Morgunblaðið - 03.01.2004, Blaðsíða 55

ÍÞRÓTTIR
MORGUNBLAÐIÐ LAUGARDAGUR 3. JANÚAR 2004 55

ÁRNI Gautur Arason, markvörð-
ur íslenska landsliðsins í knatt-
spyrnu, fer ekki til Sturm Graz í
Austurríki eins og allt útlit var fyr-
ir fyrir áramótin. Árni Gautur seg-
ir í norskum fjölmiðlum í gær að
hann útiloki ekki að vera áfram í
Noregi og talsmenn Rosenborgar
segjast ætla að ræða við hann þó
svo þrír markverðir séu hjá félag-
inu um þessar mundir.

STURM Graz fékk á landsliðs-
markvörðinn Thomas Mandl lánað-
an frá Austria Vín, en þar á bæ er
Joey Didulica fyrsta val þjálfarans.

VELIMIR Petkovic, þjálfari
þýska handknattleiksliðsins Wetzl-
ar, sem Gunnar Berg Viktorsson
og Róbert Sighvatsson landsliðs-
menn leika með, hættir þjálfun
liðsins í vor og tekur við þjálfun
Göppingen, þar leikur meðal ann-
ars Jaliesky Garcia, landsliðsmað-
ur.

STEFAN Kretzschmar, leikmað-
ur Magdeburg, verður ekki með
þýska landsliðinu í handknattleik á
Evrópumótinu í Slóveníu í lok
þessa mánaðar. Kretzschmar er
meiddur í nára og fer í uppskurð á
næstu dögum af þeim sökum og
verður frá æfingum næstu fjórar
vikur.

ÞORVARÐUR Tjörvi Ólafsson
skoraði fjögur mörk og Róbert
Gunnarsson þrjú þegar lið þeirra
Århus GF gerði jafntefli, 24:24, við
Ajax í dönsku úrvalsdeildinni í
handknattleik á næstsíðasta degi
síðasta árs. Århus GF er í sjötta
sæti deildarinnar með 15 stig að
loknum 14 leikjum. Hlé verður nú
gert á keppni í dönsku úrvalsdeild-
inni fram í ferbrúar vegna EM í
Slóveníu.

FULHAM hefur fengið hollenska
knattspyrnumanninn Bobby Petta
að láni frá Glasgow Celtic út þetta
tímabil. Petta er miðjumaður og
lék með Feyenoord og Ipswich áð-
ur en hann gekk til liðs við skoska
félagið.

CORRADO Grabbi er farinn frá
Blackburn eftir hálfs þriðja árs
dvöl þar og genginn til liðs við An-
cona í heimalandi sínu, Ítalíu.
Grabbi náði sér aldrei á strik með
Blackburn, sem keypti hann frá
Ternana sumarið 2001.

ARSENAL hefur lánað gríska
varnarmanninn Stathis Tavlaridis
til Lille í Frakklandi út þetta tíma-
bil. Tavlaridis hefur fyrst og
fremst leikið með varaliði Arsenal
en hann hefur þó spilað alla leiki fé-
lagsins í deildabikarnum í vetur.

