Morgunblaðið - 27.05.2004, Qupperneq 61

FRÉTTIR
MORGUNBLAÐIÐ FIMMTUDAGUR 27. MAÍ 2004 61
Sumarið er tíminn!
Yfir 70 áfangar í boði.
Kennt frá 27. maí til 25. júní.
Nám fyrir nemendur í 10. bekk hefst 9. júní.
Netinnritun á www.fb.is.
Innritun í FB á milli 17:00 og 19:00 virka daga.
Sumarskólinn í FB
Allar frekari upplýsingar á www.fb.is.
DJÁKNA- og prestsvígsla var í
Dómkirkjunni í Reykjavík sunnu-
daginn 23. maí síðastliðinn. Þá vígði
Karl Sigurbjörnsson, biskup Ís-
lands, Gunnar Jóhannesson guð-
fræðing til embættis sóknarprests í
Hofsós- og Hólaprestakalli í Skaga-
fjarðarprófastsdæmi og Dagnýju
Guðmundsdóttur sem djákna til
þjónustu á Vífilsstaðaspítala. Séra
Dalla Þórðardóttir, prófastur í
Skagafjarðarprófastsdæmi, lýsti
vígslu. Vígsluvottar auk hennar voru
dr. Sigurbjörn Einarsson biskup,
séra Ragnar Fjalar Lárusson, séra
Þór Hauksson, Nanna Guðrún
Zoëga djákni, séra Hans Markús
Hafsteinsson og Þórdís Ásgeirsdótt-
ir, djákni og formaður Djáknafélags
Íslands. Séra Hjálmar Jónsson þjón-
aði fyrir altari.
Djákna- og prests-
vígsla í Dómkirkju
SENDIHERRA Íslands í Svíþjóð,
Svavar Gestsson, verður gestur á að-
alfundi Sænsk-íslenska verslunar-
ráðsins í dag, fimmtudaginn 27. maí.
Hann mun fjalla um það sem helst er
á döfinni í sænsku efnahagslífi um
þessar mundir og möguleika Íslend-
inga á sænskum markaði. Sendiráð
Íslands í Stokkhólmi hefur mark-
visst unnið að kynningu á íslenskum
viðskiptatækifærum, m.a. með því að
standa fyrir Íslandsdegi. Í sendi-
ráðinu er starfrækt íslenskt við-
skiptanet með það að markmiði að
koma íslensku viðskiptalífi á fram-
færi í Svíþjóð. Á fundinum mun
Svavar einnig segja frá starfi sendi-
ráðsins í þessum efnum.
Fundurinn, sem hefst kl. 16 í Húsi
verslunarinnar, er öllum opinn og að
honum loknum verður boðið upp á
léttar veitingar.
Skráning fyrirfram er nauðsynleg
í síma 510 7100 eða í fundir@chamb-
er.is.
Ræða mögu-
leika á sænsk-
um markaði
KÓPAVOGSDEILD Rauða kross
Íslands hefur verið sæmd viður-
kenningu sem vel starfandi deild.
Garðar Guðjónsson, formaður deild-
arinnar, veitti viðurkenningunni við-
töku á aðalfundi Rauða kross Ís-
lands sem haldinn var á Selfossi
nýverið. Þetta er þriðja árið í röð
sem Kópavogsdeild fær viðurkenn-
ingu fyrir framúrskarandi starf; árið
2002 var það fyrir heimsóknarþjón-
ustu og árið 2003 fyrir starf sjálf-
boðaliða í Dvöl, athvarfi fyrir geð-
fatlaða.
Sjálfboðaliðum Kópavogsdeildar
hefur fjölgað mikið undanfarið, ekki
síst í heimsóknarþjónustu, og deildin
hefur sett af stað ný verkefni, þar á
meðal starf með ungum innflytj-
endum og sjálfboðið starf í Fjöl-
smiðjunni. Meðalaldur sjálfboðaliða
hefur einnig lækkað töluvert en
yngstu sjálfboðaliðarnir eru á tán-
ingsaldri. Nú starfa tæplega 100
sjálfboðaliðar fyrir deildina.
