Pressan - 03.10.1991, Qupperneq 13

FIMMTUDAGUR PRESSAN 3. OKTÓBER 1991
13
Hjá rannsóknarlögreglunni er nú til frekari rannsóknar fjöldi mála á hendur Eddu Sigrúnu Ólafsdóttur
ur héraösdómslögmanni. Ríkissaksóknari hefur nýveriö sent rannsóknarlögreglunni 38 mál til frekari
rannsóknar, en nokkrir mánuöir eru síöan saksóknari fékk málin til ákvöröunar. Saksóknari vill aö 25
mál af þessum 38 veröi skoöuö frekar og Edda Sigrún veröi kölluö fyrir og yfirheyrö á nýjan leik.
Ríkissaksóknari hefur falid rannsóknarlögreglunni að
rannsaka betur 25 mál af 38 málum gegn Eddu Sigrúnu
Olafsdóttur héraðsdómslögmanni. Nú er rétt um ár frá
því Edda Sigrún var kærð til rannsóknarlögreglunnar
fyrir að hafa dregið sér hluta af slysabótum skjólstæð-
inga sinna. Frá því fyrsta kæran barst hafa mörg mál bæst
við, þau eru nú 38 eins og áður sagði.
Annað hefur vakið athygli við rannsóknina. Það er
hversu lélegt bókhald Eddu Sigrúnar er. Þar vantar mikið
upp á og eflaust tefur það rannsóknina eitthvað. Þrátt fyr-
ir að rannsóknarlögreglan hafi farið yfir 38 mál hefur
ekkert þeirra mála ratað inn á borð stjórnar Lögmanna-
félagsins, sem er jafnframt siðanefnd lögmanna.
Vegna þeirrar stefnu sem máiið
hefur tekið er með öllu óvíst hve-
nær ríkissaksóknari kemur til með
að kæra í málinu. Samkvæmt því
sem PRESSAN kemst næst skipta
svikin milljónum króna og senni-
lega á annan tug milljóna.
MEIRA EN HALDIÐ VAR
Þegar rannsókn á vinnuaðferðum
Eddu Sigrúnar hófst, fyrir rúmu ári,
grunaði fáa að málið væri eins um-
fangsmikið og það í raun er.
Ríkissaksóknari vill að rannsókn-
arlögreglan tali aftur og betur við
tuttugu og fimm af þeim þrjátíu og
átta skjólstæðingum sem Edda Sig-
rún er talin hafa féflett. Ríkissak-
sóknari var með málið í allt sumar.
Það var ekki fyrr en seint í ágúst
sem það var sent aftur til rannsókn-
arlögreglunnar.
Samkvæmt heimildum PREISS-
UNNAR er RLR langt komin með þá
viðbótarrannsókn sem saksóknari
bað um. Búið er að tala við þá tutt-
ugu og fimm skjólstæðinga sem sak-
sóknari vildi að rætt yrði við. Eins er
búið að ræða við Eddu Sigrúnu á ný.
RÚMT ÁR LIÐIÐ
Það voru forráðamenn Sjóvár/AI-
mennra sem fyrstir vöktu athygli
rannsóknarlögreglunnar á uppgjör-
smáta Eddu Sigrúnar. Snemma sum-
ars 1990 komst fyrir hreina tilviljun
upp um að Edda Sigrún hafði dregið
sér stóran hluta þeirra bóta sem
skjólstæðingi hennar bar eftir slys.
Þegar starfsmenn tryggingafélags-
ins komust að hinu sanna fékk rann-
sóknarlögreglan gögn í hendur.
Eftir skamma rannsókn var það
mál sent til saksóknara til frekari
skoðunar. Ríkissaksóknari sá ekki
ástæðu til að halda málinu áfram.
Við svo búið varð ekkert af frekari
rannsókn á málunum.
Það var sem fyrr segir fyrir al-
gjöra tilviljun að upp um svikin
komst. Ung kona, sem Edda Sigrún
hafði unnið fyrir, varð að fá læknis-
vottorð sem fylgdi máli hennar.
