NT - 07.02.1985, Blaðsíða 8

Fimmtudagur 7. febrúar 1985 8

Dag-
bók

Árshátíð Eskfirðinga-og
Reyðfirðingafélagsins
■ Laugardaginn 9. febrúar
næstkomandi verður árshátíð
Eskfirðinga- og Reyðfirðinga-
félagsins haldin í Fóstbræðra-
heimilinu við Langholtsveg.
Samkoman hefst með borð-
haldi kl. 20. Húsið veróur
opnað kl. 19.
Neskirkja -
þorrahátíð aldraðra
■ Samverustund aldraðra
veröur laugardaginn 9. febrúar
kl. 16. Efnt verður til þorrahá-
tíðar. Alþingismennirnir Helgi
Seljan og Karvcl Pálmason
skemmta við undirleik Sigurð-
ar Jónssonar tanniæknis. Frú
Hrefna Tynes stjórnar sam-
kvæmisleikjum. Þá verður
fjöldasöngur og Rcynir Jónas-
son mun leika gömlu góðu
lögin á harmónikuna sína.
Matargestir eru beönir um að
tilkynna þátttöku í athvarfinu,
Safnaðarheimilinu, fimmtudag
kl. I-5, sími 16783, cða til
kirkjuvarðar kl. 5-6 fram til
föstudagskvölds.
Kvennaiistafundur
■ Kvennalistinn heldur
kynningart'und fimmtudaginn
7. febrúar í Félagsheimili
Kópavogs, Fannborg 2, kl.
20.30. Þar verður kynnt kraft-
mikið kvennastarf í Rcykja-
neskjördæmi.
Ný söngsnælda
fráTrú og líf
■ Trú og líf, sem starfar að
útbreiðslu og eflingu kristinnar
trúar, hefur sent frá sér söng-
snælduna „Frá því sól að
morgni rís.“
Snældan er blanda af þrettán
lögum. Dreifing og sala er
þegar hafin og rennur allur
ágóði til starfsins.
Samstilling á
Hverfisgötu
■ Söng og skemmtifélagið
Samstilling er að hefja starf-
semi sína að nýju eftir langt og
gott jólaleyfi og hefur félagið
fengiö til liðs við sig tónlistar-
kennara sem mun raddþjálfa
félaga á nokkrum æfingum.
Félagið kcmur saman á
mánudagskvöldum að Hverfis-
götu 105 efstu hæð og er öllum
frjálst að taka þátt í starfi
félagsins. I stjórn eru Brynja
Bjarnadóttir, Björgvin Björg-
vinsson og Hulda Ingimundar-
dóttir.
Menning
Sinfónískir kammertónleikar
■ Kammertónleikar Sinfóníu-
hljómsveitarinnar í Bústaða-
kirkju 3I. janúar snérust um
strengi, en bólivíski fiðlarinn
Jaime Laredo stjórnaði og lék
einleik. Laredo var undrabarn,
segir í skránni, og hefur víða
gert garðinn frægan, en tengist
nú um tíðir Skotlandi og Skosku
kammersveitinni á einhvern
hátt. Á efnisskrá voru fjögur
verk:
G.F. Hándel, Concertogrosso í
G-dúr
Hafliði Hallgrímsson: „Poemi"
J.S. Bach Fiðlukonsert í a-moll
F. Mendelssohn: Sinfónía í c-
rnoll
Margir, þ.á.m. ritstjóri tón-
leikaskrár, töldu frumflutning
„Poemi“ eftir Hafliða Hall-
grímsson sæta mestum tíðind-
um á þessum tónleikum. Verkið
er e.k. fiðlukonsert og samið
fyrir einleikarann Jamie Lar-
edo, sem spilaði afburðavel.
Hafliði er mjög nosturssamt
tónskáld og mikill fagmaður, en
einhvern veginn höfða hans
íhugulu og fíngerðu verk ekki
til mín. Hins vegar heyrði ég á
mörgum, að þeim þótti „Poemi“
gott í flesta staði, enda mun svo
vera.
