NT - 15.11.1984, Side 23
Allsherjar-
verkfall
í Bólivíu
La Paz-Reuter
■ Verkalýðssamtök Bólivíu
lýstu yfir alisherjarverkfalli í
fyrrakvöld þar til stjórnvöld
legðu fram viðunandi lausn á
efnahagsvanda landsins.
Petta er sjötta allsherjarverk-
fallið á þessu ári. í síðustu viku
var tveggja daga allsherjar-
verkfall til að þrýsta á stjórnvöld
til að hækka laun, auka framboð
á matvælum, lækka vöruverð og
auka atvinnu.
Verðbólgan í Bólivíu er nú
rúmlega þúsund prósent á ári.
Forseta landsins, Siles Zuazo,
var rænt fýrr á þessu ári í mis-
heppnaðri valdaránstilraun
hersins. Nú ásaka verkalýðs-
leiðtogar herinn fyrir að skipu-
leggja nýja valdaránstilraun.
Nú eru aðeins tvö ár síðan
lýðræði var endurreist í Bólivíu
eftir tveggja áratuga herstjórn.
Síðan hefur forsetinn orðið að
fást við innanlandsólgu, verkföll
og yfirvofandi valdarán hópa
innan hersins.
Þurrkarnir í Afríku
■ Hungursneyð rfldr nú víða í Afríku og er ástandið í Eþíópíu einna verst. Þessi mynd var tekin í gær í búðum í Eþíópíu þar sem móðir
og fjögur börn hennar borða dagskammt sinn. s.niamynd POLKOTO
Mauritania næsta fórnar-
lamb hungursneyðarinnar
Ottawa-Reuter
■ Dr. Kenneth Hare, sér-
fræðingur í breytingum á
veðurfari í heiminum, segir að
Mauritania verði líklega næsta
fórnarlamb hungursneyðarinn-
ar sem nú herjar í Afríku
Minnkandi úrkoma síðastlið-
inna 20 ára hefur neytt Maurit-
aniumenn til að yfirgefa um
þriðjung af landi sínu þar sem
það var orðið ófrjótt. Flest
bendi til þess að það muni líða
margir áratugir þar til þetta
land verður aftur hæft til rækt-
unar. Um 800.000 manns hafast
nú við í búðum þar sem matvæli
eru af skornum skammti. Margt
af þessu fólki er nú þegar illa
haldið vegna vannæringar.
Lítil úrkoma og ofbeit hefur
leitt til þess að stór svæði í
Vestur-Afríku hafa breyst í
hálfgerðar eyðimerkur. Sér-
staklega hefur ofbeitin verið
alvarleg í Kenya og Madagascar
en einnig í öðrum löndum. Sum-
staðar stafar landeyðingin líka
af því að fólk heggur tré í
eldivið og skilur landið eftir bert
fyrir eyðingarmætti náttúru-
aflanna.
Afríka er eina heimsálfan þar
sem matvælaframleiðsla hefur
dregist saman undanfarin ár á
hvert mannsbarn.
15. nóvember 1984 23
Útlönd
Heimsmet
í mjólk-
urfram-
leiðslu
1983
Genf-Reuter
■ í fyrra voru framleidd
um 500 milljón tonn af
mjólk í heiminum sem
mun vera heimsmet.
Þessi mikla framlciðsla
stafar m.a. af hagstæðum
veðurskilyrðum á mikil-
vægustu mjólkurfram-
leiðslustöðunum. Fram-
lciðslu aukningin frá því
árið 1982 var næstum
fjögur prósent en það ár
hafði framleiðslan aukist
um tvö prósent frá því árið
1981.
Um tveir þriðju hlutar
allrar mjólkur í heiminum
eru framleiddir á fjórum
framleiðslusvæðum, þ.e.
í Efnahagsbandalagi Evr-
ópu, Sovétríkjunum,
Bandaríkjunum og á Nýja
Sjálandi og í Astralíu.
