Pressan - 26.07.1990, Qupperneq 10

10
Fimmtudagur 26. júlí 1990
Ég er að reisa þarna hús sem
ég hef hugsað mér að búa í og
ég held þeim framkvæmdum
áfram, enda engar þær blikur
á lofti að mér sýnist þetta
vera að koma. En ef álverið
kemur riðlast mínar áætlanir
vitaskuld, en á hvern hátt er
óljóst fyrr en staðsetningin
liggur alveg á borðinu."
Aðspurður um hvort jörð
hans myndi ekki hækka tals-
vert í verði ef Flekkuvík verð-
ur fyrir valinu sagði Finnur
það sjálfsagt. ,,Ég hef heyrt
þetta áður. En ég keypti þetta
land á sínum tíma af ættingja
Finnur Gíslason verktaki:
Á meðan engin ákvörðun
hefur verið tekin held ég
mínu striki og byggi mitt
hús; umræður um stóriðju
hafa áður eyðst. Mynd:
Kristín Bogadóttir.
og ef það verð er framreikn-
að yrði upphæðin alls ekki
lág. Síðan er spurningin, ef
hátt kaupverð fæst, hvort Ól-
afur Ragnar verður ekki bú-
inn að fá það til baka aö
mestu í sköttum daginn eftir,"
sagði Finnur.
Gilsbakki:
Ekki áfjáður —
ekki ósáttur
Ólafur H. Baldvinsson á
Gilsbakka í Arnarneshreppi
er sem fyrr segir að mestu
hættur búskap og fluttur til
Akureyrar, búinn að leigja
Framleiðnisjóði kvóta sinn til
5 ára.
,,Ég er út af fyrir sig ekkert
áfjáður í að selja mitt land, en
heldur ekki ósáttur, kominn á
þann aldur að fara að hætta
þessu. Og ekki veitir af álveri
hér um slóðir, það er mikil-
vægt fyrir byggðarlagið,"
sagði Ólafur.
Ölafur sagði að ekkert
hefði verið rætt um landkaup
við sig ennþá. ,,Því síður hef-
ur verið rætt við mig um
verð, en ég tel nokkuð víst að
þeir verði að kaupa landið.
Ég á svo sem ekki von á vand-
kvæðum, hvað mig snertir,
þótt þetta sé ekkert kappsmál
af minni hendi, en mér heyr-
ist á bændum í kring að þeir
séu sumir ekkert áfjáðir í að
selja jarðir sínar, gerist þess
þörf."
Sigurður Baldursson bóndi
á Sléttu í Reyðarfjarðarhreppi
á sem fyrr segir talsvert land
þegar fjalllendi og beitarfand
er meðtalið. Hann segir að
enn hafi ekki verið rætt við
sig um leigu eða kaup á landi,
en segist sjálfur gera ráð fyrir
því að leigja hluta jarðar sinn-
ar ef af álveri verður. „Það
þarf víst um 100 hektara og
ég á vel meira en það af slétt-
Pétur O. Nikulásson heild-
sali: Hefur leitt þessi mál
aö mestu hjá sér. Segir að
auðvitað yrði eftirsjá eftir
jörðinni ef hún yrði keypt
undir álver. Þarna hefur
verið sumarhús fjölskyld-
unnar í 45 ár.
lendi, fleiri hundruð hektara
og talsvert meira með öllu.
En það er erfitt á þessari
stundu að átta sig á þessum
hlutum, staðsetningin er víst
enn ekki örugg. Ef hún verð-
ur að mestu á ræktuðu landi
get ég vart ímyndað mér að
ég geti haldið áfram miklum
búskap. Maður hangir eigin-
lega í lausu lofti og meðan
svo er gerir maður vart ann-
að en að halda sínu striki."
Slétta:
Kvíði
en hagsmunir
í húfi
Aðspurður hvort hann væri
persónulega hlynntur bygg-
ingu álvers á landi sínu sagði
Sigurður að hann hefði vissu-
lega ákveðnar efasemdir.
,,Ég verð að viðurkenna að
það er kvíði í manni yfir því
að álver komi. Slíkt yrði auð-
vitað talsverð bylting hér, ég
er svoddan náttúrubarn og
hefði frekar kosið að yrkja
mína jörð hér eftir sem hing-
að til. En það eru miklir hags-
munir í húfi og það þýðir ekk-
ert að vera með mótþróa —
þá verður jörðin bara tekin af
mér! Það er þá viturlegra að
sætta sig við málið, enda mik-
ið hagsmunamál að fá orku-
frekan iðnað á svæðið. Held-
ur hefði það þó mátt vera iðn-
aður sem er með öllu laus við
mengun. Hér um slóðir eru
flestir jákvæðir út í álver, en
hins vegar hef ég orðið var
við að það er margt fólk
sem segir ekki neitt — þegir
um málið. Ég veit ekki hvað
það fólk hugsar, það er
kannski ekki búið að sætta
sig við álver og hefur kannski
ekki haft trú á því að það væri
möguleiki á að það kæmi
hingað," sagði Sigurður.
