Morgunblaðið - 03.01.2004, Blaðsíða 54

ÍÞRÓTTIR
54 LAUGARDAGUR 3. JANÚAR 2004 MORGUNBLAÐIÐ
FÓLK

HEIMIR Guðjónsson, knatt-
spyrnumaður, var á gamlársdag út-
nefndur íþróttamaður FH 2003.
Heimir var fyrirliði FH-liðsins sem
hafnaði í öðru sæti Íslandsmótsins
og bikarkeppninnar á nýliðnu ári en
hann er í hópi reyndustu knatt-
spyrnumanna landsins og er í 11.-12.
sæti yfir leikjahæstu leikmenn úr-
valsdeildar frá upphafi með 224
leiki.

ÍRIS Andrésdóttir, knattspyrnu-
kona, var útnefnd íþróttamaður Vals
2003 á gamlársdag. Íris lék alla
landsleiki Íslands á árinu og hún var
fyrirliði Valsliðsins sem varð bikar-
meistari og vann að auki bæði
deildabikarinn og Reykjavíkurmótið
á árinu.

KEFLVÍKINGAR vonast eftir því
að Falur Harðarson, þjálfari og leik-
maður úrvalsdeildarliðs þeirra í
körfuknattleik, verði kominn af stað
með liðinu á ný seinni hluta mán-
aðarins. Falur þarf að fara í speglun
á hné vegna meiðsla sem hafa hrjáð
hann undanfarnar vikur en sam-
kvæmt heimasíðu Keflvíkinga eru
þau ekki alvarleg.

ABEL Xavier, portúgalski knatt-
spyrnumaðurinn, er kominn til Liv-
erpool á ný en hann hefur verið í
láni hjá Galatasaray í Tyrklandi.
Ekki er þó reiknað með að hann spili
aftur með enska liðinu, Gerard Ho-
ullier, knattspyrnustjóri Liverpool,
kveðst eiga von á að Xavier semji
við annað félag nú í janúar, enda sé
honum í mun að spila einhvers stað-
ar sem fyrst til að eiga möguleika á
að komast í landslið Portúgals fyrir
úrslitakeppni EM í sumar.

TOTTENHAM hefur augastað á
Roberto Mancini sem næsta knatt-
spyrnustjóra félagsins. Mancini er
samningsbundinn Lazio til næstu
fjögurra ára en forráðamenn ítalska
félagsins segja að vegna slæmrar
fjárhagsstöðu sé óvíst að það geti
haldið honum. Hann fari þó ekki fyrr
en að tímabilinu loknu, og óvíst er að
Tottenham hafi þolinmæði svo lengi.

IOAN Viorel Ganea, leikur í
fremstu víglínu hjá Wolves fram á
sumar. Ganea er 30 ára gamall
Rúmeni sem gat sér gott orð um
tíma hjá Stuttgart og þótti mark-
heppinn. Hann gekk til liðs við
Bursaspor í Tyrklandi sl. sumar en
hefur ekki náð sér á strik þar og var
í framhaldi af því lánaður til enska
liðsins. Ganea á að baki 40 landsleiki
fyrir Rúmeníu og gert 19 mörk í
þeim leikjum.

