Morgunblaðið - 11.02.2004, Page 39

MORGUNBLAÐIÐ MIÐVIKUDAGUR 11. FEBRÚAR 2004 39
HELGI Brynjarsson (1.460)
sigraði á unglingameistaramóti
Reykjavíkur sem fram fór um
helgina. Stúlknameistari Reykja-
víkur varð Hallgerður Helga Þor-
steinsdóttir (1.260). Bæði eru þau
vel að sigrinum komin, enda í hópi
okkar efnilegustu skákmanna af
yngstu kynslóðinni. Úrslit urðu
annars þessi:
1. Helgi Brynjarsson 6½ v.
2. Arnar Sigurðsson 6 v.
3. Ólafur Evert 5½ v.
4.–6. Gylfi Davíðsson, Daði Óm-
arsson, Aron Ingi Óskarsson 4½
v.
7.–10. Hjörvar Steinn Grétars-
son, Senbeto Gebeno Guyola,
Ingvar Ásbjörnsson, Ívar Örn
Jónsson 4 v.
11.–14. Bjarni Jens Kristinsson,
Hallgerður Helga Þorsteinsdóttir
(22,0 st.), Elsa María Þorfinns-
dóttir (20,0 st.), Jóhanna Björg
Jóhannsdóttir. (17,0 st.) 3½ v.
o.s.frv. Keppendur voru 25.
Tefldar voru sjö umferðir eftir
Monrad-kerfi með umhugsunar-
tímanum 25 mínútur á skák.
Skákstjóri var Torfi Leósson.
Torfi Leósson hraðskák-
meistari Reykjavíkur
Torfi Leósson (2.120) er hrað-
skákmeistari Reykjavíkur 2004
eftir tvísýna keppni. Keppendur
voru alls 24. Úrslit mótsins urðu
þessi:
1. Torfi Leósson 11½ v.
2. Guðmundur Kjartansson
(49,0 st.), Stefán Freyr Guð-
mundsson (48,0 st.) 11 v.
4.–5. Arngrímur Gunnhallsson,
Jóhann Ingvarsson 9½ v.
6.–8. Guðmundur Sigurjónsson,
Hjörvar Steinn Grétarsson, Helgi
Brynjarsson 8 v.
9.–13. Halldór Pálsson, Ólafur
Evert Úlfsson, Sigurjón Haralds-
son, Sverrir Sigurðsson, Arnar
Sigurðsson 7½ v.
14. Matthías Pétursson 6½ v.
15.–17. Bjarni Jens Kristinsson,
Björgvin Kristbergsson, Helgi
Hauksson 6 v.
18.–19. Sigurður Davíð Stefáns-
son, Daði Ómarsson 5½ v.
20.–21. Karel Sigurðarson,
Hörður Aron Hauksson 5 v.
Tefldar voru 2x7 umferðir eftir
Monrad-kerfi með umhugsunar-
tímanum 5 mínútur á skák. Skák-
stjóri var Ólafur Ásgrímsson.
Öflugt Reykjavíkurskákmót
í uppsiglingu
Skáksamband Íslands stendur
fyrir Reykjavíkurskákmótinu í 21.
sinn í Ráðhúsi Reykjavíkur dag-
ana 7.–16. mars. Í ár eru 40 ár frá
því að fyrsta Reykjavíkurskák-
mótið var haldið og því er móts-
haldið sérlega veglegt. Nú þegar
hafa um 30 erlendir skákmenn
skráð sig í mótið. Stigahæstur
þeirra er Alexey Dreev (2.682), en
sex skákmenn með yfir 2.600 stig
eru þegar skráðir til leiks.
Skráning þátttakenda stendur
yfir og þátttöku skal tilkynna til
Ríkharðs Sveinssonar í síma 896
3969 eða með netpósti til rz@itn-
.is. Hægt er að fylgjast með
skráningu á heimasíðu mótsins:
www.reykjavikopen.com.
Skáksamband Íslands lætur sér
reyndar ekki nægja að halda þetta
veglega kappskákmóti heldur mun
eitt öflugasta atskákmót sem
haldið hefur verið hér á landi
fylgja í kjölfarið. Þátttakendur
verða ekki af verri endanum, en
bæði er von á Kasparov og Kar-
pov á mótið.
