Morgunblaðið - 29.03.2004, Side 16

MINNSTAÐUR | VESTURLAND
16 MÁNUDAGUR 29. MARS 2004 MORGUNBLAÐIÐ



   
    

 

  

     
     

 
  
  




     
    
Borgarfjörður | Í tilefni af 25 ára
starfsafmæli Hitaveitu Akraness og
Borgarfjarðar og útgáfu bókar um
sögu félagsins var boðið til kaffi-
samsætis á Hvanneyri hinn 23. mars
sl.
Matsalur Landbúnaðarháskólans
á Hvanneyri var þéttsetinn af núver-
andi og fyrrverandi starfsmönnum
og stjórnendum HAB, starfs-
mönnum og stjórnendum Orkuveitu
Reykjavíkur og boðsgestum af
starfssvæði hitaveitunnar.
Hannes Frímann Sigurðsson,
framkvæmdastjóri HAB, bauð gesti
velkomna, en fól síðan Guðjóni
Magnússyni, framkvæmdastjóra
skrifstofu forstjóra OR, að stjórna
hófinu. Fyrstur tók til máls Ingólfur
Hrólfsson, fyrsti framkvæmdastjóri
HAB. Lýsti hann í máli og myndum
uppbyggingunni, rekstrarerf-
iðleikum, markmiðum sem stefnt
var að og hvernig tiltókst á stjórn-
arárum hans.
Kaflaskil í orkumálum
Fjölmargir tóku til máls í hófinu,
m.a. flestir af fyrrverandi stjórn-
arformönnum sem viðstaddir voru.
En framtíðarsýn núverandi fram-
kvæmdastjóra er þessi, eins og segir
í afmælisritinu Orka í aldarfjórðung:
„Eins og hér hefur komið fram
hafa orðið kaflaskil í orkumálum
þeirra sem hafa notið þjónustu HAB
síðasta aldarfjórðung.
Við það að eignarhluti Borgnes-
inga, Borgfirðinga og Akurnesinga í
HAB rann inn í OR eignaðist fyr-
irtækið 80% hlut í veitunni en eign-
arhluti ríkisins er 20%. Heimild er í
fjárlögum ríkisins fyrir þetta ár að
selja hlut ríkisins í HAB, og það er
stefna OR að eignast fyrirtækið, sé
það hagkvæmt, og fella það inn í
Orkuveitu Reykjavíkur eins og
skipurit þess er í dag.“
Hitaveita Akraness og
Borgarfjarðar 25 ára
Morgunblaðið/ Davíð Pétursson
Fyrrverandi stjórnarformenn HAB ásamt framkvæmdastjóra.
Grundarfjörður | Bæringsstofa er
ljósmyndasafn Grundarfjarðar.
Safnið, sem ber nafn Bærings
Cecilssonar ljósmyndara er til húsa
í Eyrbyggju – Sögumiðstöð á
Grundargötu 35, Grundarfirði.
Bæringsstofa var stofnuð í minn-
ingu Bærings Cecilssonar á 80 ára
afmæli hans 24. mars 2003. Grunn-
ur safnsins er ljósmyndir, filmur og
aðrir hlutir sem ættingjar Bærings
færðu Grundarfjarðarbæ á stofn-
degi.
Tilgangur safnsins er að halda
utan um varðveislu og skráningu
gamalla mynda, sýningahald og út-
gáfa. Eyrbyggja – Sögumiðstöð
hefur búið safninu glæsilega sýn-
ingaraðstöðu þar sem búnaður
Bærings er til sýnis og myndum
hans varpað á stórt sýningartjald.
24. mars var síðan opnaður ljós-
myndavefur á Netinu. Við opnun
ljósmyndavefjar Bæringsstofu voru
settar á vefinn um 800 ljósmyndir.
Stefnt er að því að fjölga myndum
þar jafnt og þétt því af nógu er að
taka. Safn Bærings er talið geyma
um 80.000 ljósmyndir, um 40–50
klst. af kvikmyndaefni auk gríð-
arlegs magns af myndböndum. Þá
hafa Eyrbyggjar Hollvinasamtök
Grundarfjarðar safnað myndum úr
ýmsum áttum sem tengjast Grund-
