Morgunblaðið - 23.08.2004, Page 14

UMRÆÐAN
14 MÁNUDAGUR 23. ÁGÚST 2004 MORGUNBLAÐIÐ
Útflutningsráð Íslands, í samvinnu við VUR,
Viðskiptaþjónustu utanríkisráðuneytisins, býður til
funda með sendiherrum Íslands og aðalræðismönnum
í ágúst og september.
Tímapantanir má skrá með tölvupósti á
utflutningsrad@utflutningsrad.is og í síma 511 4000.
Fundirnir eru ætlaðir fyrirtækjum og öðrum sem eiga hagsmuna
að gæta í umdæmum sendiskrifstofanna. Býðst hér tækifæri til
þess að ræða viðskiptamöguleika og önnur hagsmunamál þar
sem utanríkisþjónustan getur orðið að liði.
Næstu fundir verða haldnir í húsakynnum Útflutningsráðs að
Borgartúni 35 sem hér segir:
25. ágúst kl. 9:00-12:00
Helgi Ágústsson, sendiherra í Washington.
Auk Bandaríkjanna er umdæmi sendiráðsins Argentína, Brasilía,
Chile, El Salvador, Gvatemala, Mexíkó og Úrúgvæ.
26. ágúst kl. 9:00-12:00
Atli Ásmundsson, aðalræðismaður í Winnipeg.
Upplýsingar um aðra sendiherrafundi má nálgast á heimasíðu
Útflutningsráðs, www.icetrade.is, og VUR, www.vur.is.
viðskiptalífsins
í þjónustu
Sendiherrar
M
IX
A
•
fí
t
•
0
2
2
4
4
SJALDNAST erum við sammála
um nokkurn skapaðan hlut, menn
eða málefni. Okkur greinir á um leið-
ir að markmiðum sem sjálfsagt er
eðlilegt þótt stundum finnist manni
nú nóg um.
Eitt vona ég þó að við getum sam-
einast um. Það að bera
umhyggju fyrir börn-
um og að eiga þá von í
hjarta að börnunum
okkar farnist vel í líf-
inu.
Það má reikna með
því að á fimmta þúsund
sex ára Íslendingar séu
þessa dagana á leið í
skólann í fyrsta sinn.
Sannarlega tímamót í
þeirra lífi og fjöl-
skyldna þeirra.
Samferða í skólann
Fátt ef nokkuð er dýrmætara en að
eiga raunverulegan vin. Vin sem vill
verða samferða í skólann og bregst
ekki, sama á hverju gengur.
Og jafnvel þótt vinurinn sé ósýni-
legur er hægt að finna fyrir honum.
Þessi vinur býðst til að lýsa okkur
veginn, fylgja okkur eftir hvert fót-
mál og vaka yfir okkur, án þess þó að
vera uppáþrengjandi eða íþyngjandi
á nokkurn hátt. Heldur þvert á móti,
uppörvandi, hvetjandi og blessandi.
Ómetanlegur vinur með þægilega
nærveru sem býðst til að umvefja
okkur kærleika sínum með raun-
verulegri en ólýsanlegri nálægð.
Því hvet ég okkur öll til þess að
sameinast í bæn fyrir börnunum
okkar og þá ekki síst þeim sem þessa
dagana fara með nýju töskuna sína á
bakinu í skólann í fyrsta sinn.
Eldhúsborðið er ákjósanlegur
staður til bæna, hvort sem það er við
morgun- eða kvöldverð. Þá getur
verið gott að biðja þegar komið er
upp í á kvöldin eða bara hvenær sól-
arhringsins sem er. Það góða er að
það geta og mega allir biðja. Best er
að hafa orðalagið einfalt, því það ger-
ir bænina einlægari.
Eitt er víst að það hefur enginn
orðið verri maður af því að biðja og
ég held að við ættum bara að láta
það eftir okkur sem oft-
ast. Bænin er nefnilega
kvíðastillandi. Hún er
æfing í von og trausti
og með henni fæst ólýs-
anleg innri ró og friður.
Bænin gæti til dæm-
is bara verið einhvern
veginn svona:
Kæri Guðssonur,
Jesús Kristur, þú sem
sagðir: Leyfið börn-
unum að koma til mín,
varnið þeim eigi, því að
slíkra er Guðs ríki!
