24 stundir - 12.12.2007, Blaðsíða 46

46 MIÐVIKUDAGUR 12. DESEMBER 2007 24stundir
Ný vefsíða
www.stjornuspeki.is
Frí dagleg stjörnuspá.
Hvernig eigum við saman?
Fræga fólkið.
„Ef þið hjónin hafið ákveðið að
eignast ekki fleiri börn skaltu láta
taka þig úr sambandi. Engan
heigulsskap. Sumir óttast að karl-
mennskan minnki eða hverfi en
ég get fullyrt að hún eykst ef eitt-
hvað er. [...] Því fylgir minni sárs-
auki að láta taka sig úr sambandi
en að fara til tannlæknis.“
Þorgrímur Þráinsson
thorgrimur.eyjan.is
„Mikið er þessi Geir Ólafsson
skrítinn kall, ég er búinn að sjá
hann í tveimur sjónvarpsþáttum.
Ég hafði mjög gaman af þessu
viðtali, get sagt að ég skil ekki af
hverju hann labbaði ekki út, en
það er önnur saga. Ég held ég
kaupi allavega ekki plötuna hjá
þessum óláns pilti!“
Lúkas Jarl Kolbjarnarson
visir.is/eljaki
„Hvað getur VISA gert að því þó
að þeir sem vilja versla klám á
netinu borgi með VISA. Ef femín-
istar halda svona áfram þá hætta
allir að taka mark á þeim. Það er
margt gott sem femínistar hafa
verið að leggja áherslu á en upp á
síðkastið hefur ekkert annað en
rugl komið frá þeim.“
Þórður Ingi Bjarnason
torduringi.blog.is
BLOGGARINN
Eftir Atla Fannar Bjarkason
atli@24stundir.is
„Þetta var alvöru hrekkur og ég var
tekinn,“ sagði Guðmundur Rafn-
kell Gíslason, söngvari hljómsveit-
arinnar Súellenar, á bloggsíðu
sinni í gær. Aðdáendur sveit-
arinnar ráku upp stór augu á
mánudag þegar Guðmundur
bloggaði um að félagar hans hefðu
rekið hann úr hljómsveitinni.
Guðmundur sagðist hafa fengið
SMS-skilaboð aðfaranótt sunnu-
dags sem sögðu að hann væri ekki
lengur í hljómsveitinni og að eft-
irmaður hans væri þegar fundinn.
„Ég hefði nú þegið það að vera
boðaður á fund, til að ræða málin.
Mér finnst ég nú eiga það skilið
eftir 25 ára farsælt starf,“ sagði
Guðmundur á bloggsíðunni.
Bjuggust ekki við fjaðrafoki
Nú hefur komið á daginn að það
eru fleiri hrekkjalómar á Íslandi en
Auðunn Blöndal og Vífill Atlason
frá Akranesi. Guðmundur blogg-
aði um málið til að stríða félögum
sínum með kvikindislegum brand-
aranum.
Bjarni Halldór Kristjánsson, gít-
arleikari Súellenar, segir í samtali
við 24 stundir að hrekkurinn hefði
heppnast ótrúlega vel. „Gummi
hefndi sín á mér með því að skrifa
bloggið,“ segir Bjarni og hlær.
„Hann fattaði strax að við vorum
að hrekkja hann. Okkur óraði ekki
fyrir að það yrði svona mikið
fjaðrafok.“
Vefmiðillinn Eyjan.is vísaði á
bloggsíðu Guðmundar í kjölfarið á
því að hann tilkynnti um „brott-
reksturinn“. Hann fékk fljótt
margar athugasemdir frá sárum
aðdáendum Súellenar sem trúðu
ekki sínum eigin augum og skildu
eftir samúðarkveðjur.
Töldu að þeir væru gleymdir
Viðbrögðin komu hrekkjalóm-
inum Bjarna Halldóri á óvart
vegna þess að hann taldi að hljóm-
sveitin Súellen væri löngu gleymd.
„Menn voru ekki alveg sammála
um hvað átti að fara með hrekkinn
langt,“ segir hann. „En við
ákváðum núna að þetta væri orðið
nóg, við vildum ekki að það kæmi
frétt í blöðunum um að Guð-
mundur hefði verið rekinn.“
Bjarni Halldór segir að hrekk-
urinn sé ekki fyrirboði um end-
urkomu Súellenar. „Nei, því mið-
ur. Ég hugsaði eftir á um hvað
þetta væri ótrúlegt auglýs-
ingabragð. Nú veit ég hvað við ger-
um næst þegar við gefum út lag!“
Fleiri en Auðunn Blöndal og Vífill Atlason kunna að hrekkja
Súellen gabbaði
aðdáendur sína
Hljómsveitarmeðlimir Sú-
ellenar töldu að sveitin
væri löngu gleymd þegar
þeir ákváðu að „reka“
söngvarann. Hann sá við
þeim og hrekkti aðdá-
endurna í leiðinni.
Samrýmdir Hljómsveitin
Súellen er ekki búin að
reka söngvarann.
➤ Súellen kemur frá Austur-landi og gaf út sína fyrstu
breiðskífu árið 1987.
➤ Hljómsveitin sló í gegn meðlaginu Símon er lasinn sama
ár, en lagið náði efsta sæti
vinsældarlista Rásar 2.
