Pressan - 16.11.1989, Page 31

i
t I 'v 's* \ .'S 1 !*tí ^L c L J I ii < . i i
Fimmtudagur 16. nóv. 1989
31
sfonvarp
FINIMTUDAGUR
16. nóvember
Stöö 2 kl. 22.15
SLÆM MEÐFERÐ
Á DÖMU***,/2
(No Way to Treat a Lady)
Bandartsk bíómynd gerd 1968
Leikstjóri: Jack Smight
Adalhlutverk: Rod Steiger, Lee
Remick, George Segal, Eileen
Heckart, Michael Dunn
Þægileg blanda af rómantískri gam-
anmynd og morðsögu. Rod Steiger
leikur mann sem hefur það helst
fyrir skemmtan að koma konum
:
fyrir kattarnef. George Segal leikur
lögguna sem er á hælunum á hinum
morðóða manni, en hann á í erfið-
leikum með að hafa hendur í hári
hans þar sem sá óði skiptir sifellt um
gervi, enda skemmtikraftur á
Broadway að atvinnu. Lee Remick
leikur ástkonu löggunnar og sífellt
auknar líkur benda til þess að hún
verði næsta fórnarlamb morðingj-
ans. Hina bestu skemmtan má hafa
af þessari mynd segir Maltin.
FÖSTUDAGUR
17. nóvember
Sjónvarpið kl. 22.05
KONA HER-
MANNSINS**54
(Johnny Bull)
Bandarísk sjónvarpsmynd
gerö 1986
Leikstjóri: Claudia Weill
Adalhlutverk: Jason Robards,
Colleen Dewhurst, Peter McNicol,
Suzanna Hamilton.
Mynd um brostnar vonir sem ein-
kennist af ákaflega sterkum og
kröftugum leik. Segir af enskri
stúlku frá Cockney sem kemur til
Bandaríkjanna ásamt amerískum
eiginmanni sínum, sem er hermað-
ur. Hún gerir sér háar vonir um að
lífið í Ameríku muni færa henni
hamingju og gleði, en verður fyrir
sárum vonbrigðum þegar þau
hjónakornin setjast að í níðurníddu
hreysi foreldra eiginmannsins í
Pennsylvaníu, þar sem námurekst-
ur hefur verið aðalatvinnugreinin
en stendur ekki lengur undir nafni.
Maltin segir myndina ofar meðal-
lagi.
Stöð 2 kl. 22.05
HLJÓMSVEITA-
RIDDARAR**14
(Knights and Emeralds)
Bresk bíómynd gerd 1986
Leikstjóri: lan Emes
Adalhlutverk: Christopher Wild,
Beverley Hill, Warren Mitchell
Mynd sem hefur að viðfangsefni
kynþáttavandamál og -fordóma.
Segir frá ungu fólki sem starfar i
hljómsveitum og tvær þeirra heyja
harða keppni um lýðhyllina. Önnur
skipuð hvítum hljóðfæraleikurum,
hin svörtum. Málið vandast enn
frekar þegar drengur úr hvítu
hljómsveitinni verður ástfanginn af
stúlku úr þeirri svörtu. Þetta er á
flestan hátt vel meinandi mynd sem
tekur þokkalega á meginviðfangs-
efni sínu, þ.e. kynþáttamálunum, og
svo er auðvitað ástarsagan sem
einnig fær dágóðan skerf. Þá eru i
myndinni tónlistaratriði sem ekki
þykja þó sérlega eftirminnileg.
Framleiðandi myndarinnar er Dav-
id Puttnam, sem er þekktastur fyrir
framleiðslu mynda eins og Chariots
of Fire, Killing Fields og Mission.
Þessi mynd er hinsvegar í meðallagi
eða rétt yfir þvi.
Stöð 2 kl. 23.40
BOBBY DEARFIELD 0
Bandarísk bíómynd gerö 1977
Leikstjóri: Sidney Pollack
Abalhlutverk: Al Pacino, Marthe
Keller, Romolo Valli, Anny
Duperey
Mynd um kappaksturshetju sem
fellir hug til stúlku af ríkum ættum
í Flórens, en hún er haldin dularfull-
um sjúkdómi sem ekki er frekar tí-
undaður í myndinni. Hún liður mikl-
ar kvalir sem Maltin segir að séu þó
hégóminn einn miðað við þær kval-
ir sem áhorfandanum er gert að líða
undir sýningu myndarinnar. Enda
gefur Maltin myndinni einkunnina
BOMB, sem merkir langt fyrir neð-
an allar hellur. Jafnvel Pacino er
sagður hrútlélegur og leiðinlegur.
Það þarf ekki fleiri orð: Finnið ykk-
ur eitthvað annað að gera á meðan
á sýningunni stendur.