Í dag komum við
fram fyrir þig í þakklæti fyrir að
mega samkvæmt þínu boði leggja
allt sem á okkur hvílir á þínar
herðar. Því biðjum við þig nú að
blessa öll þau börn sem á þessu
hausti upplifa þau miklu tímamót að
hefja skólagöngu. Vilt þú senda
engla þína til að fylgja þeim eftir og
gæta þeirra, vaka yfir þeim og
vernda frá slysum og hættum og
hverju því öðru sem kann að skaða
þau.
Gefðu að þeim sækist námið vel,
verði áhugasöm og gef þeim einbeit-
ingu.
Gef að þau aðlagist skólanum og
bekkjarfélögunum á eðlilegan hátt.
Blessaðu samskipti bekkjarfélag-
anna og skólafélaganna allra.
Forðaðu hverju barni frá því að
lenda í einelti eða vera beitt ofbeldi
hvers konar, andlegu eða líkamlegu
og forða þeim frá að taka þátt í slíku.
Þroska með þeim tillitssemi og
virðingu fyrir náunganum og ólíkum
skoðunum hans. Jafnt gagnvart
skólafélögum, kennurum og skóla-
stjórnendum, foreldrum og systk-
inum sem og öðrum samferðamönn-
um.
Hjálpa þú börnunum að upplifa
skóladaginn skemmtilegan. Haf þú
áhrif á þau. Gerðu þau fróðleiksfús
og næm fyrir umhverfinu og öllu lífi.
Láttu þau hlakka til næsta dags og
hjálpaðu þeim að horfa full eftir-
væntingar og vonar til framtíðar.
Viltu einnig vaka yfir öllum öðrum
nemendum. Á hvaða aldri eða stigi
sem þau eru. Já, hvar sem hann eða
hún kunna að vera stödd á sinni lífs-
ins skólagöngu.
Gefðu að allt nám verði viðkom-
andi nemanda til þroska, ánægju og
heilla. Opna þeim leiðir til að viða að
sér frekari þekkingu. Gefðu svo að
allt nám verði þjóðfélagi okkar til
gagns og heilla, framfara og bless-
unar. Uppörvaðu hvern nemanda og
styrktu. Gefðu honum einbeitingu og
úthald til að takast á við verkefni sín.
Við biðjum í trausti þess að þú
leggir eyra þitt að ákalli okkar og
munir vel fyrir sjá. Við biðjum til þín
sem sagðir: Biðjið og yður mun gef-
ast.
Í Jesú nafni. Amen.
Með því að biðja fyrir börnunum
okkar, leggjum við framtíðina í Guðs
hendur. Við stillum saman hugi,
jafnt með velferð einstaklingsins og
heildarinnar allrar að leiðarljósi. Við
verðum meðvitaðri, upplýstari,
skilningsríkari og ábyrgari um vel-
ferð barnanna okkar og þjóðfélags-
ins í heild. Við fljótum þar að leið-
andi ekki eins hjálparvana og
áhyggjufull inn í óljósa framtíðina.
Ég er viss um að við getum ekki
sameinast um neitt betra, börnum
okkar og þjóð til handa.
Biðjum fyrir börn-
unum sem eru að
hefja skólagöngu
Sigurbjörn Þorkelsson
skrifar um skólabörn
’ Eldhúsborðið erákjósanlegur staður til
bæna, hvort sem það er
við morgun- eða kvöld-
verð.‘
Sigurbjörn Þorkelsson
Höfundur er rithöfundur og fram-
kvæmdastjóri Laugarneskirkju.
UMRÆÐA um náttúruvernd ein-
kennist oft af of mikilli tilfinn-
ingasemi þar sem skynsamlegar rök-
semdir eiga ekki aðgang. Við verðum
að auka tekjur í þjóð-
félaginu til að standa
undir kröfum samtím-
ans. Kjarabarátta
kennara er dæmi. Eigi
að bæta lífskjör þarf
nýja tekjustofna, –
virkjanir/álver, meiri
fiskveiðar og hval-
veiðar.
Hálendið og orkan er
sá nýi tekjustofn sem
verið er að fjárfesta í til
að bæta lífskjör.
