Morgunblaðið - 13.10.2004, Síða 18

18 MIÐVIKUDAGUR 13. OKTÓBER 2004 MORGUNBLAÐIÐ
MINNSTAÐUR
Efnalaug og fataleiga
Garðabæjar
Garðatorgi 3 • 565 6680
www.fataleiga.is
Ný sending
af glæsilegum

samkvæmiskj
ólum
í öllum stærðu
m.
Vöruhúsið ehf
heildverslun
Ný sending af fallegum
silkiblómum.
Pantanir í síma 565 1504
voruhusid@internet.is
LANDIÐ
Svartárdalur | Guðmundur Valtýsson á Eiríksstöðum í Svartárdal, oft
kenndur við Bröttuhlíð, lenti á dögunum í miklum hrakningum í göng-
um upp við Hofsjökul þegar hann hvolfdi fjórhjóli ofan í einni af kvíslum
Blöndu, en tókst með harðfylgi að komast undan hjólinu og halda því í
straumnum í köldu jökulvatninu þar til félagi hans kom til aðstoðar og
náðu þeir því á þurrt. Það sýnir einnig hreysti Guðmundar að í hitteð-
fyrra lauk hann gangnadegi þrátt fyrir að fótbrotna snemma dags.
Rúnar Kristjánsson frá Skagaströnd las um afrek Guðmundar í Morg-
unblaðinu og sannfærðist um að enn væru til garpar og ævintýramenn á
þvísa landi. Hann orti:
Guðmundur Valtýsson einstakur er
það oftlega sannast í göngum.
Þá brýtur hann limina löngum á sér
á langferðaveginum ströngum.
Því alltaf í stríðinu fremstur hann fer
með fjörmagnið bálandi í vöngum!
Hann jafnvígur þykir á hesta og hjól,
þar hæfnin er sýnd eftir þörfum.
Og notar með prýði öll náttúrutól
sem nýtast í búskaparstörfum.
Við augum hans skín þessi Svartárdals sól
er samfagnar huganum djörfum.
Hann geysist á fjórhjóli um fjallanna geim
og fálurnar kann þar að elta.
En skrítinn er svipurinn sagður á þeim
er sjá þær hann hjólinu velta.
Og þó að þær komist í húsin sín heim
þær hreint ekki taktana melta!
En Guðmundur Valtýsson samur er samt
og sigrast á hverskonar vanda.
Því honum frá æsku er afburða tamt
í eldlínu hvarvetna að standa.
Þó fái hann af hrakföllum skaðræðis skammt,
það skerpir hans framsóknar anda!
Þar fjötrast ei sinnið við auðmagn og ál
sem öllu til glötunar ryður.
Nei, Guðmundur þekkir hið þjóðlega mál
og þrautreyndu gildin hann styður.
Ég bið honum heilla af hjarta og sál,
það er húnvetnskur siður.
Heillakveðja að húnvetnskum sið
Guðmundur Valtýsson
einstakur er
Morgunblaðið/Sigurgeir
Í Stafnsrétt Guðmundur Valtýsson er mikill gangnamaður.
Kirkjubæjarklaustur | „Þetta er það
sem fólk þarf og vill í dag, jafnt ungir
sem aldnir,“ segir Árni Jón Elíasson,
oddviti Skaftárhrepps, en um helgina
var vígt íþróttahús á Kirkjubæjar-
klaustri. Er þetta fyrsta íþróttahúsið
sem byggt er í sveitarfélaginu.
Íþróttakennsla barna í Kirkjubæj-
arskóla hefur farið fram í gömlu fé-
lagsheimili, Kirkjuhvoli. Það er því
mikil framför að fá íþróttahús á stað-
inn. „Þetta er gjörbreyting á allri að-
stöðu til íþróttaiðkunar, ekki síst
íþróttakennslu barnanna,“ segir Árni
Jón.