Kópavogsdeild
Rauða kross
Íslands fær
viðurkenningu
Málþing um kennsluhætti Á morg-
un kl. 19.30 verður haldið málþing
um kennsluhætti í sagnfræði í sal
ReykjavíkurAkademíunnar á 4. hæð
JL hússins (Hringbraut 121). Mál-
þingið ber yfirskriftina „Sögu-
kennsla á villigötum?“ Að því standa
Sagnir, tímarit sagnfræðinema og
Sagnfræðingafélag Íslands.
Hugmyndin með málþinginu er sú
að stuðla að opinni umræðu um þá
hugmyndafræði sem liggur að baki
kennslu og miðlun sögu.
Skákmaraþon á morgun, föstudag,
klukkan 10 að morgni ætlar Hrafn
Jökulsson að setjast að tafli í Smára-
lind og er takmark hans að tefla
stanslaust í 30 klukkustundir gegn
allt að 200 áskorendum. Hann teflir
við einn í einu og verður meðallengd
hverrar skákar um tíu mínútur. Til-
gangurinn er að safna áheitum í
þágu Hróksins. Skákfélagið Hrókur-
inn óskar eftir börnum sem hafa
áhuga á að taka þátt í þessu heims-
meti með því að tefla við Hrafn á að-
faranótt laugardags. Um nóttina
munu liðsmenn Hróksins búa vel að
þeim ungu keppendum sem hafa
áhuga á að vera með. Foreldrum er
að sjálfsögðu velkomið að taka eina
bröndótta við Hrafn og skrá sig þar
með í sögubækurnar.
Meistaraverkefni Föstudaginn 28.
maí kl. 10.00 heldur Róbert Arnar
Karlsson fyrirlestur um verkefni sitt
„Sjálfvirk greining æða í fjölrása
augnbotnamyndum“ til meistara-
prófs í rafmagns- og tölvuverkfræði.
Fyrirlesturinn verður haldinn í stofu
158 í VR-2, húsakynnum verkfræði-
deildar Háskóla Íslands. Meistara-
prófsnefndina skipa Jón Atli Bene-
diktsson prófessor, sem jafnframt er
aðalleiðbeinandi, Einar Stefánsson,
prófessor, og Jóhannes R. Sveins-
son, dósent. Allir velkomnir á meðan
húsrúm leyfir.
Á MORGUN
MÍMIR – símenntun hefur út-
skrifað 57 leiðbeinendur hjá leik-
skólum Reykjavíkurborgar. Luku
þeir 80 kennslustunda fagnám-
skeiði II. Meðal námsefnis á fag-
námskeiði II er þroskasálfræði,
uppeldisfræði, tónlist, leiklist og
framsögn auk ýmissa annarra
námskeiða. Námskeiðið er liður í
símenntunaráætlun Leikskóla
Reykjavíkur en undanfari þess er
fagnámskeið I, 50 kennslustunda
námskeið sem haldið var í mars
síðastliðnum. Þessi tvö námskeið
hafa það markmið að efla þekk-
ingu og færni leiðbeinenda leik-
skóla í starfi sínu með börnum.
Þátttakendur á námskeiðinu voru
allir í stéttarfélaginu Eflingu, að
því er fram kemur í fréttatilkynn-
ingu.
Leiðbeinendur útskrifaðir
FJÖLBRAUTASKÓLINN í Garða-
bæ brautskráði 63 stúdenta og
einn nemanda með verslunarpróf
síðastliðinn laugardag. Nokkrir
nemendur luku námi í HG-hópi en
hann starfar undir kjörorðunum
Hópur – Hraði – Gæði og lýkur
námi á þremur árum.
Dúx skólans, Helga Kristín
Jóhannsdóttir, kom úr þeim hópi
en hún útskrifaðist með 9,25 í
meðaleinkunn, Helga flutti jafn-
framt ávarp fyrir hönd nýstúd-
enta.
Ólafur Kjartan Sigurðarson
óperusöngvari og Thelma Hrönn
Sigurdórsdóttir nýstúdent sungu
við athöfnina.
Í ávarpi sínu hvatti Þorsteinn
Þorsteinsson skólameistari nem-
endur til að njóta hvers dags með-
an heilsa leyfir, láta gott af sér
leiða og hrinda góðum hugsjónum
í framkvæmd.
Ljósmynd/Björn Pálsson
Brautskráning í Fjölbrautaskólanum í Garðabæ