Pressan - 17.08.1989, Qupperneq 8

8
Fimmtudagur 17. ágúst 1989
JHMIMIilM
PRESSAN
VIKUBLAÐ Á FIMMTUDÖGUM
Útgefandi Blað hf.
Framkvæmdastjóri Hákon Hákonarson
Ritstjórar Jónína Leósdóttir
Ómar Friðriksson
Auglýsingastjóri Hinrik Gunnar Hilmarsson
Ritstjórn og skrifstofur: Ármúla 36, simi: 6818 66. Auglýsingasimi:
68 18 66. Áskrift og dreifing: Ármúla 36, sími 68 18 66. Setning og umbrot:
Leturval sf. Prentun: Blaðaprent hf.
Áskriftargjald 500 kr. á mánuði. Áskriftargjald: Pressan og Alþýðublaðið:
11000 kr. á mánuði. Verð í lausasölu: 150 kr. eintakið.
„AHYGGJULAUS
OG ÖRUGG ÁVÖXTUN“
Nú er tæpt ár liðið frá gjaldþroti Ávöxtunar sf. Ljóst þykir að mikill
fjöldi fólks hafi orðið fyrir gífurlegu fjárhagstjóni vegna þessa. Ekk-
ert bendir til þess að skilanefnd verðbréfasjóða Ávöxtunar nái að
innheimta það fé sem tapaðist við gjaldþrotið. Þá mun eigendum
verðbréfanna verða gert að greiða allan kostnað við störf skila-
nefndarinnar þegar upp verður staðið. Eigendur Ávöxtunar færðu
á sínum tíma tugi milljóna króna úr verðbréfasjóðunum og stofnuðu
til skuldar við fyrirtæki sem þeir áttu hluti í. Þau mál eru til meðferð-
ar hjá ríkissaksóknara en einnig hafa sparifjáreigendur Ávöxtunar
kært til Umboðsmanns Alþingis sem nú rannsakar hvort bankaeftir-
lit Seðlabankans hafi brugðist og stórkostleg mistök hafi átt sér stað
af hálfu opinberra aðila.
Nokkrum mánuðum áður en Ávöxtun var lokað sagði stjórnarfor-
maður Verðbréfasjóðs Ávöxtunar hf. af sér og skv. frétt Pressunnar
í dag var Bankaeftirlitinu fullkunnugt um ástæður þess á sínum
tíma. Grípa hefði mátt í taumana löngu áður en kom til gjaldþrots
en þess í stað var Ávöxtunarmönnum óáreittum leyft að auglýsa
„áhyggjulausa og örugga ávöxtun" eins og það var orðað og fjöldi
sparifjáreigenda lagði peninga sína í ávöxtunar- og rekstrarbréf
þessara sjóða, í trausti þess að þeir störfuðu undir opinberu eftirliti.
Þegar Verðbréfasjóður Ávöxtunar var stofnaður í nóvember 1986
lögðu eigendur fram 500 þúsund kr. hlutafé í féiagið. Innan tveggja
ára var Ávöxtun sf. gjaldþrota en sölugengi Ávöxtunarbréfanna í
verðbréfasjóðnum nam um 350 milljónum króna. Flest þykir benda
til að það sé glatað fé.
UPPSTOKKUN
RÁÐUNEYTANNA
Enn á ný eru lagðar fram róttækar tillögur um viðamikla upp-
stokkun á Stjórnarráði íslands. Nú eru það tillögur frá svonefndri
stjórnsýslunefnd sem rætt er um, en hún leggur til fækkun ráðu-
neyta, sameiningu þeirra og stofnun nýrra ásamt viðamiklum flutn-
ingi málaflokka og stofnana á milli ráðuneytanna. Tillögur af þessu
tagi hafa nokkrum sinnum verið settar í frumvarpsform en lítið orð-
ið úr framkvæmdum, enda enginn hægðarleikur að stokka upp flók-
ið stjórnskipulag þegar hagsmunir og pólitík koma til sögunnar.
Árið 1983 var frumvarp af þessu tagi samið og gert m.a. að tillögu
að stofnað yrði sérstakt innanríkisráðuneyti og iðnaðar- og sam-
gönguráðuneyti sameinuð. í heild yrðu ráðuneyti stjórnarráðsins að-
eins 8 að tölu. Ári siðar samdi svokölluð stjórnkerfisnefnd frumvarp
þar sem gert var ráð fyrir 10 ráðuneytum. Þar var m.a. ákveðið að
stofnað yrði sérstakt iðnaðar- og verslunarráðuneyti. Þá var fallið frá
þeirri tillögu sem gerð var árið áður um að setja sérstakan ráðherra-
ritara yfir hvert ráðuneyti og yrði hann ráðinn pólitískri ráðningu
við hver stjórnarskipti. Hins vegar var gerð tillaga um að fella niður
æviráðningu embættismanna. Ekki var minnst einu orði á sérstakt
umhverfisráðuneyti, sem nú er helsta baráttumálið.