Íbúarnir söfnuðu fyrir tækjum
Í húsinu er ágætur salur með
körfuboltavelli í löglegri stærð og
áhorfendarými. Húsið er vel tækjum
búið, meðal annars til líkamsræktar,
og hafa íbúarnir sjálfir safnað fyrir
fjölda tækja sem afhent voru við
vígsluathöfnina. Búningsklefar sund-
laugarinnar eru notaðir fyrir íþrótta-
húsið og líkamsræktaraðstöðunni
hefur verið komið fyrir í áhorfenda-
rýminu til bráðabirgða. Byrjað er á
undirbúningi tengibyggingar milli
íþróttahússins og sundlaugarinnar
og í henni verður stærri og betri bún-
ingsaðstaða og líkamsræktastöð. Jes
Einar Þorsteinsson arkitekt teiknaði
íþróttahúsið eins og sundlaugina og
skólann.
Íþróttahúsið hefur verið tvö ár í
byggingu og kostar um 100 milljónir.
„Vissulega tekur þetta í, við erum
ekki nema 520 manna samfélag. En
þetta er óhjákvæmileg framkvæmd
sem gjörbreyta mun allri aðstöðu
fyrir íbúana og styrkja byggðina,“
segir oddvitinn.
Hiti frá sorpbrennslunni
Íþróttahúsið er hitað upp með
orku frá sambyggðri sorpbrennslu-
stöð, eins og sundlaugin og önnur
mannvirki á skólalóðinni. Sorpið er
brennt fimm til sex daga vikunnar og
varminn dugar fram eftir nóttu. Þá
tekur olíukynding við og lokar sólar-
hringnum og vikunni. „Þetta er út af
fyrir sig ekki hagkvæm orkufram-
leiðsla en þetta er hagkvæm heildar-
lausn vegna þess hversu langt er í
löggiltan urðunarstað fyrir sorp,“
segir Árni Jón Elíasson.
Fyrsta íþróttahúsið sem byggt er í Skaftárhreppi vígt
„Það sem fólk þarf og vill“
Klippt á borða Börnin á leikskólanum opnuðu íþróttahúsið. Hér eru systk-
inin Vilhjálmur Páll og Eva María Thorarensen að störfum.
Hrunamannahreppur | Það er metn-
aðarmál hjá flestum sauðfjárbænd-
um að eiga fagurt og vel skapað fé
og arðsamt. Einn þeirra er Kristinn
Valgeirsson í Þverspyrnu í Hruna-
mannahreppi. Fyrir þremur árum
fæddist honum hrútlamb sem bar af
öðrum og er undan Læk sem var
þekktur úrvals kynbótahrútur á
Sæðingarstöðinni í Laugardælum.
Hrútlambið var vitaskuld sett á og
haft til kynbóta.
Hrúturinn hlaut nafnið Fannar
enda mjallahvítur. Fannar var
dæmdur veturgamall og hlaut þá 90
stig fyrir sköpulag. Það mun vera
hæsta stigagjöf sem nokkur hrútur
hefur fengið hér á landi. Nú er
Fannar þriggja vetra og vegur 130
kg. Sonur hans Dreki, sem einnig
er til í Þverspyrnu, hlaut nú á dög-
unum 86 stig. Er Dreki með 46 mm
bakvöðva sem er með því besta sem
gerist, enda tveimur mm meira en
mældist á föður hans veturgömlum.
Ásetningsgimbrar eru dæmdar
og fitulag mælt á bakvöðva með
ómskoðun eins og hjá ásetnings-
hrútum.
Engar hrútasýningar
Hrútasýningar voru oft miklir
hátíðisdagar hjá bændum og mikill
metnaður að eiga fegurstu gripina.
Þær lögðust af í Hrunamanna-
hreppi árið 1986, þegar riða kom
fyrst upp í hreppnum. Nú er svo
komið að hvergi er komið saman til
hrútasýninga í Árnessýslu en hrút-
arnir dæmdir heima á bæjunum.
Í fyrra var skorið niður fé á tíu
bæjum í Hrunamannahreppi vegna
riðu og á tuttugu stöðum í Ölfusi og
Þorlákshöfn. Þá var skorið niður á
níu bæjum í Biskupstungum á síð-
asta vetri og allt fé verður skorið í
miðsveitinni nú í haust.
Best skapaði hrúturinn er á Þverspyrnu í Hrunamannahrepp
Mjallahvít hagaprýði
Morgunblaðið/Sigurður Sigmundsson
Metfé Fannar í Þverspyrnu er
stigahæsti hrútur landsins.