Þá þótti mér fiðlukonsert
Bachs betri, og prýðilega
fluttur. Þótt tónlist Bachs þyki
„stærðfræðileg" í byggingu -
því tónskáldið þaulvinnur efni-
við sinn - þá fer því fjarri að
Jóhann Sebastían hafi verið til-
finningalítill maður eða tónlist
hans eigi að flytja með kaldri
nákvæmni. Þvert á móti var
Bach 20 barna faðir og tónlist
hans, eins og flest tónlist þessara
tíma, mjög safarík. Og enn
spilaði Laredo lystilega.
Lygilegt má það teljast um
jafn áheyrilegt og fagmannlegt
verk og þessa c-moll sinfóníu
Mendelssohns, að hann samdi
hana á 13. ári, en 12 sinfóníur
hið minnsta hafði hann samið
áður en hin fyrsta hinna firnrn,
sem taldar eru venjulega, leit
dagsins ljós. Þá var skáldið 15
ára. Þegar Mendelssohn vartví-
tugur stóð vinur foreldra lians,
Alexander von Humboldt, á
sextugu og efndi til fyrstu al-
þjóðlegu jarðeðlisfræðiráð-
stefnu sögunnar í Berlín, sem
um 600 vísindamenn sóttu,
þ.á.m. Gauss frá Göttingen,
Örsted frá Danmörku og Babb-
age frá Englandi. Ráðstefnan
vakti nýja rannsóknalöngun
með Humboldt, sem hafði verið
kallaður heim til Berlínar frá
París þar sem hann var að skrifa
saman árangur leiðangurs síns
til Suður og Mið-Ameríku, og
hann reisti segulmælingaskúr úr
tré og kopar í garðinum hjá
Mósesi og Abraham Mendels-
sohn. Þarsat hann með liði sínu
allar nætur og las við kertaljós
af fílabeinskvarða segulmælis
meðan Felix og Fanney Mend-
elssohn æfðu Mattheusar-passíu
Bachs í nærliggjandi laufskála.
Mendelssohn hafði þá nýfundið
þetta stórvirki Bachs, en Hum-
boldt dauðleiddist tónlist. Það
ár sprangaði Jónas Hallgríms-
son í dönskum skartklæðum um
götur Reykjavíkur, nýbúinn að
ljúka námi í Bessastaðaskóla,
og Kristján Rask var austur í
Indlandi að rekja rætur indóevr-
ópskra tungumála.
Þessir kammertónleikar Sin-
fóníuhljómsveitarinnar voru
hinir ánægjulegustu og allvel
sóttir - hins vegar eiga þeir
auðveldlega skilið að menn sæki
þá ennþá betur.
S.St.
■ Lára Rafnsdóttir.
Kraftmikill
píanisti
■ Háskólatónleikar hófust að
nýju miðvikudaginn 30. janúar.
Þeir halda áfram nú á vormisseri
sem fyrr sérhvern miðvikudag í
hádeginu í Norræna húsinu og
hefjast kl. 12:30. Að þessu sinni
lék Lára Rafnsdóttir tvö píanó-
verk, fyrst sónötu nr. 84 eftir
Antonio Soler, og síðan til-
brigði um stef eftir Chopin, eftir
Federice Mompou. Antona Sol-
er (1729-83) var hirðtónskáld
og organleikari á Spáni og samdi
ótalmargar einþættar sónötur
fyrir sembal. Lára lék þessa litlu
sónötu nr. 84 prýðisvel, en með
því að hún endurtók ekki seinni
hlutann, svo sem venja er um
sónötur sem þessar, vöruðu
áheyrendur sig ekki fyrr en um
seinan að verkið var búið, og
tilbrigði um stef eftir Chopin
byrjað.