Mjólkurframleiðsla á
þessum svæðum jókst um
4,3 prósent þannig að
nokkur samdráttur hefur
orðið annars staðar.
Reiknað er með því að
mjólkurframleiðslan auk-
ist ekki eins mikið nú í ár
og í fyrra, m.a. vegna þess
að aðildarríki EBE munu
minnka mjólkurfram-
leiðslusínaum l,6prósent
í ár og 3,7 prósent á næsta
ári.
Chirico:
Seldur á
metprís
New York-Reuter
■ Verk eftir súrrealistamálarana
Giorgio de Chirico, Wilfredo
Lamb og Francis Pacabia voru
seld á metverði á uppboði hjá
Christies-fyrirtækinu í New York
fyrr í vikunni.
Verk de Chiricos, sem er þekkt-
astur þremenninganna, „Interiore
Metafisico“ var selt á 350 þúsund
dollara, en áður hafði verk eftir
hann selst á mest 240 þúsund
dollara.
Á sama uppboði voru einnig
boðin upp átta málverk eftir súr-
realistann Max Ernst og seldust
þau öll á mun lægra verði en búist
hafði verið við. „Það mætti halda
að verk Max Ernst væru ekki
lengur í tísku,“ var skýring David
Bathurst, forstjóra Christies.
Jóhannesarborg:
Svartur
biskup
1 óhannesarborg-Reuter
■ Desmond Tutu biskup, sem
fékk friðarverðlaun Nóbels í ár,
hefur verið ráðinn sem fyrsti svarti
biskup biskupakirkjunnar í Jó-
hannesarborg.
Blöð í Suður-Afríku halda því
fram að miklar deilur hafi orðið í
biskupakirkjunni þar vegna
ráðningar Tutu en hann hefur
getið sér orð fyrir eindregna and-
stöðu við aðskilnaðarstefnu
stjórnvalda. Hann hefur hvatt erl-
end ríki til að draga úr stuðningi
sínum við Suður-Afríku og beðið
útlendinga um að hætta fjárfest-
ingum í landinu. Tutu hefureinnig
lýst yfir andstöðu við herskyldu í
S-Afríku
■ Sænski læknirinn Carl-Gustav Groth þvær sér um hendurnar eftir að hafa fram-
kvæmt fyrstu lifrarígræðsluna í Svíþjóð. Groth er læknir við Huddingasjúkrahúsið í
SvíþjÓð. Símamjnd-POLFOTO
Nicaraguastjórn:
Býr sig undir inn-
rás Bandaríkjamanna
Managua-Reuter
Nicaraguastjórn sendi í gær liðsauka
til norðurhéraða landsins en þar telja
leiðtogar í landinu líklegast að Banda-
ríkjamenn muni gera innrás.
Forseti þjóðarráðsins, Carlos Nunez
vitnaði í leyniskýrslu í gær þar sem
sagði að bandarískir herfræðingar
hefðu valið héröðin Chinandega og
Leon sem hugsanlega innrásarstaði.
Þessi héröð eru nálægt landamærum
Nicaragua og Honduras og eru jafn-
framt mjög mikilvæg landbúnaðar-
héröð.
Bandaríkin hafa borið til baka að þau
hafi á prjónunum innrás í Nicaragua en
talsmaður í Pentagon varaði Nicaragua-
stjórn við að Bandaríkin myndu grípa
til nauðsynlegra ráðstafana til að koma
í veg fyrir árás Nicaragua á bandamenn
sína í Mið-Ameríku.
(Mfl W
ULL n JULDAKUAPJUraua IM
FYRIR FÓLKSBÍLA OG SENDIBÍLA
GEFUR
GOODWYEAR
GRIPIÐ
* Fastara gríp
* öruggari hemlun
* Hljóölátari akstur
* Meiri e
HEKLA HF
Laugavegi 170-172 Sfmi 21240