Sunnudagsblaðið - 20.06.1965, Qupperneq 22

gripir, dúkatar og heil gullstykki.
En einhver merkilegasti fundur-
inn er þó fáeinir bollar úr kín-
versku postulíni, óbrotnir að
mestu. Þessir bollar hafa lagt upp
í langa ferð, en aldrei komizt á
leiðarenda. Fyrst hafa þeir verið
fiuttir frá Kína til Filippseyja; þar
’hafa Spánverjar tekið við þeim
og flutt þá til Aeapulco; þar hef-
ur þeim verið komið fyrir í klyf j-
um, sem múldýralest var látin
bera yfir Panamaeiðið til Vera-
cruz; og þar hefur þeim loks verið
skipað út í eitt af hrakfallaskip-
unum og þeim ætlað að prýða
borð einhvers spænsks höfðingja.
V.
KIP WAGNER telur sig nú bú-
inn að ná upp meira en milljón
bandaríkjadala virði af spönsku
silfri og gulli. Og enn liggur mik-
ið neðan sjávar, þótt ötullega hafi
verið haldið áfram um nókkurra
ára skeið. Flokkur Wagners hefur
þó verið heppnari Spánverjunum,
sem þarna unnu að björgun hálfri
þriðju öld áður, að því leyti, að
þeir hafa verið lausir við sjóræn-
ingja. En höfuðskepnurnar hafa
stundum viljað leggja orð i belg.
Vindar og straumar hafa iðulega
flutt til meiri sand á einni nóttu
en menn Wagners á mörgum vik-
um. Oft hefur það verið leitar-
mönnunum í hag, en stundum
hafa ofviðri gert að engu mikið
erfiði þeirra. Síðastliðið sumar var
þeim sérstaklega erfitt. Hvirfil-
vindar voru þá óvenju tiðir og
skæðir og þeir skildu eftir þykkt
sandlag yfir sjávarbotninum, sem
þeir voru þá að kanna. En þeim
sandi verður mokað eða dælt burt,
og þráðurinn tekinn upp að nýju
við að bjarga einhverjum merki-
legust minjum, sem til eru um
silfurflota Spánverja, skipin, sem
fluttu dýrmætasta farm s-'ns tíma
yfir ólgandi Atlantshafið.
-x
462 SUNNUDAGSBLAÐ - ALÞÝÐUBLADI0