FILIP De Wilde, fyrrverandi
landsliðsmarkvörður Belgíu, er
genginn til liðs við Íslendingaliðið
Lokeren. De Wilde er 39 ára og lék
síðast með Sturm Graz í Austur-
ríki en varði mark Anderlecht
lengi vel.
FÓLK
ÍSLENDINGAR mæta Lettum í vin-
áttulandsleik í knattspyrnu í Riga
þann 28. apríl. Frá þessu var gengið
um áramótin. Með þessu er KSÍ að
endurgjalda Lettum heimsókn
þeirra hingað til lands árið 1998. Þá
mættust þjóðirnar í fyrsta og eina
skiptið til þessa og Ísland sigraði þá,
4:1. Þórður Guðjónsson skoraði tvö
markanna og Ríkharður Daðason
og Auðun Helgason eitt hvor.
Lettar komu geysilega á óvart í
undankeppni Evrópukeppni lands-
liða og náðu öðru sæti í sínum riðli.
Í umspilinu slógu þeir síðan hressi-
lega í gegn með því að slá Tyrki út
og Lettar verða því með í loka-
keppni EM í Portúgal í sumar. Þeir
hafa aldrei áður komist í úrslita-
keppni stórmóts. „Við skulduðum
Lettum leik og þeir hafa ýtt á okkur
af og til. Leikurinn verður á alþjóð-
legum leikdegi og við eigum því rétt
á öllum okkar mönnum frá mánu-
degi til fimmtudags, en vissulega
má búast við því að einhver vanda-
mál gætu komið upp þar sem
deildakeppni er víðast að ljúka um
þetta leyti,“ sagði Geir Þorsteins-
son, framkvæmdastjóri KSÍ, við
Morgunblaðið.
Hann sagði að ekki væri ljóst
hvort fleiri vináttuleikir fengjust
fyrri hluta ársins. „Þetta skýrist
betur þegar niðurröðun leikja í riðl-
inum okkar í heimsmeistarakeppn-
inni liggur fyrir, eftir fund á Möltu
27. janúar,“ sagði Geir.
Sex ára skuld við
Letta gerð upp
KÖRFUKNATTLEIKUR
Laugardagur:
1. deild kvenna:
Keflavík: Keflavík - UMFG..................17.15
Njarðvík: UMFN - ÍS ................................14
Seljaskóli: ÍR - KR .....................................14
1. deild karla:
Borgarnes: Skallagrímur - Valur.........17.15
Egilsstaðir: Höttur - Fjölnir .....................15
Selfoss: Selfoss - Þór A. .............................16
Sunnudagur:
Úrvalsdeild karla, Intersportdeildin:
Ásvellir: Haukar - KFÍ .........................19.15
Hveragerði: Hamar - Keflavík .............19.15
Njarðvík: UMFN - UMFG...................19.15
Seljaskóli: ÍR - Þór Þ. ...........................19.15
Smárinn: Breiðablik - KR.....................19.15
Stykkishólmur: Snæfell - Tindastóll....19.15
UM HELGINA
KÖRFUKNATTLEIKUR
NBA-deildin
Úrslit á gamlársdag:
Boston - New Orleans .......................... 94:96
Detroit - Portland................................. 78:71
New Jersey - Golden State.................. 88:70
LA Clippers - Denver ...................... 120:104
Houston - Philadelphia ........................ 80:72
Staðan (sigrar/töp):
Atlantshafsriðill: New Jersey 17/14, Bost-
on 16/17, Philadelphia 14/18, New York 14/
19, Miami 13/19, Washington 8/21, Orlando
8/24.
Miðriðill: Indiana 23/10, New Orleans 20/
12, Detroit 19/13, Toronto 16/14, Milwau-
kee 15/16, Cleveland 10/22, Chicago 9/22,
Atlanta 9/24.
Miðvesturriðill: San Antonio 22/10, Minne-
sota 20/10, Dallas 18/12, Denver 19/13, Ut-
ah 17/14, Houston 17/14, Memphis 15/17.
Kyrrahafsriðill: LA Lakers 21/7, Sacra-
mento 21/8, Seattle 15/14, Portland 15/15,
Golden State 14/16, LA Clippers 13/15,
Phoenix 12/20.
FRJÁLSÍÞRÓTTIR
Gamlárshlaup ÍR
Karlar:
Sigurbjörn Á. Arngrímsson, UMSS ... 35.59
Kári Steinn Karlsson, UMSS.............. 36.00
Burkni Helgason, ÍR............................ 36.58
Chris Nowakowski, Bandar. ............... 37.53
Anders Gudme, Danmörku ................. 38.06
Konur:
Gerður Rún Guðlaugsdóttir, ÍR.......... 40.54
Jóhanna Skúladóttir, LHR.................. 43.44
Íris Anna Skúladóttir, Fjölni............... 44.14
Anna Einarsdóttir, LHR ..................... 44.15
Rakel Ingólfsdóttir, NR ...................... 45.02