FRAMHERJINN Eddie Griffin
hefur samið við NBA-liðið New Jer-
sey Nets en Griffin var látinn taka
pokann sinn hjá Houston Rockets
eftir að hafa staðið í ströngu utan
vallar í sumar þar sem margt fór
úrskeiðis hjá leikmanninum. Griff-
in var upphaflega valinn af Nets í
nýliðavalinu árið 2001, þá var hann
sjöundi í röðinni í fyrstu umferð.
GUÐMUNDUR Þórður Guðmunds-
son landsliðþjálfari karlaliðsins í
handknattleik hefur fækkaði um
sex leikmenn í æfingahópi fyrir
Evrópumótið, sem fram fer í Slóv-
eníu í lok þessa mánaðar. Þeir sem
féllu úr hópnum eru: Vignir Svav-
arsson og Andri Stefan úr Haukum,
Vilhjálmur Halldórsson, Stjörn-
unni, Arnór Atlason, KA, Fannar
Þorbjörnsson, ÍR og Baldvin Þor-
steinsson, Val. Nú eru því eftir 22
leikmenn í landsliðshópnum sem
hóf æfingar á ný síðdegis í gær eftir
tveggja daga frí yfir áramótin. Að-
eins einn leikmaður af 22 manna
hópnum mætir ekki til æfinga fyrr
en á sunnudaginn og það er Guð-
mundur Hrafnkelsson. Guðmundur
og eiginkona hans eignuðust dóttur
á dögunum og því fékk hann lengra
frí en aðrir landsliðsmenn.
Guðmundur landsliðsþjálfari
reiknar með að halda óbreyttum
hópi fram yfir þrjá vináttulands-
leiki við Sviss sem fram fara hér á
landi 9. - 11. janúar. Að þeim leikj-
um loknum verður aftur fækkað og
endanlegur 16-manna hópur valinn.
Fyrsti leikur Íslands á EM verður
22. janúar við heimamenn en auk
þess verður íslenska liðið í riðli sem
fer fram í Celje með Ungverjum og
Tékkum.
Áður en haldið verður til Slóven-
íu leikur liðið á æfingamóti í Dan-
mörku við heimamenn, Svía og
Egypta.
Fækkað um sex
menn í EM-hópnum
„ÞAÐ stóð til að ég yrði í leikmannahópi Gillingham gegn Hermanni Hreið-
arssyni og félögum í Charlton á morgun en það var síðan dregið til baka á
síðustu stundu,“ sagði Helgi Sigurðsson, landsliðsmaður í knattspyrnu, við
Morgunblaðið í gær. Helgi hefur æft alla vikuna með enska 1. deildarliðinu
Gillingham og honum var í gær boðinn samningur til eins mánaðar.
„Enska knattspyrnusambandið tilkynnti Gillingham að ef félagið myndi
ekki framlengja þann samning við mig, gæti ég ekki skipt um félag á ný
fyrr en í sumar. Það gekk að sjálfsögðu ekki upp. Ég var orðinn mjög
spenntur fyrir því að spila og mæta Hermanni en því miður varð ekkert af
því af þessum sökum. Knattspyrnustjórinn vildi helst sjá mig í leik áður en
hann semdi við mig til lengri tíma, og ætlunin var að ég léki gegn Charlton
á morgun og síðan deildaleik gegn Sheffield United. En mér hefur greini-
lega tekist að sýna eitthvað þessa viku sem ég hef dvalið hjá félaginu og
mér líst ágætlega á mig hjá Gillingham,“ sagði Helgi, sem er laus allra
mála eftir að hafa leikið með Lyn í Noregi í hálft þriðja ár.
Hann mun æfa áfram með félaginu og í lok næstu viku verður tekin
ákvörðun um hvort honum verður boðinn samningur út þetta tímabil. Gill-
ingham er í 15. sæti af 24 liðum í 1. deild og hefur siglt lygnan sjó um miðja
deildina undanfarin ár.
Helgi átti að mæta Her-
manni og félögum í Charlton
BJARNI Þorsteinsson, landsliðs-
maður í knattspyrnu, gekk um
áramótin frá þriggja ára samningi
við Íslandsmeistara KR. Hann snýr
því aftur í Vesturbæinn eftir
þriggja ára dvöl hjá norska úrvals-
deildarfélaginu Molde.
Bjarni er 27 ára varnarmaður
en hann lék 76 leiki með KR í efstu