Federice Mompou (1893-1984)
var að sönnu Spánverji er starf-
aði niest í París. Lára Rafns-
dóttir lék eftir hann tilbrigði um
A-dúr prelúdíu Chopins. æði
mörg og misgóð, en öll lakari en
prelúdían sjálf. Sanrt nægðu
þau til að skemmta áheyrendum
dável, en þó einkum til að sýna
að Lára er kraftmikill og flínkur
píanisti, og ætti að fást við
veigameiri stykki en þessi.
Næstu háskólatónleikar
verða hluti af Myrkum músík-
dögum. Þá (miðvikudginn 6.
febrúar kl. 12:30) leikur Snorri
Sigfús Birgisson píanóverk eftir
sjálfan sig.
S.St.
US Mail með Reykjavíkurstimpli
■ Öll fáum við einhvern póst. þó
ekki sé um að ræða nema opinberar
tilkynningar og kannske eitthvað af
svokölluðum gluggaumslögum. Auk
þess að fá minn daglcga póst heima,
fæ ég einnig nokkuð af pósti sendan
á NT og er þaö rrjest opinber póstur
frá hinum ýmsu löndum er vilja
kynna frímerkjaútgáfu sína. Því hef
ég slíkan inngang, að oft geta vcriö
skemmtilcg bréf, jafnvcl í þessum
pósti, sem þó flestir henda kannske
iieint í ruslakörfuna.
Bréf eitt frá bandarísku póststjórn-
inni hefir þannig orðið mér tilcfni
þessa þáttar. Bréf þetta er scnt frá
Washirigton og í því er tilkynnt ný
útttáfa af notkunarmerkinu fyrir al-
mennan innanlandspóst, með mynd
af fána Bandaríkjanna, en merkið
sjálft ræði ég síðar í þættinum.
Umslagið er eitt al' þessum venju-
legu formumslögum sem notað er
fyrir póst þann sem póstmálastofnun-
in sendir slíkar tilkynningar í og helir
fyrirfram greitt burðargjald. Til
ntarks um það er mynd af erninum og
áletrunin U.S. Mail í ramrna í efra
horni vinstra megin. Auk þess er
tekið fram fyrir ncðan myndina aö
300.00 dala sekt sé við því að misnota
umslagið undir einkapóst. Nú er árit-
un umslagsins til gamla Tímans, frí-
merkjaþáttar og í pósthólf þaö sem
Tíminn hafði er hann var i Edduhús-
inu. Þessu vill Póststofan í Reykja-
vík fá breytt í rétt póstfang, línrir hún
þar af leiðandi bláan niiöa á umslagið
til áréttingar og biður um að svo sé
gert. Ekki nægir þetta samt. Merkja
þarf umslagið með stimplun, svo að
sjá megi liver óskar eftir þessari
leiðréttingu og livenær. Bréfið er því
sett í stimpilvélina á R1 eins og um
vcnjulegt bréf væri að ræða. Því
stimplast þarna merki U.S. Mail með
Reykjavíkurstimpli og umslagið fær á
sig venjulegan notkunarbrag, nema
hvað bandaríska merkið er stimplaö
í Reykjavík. Utkoman, erlendur
stimpill á bandarísku nrerki. Auk
þess þarf svo að árita hvert bréfið á
að fara. Það er gert með því að
póstmaöurinn skrifar R.8. á umslagiö
undir áritun þess. Þarna eru komin 3
atriði sem gera umslagið skemmtilegt
og þess virði aö safna því, til notkunar
hvort sem er í íslensku eða banda-
rísku safni. Auk þcss er svo innihald-
ið, sem staðfestir hvenær það var sent
frá Bandaríkjunum.