arfirði. Það safn er talið vera um
5.000 myndir. Að auki hefur safn-
inu verið falin varðveisla mynda úr
öðrum einkasöfnum. Bæring
Cecilsson var ljósmyndari af lífi og
sál. Hann fæddist á Búðum undir
Kirkjufelli 24. mars 1923, sonur
hjónanna Oddfríðar Kristínar Run-
ólfsdóttur og Cecils Sigurbjörns-
sonar. Það þótti þvi vel við hæfi að
sögn Inga Hans Jónssonar starfs-
manns Sögumiðstöðvar að opna
vefinn á fæðingardegi Bærings.
Vefinn er best að finna með því að
fara inn á heimasíðu Grund-
arfjarðar grundarfjordur.is og það-
an inn á heimasíðu Bæringsstofu.
Myndir
frá Bær-
ingsstofu
á Netið
Morgunblaðið/Gunnar
Ingi Hans Jónsson í Sögumiðstöð-
inni við mynd sem hann teiknaði af
Bæring Cecilssyni.
Borgarnes | Nokkrar samstarfs-
konur í Grunnskólanum í Borg-
arnesi tóku sig til nýlega og fengu
Ingibjörgu Elínu Jónasdóttur sér-
kennara við skólann, til þess að
halda námskeið í leðurvinnu fyrir
þær. Símenntun Vesturlands hafði
áður auglýst námskeið í Borg-
arnesi en þá náðist ekki nægj-
anleg þátttaka. Ingibjörg hélt hins
vegar námskeið í Búðardal þar
sem var mikil þátttaka. „Þangað
komu alls ellefu manns og þurfti
ég að hafa manninn minn með sem
aukakennara en hann kennir
stundum með mér,“ segir Ingi-
björg. „Fljótlega varð ég vör við
mikinn áhuga á vinnustaðnum
mínum þannig að ég ákvað að
halda námskeið fyrir vinnufélag-
ana.“
Ingibjörg er menntaður smíða-
kennari og sérkennari, lærði leð-
urvinnu í smíðadeild KHÍ. Hún
hefur haldið nokkur leðurvinnu-
námskeið bæði fyrir norðan og
vestan, á vegum ÍTR auk þess að
hafa kennt leðurvinnu í skólum.
Námskeiðið í grunnskólanum
byggðist upp á því að þátttak-
endur lærðu að þekkja, meðhöndla
og meta eiginleika hráefnisins,
sníða, lita, mynstra, skera út og
sauma. Til að ná þessum mark-
miðum gerðu allir lyklakippu,
bókamerki, saumuðu utan um bók
og skáru út litla mynd. Sumir fóru
einnig út í að forma grímu og
sauma lítil veski og töskur. Leðrið
sem unnið var með er innflutt,
jurtasútað sauðskinn, kálfsskinn
og nautshúðir. Roð frá Sjávarleðri
á Sauðárkróki var líka notað í litla
hluti og skreytingar á stærri hlut-
um.
Ingibjörg segir að leðrið sé frá-
bært hráefni. „Það er eitt af þeim
fyrstu sem maðurinn fór að nýta
sér við gerð fatnaðar og nytja-
hluta.
Möguleikarnir eru óþrjótandi og
hlutirnir sem maður gerir hafa
oftast mikið notagildi og endast
vel og lengi. Þeir henta vel í tæki-
færisgjafir, og eru svolítið öðruvísi
en það sem flestir aðrir eru að
gera.“
Ingibjörg hefur hug á að halda
fleiri námskeið og er að vinna í að
koma sér upp aðstöðu heima til að
vinna úr leðri og jafnvel til að
taka hópa heim á námskeið.
Morgunblaðið/Guðrún Vala
Kátar konur í leðurvinnu: Sigríður Karlsdóttir, Ragnhildur Helga Ragn-
arsdóttir, Guðlín Erla Kristjánsdóttir, Guðrún Berta Guðsteinsdóttir,
Björg Kristófersdóttir, Ingibjörg Elín Jónasdóttir, Anna Dóra Ágústsdóttir
og Berghildur Reynisdóttir.
Leðrið er frábært
hráefni