Eðlilega voru viðmælend-
ur blaðsins tregir til að tjá sig
um hvort þeir myndu hagn-
ast verulega á því að land
þeirra yrði keypt undir álver.
Á því leikur þó vart vafi að
viðkomandi jarðir hækki í
verði með ákvörðun um
byggingu álvers á staðnum.
Reikna má með því að kaup-
verð verði ekki úrslitaatriði
hjá álversmönnum, sem dag-
lega eru að hugsa í mörgum
milljörðum en ekki nokkrum
milljónum. Það má því reikna
með að landeigandi eða -eig-
endur fái allgott verð fyrir
jörðina og jafnvel einhverjar
bætur að auki ef um mikla
röskun á högum þeirra er að
ræða.
Gráðugum hótað
með eignarnáms-
heimild
Á hinn bóginn er gefið mál
að ekki verður samið um
hvaða verð sem jarðeigandi
setur upp — ef þeir ætla að
þráast við eða setja upp
óraunhæft verð getur við-
komandi sveitarfélag beitt
eignarnámsákvæðum. í slík-
um tilvikum eru tilkvaddir
matsmenn og verða landeig-
endur að sætta sig við niður-
stöðu þeirra. Nær undan-
tekningarlaust hefur þó tek-
ist að semja við landeigend-
ur, þar sem e.k. iðnaðar-
Sigurður Baldursson á
Sléttu: Gerir frekar ráð fyrir
því að leigja hluta af landi
sínu. Segist kvíðinn, enda
náttúrubarn, en ekki dugi
aö streitast á móti, þá
verði landið einfaldlega
tekið af honum. Mynd:
Austri.
eða orkuframkvæmdir hafa
farið fram. Nefna má að mik-
ið hefur verið rætt um
greiðslur Landsvirkjunar (áð-
ur Rariks) til landeigenda við
Blöndu, sem hafa fengið
miklar bætur ög fram-
kvæmdir. í einu tilfelli að
minnsta kosti hefur orðið að
beita eignarnámsákvæðum,
vegna þess að ekki tókst að
semja við eigendur lands.
Það var jörðin Deildartungu-
hver vegna framkvæmda
Hitaveitu Akraness og Borg-
arfjarðar.
Það eru því takmörk fyrir
|)ví hversu langt landeigend-
ur geta gengið, þegar þeir
vilja hagnast sem allra mest á
því happi að hið opinbera eða
risafyrirtæki sæíist í jörð.
Loks er á það að líta að mikið
framboð er á bújörðum um
þessar mundir, en eftirspurn
treg og verð því fremur lágt.
Þegar PRESSAN skoðaði
söluskrá fasteignasölu yfir
bújarðir kom í Ijós að meðal-
verð á hektara var á bilinu
50—60 þúsund krónur. Það
samsvarar 5—6 milljónum
króna fyrir 100 hektara land,
en verðlag á jörðum er því
hærra sem þær eru nær suð-
vesturhorninu. Fleiri þættir
hafa áhrif á verð, svo sem
hvort bústofn fylgir, vélar,
fúllvirðisréttur, stærð rækt-
aðs lands, veiðihlunnindi og
fleira. Fátt af þessu er til stað-
ar á umræddum jörðum, en
það breytir ekki hinu að þar
sem álver rís mun landeig-
andinn að líkindum fá mjög
gott verð fyrir jörð sína —
mun betra verð en gengur og
gerist á markaðnum um þess-
ar mundir — og pottþétta
greiðendur.
KNATTSPYRNAN
ÍSLANDSMÓTIÐ í KNATTSPYRNU
Leikir í 12. umferð: Möguleikar liðanna: Athyglisverðir leikmenn:
FRAM ÞÓR LAUGARDALSVELLI íkvöldkl. 20 Fram virðist geta tapað fyrir hvaða liði sem er eins og hefur sýnt sig í sumar. Margt bendir þó til þess að Framarar séu komnir upp úr öldudalnum. Liðið vann síðasta leik og var óheppið að tapa gegn ÍBV i ní- undu umferð. Þórsarar standa í erfiðri fallbaráttu og hafa þar að auki misst lykilmenn vegna meiðsla undanfarið. Barátta er aðalsmerki liðsins en fleytir því sjaldan langt á útivelli. Spennandi verður að sjá hvort Jón Erling Ragnarsson heldur áfram að skora fyrir Framara en þessi efnilegi leik- maður sat á varamannabekkn- um fram eftir mótinu. Alltaf er spennandi að fylgjast með lyk- ilmönnum Framliðsins þegar þeim tekst vel upp, mönnum eins og Pétri Ormslev og Guð- mundi Steinssyni. Eftir að Júgóslavinn Luka Kostic meiddist skara fáir fram úr i liði Þórs.
