Morgunblaðið - 29.03.2004, Síða 6

FRÉTTIR
6 MÁNUDAGUR 29. MARS 2004 MORGUNBLAÐIÐ
Alltaf ód‡rast á netinuÍSLE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
22
35
0
10
/2
00
3
Nýr Netsmellur
Ódýrastir til Evrópu
Verð frá 14.490 kr.
SLÖKKVILIÐINU í Sandgerði var
tilkynnt um kl. 14 í gær að bátur
væri að sökkva í höfninni. Að sögn
Reynis Sveinssonar, slökkviliðs-
stjóra í Sandgerði og fréttaritara
Morgunblaðsins, tókst að bjarga
bátnum, Mumma GK, en ekki hefði
mátt tæpara standa. Mummi GK var
á sínum tíma mikið aflaskip, að sögn
Reynis, og hét þá Hamar GK.
Þegar slökkvilið kom á vettvang
var Mummi ansi siginn og að sögn
hafnarvarðar, sem gerði slökkviliði
viðvart, seig hann ansi hratt. En
slökkviliðinu tókst með dælum sín-
um að koma í veg fyrir að Mummi
færi alla leið niður og lyftist hann til
þess að gera um leið og byrjað var að
dæla úr honum. Rafmagnsdæla er
um borð í bátnum og hefur hún að
öllum líkindum bilað með fyrr-
greindum afleiðingum.
Að sögn Reynis er Mummi kom-
inn til ára sinna og er hann í eigu
Sandgerðishafnar, sem eignaðist
hann á uppboði. Hann er kvótalaus
og enginn vill eiga hann og hefur
hann verið aðgerðalaus í höfninni í
um þrjú ár. Sennilega mun hann
enda ævidaga sína sem uppfylling í
nýjum viðlegukanti í höfninni. Bát-
urinn var sem fyrr sagði mikið afla-
skip og að sögn Reynis var afli hans
á bestu vertíðinni yfir eitt þúsund
tonn.
Ljósmynd/Hilmar Bragi
Mummi GK, var nær sokkinn í höfninni en Slökkvilið Sandgerðis dældi úr
bátnum og mátti ekki tæpara standa með björgun.
Mummi GK
nærri sokk-
inn í Sand-
gerðishöfn
NÝVERIÐ var stofnaður félagsskapur hér í
sveit sem ber heitið Áhugafélag um verndun
sæluhúsa á afrétti Hrunamanna (ÁSÆL). Mark-
mið félagsins er að endurreisa gamla fjalla-
mannakofa á Hrunamannaafrétti.
Í fyrsta áfanga er gert ráð fyrir að gera upp
kofa í Fosslæk, Svínárnesi og Leppistungum.
Tveir þeir fyrrnefndu eru torfkofar en hinn síð-
astnefndi er grjóthlaðinn og engar heimildir eru
um hve gamall hann er, sennilega frá seinni
hluta nítjándu aldar. Áhugafélag um verndun
þessara sæluhúsa, hyggst standa að endurgerð
þeirra þannig að þau geti gegnt áfam hlutverki
og nýst almenningi til gistingar.
Með því að endurgera og halda sínu fyrra
hlutverki gefst komandi kynslóðum tækifæri til
að kynnast og upplifa þann aðbúnað sem fyrri
kynslóðir bjuggu við ásamt því að kynnast gildi
þeirra og sérstöðu.
Þessi hús eru á milli hinnar miklu nátt-
úruperlu Kerlingarfjalla og byggða og voru mið-
uð við dagleiðir á þessari leið og eru því vel stað-
sett með tilliti til gönguferða.
Auknir möguleikar á gönguleiðum
Með því að gera upp þessi hús, sem annars
myndu glatast, aukast möguleikar á gönguleið-
um og gistimöguleikum jafnframt því sem menn-
ingarverðmætum verður bjargað frá glötun til
handa komandi kynslóðum og halda jafnframt
hlutverki sínu. Stefnt er að því að taka saman og
skrá sögu þessara húsa og kynningu á þeim á
heimasíðu þeirra sem vinna að kynningu á ferða-
möguleikum á svæðinu. Á stofnfundinn mættu 34
sem áhuga hafa á að vinna að verkefninu en fleiri
geta gerst stofnfélagar, t.d. burtfluttir sveit-
ungar eða aðrir sem áhuga hafa á málefninu.