LAUGARDAGUR
18. nóvember
Stöð 2 kl. 20.45
FÓTAFIMI***
(Footloose)
Bandarísk bíómynd gerö 1984
Leikstjóri: Herbert Ross
Abalhlutverk: Kevin Bacon, Lori
Singer, John Lithgow, Dianne
West, Christopher Penn.
Segir af sigri danslistarinnar yfir
eldpredikara og kenningum hans.
Ungur drengur úr stórborg flyst til
smábæjar í miðvesturríkjum Banda-
ríkjanna. í þessum smábæ ríkir eld-
klerkur sem predikar eilífan eld og
brennistein og snýst þveröfugur
gegn því að fólk skemmti sér eða
geri nokkuð sem lífgað getur upp á
tilveruna, annað en að ákalla al-
mættið. Drengurinn segir þessari
hugmyndafræði stríð á hendur og
hefst handa í garði predikarans
sjálfs, hjá konu hans og dóttur.
Menn geta skemmt sér við að giska
á endinn í þessari afar einföldu ungl-
ingamynd sem er uppfull af tónlist
og einhver dansatriði fylgja í kjölfar-
ið. Karakterarnir eru dálítið of ein-
faldir og öfgafullir til að þessi mynd
sé trúverðug. Kevin Bacon hefur
hinsvegar til að bera sjarma sem
lyftir myndinni upp á við. Betra
tækifæri til að sjá þann sjarma má fá
í Laugarásbíói um þessar mundir í
myndinni Criminal Law eða Refsi-
réttur sem er býsna góð mynd.
Stöð 2 kl. 23.20
SAMBÚÐAR-
RAUNIR***,/2
(The Goodbye Girl)
Bandarísk bíómynd
Leikstjóri: Herbert Ross
Abalhlutverk: Richard Dreyfuss,
Marshú Mason, Quinn Cummings
Myndin er byggð á leikriti eftir þann
þekkta leikrita- og handritahöfund
Neil Simon. Þetta er eitt hans hlýj-
asta verk, en hann fjallar oftast um
venjulegt fólk á manneskjulegan
hátt með gamansömu ívafi þó
gamnið sé oftast á lágu nótunum.
Sagan segir af ungum leikara, ieikn-
um af Dreyfuss, sem lendir i því að
leigja íbúð ásamt konu nokkurri
sem hefur nýlega sagt skilið við eig-
inmann sinn. Samband þeirra er oft
erfitt og venjur leikarans gera hann
erfiðan í sambúð. Myndin tekur á
því hvernig samband þeirra þróast
smámsaman. Hágæðahandrit helst
í hendur við frammistöðu leikar-
anna, enda fékk Dreyfuss Óskars-
verðlaunin fyrir leik sinn í mynd-
inni. Maltin segir þetta alveg pott-
þétta mynd að öllu leyti og gefur
næsthæstu einkunn.
Sjónvarpið kl. 22.35
UPPREISNAR-
SEGGURINN***
(The Revolutionary)
Bandarísk bíómynd gerö 1970
Leikstjóri: Paul Williams
Abalhlutverk: Jon Voight, Jennifer
Salt.Robert Duvall.
Mynd um ungan námsmann sem
tekur þátt i pólitískri undirróðurs-
starfsemi. í fyrstu er það eins og
hver annar leikur en tekur fljótlega
á sig aðra mynd og alvarlegri. Þetta
er þétt og vel skrifuð mynd, eins-
konar sálfræðileg stúdía á skólapilt-
inum sem tekst á hendur verkefni
sem honum verður á margan hátt
ofviða en hann sér enga leið til að
losa sig við. Þarna má sjá Jon Voight
ungan, en hann hefur síðar getið sér
gott orð fyrir leik sinn í mörgum
myndum á áttunda og níunda ára-
tugnum. Maltin er tiltölulega hress
með þessa mynd, gefur þrjár stjörn-
ur af fjórum mögulegum.
Stöð 2 kl. 01.05
ÓBLÍÐ ÖRLÖG**
(From Hell to Victory)
Bandarísk bíómynd gerd 1979
Leikstjóri: Hank Milestone
Abalhlutverk: George Hamilton,
George Peppard, Jean Pierre
Cassel, Horst Bucholz
Fjórir menn af ólíku þjóðerni sitja
saman á krá í Paris árið 1939, nánar
þann 24. ágúst. Þeir ræða hugsan-
lega þróun mála í Evrópu (heims-
styrjöldin skall á 1. september) en
komast ekki að niðurstöðu, ákveða
aðeins að hittast á þessari sömu krá,
sama dag að ári liðnu. Þetta er klúð-
ursleg stríðsmynd, fær næstlægstu
einkunn.
