Morgunblaðið - 24.04.2004, Qupperneq 55

ÍÞRÓTTIR
MORGUNBLAÐIÐ LAUGARDAGUR 24. APRÍL 2004 55
ATLI Sveinn Þórarinsson, knatt-
spyrnumaður, sem hefur leikið
með Örgryte í Svíþjóð undanfarin
ár, er að öllu óbreyttu á leið
heim til Íslands á ný. Hann geng-
ur þá til liðs við sitt gamla félag,
KA, og spilar með því í úrvals-
deildinni í sumar.
Vignir Þormóðsson, formaður
knattspyrnudeildar KA, sagði við
Morgunblaðið í gær að samningar
við Atla væru á lokastigi og segja
mætti að 99 prósent öruggt væri
að hann léki með Akureyrarlið-
inu í sumar.
„Það verður gengið endanlega
frá þessu á næstu dögum og fyr-
irhugað er að við semjum við
Atla út þetta tímabil og hann
komi til okkar í byrjun maí. Það
er góður fengur að fá Atla til
okkar á ný, hann er uppalinn hjá
félaginu, mjög sterkur varn-
armaður sem verður okkur góður
liðsauki, og hann hefur öðlast
mikla reynslu af dvöl sinni í Sví-
þjóð,“ sagði Vignir.
Atli er 24 ára og lék með KA í
1. deildinni frá 1997 til 1999, alls
43 leiki, þá á aldrinum 17 til 19
ára. Hann hefur verið í röðum
Örgryte frá árinu 2000 og hefur
spilað 44 leiki með félaginu í
sænsku úrvalsdeildinni. Atli hefur
verið varamaður í öllum leikjum
Örgryte til þessa í deildinni í ár
og aðeins fengið tækifæri í einum
þeirra. Hann hefur spilað 2
A-landsleiki og 11 leiki með yngri
landsliðum Íslands.
Atli Sveinn er á leiðinni
til KA-manna frá Örgryte
MIKLAR líkur eru á að Bjarni
Þór Viðarsson, drengjalands-
liðsmaður í knattspyrnu úr
FH, gangi til liðs við enska úr-
valsdeildarfélagið Everton.
Eins og áður hefur komið
fram, gerði Everton Bjarna
tilboð fyrir skömmu, sem og
Anderlecht og Reading. Ólaf-
ur Garðarsson, umboðsmaður,
staðfesti við Morgunblaðið að
Everton hefði verið gert gagn-
tilboð og línur myndu skýrast
á allra næstu dögum.
Bjarni Þór er 16 ára og spil-
aði 9 af 10 leikjum drengja-
landsliðsins 2003, sem komst í
milliriðil Evróupkeppninnar,
og hann er áfram gjaldgengur
í liðið á þessu ári. Bjarni Þór
er bróðir Arnars Þórs, fyr-
irliða Lokeren, og Davíðs
Þórs, Lilleström. Þeir eru syn-
ir Viðars Halldórssonar, fyrr-
verandi landsliðsmanns úr FH.
FÓLK
 ÓLAFUR Gottskálksson, knatt-
spyrnumarkvörður úr Keflavík, kom
heim í gærkvöld eftir vikudvöl hjá
enska 1. deildarliðinu Watford. Ólaf-
ur sagði við Morgunblaðið að Wat-
ford hefði boðið sér að koma aftur og
hann færi að öllu óbreyttu þangað í
byrjun maí og yrði aftur í eina viku
hjá félaginu. Ólafur æfði jafnframt
einu sinni með 1. deildarliði Reading í
ferðinni.
 KNATTSPYRNURÁÐ ÍBV hefur
samið við Magnús Má Lúðvíksson um
að leika með félaginu í sumar. Hann
spilaði með 3. deildarliði Drangs síð-
asta sumar en lék áður með Val,
Fjölni og KR, og hefur verið til
reynslu hjá Eyjamönnum undanfarn-
ar vikur.
 HEIÐAR Davíð Bragason féll í
gær úr keppni á Opna spænska
meistaramótinu í golfi sem nú stend-
ur yfir á Kanaríeyjum. Hann lék ann-
an hringinn á 76 höggum, eða 6 högg-
um yfir pari, og lék þar með samtals á
154 höggum, eða 13 höggum yfir pari.
Heiðar Davíð hafnaði í 147 sæti af 151
keppanda.