Hægt er að hafa samband á netfangið kot@eyj-
ar.is.
Enn er margt óljóst um fjármögnun á þessu
verki sem áætlað er að muni kosta um 2,2 millj-
ónir króna. Verið er að vinna í fjármögn-
unarleiðum en vinna við uppbygginguna verður
unnin í sjálfboðavinnu. Formaður félagsins var
kosinn Unnsteinn Hermannsson í Langholtskoti
og með honum í stjórn Hilmar Jóhannesson í
Syðra-Langholti og Jón Óli Einarsson í Tungu-
felli.
Morgunblaðið/Sigurður Sigmunds
Gangnamannakofinn við Fosslæk er á fögrum stað mitt á milli byggðarinnar og Kerlingarfjalla.
Vilja endurreisa gangnamannakofa
Hrunamannahreppur. Morgunblaðið.
BOÐIÐ verður upp á meistaranám
í blaða- og fréttamennsku í fyrsta
skipti í Háskóla Íslands í haust.
Námið er til tveggja ára, er 60 ein-
ingar, í stað eins árs náms í hag-
nýtri fjölmiðlun sem kennd hefur
verið við skólann um nokkurt
skeið.
Með meistaranámi verður alhliða
fjölmiðlanám á framhaldsstigi eflt
verulega frá því sem verið hefur.
Lögð verður áhersla á að auka
fræðlilega hluta námsins, nám-
skeiðum í einstökum þáttum fjöl-
miðlunar verður fjölgað og tengd
betur en áður við þjálfun á vett-
vangi. Þá verður hæfni nemenda
prófuð fyrir útskrift með formlegri
og skipulegri hætti en hingað til
hefur verið gert.
Endurskoðun á fjölmiðlanámi við
HÍ hefur staðið yfir frá því sl.
sumar og var niðurstaða starfs-
hóps, undir forystu Ólafs Þ. Harð-
arsonar, forseta félagsvís-
indadeildar, að nám til
meistaragráðu í blaða- og frétta-
mennsku, myndi m.a. styrkja fag-
lega starfsþjálfun nemenda með
markvissu samstarfi við fjölmiðla.
Möguleikar á dýpri nálgun
„Námið hefur verið nánast
óbreytt um nokkurt skeið en tekur
nú algerum stakkaskiptum,“ segir
Þorfinnur Ómarsson, verk-
efnastjóri í Hagnýtri fjölmiðlun við
HÍ. „Lengri námsleið, tvö ár í stað
eins, gefur möguleika á mun dýpri
nálgun í blaða- og fréttamennsku,
bæði er varðar fræðilega þáttinn
og hagnýta verkþjálfun á fjöl-
miðlum.“
Þorfinnur segir að meðal helstu
breytinga sem verði á námi í fjöl-
miðlun með tilkomu meistaranáms-
ins megi nefna að kennsla í að-
ferðafræði blaðamanna, s.s.
siðareglum, meðferð heimilda, um-
gengni við heimildarmenn og sam-
skiptum við eigendur fjölmiðla,
verði efld og aukin áhersla verði
lögð á þjálfun í málfari og stíl fyrir
fjölmiðla. Þá verði kennsla í stjórn-
sýslu, stjórnmálum, viðskiptum,
lögum og málefnum alþjóða-
samfélagsins gerð markvissari, svo
dæmi séu tekin. Einnig verði
starfsþjálfun á prentmiðlum, út-
varpi og sjónvarpi, efld til muna
frá því sem verið hefur.
