24 stundir - 12.12.2007, Blaðsíða 30

30 MIÐVIKUDAGUR 12. DESEMBER 2007 24stundir
Eftir Kolbrúnu Bergþórsdóttur
kolbrun@24stundir.isE
Ein þeirra bóka sem tilnefndar eru
til Íslensku bókmenntaverð-
launanna í ár er Kalt er annars blóð
eftir Þórunni Erlu-Valdimarsdótt-
ur, en þar eru allnokkrar persónur
Njálu mátaðar við nútímann. „Ég
hef alltaf hrifist af miðöldum og
þarna sá ég tækifæri til að leika mér
með Njálu og stúdera hana, um leið
og ég væri að vinna skáldverk,“ seg-
ir Þórunn. „Ég hef gert nokkuð af
því að lesa fræðibækur um það
hvernig eigi að vinna kvikmynda-
handrit og núna byrja ég aldrei á
verki án þess að búa til beinagrind
eins og ég sé að leggja upp með
kvikmyndahandrit. Í þessari nýju
bók nota ég fléttur, persónur og stef
úr Njálu. Njála er mikil og stór saga
en hún er líka sápa. Ég er kona með
marga karlmenn í kringum mig og
þeir hlæja að mínum kvikmynda-
smekk, sem ég veit að er hormóna-
bundinn. Mér finnst ákaflega gam-
an þegar ég hitti hámenntaða
kvikmyndafræðinga að sletta því
framan í þá að ég elski sápur. Þótt
þannig myndir virki ekki á strákana
þá er óþarfi af þeim að fyrirlíta þær.
Mig langaði því til að fara inn í
montnustu karlabók Íslandssög-
unnar, Njálu, og sýna þær hliðar á
þeirri bók sem hafa lítið verið til
umræðu, sem sagt sápuhliðina.“
Smitandi hamingja
Þórunn segir að það hafi verið
einstaklega gaman að skrifa bókina,
sem kemur út ári eftir að hún sendi
frá sér afar vandaða og ítarlega ævi-
sögu Matthíasar Jochumssonar.
„Mér svíður þegar talað er niður til
Launasjóðs rithöfunda. Fimm ár
fóru í yfirlegu á Matthíasi og tvö
þeirra á hálfum launum. Sú bók
fékk enda mjög góðar móttökur og
það – ásamt léttinum að ljúka
henni loksins – gerði mig ham-
ingjusama sem smitaðist yfir í þessa
bók. En ég skammast mín létt fyrir
að fá svona mikla athygli aftur.
Kastljósið á Matthíasi í fyrra var
honum líkt. Hann var frekur á at-
hygli lifandi svo að ég var ekki hissa
að hann væri það líka dauður. Nú
er ég þakklát fyrir að fólk veit af
þessari bók ef það þýðir aukna sölu
og úthlutun úr Launasjóði, sem er
bréf upp á rétt til að semja vand-
aðar bækur. Við gefum út flestar
bækur í heimi á hverja þúsund íbúa
eða 5 stykki, Svíar koma næstir
með 2 bækur, en vegna þeirrar aug-
lýsingavæðingar sem við búum við
fara margar framhjá. Tvær bækur
mínar á undan Matta drukknuðu
athyglislausar við ömurlega sölu.
Mikilvægt er að við höldum áfram
að veita bókum athygli eftir jól,
„bestseller syndromið“ er hvergi
eins sárt og hér á landi þar sem
bóksalan er svo stutt. Bókafjara tek-
ur við eftir jólaflóðið og þar liggur
mörg bókin sem fólk veit ekki af.
Fjölmiðlar ættu að leggja sig fram
við að ganga þá fjöru og finna dýr-
gripi.“
Þórunn Erlu-Valdimarsdóttir „Mikilvægt er að við
höldum áfram að veita bókum athygli eftir jól, „best-
seller syndromið“ er hvergi eins sárt og hér á landi þar
sem bóksalan er svo stutt.“
Þórunn Erlu-Valdimarsdóttir sendir frá sér skáldsögu
Leikið með Njálu
➤ Þórunn Erlu-Valdimarsdóttirhefur sent frá sér ljóðabók,
skáldsögur, barna- og ung-
lingabók, skrifað leikrit, ævi-
sögur og sagnfræðirit.
➤ Fyrsta skáldsaga hennar, Höf-uðskepnur, kom út 1994.
➤ Skáldsagan Stúlka með fing-ur hlaut Menningarverðlaun
DV árið 1999.
KONAN„Mig langaði til að fara
inn í montnustu karlabók
Íslandssögunnar, Njálu,
og sýna þær hliðar á
þeirri bók sem hafa lítið
verið til umræðu, sem-
sagt sápuhliðina,“ segir
Þórunn Erlu-Valdimars-
dóttir um nýja skáldsögu
sína.
24stundir/Eyþór
Á þessum degi árið 1968 lést bandaríska leikkonan
Tallulah Bankhead á sjúkrahúsi í New York, 66 ára
gömul.
Tallulah var þekkt leikkona sem kom bæði fram á
sviði og í kvikmyndum. Hún var ekki síður fræg fyrir
villt líferni og einstaklega sterkan persónuleika. Hún
vakti athygli hvert sem hún fór enda var hún með af-
brigðum orðheppin. Ástarlíf hennar var sérlega fjöl-
skrúðugt, hún drakk ótæpilega og var kókaín- og ma-
rijúananeytandi. Yfirþyrmandi persónuleiki hennar
varð fyrirmynd að hinni frægu teiknimyndapersónu
Cruellu De Vil í Disney-myndinni 101 Dalmat-
íuhundur, en rétt er að taka fram að ólíkt Cruellu var
Tallulah mikill dýravinur og auk þess hænd að börn-
um.
Þekktasta kvikmyndahlutverk Tallulah var í mynd-
inni Lifeboat sem Alfred Hitchcock leikstýrði.
Tallulah
deyr
MENNINGARMOLINN
Komin eru út hjá Stofnun
Árna Magnússonar í íslensk-
um fræðum Ljóðmæli séra
Einars Sigurðssonar (1539-
1626) sem jafnan er kenndur
við Eydali (Heydali) í Breiðdal
en þar var hann prestur frá
1590 til dánardægurs.
Einar Sigurðsson var höfuð-
skáld þjóðarinnar í árdaga
lúthersks siðar hér á landi og
meðal annars höfundur jóla-
sálmsins Nóttin var sú ágæt
ein.
Ljóðmæli
höfuðskálds
Bókin um Negrastrákana eftir
Mugg og Gunnar Egilson olli,
eins og flestum er kunnugt,
töluverðu fjaðrafoki. Bókin
seldist eins og heitar lummur
og fyrr en varði var hún al-
gjörlega uppseld. Önnur
prentun er nú loksins komin í
hús hjá Skruddu og verður
dreift í verslanir í vikunni.
Negrastrákarnir
komnir aftur
AFMÆLI Í DAG
Frank Sinatra
söngvari, 1915
Gustave Flaubert
rithöfundur, 1821
Edvard Munch
listmálari, 1863
Edward G. Robinson
leikari, 1893
KOLLAOGKÚLTÚRINN
kolbrun@24stundir.is a
Hvað gerist þegar framtíðin
er komin og farin?
Robert Half
Hrollvekjandi
spennusaga
um fegurðar-
dýrkun nútímans.
Allir skulu fara
í skurðaðgerð!
Í fyrra kom
Ljót (Uglies).
Nú kemur
framhaldið
Lagleg (Pretties).
Hrikaleg spenna.
www.tindur.is
tindur@tindur.is