Morgunblaðið - 14.07.2004, Síða 15

MINNSTAÐUR
MORGUNBLAÐIÐ MIÐVIKUDAGUR 14. JÚLÍ 2004 15
...fyrir konur, karla og börn
Lynghálsi 4 (gegnt MR-búðinni)
110 Rvk. • S: 567 3300• Fax: 567 3309
info@hestarogmenn.is • www.hestarogmenn.is
Keppnis-
fatnaður
Hvítar
keppnisbuxur
Verð frá 4.900
TILBO‹
Svört
reiðstígvél
Verð frá 3.900
TILBO‹
TILBO‹Svartir
keppnisjakkar
Verð frá 6.900
LANDIÐ
Suðureyri | Félagsskapurinn
Mansavinir hélt áttundu Sæluhelg-
ina hátíðlega á Suðureyri um
helgina, en Sæluhelgin varð til ut-
an um marhnútaveiðikeppni ung-
menna í bænum, sem þekkist sem
Mansakeppnin, en hún hefur staðið
í sautján ár.
Sæluhelgin hefur tekið miklum
breytingum frá upphaflegri mynd
sinni og er nú orðin að nokkurs
konar uppskeruhátíð Súgfirðinga
nær og fjær. Þar er meðal annars
keppt í kleinu- og harðfiskgerð,
sleggjukasti, róðri og söng og veita
fyrirtæki í bænum vegleg verðlaun
fyrir góða frammistöðu í hinum
ýmsu keppnisgreinum. Þá eru
einnig veittar viðurkenningar fyrir
fallega garða og snyrtilegar eignir.
Á hátíðinni voru haldnir tón-
leikar með hljómsveitinni Appóló
frá Ísafirði í Þurrkveri, gamalli
fiskverkun sem reist var árið 1915,
en húsið hefur fengið nýtt hlutverk
sem nokkurs konar menningar- og
skemmtihús bæjarbúa. Þá var
haldinn dansleikur með sveitinni
Bikkebane í félagsheimili Suður-
eyrar, en sæluhelgarballið er löngu
orðið einn helsti viðburður sumars-
ins á norðanverðum Vestfjörðum.
Þjappar fólkinu saman
Að sögn Ævars Einarssonar, for-
manns Mansavina, mátti áætla að
um fimm til sex hundruð manns
hafi verið á svæðinu á sunnudag-
inn, sem er tæp tvöföldun bæj-
arbúa. „Við leggjum mest upp úr
því að gera eitthvað fyrir börnin á
þessum dögum, það er sand-
kastalakeppni, kassabílarallí og
fjallganga fyrir þau smæstu,“ segir
Ævar og bætir við að hátíðin
þjappi Súgfirðingum saman. „Þetta
gerir okkur öll að einni fjöl-
skyldu.“
Hátíðinni var að lokum slitið
með hefðbundnum elddansi, þar
sem menn stóðu á hafnargarðinum
með sautján neyðarblys á meðan
sæluhelgarlagið 2004, „Sólin send-
ir yl“, var flutt.
Ljósmynd/Páll Önundarson
Sautján blysum var haldið á lofti til að fagna sautjándu Mansakeppninni.
Uppskeruhátíð
Súgfirðinga
HÖFUÐBORGARSVÆÐIÐ
Seltjarnarnes | Vinna við niðurrif
Ísbjarnarins á Seltjarnarnesi er nú í
fullum gangi og hefur þegar gengið
nokkuð á húsið. Stefnt er að því að
byggingin verði að fullu rifin, flokk-
uð og fjarlægð á næstu fjórum til
sex vikum.
