Morgunblaðið - 14.07.2004, Qupperneq 33

DAGBÓK
MORGUNBLAÐIÐ MIÐVIKUDAGUR 14. JÚLÍ 2004 33
Bensínverð á Íslandi
ÉG var að enda við að lesa grein í
Fjarðarpóstinum þar sem Atlants-
olía er óhress með slagorð Ork-
unnar. Þeir hafa notast við „,Ork-
an alltaf ódýrust!“ og nú einnig
„Orkan bensín er alstaðar ódýr-
ast!“ Það er alltaf verið að ljúga
að samborgurum okkar með því
að nota sálfræði og auglýs-
ingabrellur á okkur svo þeir geti
notið góðs af.
Fyrir það fyrsta finnst mér fá-
ránlegt að bensínverð sé ekki það
sama á öllum stöðvunum. Ég fór í
bæinn um daginn á ónefnda bens-
ínstöð og þar var verðið hærra
heldur en í heimabæ mínum, mér
finnst þetta til háborinnar skamm-
ar. Þá kostaði bensínið 104,1 kr.
ltr. En í Hafnarfirðinum kostaði
það 99,9 kr. ltr. Og nú seinast í
gær ætlaði ég að taka bensín hjá
annarri bensínstöð í Breiðholtinu
en þá kostaði bensínið þar 104,1 í
sjálfsaðgreiðslu en í Hafnarfirð-
inum kostaði bensínið 101,4 kr. ltr.
Það ætti að setja lög á olíufélögin
svo þau geti hætt að leika sér að
hinum almenna borgara. Mig
langar einnig að vita hvers vegna
þetta er leyfilegt.
Í lokin vil ég benda fólki á að
sniðganga aðrar vörur en bensín
hjá olíufélögunum því það er til
háborinnar skammar þegar bens-
ínið er orðið verðlagt eftir því
hversu mikil umferð er í kringum
hverja bensínstöð hverju sinni.
Því ég hef tekið eftir því að í
Reykjavík er bensínið mun dýrara
heldur en gerist í minni úthverf-
unum. Ég vil taka það fram í lok-
in, svo þetta vefjist ekki fyrir
neinum, að ég er að tala um sömu
bensínstöðina en verðið er aldrei
hið sama. Það er eins og gjald-
skráin fari eftir því hvar er mikil
umferð og hvar er minni umferð,
það ætti að banna svona lagað.
Óhress viðskiptavinur.
Stríðsminjar í Öskjuhlíð
SKAMMARLEGT þykir mér
ástand stríðsminja í Öskjuhlíð.
Skotbyrgin eru almenningi með
öllu óaðgengileg og engar upplýs-
ingar eru fyrir gesti og gangandi
um sögu svæðisins.
Kostnaður við uppbyggingu
minjasafns myndi einungis nema
verði einnar bifreiðar og er það
eigi mikið.
Ragnar Ingi Ingason.
Gullhringur í óskilum
GULLHRINGUR fannst í skóla-
görðunum í Laugardal fyrir þrem-
ur vikum. Upplýsingar í síma
693 2442.
Velvakandi
Svarað í síma 5691100 frá 10–12
og 13–15 | velvakandi@mbl.is
Dagana 17.–18. júlí verður gengin píla-grímaganga að gömlum sið frá Þing-vallakirkju að Skálholtskirkju. Lagtverður af stað frá Þingvöllum klukkan
10 á laugardagsmorgni og gengið verður yfir í
Lyngdalsheiði til Vígðu laugar á Laugarvatni og
gist í gamla héraðsskólanum. Næsta dag verður
gengið frá Laugarvatni til Skálholts og komið þang-
að um miðjan dag. Skálholtsskóli stendur að skipu-
lagningu göngunnar og þar er tekið við skráningu í
síma 486-8870. Þátttaka í göngunni er ókeypis en
göngufólkið sér um eigið nesti og svefnbúnað. Bern-
harður Guðmundsson er rektor Skálholtsskóla.
Hvernig eru pílagrímagöngur frábrugðnar öðr-
um göngum?
„Pílagrímagöngur eru skipulagðar öðruvísi en
aðrar göngur. Þær eru frábrugðnar öðrum göngum
að því leyti að það er samkvæmt hefðinni gengið á
móti helgum stað. Það er gengið í klukkutíma í senn
og síðan hvílst og er hvíldinni gjarnan gefið ákveðið
innihald með íhugun eða bæn. Stundum er einnig
gengið í þögn.“
Hvað einkennir pílagrímagöngur?
„Einfaldleikinn er lykilorð pílagrímagöngunnar.
Hún mótast af upplifun landslags og náttúru, þar
sem fólk kemst úr hlutverki neytandans en nýtur
hins einfalda lífs og endurnærist á allan hátt. Gang-
an er tæki sem auðveldar fólki að komast úr amstr-
inu og hún sameinar hið innra og ytra landslag
göngufólksins. Hugurinn tæmist og kyrrð færist yf-
ir sálarlífið og ég hvet fólk til þess að taka þátt í
þessari göngu.“
Eru pílagrímagöngur algengar?
„Þær voru ekki óalgengar hérlendis fyrr á öldum.
Menn héldu til Rómar, Jerúsalem og víðar en af-
lögðust með breyttum samgönguháttum. Hins veg-
ar hafa þær hlotið nýjan hljómgrunn erlendis vegna
nýrra viðhorfa til útivistar, líkamlegrar áreynslu og
andlegrar hvíldar og uppbyggingar. Þúsundir
manna streyma nú í sumar gangandi til Comp-
ostella, Rómar, Niðaróss og víðar.“
Verða vanir göngumenn í fararbroddi í göng-
unni?