 ANDERLECHT varð í gærkvöld
belgískur meistari í knattspyrnu í 27.
skipti. Club Brugge, eina liðið sem
gat náð Anderlecht, gerði þá jafntefli,
1:1, við Moeskroen og er 10 stigum á
eftir Anderlecht en á aðeins þrjá leiki
eftir. Íslenski drengjalandsliðsmað-
urinn Rúrik Gíslason er í röðum And-
erlecht en hann hefur þegar leikið tvo
leiki með varaliði félagsins.
 MARCEL Desailly, fyrirliði
Chelsea, var í gær úrskurðaður í
þriggja leikja bann í Meistaradeild
Evrópu í knattspyrnu af aganefnd
UEFA. Desailly var fundinn sekur
um að hafa gefið Fernando Morient-
es, sóknarmanni Mónakó, olnboga-
skot í leik liðanna á þriðjudaginn. At-
vikið fór framhjá dómara leiksins.
 ENSKA kvennalandsliðið í knatt-
spyrnu, sem mætir Íslandi í vináttu-
leik um miðjan maí, steinlá gegn Níg-
eríu, 0:3, í Reading í fyrrakvöld.
Úrslitin eru óvænt því enska liðið
hafði ekki tapað heima lengi og vann
m.a. Danmörku, 2:0, í vetur. Leanne
Hall, sem varði mark FH fyrir nokkr-
um árum, var í enska markinu en
tveir aðalmarkverðir Englands síð-
ustu árin eru úr leik. Rachel Brown
úr ÍBV meiddist illa og Pauline Cope
frá Charlton gefur ekki kost á sér
lengur.
 JUAN Sebastian Veron leikur ekki
með Chelsea í dag gegn Newcastle og
ekki heldur í deildinni um næstu helgi
eftir því sem Claudio Ranieri greindi
frá í gær. Veron hefur enn ekki náð
sér af meiðslum sem hafa hrjáð hann
meira og minna síðan í haust. Ranieri
viðurkennir að hafa gert mistök þeg-
ar hann tefldi Veron fram gegn
Mónakó í meistaradeildinni í vikunni
vitandi það að Veron ætti enn við
meiðsli að stríða.
AÐDÁENDUR bardagaíþrótta fá
tækifæri til að kynnast nýrri
íþrótt eftir að Íslandsmótinu í júdó
lýkur í íþróttahúsinu við Aust-
urberg um kl. 14 á morgun,
sunnudag. Þá munu rússneskir
gestir kynna sambo, sem er bar-
dagaíþrótt og fór lengi vel leynt í
gömlu Sovétríkjunum en er nú
stunduð af almenningi.
Sambo svipar til júdó en þó eru
fleiri brögð leyfileg, jafnvel svo að
það eru engar reglur. Í fyrrum
lýðveldum Sovétríkjanna voru
ýmsar bardagaíþróttir iðkaðar en
í sambo er búið að safna miklu af
þeim saman og var íþróttin hluti
af grunnþjálfun í lögreglu og
leynilögreglu gömlu Sovétríkj-
anna.
Nú vilja Rússar auka veg henn-
ar um heim allan, jafnvel svo að
sambo nái að verða ólympíuíþrótt.
Í því skyni er kominn til landsins
David Rudmann, sexfaldur Sov-
étmeistari í sambo, sem rekur
sambo-skóla auk þess að skrifa
bækur um íþróttina. Með honum
eru tveir kappar en rússneski
sendiherrann á Íslandi, Alexander
Rannikh, kann sitthvað fyrir sér í
sambo því hann keppti í þunga-
vigt. Það gerir Pútin forseti Rúss-
land líka en hann æfði sambo og
júdó á yngri árum, vann meðal
annars brons á sovéskum stórmót-
um.
Ný bar-
dagaíþrótt
kynnt
Í úrslitum mætir Valur annaðhvortÍslandsmeisturum ÍBV eða FH,
en síðast töldu liðin hefja rimmu
sínu á þriðjudaginn.
Ekki var hægt að
koma þeim leikjum
við í vikunni vegna
síðari undanúrslita-
leiks ÍBV og FC Nürnberg í Áskor-
endakeppni Evrópu sem fram fer í
Vestmannaeyjum í dag. ÍBV og FH
mætast í Eyjum á þriðjudag og
tveimur dögum síðar í Kaplakrika.
