Morgunblaðið - 13.10.2004, Page 27

MORGUNBLAÐIÐ MIÐVIKUDAGUR 13. OKTÓBER 2004 27
MINNINGAR
✝ Jóna GuðlaugÞorgeirsdóttir
fæddist í Reykjavík
29. september 1934.
Hún lést á Land-
spítalanum í Foss-
vogi 2. október síð-
astliðinn. Foreldrar
hennar voru Anna
Árnadóttir frá Hlíð
í Kolbeinsstaða-
hreppi á Snæfells-
nesi, f. 6.8. 1906, d.
5.2. 1992, og Þor-
geir Guðjónsson frá
Arnarnúpi í Dýra-
firði, f. 18.4. 1908,
d. 27.1. 1937. Systir Jónu Guð-
laugar var Elínborg, f. 2.2. 1935,
d. 15.7. 1988. Jóna Guðlaug var
frá sex ára aldri alin upp hjá
föðursystur sinni á Arnarnúpi,
Guðbjörgu Kristjönu Guðjóns-
dóttur, og manni hennar, Krist-
jáni Guðmundssyni búfræðingi
frá Höfn í Dýrafirði, bónda á
Arnarnúpi. Börn þeirra og upp-
eldissystkini Jónu Guðlaugar eru
Guðmundur Jón, f. 13.10. 1920,
Guðmunda, f. 24.11. 1921, d.
24.4. 1959, Guðjón Örn, f. 15.12.
1922, Sigríður Guðný, f. 14.4.
21.3. 1946, d. 21.3. 1946. Börn
Jónu Guðlaugar og Högna eru:
1) Anna Þorgerður, f. 23.8. 1958,
sambýlismaður Eggert Berg-
sveinsson, þau eiga þrjú börn. 2)
Ólafur Jóhann, f. 29.12. 1960,
kvæntur Særúnu Lísu Birgis-
dóttur, þau eiga tvö börn, fyrir á
Ólafur Jóhann tvö börn og Sæ-
rún Lísa tvö börn. 3) Salóme, f.
8.6. 1963, hún á tvö börn með
Jóni Aðalsteini Jónssyni en þau
slitu samvistum fyrir fimmtán
árum. Sambýlismaður Salóme er
Gerald Martin Wall. 4) Unnur, f.
23.1. 1966, hún á þrjú börn með
Arngrími Ómari Sigurdórssyni
en þau slitu samvistir fyrir
þremur árum. Sambýlismaður
Unnar er Guðni Ársæll Indriða-
son, þau eiga eina dóttur, en fyr-
ir á Guðni Ársæll einn son. 5)
Arnbjörg, f. 17.5. 1972, hún á tvö
börn.
Jóna Guðlaug starfaði í um
tuttugu og þrjú ár við fisk-
vinnslu og rækjuvinnslu á Bíldu-
dal en eftir að þau hjón fluttu
suður starfaði Jóna Guðlaug í
skamman tíma í Bæjarútgerð
Reykjavíkur, um þrjú ár á Múla-
kaffi en lengst af starfaði hún á
fatalager Hagkaups eða frá 20.4.
1987 til 15.6. 1996.
Útför Jónu Guðlaugar fer
fram frá Seljakirkju í Breiðholti
í dag og hefst athöfnin klukkan
13.30.
1925, Elís Gunnar, f.
8.5. 1926, Bjarni
Sverrir, f. 16.3.
1928, og Þorgeir
Björgvin, f. 5.9.
1937.
Jóna Guðlaug
giftist Garðari
Andréssyni, f. 5.9.
1934, d. 24.2. 1980.
Börn þeirra eru: 1)
Andrés Þorgeir, f.
22.11. 1953, kvænt-
ur Hugrúnu Hall-
dórsdóttur, f. 24.3.
1945, þau eiga tvö
börn og eitt barna-
barn, fyrir á Andrés einn son og
tvö barnabörn og Hugrún fimm
börn. 2) Hallgrímur, f. 3.5. 1957,
hann á þrjú börn og fjögur
barnabörn. 3) Dóttir, fædd and-
vana.
Jóna Guðlaug og Garðar slitu
samvistir 1957. Um haustið það
sama ár fór Jóna Guðlaug vestur
til Bíldudals. Þar kynntist hún
Högna Jóhannssyni, f. 7.4. 1924,
d. 4.9. 2003, þau gengu í hjóna-
band 14. september 1958, og
eiga saman fimm börn, en fyrir
átti Högni einn son, óskírðan, f.