19. nóvember
Stöö 2 kl. 15.20
CARMEN**
Frönsk/ítölsk bíómynd gerb 1984
Leikstjóri: Francesco Rosi
Abalhlutverk: Julia Migenes-
Johnson, Placido Domingo,
Ruggero Raimondi, Faith Esham
o.fl.
Fræg kvikmynd byggð á óperu Biz-
ets um sígaunastúlkuna Carmen,
sem er einhver sú frægasta ópera
sem skrifuð hefur verið, lögin enda
alþýðleg oftast nær. Migenes-John-
son þessi er ekki einasta söngkona,
heldur og dansari og leikari og nýtir
sér það vel. Placido Domingo leikur
márann, svartur í andliti og tilkomu-
mikill. Þessi mynd hefur fengið mis-
jafna dóma, Maltin gefur henni tvær
stjörnur, þ.e. næstlélegustu ein-
kunn, og segir að óperuunnendur
muni að vísu hafa gaman af, en að-
eins ef þeir loki augunum. Tónlistin
svíkur ekki, en þvi miður hefur eitt-
hvað misfarist við gerð kvikmynd-
arinnar. Það er í henni margt til-
komumikið atriðið.
dagbókin
hennar
dúllu
Mig hefur aldrei á ævinni langað
jafnmikið til að vera í útlöndum og
einmitt núna. Eg fíla svo æðislega
stemmninguna í Berlín að ég er viss
um að ég var þýsk í öllum fyrri líf-
um!
Fyrst var ég nú alveg skíthrædd
fyrir hönd grey fólksins þarna, sem
tók sénsinn á að fara í kröfugöngur
og heimta frelsi og þannig. Það
hefði getað lent í því að vera drepið
eða sett í fangelsi eða eitthvað voða-
legt. (Það er sko algjört frat ef þetta
fólk fær ekki friðarverðlaunin hans
Nóbels á næsta ári. Mér finnst þau
hafa verið meiriháttar hugrökk í
þessu öllu.) Eiginlega skil ég ekki af
hverju löggan og herinn og stjórnin
í Austur-Þýskalandi leyfðu liðinu að
mótmæla svona opinberlega og láta
það fréttast til hinna Evrópuland-
anna eins og ekkert væri...
Amma á Einimelnum segir að rík-
isstjórnin þarna fyrir austan hafi
verið orðin gjörsamlega uppgefin á
því að stjórna þessu basli, sem var á
þjóðinni, og verið guðs lifandi fegin
að losna við ábyrgðina á öllu vesen-
inu. Það var víst ekkert til í búðun-
um nema reykt síld og gaffalbitar og
engin tískuföt eða neitt. Meira að
segja gallabuxur og geisladiskar
voru ófáanlegir. Ráðherrarnir í land-
inu fengu ekki einu sinni almenni-
lega bíla, heldur þurftu að keyra um
á Lödum og Skódum og Traböntum.
Svo þetta hefur náttúrulega ekki
verið nokkurt einasta líf og mesta
furða að kallarnir hafi nennt þessu
svona lengi.
Ég var samt rosa hrædd um fólkið
í mótmælagöngunum, því Bella vin-
kona segir að löggur og hermenn í
kommúnistalöndum séu alveg
ógeðslega hættuleg fyrirbæri. Ég
bjóst alveg við að það yrði ofsa
blóðbað og allir mótmælendurnir
myndu verða píndir til að hætta, en
þá var Berlínarmúrinn barasta opn-
aður eins og ekkert væri. Og Guuuð,
hvað mig langaði að vera viðstödd,
maður. Ég vakti í heila nótt til
að hlusta á enska útvarpsstöð, sem
var með beina útsendingu, og það
vareinsog 17. júní og gamlárskvöld
i einum pakka. Alveg sjúkleg
stemmning!!! Ég er viss um að
krakkar á mínum aldri hafa fengið
að gera allt, sem þeim sýndist. Vaka
og drekka og allt...
Amma á Einimelnum er að hugsa
um að bjóða mér kannski í nokkra
daga með sér til Berlínar næsta
sumar, en ég er viss um að fjörið
verður löngu búið þá. Kallarnir
gætu þar að auki verið búnir að
skipta um skoðun og loka öllu aftur.
Ég hamra þess vegna á því við
ömmu hvað það sé eitursnjallt að
skreppa í jólainnkaup til Berlínar.
Þar sé allt trilljón sinnum ódýrara
en á íslandi og búðafólkið gæti líka
haldið að við værum Austur-Þjóð-
verjar og gefið okkur æðisgenginn
afslátt út af þvi hvað allir eru pósó út
í þá. Ég sá, að amma var soldið veik
fyrir þessu með jólainnkaupin, svo
nú ligg ég á bæn frá morgni til
kvölds. Ég bókstaflega verð að
komast í fjörið í Berlín — og helst fá
geggjaða mynd af mér uppi á múrn-
um!