Að sögn Jónmundar Guðmars-
sonar, bæjarstjóra Seltjarnarness,
er mikilvægt að vel sé staðið að
förgun byggingarefna þessa gamla
húss. „Þetta er allt flokkað eftir
kúnstarinnar reglum,“ segir Jón-
mundur. „Ástæðan fyrir því að rifið
tekur svona langan tíma er fyrst og
fremst flokkunin. Það tekur í raun
mjög stuttan tíma að fella Ísbjörn-
inn, þótt húsið sé mikið að burðum,
en meiri tíma tekur að flokka efnin
og ganga svo frá að þeim sé öllum
komið fyrir og fargað samkvæmt
lögum og reglum.“
Jónmundur segir Ísbjörninn
vissulega hafa ríka skírskotun í
sögu Seltirninga, enda sé um að
ræða sögufrægt hús sem tengist at-
vinnustarfsemi á Seltjarnarnesi frá
fornu fari. Lengi hefur þó staðið til
að endurskipuleggja svæðið sem
það stóð á, en bærinn keypti húsið
fyrir mörgum árum og hefur leigt
það út til ýmissa aðila á meðan verið
var að ákveða framtíðarskipulag
svæðisins. „Húsið var komið að nið-
urlotum, enda stóð ekki til að það
yrði nýtt til framtíðar, heldur dróst
einfaldlega að skipulag svæðisins
kæmist á rekspöl,“ segir Jónmund-
ur. „Nú hyllir undir það og virðast
Seltirningar nokkuð sammála um að
framkvæmdir séu orðnar tímabær-
ar.
Samkvæmt ákvörðun bæj-
arstjórnar stendur til að vinna nýtt
deiluskipulag fyrir svæðið sem gerir
ráð fyrir að á Hrólfsskálamel, þar
sem Ísbjörninn stóð, komi annars
vegar blönduð byggð íbúða og þjón-
ustu og hins vegar keppnisvöllur
með gervigrasi. Í fyrirhuguðu
skipulagi sem nú er á vinnslustigi er
gert ráð fyrir að gervigrasvöllurinn
verði þar sem Ísbjörninn stóð. Jón-
mundur segir landið afar verðmætt.
„Þetta land er talið með verðmætari
byggingarsvæðum höfuðborg-
arsvæðisins og það er mikill áhugi
meðal Seltirninga á því að þarna
verði skipulagt og framkvæmt,“
segir Jónmundur og bætir við að
góð sátt sé um það að kveðja Ís-
björninn, enda tími hússins liðinn.
Á dögunum buðu Bubbi Mort-
hens og Tolli bróðir hans Seltirn-
ingum í heimsókn í vinnustofu Tolla
í Ísbirninum í tilefni af framkvæmd-
unum, þar sem Bubbi kvaddi húsið
með viðeigandi hætti þegar hann
söng Ísbjarnarblúsinn sem meðal
annars hefur gert nafn hússins og
starfsemi samnefnds fyrirtækis
ódauðleg.
Ísbjörninn víkur fyrir blandaðri byggð og fótboltavelli
Morgunblaðið/Þorkell
Nokkuð hefur gengið á hið sögufræga hús, en gert er ráð fyrir að niðurrifinu verði lokið innan sex vikna.
Ódauðleg bygging kvödd
Reykjavík | Reykjavíkurborg hefur
gert samning við sálfræðiþjónustuna
Þel um handleiðslu og fræðslu vegna
stofnunar þjón-
ustumiðstöðva.
Þetta kemur fram á
fréttavef Reykja-
víkurborgar.
Samkvæmt
samningnum mun
fagfólki frá Fé-
lagsþjónustunni,
Fræðslumiðstöð,
Leikskólum
Reykjavíkur, Miðgarði og Vest-
urgarði standa til boða fræðsla um
þverfaglegt starf og leiðir til að
byggja upp þjónustu í nýju lands-
lagi, en áætlað er að þjónustu-
miðstöðvarnar verði opnaðar á
næsta ári.
Á annað hundrað sérfræðingum
þessara stofnana verður boðin þátt-
taka á fræðslufundum sem hefjast
haustið 2004 og verða reglubundið
fram til ársloka 2005.
Fleiri fræðsluáætlanir eru í und-
irbúningi vegna stofnunar þjónustu-
miðstöðva, en öllum borgarstarfs-
mönnum sem veita upplýsingar í
síma, m.a. í tengslum við stofnun
símavers, verður boðin fræðsla á því
sviði.
Þá verður stjórnendum þjónustu-
miðstöðva, ráðgjöfum ÍTR og öðrum
sem sinna hverfastarfi boðin þátt-
taka á námskeiðum sem hafa það að
markmiði að efla grasrótarstarf í
hverfunum í samstarfi við íbúa og
frjáls félagasamtök.
Fræðsla vegna þjón-
ustumiðstöðva
AUGLÝSINGADEILD
netfang: augl@mbl.is eða sími 569 1111