Komi til þriðja leiks verður hann
laugardaginn 1. maí. Þriðjudaginn
4. maí er síðan ráðgert að flautað
verði til fyrsta úrslitaleiksins á milli
Vals og annaðhvort ÍBV eða FH.
„Ég ætla að fá æfingaleiki og
nýta þetta hlé sem best til þess að
búa okkur undir úrslitaleikina,“ seg-
ir Guðríður sem hefur ekkert á móti
þessum langa tíma sem nú er á milli
leikja. „Það verður auðvelt að halda
leikmönnum við efnið.“
Guðríður segir alls óvíst hvort
hún getur teflt fram Drífu Skúla-
dóttur í úrslitaleikjunum en Drífa
meiddist illa í ökkla fyrir nokkru og
hefur ekkert getað leikið með Val
upp á síðkastið. „Drífa fór mjög illa
en við vonuðumst eftir að hún gæti
verið með í leikjunum við Stjörnuna
en af því varð ekki. Á þessari
stundu er ómögulegt að segja hvort
hún verður í úrslitaleikjunum. Að
öðru leyti eru leikmenn í fínu lagi.
Ég hef aðeins úr fjórtán leikmönn-
um að spila,“ segir Guðríður en
fækkað hefur í hóp hennar síðan
leiktímabilið hófst í haust. Auk
Drífu fóru Brynja Steinsen og Haf-
dís Hinriksdóttir í barnsburðarleyfi
um áramótin. Þá meiddist Arna
Grímsdóttir í nóvember og var frá
um langan tíma en kom aðeins inn í
myndina á ný í undanúrslita-
leikjunum við Stjörnuna.
„Hvað sem því líður þá hefur leik-
tímabilið verið mjög skemmtilegt
hjá okkur Valsmönnum og ég er
mjög stolt af leikmönnum sem sýnt
hafa mikinn karakter þrátt fyrir
ýmis skakkaföll,“ segir Guðríður
sem lengi hefur staðið í eldlínu ís-
lensks kvennahandknattleiks, lengst
af sem leikmaður í allra fremstu röð
og nú síðustu ár sem þjálfari.
„Liðið hefur staðið sig vel og
brotnaði aldrei gegn Stjörnunni.
Það lét markverði Stjörnunnar ekki
slá sig út af laginu þrátt fyrir að
þeir verðu vel, þetta 26 til 27 skot í
hvorum leik. Leikmenn mínir sköp-
uðu sér mörg færi og það sem við
verðum að gera í næstu leikjum er
að einbeita okkur betur að að nýta
þau fjölmörgu færi sem fáum í
hverjum leik,“ segir Guðríður sem
eins og flestir reiknar frekar með að
ÍBV leiki til úrslita en FH. Guðríður
segir samt að ekkert sé gefið í þeim
efnum, FH hafi sýnt það með því að
leggja Hauka í tveimur leikjum.
„Ef allir leikmenn eru í lagi hjá
ÍBV þá er Eyjaliðið sterkast en það
hefur verið á fullri ferð í Evrópu-
keppninni og það tekur eflaust sinn
toll frá leikmönnum, bæði líkamlega
og andlega, ekki síst sá stóri skellur
sem liðið fékk í Þýskalandi. Það er
ljóst að það geta orðið hörkuleikir á
milli ÍBV og FH og ekkert sjálf-
gefið um úrslit þótt vissulega sé
ÍBV líklegra til hafa betur,“ segir
Guðríður Guðjónsdóttir, þjálfari
Vals.
Morgunblaðið/Sverrir
Valsstúlkan Gerður Beta Jóhannsdóttir sækir að marki Stjörn-
unnar, þar sem Jóna Margrét Ragnarsdóttir er til varnar.
Valur verður að bíða í 12 daga eftir ÍBV eða FH
Auðvelt að halda
þeim við efnið
„MÉR líst ágætlega á þetta hlé sem við fáum. Nú tökum við okkur frí
fram yfir helgi og förum þá að búa okkur undir úrslitaleikina en sá
fyrsti verður þá rúmri viku síðar,“ sagði Guðríður Guðjónsdóttir,
þjálfari Vals, sem í fyrrakvöld stýrði liðinu í fyrsta sinn í úrslit Ís-
landsmóts kvenna í handknattleik.
Eftir
Ívar
Benediktsson
Bjarni Þór
líklega til
Everton