Íslendingar fjölmenna
til Moskvu
Fjöldi íslenskra skákmanna er
skráður á hið árlega Aeroflot-mót,
sem fram fer í Moskvu 16.–25.
febrúar. Það er stórmeistarinn
Helgi Ólafsson, skólastjóri Skák-
skóla Íslands, sem er frum-
kvöðullinn að þessum ferðum.
Skráðir þátttakendur frá Íslandi
eru: Hannes Hlífar Stefánsson
(2.572), Helgi Ólafsson (2.504),
Þröstur Þórhallsson (2.459), Arn-
ar E. Gunnarsson (2.366), Snorri
Bergsson (2.270), Dagur Arn-
grímsson (2.238), Guðmundur
Kjartansson (2.162), Hrannar B.
Arnarsson (2.099), Stefán Bergs-
son (2.036) og Rúnar Aðalbjörns-
son.
Helgi og Hallgerður
Helga unglingameistarar
SKÁK
Taflfélag Reykjavíkur
UNGLINGAMEISTARAMÓT
REYKJAVÍKUR
7. feb. 2004
Helgi Brynjarsson Hallgerður Helga Þorsteinsdóttir
dadi@vks.is
Daði Örn Jónsson
FRÉTTIR
SLYSAVARNAFÉLAGIÐ Lands-
björg bauð Birni Bjarnasyni dóms-
málaráðherra í heimsókn til sam-
takanna. Með í för ráðherra voru
Stefán Eiríksson skrifstofustjóri,
Þorsteinn Davíðsson, aðstoð-
armaður ráðherra, og Þorsteinn
Geirsson ráðuneytisstjóri.
Dómsmálaráðherra og fylgdarlið
skoðuðu höfuðstöðvar samtakanna
og drukku morgunkaffi með starfs-
mönnum. Farið var í skoðunarferð
til nokkurra björgunarsveita á höf-
uðborgarsvæðinu þar sem kynnt
var starfsemi björgunarsveitanna,
búnaður þeirra og þjálfun. Þá var
einnig kynnt starfsemi slysavarna-
og kvennadeilda félagsins.
Einar Örn Jónsson úr áhöfn björgunarskipsins Ásgríms S. Björnssonar í
Reykjavík fer yfir þjálfunar– og æfingaráætlanir björgunarskipa við Björn
Bjarnason áður en björgunarskipið var skoðað.
Dómsmálaráðherra
heimsótti Landsbjörg
Félag Snæfellinga og Hnappdæla
í Reykjavík heldur árshátíð í
Skíðaskálanum, Hveradölum, laug-
ardaginn 14. febrúar. Heiðursgestir
verða Hildibrandur Bjarnason í
Bjarnarhöfn og kona hans.
Miðasala á árshátíðina verður í
Verinu, Glæsibæ, í dag, miðvikudag-
inn 11., og á morgun, fimmtudaginn
12. febrúar, kl. 17–19.
Grænlenskt kvöld hjá Nord-
klúbbnum í kvöld Nordklúbburinn,
sem er félagsskapur ungra áhuga-
manna um norrænt samstarf, verður
með grænlenskt kvöld, miðvikudag-
inn 11. febrúar kl. 20.30, í húsi Nor-
ræna félagsins, Óðinsgötu 7.
Friðrik Brekkan mun kynna Græn-
land í myndum og máli og einnig er
boðið uppá veitingar. Nánari upplýs-
ingar má finna á www.norden.is/
nordklubb. Allir velkomnir.
LHÍ, Skipholti 1 kl. 12.30 Ásrún
Kristjánsdóttir flytur fyrirlestur um
verkefnið Lýsi, www.Lysir.is. Sagt
verður frá aðdraganda þess að ráðist
var í að skrásetja og mynda mynd-
efni í íslenskum handritum, og gera
efnið aðgengilegt fyrir almenning,
hönnuði og listamenn. Gestum gefst
kostur á að koma með tillögur um
efnistök við þetta umfangsmikla
verkefni og bera upp spurningar.
Í DAG
Meistarafyrirlestur við verk-
fræðideild HÍ Anna Karlsdóttir
heldur fyrirlestur um verkefni sitt
til meistaraprófs í véla- og iðn-
aðarverkfræði: Hönnunarkerfi fyrir
pípukerfi á háhitasvæðum. Fyr-
irlesturinn fer fram á morgun,
fimmtudaginn 12. febrúar, kl. 16.15,
í stofu 158 í VR-II í Háskóla Íslands.