ÍBV KR VESTMANNAEYJUM í kvöld kl. 20 Hér er sannarlega hörkuleik- urframundan, bæði liðin á fullu í toppbaráttunni. ÍBV hefur komið mjög á óvart i sumar og sigurinn gegn Fram á dögun- um var sérlega glæsilegur. KR- ingar eru sterkir um þessar mundir og ekki sami heppnis- stimpillinn yfir sigrum þeirra upp á síðkastið eins og í vor. Nýjar knattspyrnustjörnur eru hugsanlega að komast á sjónarsviðið í Vestmannaeyj- um. Nöfn eins og Hlynur Stef- ánsson, Ingi Sigurðsson og Tómas Ingi Tómasson þekktu fáir knattspyrnuunnendur utan Vestmannaeyja þar til í sumar. Þetta voru mennirnir á bak við sigurinn gegn Fram í níundu umferð. Ragnar Margeirsson hefur verið sérlega sterkur í leikjum KR-liðsins upp á síð- kastið og sömuleiðis Rúnar Kristinsson.
STJARNAN FH GARÐABÆ í kvöld kl. 20 Bæði liðin eru um miðja deild en Stjörnumenn hafa leikið betur upp á síðkastið, voru jafnvel óheppnir að ná ekki jafntefli gegn sterku liði KR í hörkuleik á mánudags- kvöld. FH-ingar hafa verið daufir í sumar og gætu lent í fallbaráttu í lokaumferðunum ef ekki tekst að rifa upp meiri baráttuanda í liðinu. Stjarnan er bæði lið framtið- ar og fortíðar. Gamalkunnir kappar á borð við Sveinbjörn Hákonarson og Lárus Guð- mundsson hafa átt góða leiki upp á síðkastið en spennandi er að fylgjast með ungu mönn- unum i liðinu, t.d. Ragnari Gíslasyni, Ingólfi Ingólfssyni og Valdimar Kristóferssyni. Þó að FH-liðið hafi ekki sýnt sama kraft í sumar og i fyrra hefur markahrókurinn Hörður Magn- ússon haldið sínu striki.
VÍKINGUR VALUR VÍKINGSVELLI fösludaginn 27. júlí kl. 20 Víkingar virðast til alls líklegir og geta unnið hvaða lið sem er i deildinni. Spennandi verður að sjá hvort þeir ná stigum af Valsmönnum og hleypa þar með auknu lifi í toppbaráttuna. Valsmenn virðast hins vegar mjög stöðugir um þessar mundir. Sigur í þessum leik myndi auka allverulega líkurn- ar á því að þeir verði íslands- meistarar. Júgóslavinn Goran Micic hefur líklega verið besti maður Vikings í sumar og skorað mörg mörk. Trausti Omarsson hefur verið sterkur í vörninni og Atli Einarsson hættulegur í framlínunni. Hjá Val hefur vörn- in staðið sig afar vel og Sævar Jónsson heldur áfram að skora með sinum þrumufleygum. Ekki ónýtur varnarmaður sem skorar i öðrum hverjum leik.
KA ÍA AKUREYRI föstudaginn 27. júlí kl. 20 Hér er fallbaráttan upp á líf og dauða. KA-menn hafa held- ur sótt i sig veðrið upp á síð- kastið og virðast sigurstrang- legir gegn Skagamönnum sem hafa verið afar máttlausir. Spennandi er að fylgjast með hinum kornunga og efni- lega framherja hjá KA, Þórði Guðjónssyni. Aðrir hafa ekki átt góða leiki. Hjá ÍA hefur Karl Þórðarson staðið upp úr í slöku liði.
STAÐAIM:
leikir u j t mörk stig
Valur 11 8 1 2 19:11 25
KR 11 7 13 16:10 22
Fram 11 6 1 4 22:11 19
ÍBV* 10 5 3 2 16:17 18
Stjarnan 11 4 2 5 14:16 14
FH 11 4 1 6 15:18 13
KA 11 3 1 7 12:15 10
ÍA 11 2 2 7 12:21 8
Þór* 10 2 2 6 6:15 8
* Leik Þórs og ÍBV var frestað í síðustu umferð og verður leikinn í Vestmannaeyjum
næstkomandi mánudagskvöld klukkan 20.