Elsku mamma mín, þá er víst
komið að kveðjustund, ekki óraði
mig fyrir því þegar við vorum að
kveðja pabba minn fyrir þrettán
mánuðum að svo stuttu seinna
mundi ég þurfa að kveðja þig. Orð-
in verða svo fátækleg en spurn-
ingar því fleiri á stundu sem þess-
ari. Eitt er þó huggun harmi gegn,
að þú þjáist ekki meir og ert kom-
in heim til pabba.
Ég efa það ekki að það hafa orð-
ið fagnaðarfundir með ykkur þeg-
ar hann tók á móti þér og stiginn
léttur dans og eitt er víst að ást
ykkar mun blómstra í ykkar nýju
heimkynnum eins og hún gerði hér
í heimi í fjörtíu og fimm ár.
Minningarnar eru svo óþrjót-
andi, haustin heima á Bíldudal
þegar ég sat með þér og hélt á
garninu fyrir þig og þú vafðir
hnykla, það var alltaf byrjunin á
prjónavertíð þinni fyrir veturinn,
öll fengum við nýja sokka vett-
linga, húfurm trefla og peysur, þú
sást svo sannarlega til þess að
engum yrði kalt þann veturinn. Og
síðar komu barnabörnin og ekki
var síðri myndarskapur þinn við
þau.
Já mamma mín, ég segi nú eins
og litla systir sagði, nú er ég mun-
aðarlaus, engin mamma og pabbi,
en á meðan við varðveitum minn-
inguna og þá lífsreglu sem þið
lögðuð okkur, þá munum við ganga
upprétt. Minning ykkar er ljós í
lífi okkar.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
(V. Briem.)
Guð geymi þig, mamma mín.
Þín elskandi dóttir
Salóme.
Mér þykir það frekar óraun-
verulegt að vera að skrifa minn-
ingargrein um þig, elsku mamma
mín.
Síðasta ár hafði verið þér svo
erfitt allt frá því að pabbi kvaddi
þennan heim hinn 4. sept, 2003, við
eyddum mörgum stundum saman
og höfðum í raun aldrei verið jafn
nánar og einmitt þetta síðasta ár.
Það er svo óréttlátt að loksins er
þú varst farin að skríða út úr
mestu sorginni og farin að sjá ljós
í tilverunni, þá þurfti þetta að ger-
ast.
Það eru svo ótal minningar sem
sækja hugann heim á svona stund-
um, eins og til dæmis þegar þú
hringdir í mig í síðasta skiptið,
hinn 1. ágúst, ég var þá á leið til
Reykjavíkur með litlu skottuna
mína með mér og þú margend-
urtókst „ástin mín keyrðu nú var-
lega,“ þú varst svo ánægð og ham-
ingjusöm í velheppnuðu ferðalagi.
En daginn eftir fékk ég svo
hræðilegt símtal og þær fréttir að
þú hefðir lent í alvarlegu umferð-
arslysi. Í tvo langa og dimma mán-
uði barðist þú eins og sönn hetja,
elsku mamma, en varðst svo að
játa þig sigraða að kvöldi 2. októ-
ber. Þessa tvo mánuði nísti mig
sársauki yfir því að horfa á þig al-
gjörlega ósjálfbjarga og sárþjáða,
þig sem varst alltaf svo full af
orku, alltaf á þönum við að breyta
og bæta, þig sem aldrei varst að-
gerðarlaus og sem hafðir alltaf
svörin. Einna vænst þykir mér um
þegar þú sagðir við mig í sumar
hvað þér þætti gott að eiga mig
sem vinkonu og auðvitað hvernig
þú hélst í hendina mína þegar ég
barðist við að koma honum syni
mínum í heiminn, rétt eins og ég
hélt í máttvana hendi þína þegar
þú kvaddir þetta líf.
Þú varst tekin í burtu alltof
fljótt en ég reyni að hugga mig við
að nú hafir þú fengið að hitta ást-
ina þína, hann pabba, í Paradís.
Ég ætla að kveðja þig með sömu
orðum og ég kvaddi pabba fyrir
rúmu ári síðan og segja þér að þú
varst mér einstök móðir og börn-
unum mínum einstök amma. Minn-
ingin um þig mun alltaf lifa í
hjarta mínu.
Þín dóttir
Arnbjörg.
Lítill drengur lófa strýkur
létt um vota móðurkinn,
– augun spyrja eins og myrkvuð
ótta og grun í fyrsta sinn:
Hvar er amma, hvar er amma,
hún sem gaf mér brosið sitt
yndislega og alltaf skildi
ófullkomna hjalið mitt?
Lítill sveinn á leyndardómum
lífs og dauða kann ei skil:
hann vill bara eins og áður
ömmu sinnar komast til,
hann vill fá að hjúfra sig að
hennar brjósti sætt og rótt.
Amma er dáin – amma finnur
augasteininn sinn í nótt.