deild áður en hann fór til Molde í
ársbyrjun 2001.
Hann er þriðji leikmaðurinn sem
KR fær í sínar raðir fyrir næsta
tímabil en áður höfðu Ágúst Gylfa-
son, fyrirliði Fram, og Sigmundur
Kristjánsson frá Utrecht í Hollandi
samið við Vesturbæjarliðið.
Viktor Bjarki
samdi við Víking
Viktor Bjarki Arnarsson gekk
um áramótin frá tveggja ára
samningi við Víkinga, nýliðana í
úrvalsdeildinni í knattspyrnu.
Viktor Bjarki er tvítugur miðju-
maður og lék með Víkingi í yngri
flokkunum en hefur verið í Hol-
landi frá 17 ára aldri. Lengst af
með úrvalsdeildarliði Utrecht þar
sem hann lék með unglingaliði og
síðan varaliði, en allt síðasta ár
spilaði hann með TOP Oss í 1.
deild.
Í HÓFI Íþrótta- og ólympíusam-
bands Íslands (ÍSÍ) og Samtaka
íþróttafréttamanna á Grand Hóteli
Reykjavík að kvöldi 30. desember af-
henti ÍSÍ viðurkenningar til íþrótta-
manna í 29 greinum sem eru innan
vébanda ÍSÍ en að mati forvígis-
manna þessara íþróttagreina þóttu
íþróttamennirnir hafa skarað fram-
úr á nýliðnu ári.
Badminton:
Sveinn Logi Sölvason og
Ragna Björg Ingólfsdóttir.
Blak:
Einar Sigurðsson og
Karen Gunnarsdóttir.
Borðtennis:
Guðmundur E. Stephensen og
Halldóra S. Ólafs.
Dans:
Adam Clinton Reeve og
Karen Björk Björgvinsdóttir.
Fimleikar:
Rúnar Alexandersson og
Sif Pálsdóttir.
Frjálsíþróttir:
Jón Arnar Magnússon og
Þórey Edda Elísdóttir.
Golf:
Birgir Leifur Hafþórsson og
Ragnhildur Sigurðardóttir.
Glíma:
Ólafur Oddur Sigurðsson og
Inga Gerða Pétursdóttir.
Handknattleikur:
Ólafur Stefánsson og
Hrafnhildur Skúladóttir.
Íþróttir fatlaðra:
Jón Oddur Halldórsson og
Kristín Rós Hákonardóttir.
Júdó:
Bjarni Skúlason og
Gígja Guðbrandsdóttir.
Karate:
Jón Ingi Þorvaldsson og
Edda Lúvísa Blöndal.
Keila:
Magnús Magnússon og
Elín Óskarsdóttir.
Körfuknattleikur:
Jón Arnór Stefánsson og
Signý Hermansdóttir.
Knattspyrna:
Eiður Smári Guðjohnsen og
Ásthildur Helgadóttir.
Hestaíþróttir:
Jóhann Skúlason og
Berglind Ragnarsdóttir.
Lyftingar:
Gísli Kristjánsson.
Siglingar:
Hafsteinn Ægir Geirsson.
Róður:
Sveinbjörn Hrafn Kristjánsson.
Skautaíþróttir:
Ingvar Þór Jónsson og
Audrey Freyja Clarke.
Skíðaíþróttir:
Björgvin Björgvinsson og
Dagný Linda Kristjánsdóttir.
Skotíþróttir:
Guðmundur Kr. Gíslason og
Ingibjörg Ásgeirsdóttir.
Sund:
Örn Arnarson og
Kolbrún Ýr Kristjánsdóttir.
Taekwondo:
Björn Þorleifur Þorleifsson og
Sigrún Nanna Karlsdóttir.
Tennis:
Arnar Sigurðsson og
Soumisa Islami.
Skylmingar:
Ragnar Ingi Sigurðsson og
Guðrún Jóhannsdóttir.
Hnefaleikar:
Þórður Sævarsson.
Hjólreiðar:
Gunnlaugur Jónasson.
Skvass:
Róbert Fannar Halldórsson og
Rósa Jónsdóttir.
Morgunblaðið/Arnaldur
53 íþróttamenn
heiðraðir af ÍSÍ
Bjarni til
KR-inga
TEITUR Þórðarson knattspyrnu-
þjálfari verður að öllum líkindum
næsti þjálfari norska knatt-
spyrnuliðsins Ull/Kisa, sem leikur í
2. deild. Teitur staðfesti við Rome-
rikes Blad í gær að hann hefði rætt
við forráðamenn félagsins og að
hann hefði áhuga á starfinu þó að
fleira kæmi til greina og hann hefði
fengið tilboð frá liðum, bæði innan
Noregs og utan.
„Það yrði öðruvísi að þjálfa í
neðri deild eftir að hafa verið lengi
í þeirri efstu, og það gæti verið
skemmtilegt að fást við þjálfun
undir minna álagi,“ sagði Teitur
sem lét af störfum hjá Lyn í ágúst.
Ull/Kisa er eitt af bestu liðunum í
norsku 2. deildinni.
Teitur í
2. deild?