sprotafyrirtækjum. Hafa þau mik-
ið samband við þig?
„Jú, það er rétt. Þau hafa sam-
band mjög reglulega. Það sem ég
get gert fyrir þau er að eyða með
þeim smá tíma, gefa þeim ráð og
slíkt, eða þá að ég fjárfesti í fyr-
irtækjunum. Það er mismunandi
hverju ég hef áhuga á í það og það
skiptið. Stundum kem ég fólki í
samband við annað fólk sem ég
þekki sem kemur þá báðum aðilum
til góða.“
Hvert er markaðsvirði verð-
bréfasafnsins þíns?
„Satt að segja þá veit ég það
ekki, enda er ómögulegt um það að
segja þar sem flest fyrirtækin eru
óskráð og hafa því ekkert mark-
aðsvirði. Ég tel þó að markaðs-
virðið sé á bilinu 5–20 milljónir
Bandaríkjadala, eða á bilinu 380–
1.500 milljónir króna. En þetta er
ekkiert sem ég get ákveðið að selja
einn daginn og komið í verð sam-
stundis.“
Hvernig er starf þitt frá degi til
dags?
„Ég þarf að ferðast mikið til að
sækja stjórnarfundi í félögum sem
ég á hlut í og sem betur fer hef ég
gaman af að ferðast. Til dæmis fer
ég frá Reykjavík til Tallin í Eist-
landi þar sem eitt af fyrirtækjum
mínum er staðsett, og svo fer ég
þaðan til Tókýó á annan stjórn-
arfund.“
Hvað er helst að gerast á sviði
hátækniiðnaðar í Eystrasaltslönd-
unum?
„Eistland er frábær staður fyrir
hátæknifyrirtæki. Fólk þar er
mjög frumkvöðlasinnað. Lettland
og Litháen eru svo aftur ekki eins
framarlega á því sviði. Svo má
segja um fleiri staði að Stokkhólm-
ur er mjög líflegur staður fyrir
þennan geira, þar er mikið af fyrr-
verandi Ericsson fólki að vinna
ýmis verkefni.
Gætirðu sagt mér eitthvað um
það hvernig er að eiga viðskipti í
Rússlandi?
„Rússneski markaðurinn er
sterkur og landið er vaxandi. Rík-
isstjórn landsins er líka að verða
sífellt sterkari. Rússland er ennþá
mjög harður heimur og erfitt að
eiga viðskipti þar. Umhverfið er þó
orðið mun heilbrigðara en það var
fyrir t.d. fimm árum síðan.“
Er mikið af vestrænum fjárfest-
um í landinu?
„Já, það er mikið af þeim, en því
miður laðar svona ástand eins og í
Rússlandi ekki alltaf til sín besta
fólkið. Rússland er aftur að verða
vinsæll staður til að fjárfesta á,
enda eru tækifærin mikil.
Rússar eru vel menntað fólk og
þar er tæknimenntun á háu stigi.
Það sem skortir núna er meiri við-
skipta- og stjórnunarmenntun.“
Hvað muntu tala um á ráðstefn-
unni digitalReykjavik?
„Ég hef ekki enn ákveðið hvað
ég mun tala um. Ég vonast til að
geta sem mest svarað spurningum
og rætt við fólk. Ég læri lítið um
Ísland ef ég kem bara og tala og
fer svo.“
Hvað stopparðu lengi?
„Því miður get ég bara stoppað í
einn dag. Að vissu leyti þarf maður
að koma einu sinni fyrst til að vita
hvað maður á að gera þegar maður
kemur í annað skipti. Að því leyti
má segja að heimsókn mín í nóv-
ember sé „núllta“ heimsóknin frek-
ar en sú fyrsta.“
Stjórnast af áhuga
fremur en ágóða
Erlendur áhættufjárfestir meðal fyrirlesara á alþjóðlegri ráðstefnu um
breiðbandsvæðingu, Digital Reykjavik, sem verður haldin í nóvember
Esther Dyson
KAUPÞING-BÚNAÐARBANKI
gaf nýlega út Lífeyrisbókina,
handbók fyrir stjórnendur líf-
eyrissjóða, þar sem fjallað er um
lagalegt umhverfi lífeyrissjóða, hæfi
stjórnarmanna, eftirlitshlutverk
stjórnar, eignastýringu, mótun
fjárfestingastefnu og áhættu-
stýringu. Bókina skrifuðu starfs-
menn Kaupþings-Búnaðarbanka
ásamt utanaðkomandi sérfræðing-
um á sviði lífeyrismála og geta
áhugasamir haft samband við Kaup-
þing-Búnaðarbanka og fengið bók-
ina senda án endurgjalds.
Í inngangi að bókinni segir Hafliði
Kristjánsson, framkvæmdastjóri líf-
eyris- og tryggingasviðs, að mörgu
að hyggja þegar tekið sé sæti í stjórn
lífeyrissjóðs. Stjórnin beri ábyrgð á
hag sjóðfélaga og því að starf sjóðs-
ins sé í samræmi við stefnu stjórnar,
samþykktir og lög. Frávik í rekstri
séu á ábyrgð stjórnar og skaðabóta-
skylda geti myndast á hendur
stjórnarmönnum. Með handbókinni
sé leitast við að gefa greinargóða yf-
irsýn yfir þá fjölmörgu þætti sem
skipti máli við stjórnun lífeyrissjóða
og hún sé einkum skrifuð með störf
stjórnarmanna í huga þó að hún geti
vafalaust einnig nýst starfsfólki líf-
eyrissjóðanna með margvíslegum
hætti.
Gera má ráð fyrir að bókin geti
gagnast fleirum sem hafa áhuga á
fjárfestingum, enda er í henni fjallað
um ýmis þau atriði sem að þeim lúta.
Þar má nefna fjárfestingarstefnu og
áhættu, auk þess sem ýmis hugtök
sem oft skjóta upp kollinum í slíkri
umræðu eru útskýrð.
Kaupþing-Búnaðarbanki
gefur út Lífeyrishandbókina
Handbók um lagalegt umhverfi lífeyrissjóða fyrir stjórnendur þeirra