Þátttakendur voru 253 og 251 lauk hlaup-
inu sem var 10 km langt.
ÚRSLIT
Heiðar sagði við Morgunblaðið ígær að mikil eftirvænting væri
í Watford vegna leiksins. „Það verð-
ur skemmtilegt að taka á móti
Chelsea, þó það hefði vissulega ver-
ið meira gaman ef það hefði verið
síðar í keppninni. Með því er ég þó
ekki að segja að við eigum enga
möguleika, það er allt hægt í bik-
arnum og við munum reyna að
stríða þeim eins og við getum. Fyrir
Watford er þetta að sjálfsögðu
geysilega stór leikur, fullur völlur
og leikurinn sýndur beint í sjón-
varpi, þannig að tekjurnar af honum
eru miklar og koma sér vel fyrir fé-
lagið. Umfjöllunin um leikinn hefur
verið geysilega mikil, enda gífurlegt
fjölmiðlafár í kringum Chelsea. Ég
vona bara að Eiður Smári spili með
Chelsea, maður veit aldrei hvernig
Ranieri stillir upp liðinu,“ sagði
Heiðar. Hann er í byrjunarliði Wat-
ford, sem var tilkynnt í gær, leikur í
fremstu víglínu. „Ætli ég verði ekki
ansi oft eini leikmaður Watford á
vallarhelmingi Chelsea,“ sagði Dal-
víkingurinn.
Það verða fleiri Íslendingar á
ferðinni í bikarnum í dag. Hermann
Hreiðarsson og félagar í Charlton
sækja Gillingham heim. Jóhannes
Karl Guðjónsson og hans samherjar
í Wolves fara til 3. deildarliðsins
Kidderminster. Rúmenski miðherj-
inn Ioan Ganea mun leika sinn
fyrsta leik með Úlfunum.
Ívar Ingimarsson fer með Read-
ing til Preston.
Helstu stórleikir umferðarinnar
eru Southampton og Newcastle í
dag og á morgun þegar Aston Villa
tekur á móti Manchester United og
Leeds fær Arsenal í heimsókn.
Morgunblaðið/Brynjar Gauti
„Hvað ertu að gera inn á mínu yfirráðasvæði…“ gæti
Oliver Kahn, markvörður Þýskalands, verið að segja við
Heiðar Helguson, er hann sækir að marki Þjóðverja í
landsleik á Laugardalsvellinum.
„Verð oft einn
á vallarhelm-
ingi Chelsea“
ÍSLENSKU landsliðsmiðherjarnir Heiðar Helguson og Eiður Smári
Guðjohnsen verða í sviðsljósinu í dag þegar lið þeirra, Watford og
Chelsea, mætast í 3. umferð ensku bikarkeppninnar í knattspyrnu.
Leikið er klukkan 12.30 á Vicarage Road, heimavelli Watford, sem
rúmar 21 þúsund áhorfendur en uppselt er á leikinn fyrir löngu.
Heiðar Helguson og Eiður Smári Guðjohnsen
mætast í enska bikarnum í dag á Vicarage Road
ÓLAFUR Sigurjónsson, handknatt-
leiksmaður úr ÍR, fer í dag til Kan-
aríeyja þar sem hann verður til
reynslu hjá spænska 2. deildarliðinu
Tres De Mayo. Með því leikur Hlyn-
ur Jóhannesson markvörður, sem
áður spilaði með HK. Ólafur var ann-
ar markahæsti leikmaður ÍR í 1.
deildinni í fyrra, skoraði 113 mörk í
26 leikjum, en ákvað síðan að taka
sér frí frá handboltanum vegna
meiðsla í baki. Tres De Mayo hefur
átt í erfiðleikum vegna meiðsla lyk-
ilmanna og er að leita eftir liðstyrk
fyrir síðari umferð deildarinnar en
liðið er í næstneðsta sæti.
Ólafur til Tres De Mayo
ERLA Steinunn Arnardóttir hefur skipt
um félag í sænsku úrvalsdeildinni í
knattspyrnu en hún er nú gengin til liðs
við Sunnanå. Erla, sem spilaði með
Breiðabliki sumarið 2002, lék síðasta
tímabil með Stattena frá Helsingborg
en liðið hafnaði í tíunda sæti af tólf lið-
um í deildinni. Sunnanå, sem er frá
bænum Skellefteå í Norður-Svíþjóð,
endaði hinsvegar í sjöunda sæti úrvals-
deildarinnar.
Erla, sem er tvítug og leikur sem
miðjumaður, æfði um skeið í vetur með
sænsku Evrópumeisturunum Umeå,
sem sýndu áhuga á að fá hana í sínar
raðir. Hún hefur verið búsett í Svíþjóð
alla tíð, nema sumarið 2002 þegar hún
skoraði 7 mörk í 12 leikjum með Breiða-
bliki og lék einn leik með íslenska 21-
árs landsliðinu.
Erla til liðs
við Sunnanå