Lítill drengur leggst á koddann
– lokar sinni þreyttu brá
uns í draumi er hann staddur
ömmu sinni góðu hjá.
Amma brosir – amma kyssir
undurblítt á kollinn hans.
breiðist ást af öðrum heimi
yfir beð hins litla manns.
(Jóhannes úr Kötlum.)
Guð geymi þig, þín tengdadóttir,
Lísa.
Elsku amma mín.
Ég sakna þín og allra göngu-
túranna okkar og þegar þú fórst
með mér í fótbolta og lékst við
mig. Það var líka svo gaman að fá
að gista hjá þér. Núna ertu komin
til afa, uppi hjá Guði, ég elska þig
alltaf, þinn
Ólafur Kári.
Elsku amma, við systkinin vor-
um 4 og 9 ára þegar við hittum
ykkur afa fyrst og þið urðuð strax
alvöru amma og afi. Þú varst svo
mikil pæja og ung í anda og það
var svo gaman að koma til þín í
Stífluselið og fá vöfflur og kakó og
spjalla.
Þú varst líka alltaf að gefa okk-
ur eitthvað fallegt. Við gleymum
þér aldrei, elsku amma og við
kveðjum þig með þakklæti fyrir að
hafa fengið að kynnast þér,
Brynjólfur og Gunnur.
Elsku amma mín, ég sakna þín
mikið, núna eruð þið afi englar hjá
Guði og passið mig, elska þig,
þín
Ísold Anja.
JÓNA GUÐLAUG
ÞORGEIRSDÓTTIR
Ástkær faðir okkar, tengdafaðir, afi, langafi
og bóðir,
SVEINN BIRGIR SIGURGEIRSSON,
Háaleitisbraut 18,
Reykjavík,
sem lést föstudaginn 1. október, verður
jarðsunginn frá Bústaðakirkju föstudaginn
15. október kl. 13.30.
Þeim, sem vilja minnast hins látna, er vinsamlegast bent á krabbameins-
félögin.
Birgir Óli Sveinsson, Rósa Hansen,
Rannveig Sveinsdóttir, Tom Price,
barnabörn, barnabarnabarn
og systkini hins látna.
www.englasteinar.is
Ástkær móðir okkar, tengdamóðir, amma og
langamma,
ÁSTA EYJÓLFSDÓTTIR,
elli- og hjúkrunarheimilinu Grund,
áður Álagranda 10,
Reykjavík,
lést á Landspítalanum Fossvogi laugardaginn
2. október.
Jarðarförin hefur farið fram í kyrrþey að ósk hinnar látnu.
Eyjólfur Magnússon, Anna Lárusdóttir,
Þorsteinn Magnússon, Brynja Jóhannsdóttir,
barnabörn og barnabarnabörn.
Ástkæra litla dóttir okkar og systir,
BIRTA SÆVARSDÓTTIR,
Dverghömrum 28,
112 Reykjavík,
lést á Fjórðungssjúkrahúsinu á Akureyri sunnu-
daginn 10. október sl.
Útför hennar fer fram frá Akureyrarkirkju föstu-
daginn 15. október kl. 13.30.
Sigríður María Jónsdóttir,
Sævar Guðmundsson,
Sonja Sævarsdóttir.
Innilegar þakkir fyrir auðsýnda samúð og vina-
rhug við andlát og útför ástkærs eiginmanns
míns, föður okkar, tengdaföður og afa,
JÓNS VÍÐIS STEINDÓRSSONAR
frá Teigi,
Bröttukinn 20.
Sérstakar þakkir til starfsfólks Hofsstaðaskóla
Garðabæ fyrir ómetanlegan stuðning og
hlýhug.
Rannveig S. Guðmundsdóttir,
Sæunn Jónsdóttir,
Margrét Ólöf Jónsdóttir, Hilmar Jónsson,
Oddný Jóhanna Jónsdóttir, Björgvin Þór Ingvarsson,
Laufey Brá Jónsdóttir, Jón Ingi Hákonarson,
Edda Rún Jónsdóttir, Sigþór Marteinsson
og barnabörn.
Systir okkar,
JAKOBÍNA S. ÞORBJÖRNSDÓTTIR
HAMPSON,
Mancherster,
lést í Manchester mánudaginn 11. október.
Fyrir hönd aðstandenda,
Pétur Þorbjörnsson.
Morgunblaðið birtir minningar-
greinar alla útgáfudagana.
Myndir Ef mynd hefur birst í til-
kynningu er hún sjálfkrafa notuð
með minningargrein nema beðið
sé um annað. Ef nota á nýja mynd
er ráðlegt að senda hana á
myndamóttöku: pix@mbl.is og
láta umsjónarmenn minningar-
greina vita.
Minningar-
greinar