Tíminn Sunnudagsblað - 12.08.1962, Page 20
sú, að séu dýrin látin í kalt vatn og
það hitað jafnt ag hægt upp í fjörutíu
stig, deyfist þau svo hægt og hægt,
að aldrei verði vart neinna viðbragða,
er bendi til þjáninga. Þess verður þó
að gæta, að rist sé á botni pottsins.
þar eð hann hitnar fljótar en vatnið
Loðfílar í Noregi
Sú var tíðin, að mammútar eða
loðfílar áttu sér heimkynni í Guð-
brandsdal í Noregi. Nú á nokkrum
árum hafa þrem sinnum fundizt
leifar beina úr slikum skepnum. Alls
hafa þar ellefu sinnum fundizt þess
konar minjar, oftast tennur, en
aldrei annars staðar í Noregi.
Árið 1955 var bóndi við Litlaham-
ar að grafa brunn við bæ sinn. Þegar
hann var kominn átta metra niður,
varð eitthvað fyrir honum, er hann
hélt vera stein. Hann bisaði við að
ná þessu, en tókst það ekki. Greip
hann þá sleggju og lét hana ríða á
það. Það var ekki fyrr en hann hafði
brotið það, að hann sá, að þetta var
ekki steinn, heldur bein. Þegar beina-
brotin komust í hendur vísinda-
manna, var búið að steypa innan í
brunninn. Við samanburð á beinum
frá Asíu kom í ljós, að beinin frá
Litlahamri voru brot úr vinstra herða-
blaði úr mammút. Áður en þetta
gerðist, höfðu aðeins fundizt tennur
úr mammút í Noregi.
Næst fundust leifar beina úr
mammút í malarlagi í Fávang, sjö
til átta melra í jörðu niðri. Við rann-
sókn reyndist þetta vera brot aí
sjötta, sjöunda eða áttunda hryggj
arlið mammúts. Kambur þessara
hryggjarliða er sem sé langur og
mjög sérkennilegur og hallast aftur.
Hvíla kambarnir svo þétt hver við
annan, að aftan á þeim sést greini-
lega laut eða far, er hinn næsti hvíl
ir í.
Þriðji fundarstaðurinn var -é svip
uðum slóðum. Vegavinnumaður fann
jaxl úr mammút, nokkuð skaddaðan
af völdum jarðýtu, undir fimm til sex
metra þykku jarðlagi. Mammútar
Kambur af hryggjarlið úr mammút,
fundinn í Guðbrandsdal.
voru tenntir á sama hátt og filai
þeir, sem nú lifa, og reyndist þetta
vera sjötti jaxl — sá, er mammútum
óx síðast. Fílar fá nú þessa tönn,
þegar þeir eru fimmtíu ára gamlir
AI lögun og slitlagi mátti ráða, að
hann var úr neðri kjálka vinstra
megin. Þvert um slitlag jaxlsins voru
fimmtán bryggjur, en á hann vant-
aði að aftan sem nam að minnsta
kosti þrettán slíkum bryggjum. Sýnt
er, að hann hefur eitt sinn setið í
munni stórs og vel þroskaðs dýrs.
sem orð'ið var nokkuð aldrað.
Kosningín
á Seyðisfirði
Framhald af 560. síðu.
ógild og skyldi kosning fara fram
að nýju 9- marz 1909-
IV.
Eftir að úrskurður Alþingis var
fallinn um réttmæti þingkosningar
innar á Seyðisfirði frá 10. septem-
ber 1908, hófst ný sókn vegna þing
kosningarinnar, sem fram skyldi
fara 9. marz 1909. Frambjóðendur
við þá kosningu voru hinir sömu
og fyrr, þeir dr. Valtýr Guðmunds-
son og séra Björn Þorláksson á
Dvergasteini. Var nú hafin grimmi
leg barátta um atkvæði háttvirtra
kjósenda, bæði á prenti, með funda
höldum og óteljandi samræðufund
um við einstaklinga. Jafnvel við
unglingarnir, sem vorum á aldrin-
um 12—18 ára, létum ekki okkar
eftir liggja að taka virkan þátt í
kosningaslagnum. — Meginhluti
þeirra unglinga, sem þar gengu
fram á orrustuvöllinn, fylktu liði
gegn uppkastinu og unnu af
fremsta megni að kosningu séra
Björns.
Daginn fyrir þingkosninguna
(8. marz), fiutti Austri svohljóð-
andi símskeyti frá Reykjavík:
„Meirihluti þingmanna, 24, standa
sem múrveggur.
Forsetar fara 21. þ.m. á konungs
fund.
Meirihlutinn hefur afl atkvæða
í báðum deildum, þótt forsetar
fari.
Allt gagnstætt þessu eru rangar
fregnir.
í þingbyrjun var dr. Valtýr Guð-
mundsson gerður flokksrækur fyrir
framkomu sína seinustu misserin,
og samþykkt var einróma, að hann
yrði ekki (aldrei) í vorn flokk tek-
inn.
í umboði meirihluta á þingi:
Björn Kristjánsson,
Sig. Gunnarsson".
Að morgni hins 9. marz var bjart
veður, frostlítið. eða frostlaust, en
lítilsháttar snjór á jörðu. Kjörfund
ur átti að hefjast klukkan tíu ár-
degis og kjörstaðir voru í barna-
skólahúsinu. Við unglingarnir höfð
um vígstöðvar á ýmsum stöðum í
bænum. Skiptum við okkur niður
í hópa og jafnframt voru einstak-
lingum faldar aðgerðir. Einn hóp-
urinn tók að sér að moka þriðjung
af tröppum barnaskólans. Þar ætl-
uðum við liði séra Björns að ganga
upp, en andstæðingarnir áttu að fá
að kafa snjóinn- í þeim hópi voru
meðal annarra tveir synir eins af
aðalstuðningsmönnum dr. Valtýs.
Þegar dr. Valtýr kom á kjörstaðinn
í fylgd háttsettra herforingja í liði
Slitlag iaxls úr mammút úr Guðbrandsdal. Jaxla, sem samsvara þessum, taka
fílar, þegar þelr eru fimmtíu ára.
£72
TÍMINN
SUNNUDAGSBLAÐ