NT - 23.11.1985, Blaðsíða 2

Áttræð refa-
skyttaogenn
á hlaupum
■ Blessaður vertu, ég finn ekkert á
hvaða aldri ég er og get enn hlaupið
um fjöll og skroppið á sjó,“ segir hin
aldna kempa Þórður Halldórsson frá
Dagverðará en hann er áttatíu ára í
dag.
„Lífið er dásamlegt ef menn kunna
bara að taka því eins og það kemur
fyrir. Menn eiga ekki að hafa tauga-
stríð út af einhverjum hégóma.
Þegar ég lít til baka yfir farinn veg
þá finnst mér þetta búið að vera svo
stutt að þú trúir þvf ekki og nú segi
ég satt. Maður á að sjá ljósglampann
í tilverunni og horfa fram á við. Ég er
búinn að vera refaskytta í 40 ár og í
stríðinu sá ég 9 skip í tunglskini
skotin niður. En þetta er allt liðið og
þá á ekki að dvelja við það um of.
Sumir horfa afturábak endilangan
veginn og það drepur þá.
Þórður endaði samtalið við NT á
eftirfarandi vísu:
Fátt er hraustum manni um megn.
Magnaður iífsins galdur.
Ellina klár ég komst í gegn
og kominn á besta aldur.
Þess má að lokum geta að vinir og
ættingjar munu hylla Þórð í kvöld,
laugardag, að Lýsuhóli í Staðarsveit
og verður þar opið hús fyrir þá‘sem
heilsa vilja upp á áttræðan ungling-
inn.
Ráðabrugg:
Bjórfrumvarpið
endurvakið!!!
Flutningsmenn úr
öllum þingflokkum
' _ r4W Jn iCm
■ Dropar líta nú aftur dagsins ljós
eftir nokkra hvíld. Eflaust verða
þeir lesendum NT til nokkurs fróð-
leiks og skemmtunar eins og áður.
Ef svo er ekki er full ástæða til að
örvænta því að dropateljarinn er
fullur og innihald hans mun skreyta
síður blaðsins reglulega á næstunni.
Eignalaus ríkisstjórn
Matthías Bjarnason samgöngu-
og viðskiptaráðherra hrópaði fyrir
skömmu skoðanir sínar á okurlána-
málum á hæstvirtu Alþingi. Hann
sagðist telja að sá sem tekur okurlán
með allt að 300% vöxtum gerist
sekur um slíkt greindarleysi að við-
komandi eigi ekki skilið að eiga
eign. Ekki var svo að heyra að aðrir
fulltrúar ríkisstjórnarflokkanna
mótmæltu þessari skoðun.
Menn bíða nú spenntir eftir því
að sjá hvort að innblástur ráðherr-
ans leiði til þess að ávöxtur andagift-
arinnar komi næst fram í formi
stjórnarfrumvarps. Það yrði kynleg
lesning. „Hverjum þeim er mælist
hafa greindarvísitölu undir 100 stig-
um er algerlega óheimilt að eiga
fasteign. Heilbrigðisyfirvöldum skal
falið reglubundið eftirlit." Nei
annars! íslendingar geta ekki verið
þekktir fyrir eignalausa ríkisstjórn
og alþingismenn.
Prófkjörskynning
Ingva Hrafns
Ræktarsemi Ingva Hrafns Jóns-
sonar fréttastjóra sjónvarps við
helstu prófkjörskandídata Sjálf-
stæðisflokksins undanfarnar vikur
hefur vakið skiljanlega athygli.
Varla hefur fréttatími í sjónvarpi
liðið án þess að borgarmálefni væri
tekið fyrir með viðtali við einhvern
úr hópi þeirra Sjálfstæðisflokks-
manna sem vonast til að sitja í
borgarstjórn eftir kosningarnar á
komandi sumri. Það er mál manna
að áhugi fréttastofu sjónvarps hafi
aldrei fyrr, eða líklega síðar, verið
jafn mikill á verklegum fram-
kvæmdum borgaryfirvalda í
Reykjavík. Þessi skammvinni áhugi
er slíkur að jafnvel eru kynntar
tillögur sem hugsanlega og eftil vill
muni einhvern tíma verða fram-
kvæmdar eftir umfjöllun réttra að-
ila.
Af þessu tilefni hafði blaðamaður
NT samband við nefndan frétta-
stjóra og bað um að fá sendan
fréttalista yfir fréttatíma undan-
farinna vikna. Ingvi Hrafn kvaðst
ekki afhenda Pétri eða Páli slíkar
upplýsingar en að hann myndi íhuga
málið ef skrifleg beiðni bærist.
Frjáls rekstur útvarps og sjónvarps
lofar sannarlega góðu.
Kverkatakið herðist
Margir hafa undrast hversu grein-
argóðar upplýsingar ýmsir lána-
drottnar hins sáluga Hafskips hf.
höfðu tiltölulega fjótlega um yfir-
vofandi hrun fyrirtækisins. Hugsan-
legar aðgerðir hinna erlendu aðila
höfðu sem kunnugt er áhrif á gang
málsins og enn er óljóst hver þáttur
þessara lánadrottna verður. í stuttu
máli sagt, kverkatakið á Hafskips-
mönnum hertist enn frekar er fregn-
in um væntanlegt gjaldþrot barst út
fyrir strendur landsins.
Nú herma rætnisfullar rægitungur
að skrifstofa skipafélags í Reykjavík
hafi sent öllum helstu viðskiptaaðil-
um og lánadrottnum Hafskips hf.
telex um leið og blaðran sprakk hér
heima. Þar var greint frá stöðu mála
og horfum. Ódýr og fljótvirk aðferð
tilað gera Hafskipsmenn ögn samn-
ingsliprari.
Hér erum
^ við
Nýbýlavegur
Dalbrekka
Auðbrekka
angapreKka
_ Alfholsvegur
Hefur þu hugmynd um
H~útsölunaí "húsin
Við
klippum
veroið niður
• Nærföt
• Barnaföt
• Skartgripir
• Sælgæti
• Blússur
• Leikföng
• Búsáhöld o.fl.
• Handklæöi
• Sængurverasett
• Teygjulök
• Skór
• Skyrtur
• Peysur
• Snyrtivörur'
• Gallabuxur
H-húslð?
Viö seljum umframbirgöir frá
verksmiöjum, heildsölum og
verslunum á eins hagstæöu veröi og hugsast getur
allt árið um kring
Auðbrekku 9, Kópávogi
simi
44440