Pressan - 25.07.1991, Blaðsíða 10

10
FIMMTUDAGUR PRESSAN 25. JÚLÍ1991
Pharmaco hf.
FÉKK 30 MILLJÚNA
RÍKISÁBYRGBARLÁN
OFANÍ145 MILLJÓNA
HAGNAB
Á sama tíma og ljóst er að gríðarlegur hagnaður er af rekstri
lyQafyrirtækisins Pharmaco hf. er tekin ákvörðun um að lána
fyrirtækinu 30 milljónir króna í ríkisábyrgð. Sú lánveiting er
hluti af lokalánveitingum hins opinbera til fískeldis og er á afar
hagstæðum kjörum.
Fyrirtækjasamsteypan Pharmaco hf. fékk nýlega út-
hlutað 30 milljónum króna í rekstrarlán vegna fiskeldis-
starfsemi fyrirtækisins. Um er að ræða ríkisábyrgðarlán
á afar hagstæðum kjörum. Fyrirtækið á engin fiskeldis-
fyrirtæki en hefur rekstur tveggja gjaldþrota fyrirtækja
á leigu. Leigan er afar hagstæð; fyrir rekstur íslandslax
greiðir Pharmaco 550.000 krónur á mánuði en fyrir
rekstur Laxalindar greiðir fyrirtækið ekkert.
Nú mun liggja fyrir að hagnaður af rekstri Pharmaco
á síðasta ári var 145 milljónir króna, þannig að fyrirtækið
virðist síður en svo þurfa á niðurgreiddum lánum að
halda.
Nýlega var úthlutað til örfárra
fiskeldisfyrirtækja rekstrarlánum,
sem eru hugsud sem lukalán til fisk-
eldis. Pharmaco hf. fékk hæstu upp-
hæðina, 30 milljónir króna, og er
þaö í takt við úthlutunarreglur þær
sem unnið var eftir, en þar var tekið
mið af veðhæfni og framleiöslu-
magni. Þetta mun duga fyrir rekstr-
arkostnaði við fiskeldisstarfsemi
fyrirtækisins í tvo eða þrjá mánuöi.
Pharmaco hf. á enga laxeldisstöð
en hefur rekstur tveggja slíkra á
leigu. Annars vegar rekstur þrota-
bús íslandslax við Grindavík og hins
vegar rekstur Laxalindar, sem er
fyrirtæki stofnað af kröfuhöfum í
þrotabú Lindalax.
BORGA 550.000 KRÓNUR í
•LEIGU Á MÁNUÐI
Samkvæmt heimildum PRESS-
UNNAR greiöir Pharmaco 550.()()()
krónur á mánuöi, miðað við verðlag
í desember síðastliðnum, fyrir rekst-
ur Islandslax eða 7,2 milljónir króna
á ári. Fyrir rekstur Laxalindar greið-
ir Pharmaco ekkert. Pað eru ekki
háar upphæðir, í Ijósi þess að fast-
eignamat þessara fyrirtækja er taliö
í milljöröum króna. Þá hefur Phar-
maco forkaupsrétt gagnvart íslands-
laxi og getur hvenær sem er leyst til
sín fyrirtækið og yrði kaupverðiö þá
350 milljónir króna, miðaö við des-
emberverðlag. Leigusamningurinn
er til fjögurra ára, frá síðustu ára-
mótum að telja, og gildir forkaups-
réttur Pharmaco allan þann tíma.
Það liggur í augum uppi að samn-
ingsstaöan gagnvart Pharmaco hef-
ur verið rýr, sem sést meðal annars
á því að eftir því sem komist verður
næst greiöir fyrirtækiö fyrir fiskinn,
sem það keypti af þrotabúinu, jafn-
óðum og honum er slátrað.
LÁNIN SKRÁÐ Á PHARMACO
Það eru Islensk matvæli, dóttur-
fyrirtæki Pharmaco, sem sjá um
rekstur fiskeldisfyrirtækjanna og
sagði Sii’ardur Hjörnsson, fram-
kvæmdastjóri fyrirtækisins, að
þessi rekstrarlán yrðu notuð til
rekstrar beggja fyrirtækja, þ.e.a.s. ís-
landslax og Laxalindar. Sagði hann
enda að upphæðin væri merkt
Pharmaco sem sliku en ekki öðru
hvoru fyrirtækjanna. Er rekstur
fiskeldisfyrirtækjanna hluti af
rekstri Pharmaco.