„Markviss starfsþjálfun hefur
tvöfaldan ávinning; að kynna betur
raunveruleg störf fyrir nemendum
og að efla áhuga og tengsl fjöl-
miðlanna við námsleiðina í Háskól-
anum,“ segir Þorfinnur. „Samvinna
við fjölmiðla á markaði er ein af
forsendum fyrir því að námið skili
árangri, enda er það með einum
eða öðrum hætti í þeirra þágu.“
Ný námskeið og lokaverkefni
Meðal námskeiða sem nemendur
á fyrsta ári meistaranámsins taka
eru fréttamennska, vinnubrögð og
siðareglur blaðamanna, fjölmiðlun
og leikreglur samfélagsins og dag-
blöð og tímarit, auk námskeiða í
þáttagerð fyrir útvarp og sjónvarp.
Á öðru ári verða í boði ný nám-
skeið s.s. þjálfun í „sjálfbærri
fréttamennsku“, þar sem nem-
endum er kennt að vinna fréttir frá
upphafi til enda, þjálfun í skapandi
textaskrifum og viðtalstækni, net-
og nýmiðlun, almannatengslum og
sjónvarpsþátta- og heimildamynda-
gerð.
Einnig geta nemendur tekið önn-
ur valnámskeið á meistarastigi. Á
öðru ári vinna nemendur auk þess
lokaverkefni til 15 eininga. Verk-
efnið verður unnið á tveimur mis-
munandi formum; annars vegar
sem fræðileg meistararitgerð og
hins vegar sem fullbúin fjölmiðla-
afurð, tilbúin til birtingar hvort
heldur í dagblaði, útvarpi, sjón-
varpi eða netmiðli.
Gert er ráð fyrir að hámarks-
fjöldi nemenda í meistaranám í
blaða- og fréttamennsku verði
bundinn við 21.
Meistaranám í blaða- og fréttamennsku hefst í Háskóla Íslands í haust
Gefur möguleika á dýpri nálgun
ÍSLENDINGAR þurfa að vera
stórhuga í undirbúningi Vatnajök-
ulsþjóðgarðs til að útkoman verði
sem best fyrir alla, ekki síst í ljósi
neikvæðrar umræðu um Kára-
hnjúkavirkjun. Þetta var inntak
hádegisfyrirlestrar sem Roger
Crofts, fyrrum framkvæmdastjóri
Náttúruverndarstofnunar Skot-
lands, hélt um umhverfismál á
Hótel Borg á föstudag.
Í fyrirlestrinum lagði Crofts
ríka áherslu á það að Vatnajökull
sjálfur væri aðeins hluti þess vist-
kerfis sem vernda þarf. Þá undir-
strikaði Crofts mikilvægi aðkomu
heimamanna og einnig að eðlilegt
væri að Landsvirkjun og Alcoa
legðu fé til stofnunar og reksturs
þjóðgarðsins til mótvægis við þau
skaðlegu áhrif sem mannvirkin við
Kárahnjúkavirkjun munu hafa á
náttúru svæðisins.
Vernda þarf samspil
jökuls og nágrennis
Tryggvi Felixson, framkvæmda-
stjóri Landverndar, segir nauð-
synlegt að nálgast mörkun þjóð-
garðsins með heildrænni sýn. „Það
má segja að það hafi táknrænt
gildi að ætla að vernda aðeins ís-
inn, en það hafi lítið verndargildi,
því hann verndar sig næstum því
sjálfur. Það sem ber að vernda er
samspil jökulsins og aðliggjandi
svæða, sem jökullinn hefur mótað
og heldur áfram að hafa mótandi
áhrif á um ókomna tíð. Það sem
gerir þetta svæði einstakt er sam-
spil jökuls, sanda, jökulánna,
gljúfra, hásléttna og jökulgarð-
anna sem sýna hvernig ísinn hefur
farið fram.“ Tryggvi segir Crofts
hafa víðtæka reynslu í náttúru-
vernd í Evrópu og víðar í heim-
inum. Því sé skynsamlegt að
hlusta vel á það sem hann hefur að
segja um Vatnajökulsþjóðgarð.
Vilja hugsa
Vatnajök-
ulsþjóðgarð
í víðara
samhengi
Morgunblaðið/RAX