Leiðbeinendur: Fjóla Jónsdóttir,
dósent við véla- og iðnaðarverk-
fræðiskor, Magnús Þór Jónsson,
prófessor við véla- og iðnaðarverk-
fræðiskor. Prófdómari: Kristinn
Ingason, vélaverkfræðingur á Verk-
fræðistofu Guðmundar og Kristjáns.
Verkefnið fjallar um gerð hönn-
unarkerfis fyrir pípukerfi á há-
hitasvæðum. Við gerð kerfisins voru
aðferðir þekkingarstjórnunar hafðar
að leiðarljósi. Þekkingarstjórnun
miðar að því að afla, miðla og nýta
þekkingu innan fyrirtækja, með því
að beisla þekkingu starfsmanna og
auðvelda aðgang að henni. Hönn-
unarferlið var greint með kerf-
isbundnum hönnunaraðferðum og
kerfið byggt á þeirri greiningu.
Hugbúnaðurinn var prófaður við
hönnun á pípukerfum á Hellisheiði
og Nesjavöllum. Niðurstöðurnar
sýna að notkun hönnunarkerfisins
getur auðveldað hönnunina og stytt
hönnunartímann.
Verkefnið var unnið í samstarfi við
Verkfræðistofu Guðmundar og
Kristjáns og styrkt af Orkuveitu
Reykjavíkur og Rannsóknarsjóði
Háskóla Íslands.
Félag prófessora í Háskóla Ís-
lands boðar til fundar um akadem-
ískt frelsi og rannsóknaháskóla á
morgun, fimmtudaginn 12. febrúar
kl. 13, hátíðasal Háskóla Íslands.
Erindi halda: Þorgerður Katrín
Gunnarsdóttir menntamálaráð-
herra, Gunnar Karlsson prófessor,
Dagný Kristjánsdóttir prófessor,
Stefán Arnórsson prófessor og Rún-
ar Vilhjálmsson prófessor. Almenn-
ar umræður og fyrirspurnir um
rannsóknaháskóla. Léttar veitingar.
Á MORGUN
Leikur og boðskipti hjá börnum
með málhamlanir og einhverfu
Svanhildur Svavarsdóttir, talmeina-
fræðingur og einhverfuráðgjafi,
heldur námskeið föstudaginn 13.
febrúar kl. 9–16, í Ásbyrgi á Broad-
way, Ármúla 9. Fjallað verður um
vinnubrögð til að efla leik og boð-
skipti hjá börnum með málhamlanir
og einhverfu o.fl. Rætt verður um
nýjar aðferðir byggðar á rann-
sóknum Barry Prizant og Steven
Gutstein.
Námskeiðsgjald verður 4.990 kr.,
innifalinn léttur hádegisverður.
Skráning á námskeið sendist til:
sigsvany13@yahoo.com
Feldewnkrais-námskeið verður
haldið helgina 14. og 15. febrúar í sal
FÍH, Rauðagerði 27 í Reykjavík.
Leiðbeinandi verður Sibyl Urbancic.
Um er að ræða kerfi einfaldra hreyf-
inga eftir leiðbeiningum kennarans.
Hver og einn athugar hreyfivenjur
sínar og kynnist öðrum valkostum
með hjálp leiðbeinandans. Í hverjum
tíma er eitthvert hreyfingamynstur
tekið fyrir og í lok tímans fara fram
umræður, þar sem spurningum er
svarað. Feldenkrais-aðferðin nýtist
öllum sem áhuga hafa á líkamsbeit-
ingu og vilja læra meira.
Þrjár kennslustundir verða hvorn
dag: kl. 10.30–12, kl. 12.30–14 og kl.
14.30–16. Verð: 5.000 kr. fyrir allt
námskeiðið, 3.000 kr. fyrir einn dag,
1.200 kr. fyrir stakan tíma og skóla-
afsláttur er 50%.
Upplýsingar og skráning á skrif-
stofu Félags íslenskra hljómlist-
armanna. Einnig er boðið upp á
einkatíma alla virka daga í febrúar í
Söngskólanum í Reykjavík, Snorra-
braut 54. Upplýsingar um Fel-
denkrais-aðferðina: http://
www.feldenkrais.com/
Á NÆSTUNNI