Það kom fram hjá lni(imari Jó-
hannssyni. formanni úthlutunar-
nefndar rekstrarlánanna, að þaö
væri Pharmaco sem væri í ábyrgð
fyrir láninu. Virðist því veðhæfni á
fisk fyrirtækisins ekki skipta miklu,
sem var þó ein af úthlutunarreglun-
um sem unniö var eftir.
Lánin sem hér um ræöir eru tekin
á ríkisábyrgð og eru til sjö ára — þar
af afborgunarlaus fyrstu þrjú árin.
Þau eru verðtryggð en bera aðeins
5% vexti, sem er töluvert undir
markaðsvöxtum.
í ár verður úthlutaö 150 milljón-
um og sömu upphæð á næsta ári.
Kom fram hjá Sigurði að fyrirtækið
mundi ,,aö sjálfsögöu" sækja um þá
og staðfesti Ingimar að Pharmaco
hefði rétt til að senda aftur inn um-
sókn að ári liðnu.
Hinar gífurlegu eignir íslandslax eru nú leigðar á 550.000 krónur á mánuði.
milljónir króna fyrir skatta. Velta
fyrirtækisins í fyrra var um 980
milljónir króna.
Pharmaco hefur, ásamt lyfjafyrir-
tækinu Delta, verið þungamiðjan í
fyrirtækjaveldi Werners Rasmus-
sonar, apótekara í Ingólfsapóteki.
Hefur Pharmaco á undanförnum ár-
um keypt og selt fyrirtæki og í sum-
um tilvikum notið töluverðs skatta-
hagræðis. Slíku mun þó ekki vera til
að dreifa varðandi laxeldisfyrirtæk-
in, en þau skipta hins vegar tölu-
verðu máli upp á rekstur islenskra
matvæla í Hafnarfirði, en þar er lax-
inn méðal annars unninn í neyt-
endaumbúðir. Fyrirtækið íslensk
matvæli varð til við samruna Norð-
urstjörnunnar hf. í Hafnarfirði og ís-
lenskra matvæla hf. Mun fyrirtækið
nú hafa sömu kennitölu og Phar-
maco og vera rekið sem undirdeild
í því. Eftir því sem komist verður
næst greiðir Pharmaco engan tekju-
skatt fyrir síðasta ár, vegna yfirfær-
anlegs taps hjá dótturfyrirtækjum.
FRAMKVÆMDASJÓÐUR
OG FISKVEIÐASJÓÐUR
ENN í FRAMKVÆMDUM
HJÁ ÍSLANDSLAXI
Nú hefur veriö ákveðiö að verja
ekki frekari fjármunum til fiskeldis
en þeim 300 milljónum króna, sem
þegar hefur verið ákveðið að vejta í
sérstök rekstrarlán. Þrátt fyrir það
virðist Ijóst að opinberir fjárfesting-
arlánasjóöir veröi áfram að setja
peninga í það.
Núverandi eigendur íslandslax.
eða réttar sagt þrotabús fyrirtækis-
ins. eru Framkvæmdasjóður ís-
lands. sem á 35%, og Fiskveiðasjóð-
ur, sem á 65%. Frá áramótum hafa
staðiö yfir margvíslegar fram-
kvæmdir og lagfæringar sem þessir
aðilar hafa þurft að kosta. Margar
þessara framkvæmda voru orðnar
aðkallandi. enda hafði reksturinn
verið meö þeim hætti undir lokin að
viðhald var nánast látið eiga sig.
Meðal þess sem hefur þurft að
gera er að skipta um vatnsleiðslu að
stöðinni og lagfæra stæði undir
hana. Einnig þurfti að lagfæra bor-
holu fyrir heitt vatn og bæta dælu-
búnaðinn. Mun það hafa veriö
ákveðiö af bústjórunum fyrir ára-
mót. Þá þurfti viðgerðir á rafmagns-
búnaði.
Eftir þeim upplýsingum sem
PRESSAN hefur aflað sér virðist
Sigurður Már Jónsson
mega álykta að þessar framkvæmd-
ir kosti tugi milljóna en starfsmaður
Fiskveiðasjóðs, Hinrik Greipsson,
neitaði því — taldi upphæðina ná-
lægt 10 milljónum króna.
145 MILUÓNA
HAGNAÐUR PHARMACO
Samkvæmt heimildum PRESS-
UNNAR varð hagnaður lyfjafyrir-
tækisins Pharmaco á síðasta ári 145
Fyrirtæk
Werners Ras-
mussonar,
Pharmaco,
fékk 30
milljóna króna
rikisábyrgðar-
lán
um leið og
kemur i Ijós
að hagnaður
síðasta árs var
145 milljónir.