Fyrir fáum árum var gerð sú breyting á stjórnarráðinu að utanrík-
isviðskipti voru færð úr viðskiptaráðuneyti yfir í utanríkisráðuneyt-
ið. Mikil átök áttu sér stað um þá breytingu og stríð diplómatanna
við utanríkisráðherra í dag byggist í raun á því að ráðherra er að laga
ráðuneytið að nýju hlutverki. Miðað við reynslu bæði hérlendis sem
í öðrum löndum er deginum ljósara að allsherjaruppstokkun á
stjórnarráðinu verður ekki fest í lög eins og ekkert sé. Tillögur
stjórnsýslunefndar eru um margt skynsamlegar, en mestar líkur eru
á að þeirra bíði sömu örlög og fyrri frumvarpa um sama efni. Pólitík
og stofnanatogstreita munu sjá til þess.
hin pressan
„Ég var líka heppinn aö vera ein-
hleypur öll keppnisárin."
— Skúli Óskarsson lyftingamaður í
Morgunblaðinu
„Þú ert skyldugur til að kjósa þó þú
vitir ekki hvað stendur upp eða niður
í stjórnmálum, annars ertu sektað-
ur."
— Matthildur Björnsdóttir í grein um
Astralíu í Timanum
„Kvikmyndaeftirlit víðs vpgar um
heim hafa tekið þá furðulegu stefnu
að telja erótík verri andanum en of-
beldið."
— Þorfinnur Ómarsson i kvikmyndaum-
fjöllun i Þjóðviljanum
„Ég er ekki nógu mikill snillingur
til að skriffa um annað eins séni og
ég er."
— séra Kári Valsson í viötali í Morgunblaðinu
„Fólk lœtur uel af þjón-
ustu og mat í Hótel
Djúpuvík og margir tala
um hvaö dýnurnar séu
góöar í rúmunum þar. “
— Frétt i DV
„Erla segir að mikið sé um álfa á
Englandi, þó álfakynið þar sé alit
annað en hérlendis."
— Frétt i Morgunblaðinu
„Sum þeirra muna ekki
hvað biörööin viö kamr-
ana var löng, enda muna
þau e.t.v. lítid úr túrnum
yfirleitt og eru fegnust lífi
eftir daudann. “
— Guðmundur Einarsson líffræðingur í
Alþýðublaðinu
„ Annars er þetta allt undir gengi
myndarinnar komið. Ef hún gengur
vel heff ég effni á þessu, ef miður
gengur þá verð ég að gera þetta."
— Þráinn Bertelsson í Alþýöublaðinu um fyrirhugaöa blaðaútgáfu sína
„Ekki þætti mér ólíklegt að sumir
þeirra sem höndla með grásleppu-
hrogn fæðist sem rauðmagar í næsta
lífi."
— Eysteinn Björnsson i Alþýöublaðinu
„Enn á ný spyr ég, en nú eins og
túperað fjallalamb."
— Heimir Már Pétursson í tónlistarum-
fjöllun í Þjóðviljanum
LEIÐRÉTTING
I síðasta tðlublaði Pressunnar
sagði í grein um laxveiði að Blik-
dalsá í Kjós væri ófiskgeng. Rétt
er að Biikdalsá er á Kjalarnesi
og er fiskgeng og á síðustu árum
hefur verið sleppt í hana laxa-
seiðum. Blaðið biðst velvirðing-
ar á rangfærslunni.
SAS-MENN
SAKLAUSIR
í síðasta tölublaði sögðum við
frá því í lítilli frétt að kanadísk
yfirvöld hefðu áhyggjur af því að
eiturlyfjasalar reyndu að fá flug-
áhafnir þar í landi til að smygla
heróíni til Evrópu. Af þvi tilefni
skal tekið fram að átt var við
áhyggjur Kanadamanna af eigin
flugliðum, en alls ekki áhafnir
skandinavíska flugfélagsins
SAS, þó glöggir menn hafi getað
þekkt merki þess á mynd af flug-
vél sem fylgdi greinarkorninu.
„Ég vil að það verði dregið stór-
kostlega úr utanlandsferðum ..
— Kristján frá Djúpalæk í viðtali i Þjóðvilj-
anum
„Klám er svo áberandi í daglegu lífi
Japana, að það þykir orðið alveg
ómissandi þáttur hversdagslifsins
þarlendis."
— Úr grein í Lesbók Morgunblaösins
„Ég kýs nú ekki aö ræða um
ástandið á einum stað öðrum frem-
ur..."
— Magnús Einarsson yfirlögregluþjónn í
upphafi opnuviðtals í Timanum
„Nú hafa þeir komist að þeirri nöt-
urlegu niðurstöðu að dúfum þeirra
hafi verið sporðrennt af gestgjöfun-
um."
— Frétt um bréfdúfur í Morgunblaðinu
„Fólk hlustar á þá (kjaftaþætti í út-
varpi) dag eftir dag og skilur ekki að
nokkur maður hafi áhuga á þeim og
nenni að hafa kveikt."
— Ásgeir Friðgeirsson í Morgunblaðinu
„Andvígir sölu á óveiddum fiski."
— Fyrirsögn í TTmanum
Ritstj.