Einu sinni var vinstri
stjórn hérlendis svo
galin að samþykkja stöðvun hval-
veiða. Svo höfum við setið í súpunni
og tjónið nemur hundruðum millj-
arða. Ísland er nú hringsiglt árlega af
„umhverfisvinum“ sem hæðast þann-
ig að okkur og markaðssetja um leið
nýjan lævísan áróður svo við hefjum
síður hvalveiðar. Valdarán fór fram í
Alþjóða „hvalveiðiráðinu“ af öfga-
fólki. Sannleikur, heiðarleiki og virð-
ing fyrir fullveldi sjálfstæðra þjóða er
ekki í spjaldskránni.
Mér finnst orka tvímælis að Íslend-
ingar sitji fundi og séu í „samstarfi“
við hóp öfgafólks, – svikara – sem
svífast einskis í að svíkja, ljúga, plata
og beita öllum ráðum til að hafa okk-
ur áfram að fíflum.
Tjónið af því að veiða ekki hvali er
tugir milljarða árlega. Hvölum fjölg-
ar stjórnlaust, sem aftur skapar tjón
fyrir milljarða vegna minnkandi af-
raksturs fiskistofna – vegna offjölg-
unar hvala. Stjórnlaus
fjölgun hvala skapar
vaxandi hættu á fæðu-
kreppu í vistkerfi sjávar
– eins og sést á fallandi
vaxtarhraða sumra
fiskistofna.
Hugsanleg ný leið er
að einhver þeirra sem
stunduðu hvalveiðar,
höfði strax mál á hend-
ur stjórnvöldum til að fá
viðurkenndan rétt sinn
til hvalveiða, – sem
stjórnarskrárvarin at-
vinnu- og eignarrétt-
indi. Þá fer málið fyrir Hæstarétt og
verulegar líkur eru á að slíkt mál
myndi vinnast. Þá væri komin ný
staða. Hæstiréttur Íslands hefði þá
leyft hvalveiðar! Hæstiréttur er
æðsta dómstig landsins. Vinnist slíkt
mál fyrir Hæstarétti bannar Hæsti-
réttur stjórnvöldum að banna hval-
veiðar! Þá verða stjórnvöld að leyfa
hvalveiðar og geta jafnframt varið sig
á erlendum vettfangi, á forsendum
stjórnarskrár lýðveldisins. Betri mál-
staður er vandfundinn!
Þetta er sú leið sem átti að vera bú-
ið að fara. Ég tel að hvalveiðar séu
stjórnarskrárvarin atvinnuréttindi
sem ekki megi banna. Sambærileg
mál þyrftu að fara fyrir dómstóla
annarra þjóða eins og Noregs, Dan-
merkur o.fl. Við slíka dóma myndu al-
þjóðasmtök eins og „Alþjóða hval-
veiðiráðið“ riðlast innan frá sem
ólögleg öfgasamtök. Við ættum að
íhuga að taka upp baráttu á al-
þjóðavettvangi fyrir því að öfga-
samtök sem stunda kúgun á starf-
semi fullvalda ríkja, verði leyst upp.
Við eigum nú að draga okkur út úr
starfsemi Alþjóða hafrannsókn-
arráðsins (ICES). ICES er komið
með einkenni að „veikinni“ – sömu yf-
irþjóðlegu drottnunarstefnuna og Al-
þjóða hvalveiðiráðið. ICES gefur út
„fyrirmæli“ og „fréttatilkynningar“
um aflakvóta sjálfstæðra þjóða! Slík
hrokafull íhlutun í fiskveiðistefnu að-
ildarríkja er ólögleg íhlutun í hlut-
verk sjálfstæðra ríkisstjórna! Afla-
kvótar hérlendis væru hærri ef ICES
væri ekki með puttana inn á gafli á
Skúlagötu 4. Þannig byrjaði
„samstarfið“ við Alþjóða hval-
veiðiráðið! Eru þá ekki vítin til að var-
ast þau?
Öfgasamtök eru á fullri ferð við að
fremja valdarán á heimshöfunum,
líka í fiskveiðum! „Samstarf“ við
öfgafólk hefur reynst eins og að rétta
andskotanum litlaputta. Við erum svo
allt í einu „óvart“ handjárnuð í „sam-
ráð“ við öfgafólk og miskunnarlaust
höfð að fíflum – eins og dæmin sýna
og sanna í hvalnum og í vaxandi mæli
í fiskveiðum! Bætt lífskjör hérlendis
eru í hættu nema við endurheimtum
fullt og óskert sjálfstæði í nýtingu
allra auðlinda til lands og sjávar.