„Já, það verða þeir Guðbrandur Magnússon og
Pétur Pétursson sem verða leiðtogar pílagríma-
göngunnar. Þeir eru vanir göngumenn og hafa þeg-
ar gengið þessa leið til undirbúnings fyrir gönguna.
Það verður undirbúningsfundur með þátttakendum
fyrir gönguna en Skálholtsskóli skipuleggur ferðina
og þar eru veittar nánari upplýsingar og tekið við
skráningu göngufólks. Þátttaka í pílagrímagöng-
unni er ókeypis og er þetta kjörið tækifæri til þess
að njóta landslagsins og náttúrunnar á Íslandi.“
Útivist | Skálholtsskóli skipuleggur pílagrímagöngu
Pílagrímaganga til Skálholts

Bernharður Guð-
mundsson er fæddur
1937. Hann lauk guð-
fræðinámi frá HÍ 1962.
Árið 1970 gerðist hann
æskulýðsfulltrúi þjóð-
kirkjunnar. Bernharður
lauk námi til meist-
araprófs í fjölmiðlun
1979 og var frétta-
fulltrúi kirkjunnar frá
1979 til 1989. Hann
gerðist þá fræðslustjóri kirkjunnar og gegndi
því starfi til 1991. Bernharður var yfirmaður
ráðgjafardeildar Lútherska heimssambands-
ins í Genf frá 1991 til 1999. Hann hefur verið
rektor Skálholtsskóla frá 2001.
ÁRNESINGAKÓRINN í Reykjavík
tekur, fyrstur íslenskra kóra, þátt í
ólympískri kórakeppni, Choir
Olympics, sem fram fer í Þýskalandi.
Keppnin er nú haldin í þriðja sinn, að
þessu sinni á tveimur stöðum í
Þýskalandi, Bremen og Bremer-
haven. „Fyrir um tveimur árum var
ólympíumótið haldið í Japan og í kjöl-
farið fengum við, ásamt nokkrum
öðrum kórum, bréf þess efnis að
gaman væri að fá íslenska kóra til að
taka þátt í næstu keppni,“ segir
Gunnar Ben, stjórnandi kórsins.
Þátttaka í ólympísku kórakeppn-
inni er aðeins opin kórum skipuðum
leikmönnum. Í dómnefndum eru fag-
menn, sem getið hafa sér gott orð á
alþjóðlegum vettvangi. Meðal dómar-
anna er Þorgerður Ingólfsdóttir,
stjórnandi Hamrahlíðarkóranna.
„Eins og í öðrum ólympíukeppnum
þarf kórinn að hafa náð einhverju lág-
marki til að eiga möguleika á þátt-
töku í riðlakeppninni, sem opin er öll-
um áhugamannakórum. Keppt er um
brons, silfur og gull og fara þeir kórar
í úrslit sem hljóta gullið. Þeir kórar
sem hafa unnið alþjóðleg mót fara
beint í undanúrslitin. Flokkarnir eru
26 og keppum við í flokki kammer-
kóra. Þar keppir 21 kór og að auki
eru tólf þegar komnir í úrslit. Það er
ofsalega skemmtilegt að taka þátt í
svona alþjóðlegu móti og bara það að
vera í Bremen í heila viku þar sem
mörg þúsund manns syngja á hverju
götuhorni verður stórfengleg upplif-
un. Sungin eru fjögur lög, innlent, er-
lent, eitt eftir núlifandi tónskáld og
eitt frjálst val. Við ætlum að syngja
Smávinir fagrir eftir Jón Nordal,
Fjórtán ára eftir Egil Gunnarsson við
ljóð Þorbergs Þórðarsonar, sem er
eitt af mínum uppáhaldslögum. Svo
syngjum við norska lagið Fuge eftir
Sigvald Tveit. Lagið er þriggja radda
byggt á stefinu Siggi var úti og vann
tónsmíðaverðlaun árið 1976. Loka-
lagið er eftir Hjálmar H. Ragnars-
son, Fenja Uhra, við ljóð Karls Ein-
arssonar Dúnganon. Lagið er sungið
á mállýsku maoríanna frá Nýja-Sjá-
landi en grettur eru partur af menn-
ingu þeirra eins og sjá mátti í mynd-
inni The Whale Rider sem sýnd var í
Háskólabíói ekki alls fyrir löngu.
Lagið er ofsalega skemmtilegur
hrærigrautur þar sem taktinum og
mállýskunni er blandað saman við ís-
lensku sönghefðina. Þetta er eitt
skemmtilegasta lag sem ég hef
stjórnað,“ segir Gunnar.
Íslenskur kór
syngur á
ólympíumóti
Choir Olympics 2004 er haldin í
Bremen og Bremerhaven dagana
8.–18. júlí.
Árnesingakórinn í Reykjavík tekur þátt í ólympískri kórakeppni.
Suðurlandsbraut 4a • 108 Rvk. • Fax 533 4811 • midborg@midborg.is
533 4800
Nóatún 30 - Laus strax
Björn Þorri hdl. lögg. fastsali, Karl Georg hrl. lögg. fastsali.
Mjög góð 82,1 fm, 4ra herbergja íbúð á besta stað. Íbúðin skiptist í hol,
eldhús, tvær samliggjandi stofur, tvö svefnherbergi og baðherbergi. Lítil
geymsla við inngang. Sérgeymsla í kjallara með góðum glugga. Sameig-
inlegt þvottahús og þurrkherbergi. Íbúðin er laus strax. Verð 12,9 millj.
Laugavegur 182 • 105 Rvk • Fax 533 481 • midborg id