Edda Sigrún var á ferðalagi og unga
konan leitaði því til viðkomandi
tryggingafélags. Þegar hún fletti
gögnum málsins með starfsmönn-
um tryggingafélagsins kom í Ijós að
ungu konunni höfðu verið dæmdar
bætur sem voru fimm hundruð þús-
und krónum hærri en Edda Sigrún
hafði staðið skil á.
FORMLEG KÆRA BARST
Einn skjólstæðinga Eddu Sigrún-
ar viidi ekki una uppgjöri frá henni.
Þrátt fyrir að hafa reynt að fá Eddu
Sigrúnu til að standa skil á þeim
peningum, sem honum bar, gerði
hún ekki skil á greiðslunum.
Við svo búið fór maðurinn til
rannsóknarlögreglunnar og lagði
fram formlega kæru. Það var þá
sem hjólin tókust að snúast á ný og
alls komu mál Eddu Sigrúnar og
þrjátíu og átta skjólstæðinga hennar
til rannsóknar.
Ríkissaksóknari hefur sem sagt
óskað eftir frekari rannsókn á tutt-
ugu og fimm málum af þrjátíu og
átta. Að hluta eru það sömu mál og
embætti saksóknara sá ekki ástæðu
til að halda áfram að rannsaka þeg-
ar málin gegn Eddu Sigrúnu komu
þangað í fyrstu umferð.
Varðandi það mál sagði Hallvarð-
ur Einvarðsson ríkissaksóknari í
samtali við PRESSUNA á síðasta ári
að skort hefði kæranda þá og því
hefði málinu ekki verið framhaldið.
DÆMI UM SVIKIN
Til að sýna hvernig uppgjörsmál-
um Eddu Sigrúnar var háttað verð-
ur hér rakin saga eins af skjólstæð-
ingum hennar.
Ungur maður leitaði til hennar ár-
ið 1988. Hann hafði áður lent í tals-
vert alvarlegu umferðarslysi. Ári
eftir að Edda Sigrún fékk málið til
meðferðar tilkynnti hún unga
manninum að honum hefðu verið
dæmdar 900 þúsund krónur í bætur.
Ungi maðurinn hafði fylgst talsvert
með hvað aðrir höfðu í fengið bætur
sem höfðu lent í ámóta slysum. Því
átti hann von á hærri fjárhæð og
sagði Eddu Sigrúnu að hann væri
ekki ánægður.
Þegar hann kom til Eddu Sigrúnar
að sækja peningana sagði hún hon-
um að sér hefði tekist að fá upphæð-
ina hækkaða um eitt hundrað þús-
und krónur, í milljón. Ungi maður-
inn var sáttur við það, en fannst ein-
kennilegt að bótafjárhæðin skyldi
vera nákvæmlega ein milljón.
Skömmu síðar frétti hann af máli
ungi konunnar sem sótti gögn til
tryggingafélagsins, sem varð til þess
að fyrstu grunsemdir vöknuðu.
Hann fór að efast um uppgjörið frá
Eddu Sigrúnu. Hann fór til trygg-
ingafélagsins og fékk að skoða upp-
gjörið á sínu máli. Þá kom í Ijós að
Edda Sigrún hafði tekið á móti
1.357.564 krónum. Hún hafði sem
sagt haldið eftir yfir 350 þúsund
krónum. Edda Sigrún mátti, vinnu
sinnar vegna, halda eftir um 78 þús-
und krónum, en tók til sín 350 þús-
und.
Þetta var ekki allt. Hún hafði einn-
ig tekið í heilu lagi bætur sem ungi
maðurinn fékk vegna tapaðra lífeyr-
isréttinda, 62 þúsund krónur.
Við svo búið fór maðurinn til
rannsóknarlögreglunnar og þar
með fékk málið fyrst alvörurann-
sókn, sem enn stendur yfir, rétt um
ári eftir að formleg kæra barst.
Sigurjón Magnús Egilsson