Auðlindir,
umhverfismál
og lífskjör
Kristinn Pétursson skrifar
um nýtingu auðlinda
’Tjónið af því að veiðaekki hvali er tugir millj-
arða árlega.‘
Kristinn Pétursson
Höfundur er fiskverkandi
á Bakkafirði.
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
TIL FRÚ Hillary Rodham Clinton
öldungardeildarþingmanns frá
Ingimundi Kjarval vegna heim-
sóknar hennar til Íslands.
Delhi N.Y. 19. ágúst 2004.
Kæra frú Hillary Rodham Clint-
on. Við búum hér í Delhi N.Y.
stundandi búskap, erfið barátta
hér í New York fylki eins og þú
veist, ekki langt frá stað Moynih-
an heitins öldungadeildarþing-
manns, ég, konan mín og fjórar
dætur, ein þeirra í Delaware Aca-
demy sem þú heimsóttir fyrir
stuttu.
Ástæðan fyrir þessu bréfi er
ferð þín til Íslands og mál sem ég
tel að þurfi að segja þér frá.
Það er mér óblandin ánægja að
þú og maður þinn ætla að heim-
sækja Ísland og styrkja vinabönd
þjóða okkar, eitthvað sem ég hef
mikinn áhuga á og hef skrifað um
og áhyggjur mínar af andúð Evr-
ópu í garð Bandaríkjanna.
Ég hafði í huga að skrifa þér
um mál fjölskyldu minnar þegar
tími kæmi, en skrifa þér núna
vegna þessarar ferðar.
Afi minn Jóhannes Kjarval var
listmálari á Íslandi og elskaður af
þjóðinni, meira að segja Björk
samdi verk í hans nafni, og safn í
Reykjavík með myndum hans er
partur af Listasafni Reykjavíkur,
nefnt Kjarvalsstaðir.
Tveimur mánuðum áður en afi
minn lagðist á spítala vegna elli-
hrumleika, tæmdi Reykjavík-
urborg vinnustofu Kjarvals í leyni
og tók meira en 5000 verk eftir
hann með 153 kössum sem í var
safn langrar ævi, haldandi fram
seinna að afi hefði gefið Reykja-
víkurborg þetta munnlega til
borgarstjóra (hvorki Kjarval né
borgarstjóri skrifuðu undir yf-
irlýsingu um þessa „gjöf“).
Fjölskylda mín hefur síðan í
áraraðir reynt að fá hlut sinn rétt-
an án árangurs þar til núna að lík-
lega verður réttað í málinu, ég þó
hræddur um að íslenskt réttar-
kerfi muni ekki fjalla um þetta af
réttlæti, til þess sé þetta mál of
stórt og höggvi of nærri völdum.
Sama við hvern þú talar á Ís-
landi þá munu þeir þekkja þetta
mál, fjölskyldu mína og mig. Það
eina sem ég vildi að svo stöddu að
þú lýstir yfir ósk þinni um að okk-
ur verði sýnt réttlæti. Í einlægri
virðingu fyrir þér og þínu starfi.
Ingimundur Kjarval
PS. Temma Bell listmálari kon-
an mín er dóttir Louisu Matthías-
dóttur og Lelands Bell sem bæði
störfuðu sem listmálarar í New
York meðan þau lifðu. Sýning á
verkum Louisu verður í „The Am-
erican Scandinavian Foundation á
Park Ave“ í haust. Ég vona inni-
lega að þú getir séð þá sýningu.
Louisa Matthíasdóttir var alltaf
mikill aðdáandi þinn og varði þig
af hörku ef ég sá ástæðu til að
gagnrýna þig pólitískt, ég „venju-
legur miðaldra New York-fylkis
repúblikani“. Hér með tek ég mér
leyfi til að bjóða þér á þá sýningu
sem öldungadeildarþingmanni
okkar hér í New York-fylki, ég er
leyniaðdáandi vegna fágunar og
hæfni þinnar sem stjórnmála-
manns.
Ef þú heimsækir utanríkisráðu-
neytið á Íslandi muntu sjá mynd
eftir Louisu sem fjölskyldan gaf.
Myndir eftir afa eru auðvitað alls
staðar þar sem þú ferð um Ísland.
Til frú Hillary
Rodham Clinton
Frá Ingimundi Kjarval:
AUGLÝSINGADEILD
netfang: augl@mbl.is eða sími 569 1111