Bréf póststjórnar Bandaríkjanna
er dagsett 13. des. og.er tilkynning
unr að gefa eigi út ný merki með
mynd þinghússins og fánans snemma
á næsta ári. Þar sem burðargjald er að
hækka, en ekki er ennþá vitað hve
mikið, og einnig á að stækka merkið
um helming, er samt send mynd af
því, en í stað burðargjaldstölu er
aðeins áritað 00 á merkið. Var þetta
gert á nokkrum myndum bandarískra
merkja sem ákvcöin var útgáfa á á
þessu tímabili. Síðan voru sendar
myndir af sömu merkjum seinna meö
tölunni 22, en það var hið nýja
almenna burðargjald, sem ákveðiö
var eftir hækkunina, sem nú fyrst er
að koma til framkvæmda. Auk þess
verður svo merkið gefið út áfram í
sömu stærð og áður, þ.e. lítil merki í
heftum.
Allt þetta gerði það að verkum að
ég fór að athuga þessi merki nánar er
ég var í Bandaríkjunum um jól og
t'ram í janúar. Hafði ég einmitt keypt
hefti með litlu merkjunum scm þá
voru hið almenna burðargjald, eða 20
centa merkjum. Er ég svo ætlaði að
mæla stærð þessara merkja komst ég
í ekki svo lítinn vanda. Þau voru
misstór. Vinstri rööin í heftinu sem
ég var með var samsett af 24 mm
breiðum merkjum, en sú hægri af
aðeins 20 mm breiðum merkjum.
Einhvcrsstaðar frá hafði ég upplýs-
ingar um aö merkin ættu aö vera 22
millimetra breið. Þá var að heimsækja
nokkur pósthús og skoða slík hefti.
Gerði ég það næstu daga, en fann
hvcrgi nein hefti nema með 22 mm
breiðum merkjum. Fullvissuðu póst-
menn mig urn annað fyndist ekki. Þá
var það endanlegt. Eg hafði keypt
hefti með afbrigðum og var því miður
búinn að nota tvö af þeim á jólakort
innan Bandaríkjanna. Það sem eftir
var af heftinu held ég fast í.
Ég á þess von að myndin af safnsíö-
unni sem hér fylgir með, prentist vel
og þá hefi ég sett upp þessa sögu um
bréfið frá Bandaríkjunum, á svokall-
að Lindner T blað. cn þessi blöð eru
sérstök að því lcyti, að þau eru til í
mörgum mismunandi gerðum, sem
hægt er að velja sér nákvæmlega eftir
efni því sem upp á að setja. Eru
tvöfaldir vasar fyrir uppsetningu efn-
isins og hægt er að hafa bakgrunn
fyrir plastvasana í hverjum þeim lit
sem viðkomandi vill. Hér er t.d.
notaður svartur bakgrunnur.
Á síðunni getur svo að líta bréfið
með þeini þrem viðbótum. senr það
fékk eftir að það kom til íslands, efst
á síðunni. Neðantil við það vinstra
megin. eru svo myndirnar tvær af
frímerkinu sem nú er að koma út og
er 22 centa merki, en neðan þess er
svo mynd merkisins með tölunni 00,
meðan buröargjald var ekki ákveðið.
Þá eru hægra megin á síðunni neðan-
til, tvær fjórblokkir með litla merkinu
eins og það var áður, meðan burðar-
gjaldið var 20 cent. í efri blokkinni
eru afbrigöin tvö - 24 og 20 mm breið.
En fyrir neðan eru hinsvegar eðlileg
merki 22 mnr breið.
Að lokum skal svo tekið fram, að
hafi menn áhuga á að kynna sér
hvernig selja á frímerki á uppboðum
erlendis, geta þeir sent kr. 25.00 t.d.
í ónotuðum frímerkjum til „íslensk
Frímerki s/f, Pósthólf 161, 202 -
Kópavogi... og fá þá sent efni á
íslensku um það.
Lindner T blöðin, sem lvst er hér
að ofan, fást hjá Frímerkjahúsinu,
Lækjargötu 6A. 100 Reykjavík.
Sigurður H. Þorsteinsson.