➤ Súellen sendi síðast frá sérlögin Dúett í Dallas og Þriðja
hjólið árið 2005.
SÚELLEN
HEYRST HEFUR …
Geir Magnússon, íþróttafréttamaður á RÚV, færir
sig um set á næstunni og hefur störf hjá Glitni. Geir
bætist þannig í hóp sjónvarpsstjarna sem vinna í
banka, en eins og alþjóð veit hófu Simmi og Jói
störf hjá Landsbankanum fyrir nokkrum misserum.
Geir ætti ekki að leiðast í vinnunni því stuðboltinn
Jónsi í Svörtum fötum starfar einnig hjá Glitni og
tekur væntanlega á móti honum með söng. afb
Haukur Magnússon blaðamaður á stórkostlegt við-
tal við Svavar Lúthersson, eiganda Torrent.is, í nýj-
asta tölublaði Grapevine. Í viðtalinu kemur fram að
Svavari finnst að tónlistarmenn ættu að líta á tón-
listina sem hobbí, en ekki gera þau „mistök“ að líta
á hana sem starfsferil. Í viðtalinu kemur einnig fram
að Svavar þénaði 342.000 á mánuði sem fram-
kvæmdastjóri Istorrent ehf. Nokkuð gott. afb
Fegurðardrottningin Unnur Steinsson eignaðist
dóttur 12. nóvember síðastliðinn. Sú litla er sem
sagt mánaðargömul í dag og hefur hlotið nafnið
Helga Sóley. Stóra systir Helgu, alheimsfegurð-
ardrottningin Unnur Birna, er að ljúka prófum á
haustönn í dag í lögfræði við Háskólann í Reykjavík
og ætlar víst að vera dugleg að hjálpa mömmu
heima fyrir í jólafríinu. afb
Guðmundur Stefán Þorvaldsson
er gítarleikari í hljómsveitinni
Hraun og nýkominn heim frá
Lundúnum þar sem sveitin tók
þátt í lagakeppni BBC með glæst-
um árangri. Hann varð fyrir því
óhappi að tapa Gibson-gítarnum
sínum á Airwaves-hátíðinni í októ-
ber síðastliðnum.
Hljómsveitin sendi út frétta-
tilkynningar og rafpósta til hægri
og vinstri en ekkert gekk. Söngvari
sveitarinnar, Svavar Knútur, tók
það til bragðs að nefna gít-
armissinn í spjalli við 24 stundir
áður en þeir fóru til Lundúna. Og
það var eins og við manninn mælt:
Rétt áður en sveitin hélt utan fékk
hún fregnir af því að gítarinn væri
fundinn.
Las viðtal í 24 stundum
„Þetta voru mistök hjá ein-
hverjum baksviðs á Airwaves. Gít-
arinn var óvart tekinn út í bíl sem
skutlaði erlendu tónlistarmönn-
unum, og bílstjórinn lét Hr. Örlyg
sem sér um hátíðina vita. Ég var
líka búinn að láta vita að mig vant-
aði gítarinn, en þetta small þó ekki
saman fyrr en bílstjórinn las við-
talið við Svavar í 24 stundum,“
segir Guðmundur.
„Þetta er Gibson-gítar og eflaust
rúmlega 150 þúsund króna virði.
Bílstjórinn var farinn að fá tilboð í
gítarinn en eitthvað innra með
honum sagði honum þó að eigand-
inn myndi gefa sig fram og því sat
hann sem fastast á honum,“ segir
Guðmundur. „Þegar Loftur, bassa-
leikari Hrauns, hringdi í mig og
sagði mér að gítarinn væri fundinn
varð ég eitthvað svo æstur að ég
þurfti að biðja hann um að segja
mér þetta oft. Ég bara náði þessu
ekki,“ segir Guðmundur himinlif-
andi að lokum. heida@24stundir.is
Farsæll endir á dularfulla gítarmissinum
Gítarnum skilað
eftir blaðagreinina
Guðmundur Trúði varla eigin eyr-
um er hann fékk góðu fréttirnar
24stundir/Golli
Su Doku þrautin snýst um að raða tölunum frá 1-9 lárétt og
lóðrétt í reitina, þannig að hver tala komi ekki nema einu sinni
fyrir í hverri línu, hvort sem er lárétt eða lóðrétt. Sömu tölu má
aukin heldur aðeins nota einu sinni innan hvers níu reita fylkis.
Unnt er að leysa þrautina út frá þeim tölum, sem upp eru gefnar.
Su doku
7 2 8 1 9 6 4 5 3
1 9 4 7 3 5 8 6 2
3 5 6 2 8 4 7 9 1
9 3 7 4 6 8 1 2 5
8 1 2 3 5 7 6 4 9
4 6 5 9 1 2 3 7 8
6 4 3 5 2 1 9 8 7
2 8 9 6 7 3 5 1 4
5 7 1 8 4 9 2 3 6
Þeir tóku alla loðfeldina mína!
24FÓLK
folk@24stundir.is a
Það er enginn
meiri en Geiri.
Ertu orðinn svona meyr, Geir?
Geir Ólafsson er ósáttur við viðtal sem Erpur Eyvindarson tók
við hann fyrir þátt sinn á Sirkus, en þeir tókust á í Íslandi í dag
í fyrradag, en skildu þó í vinsemd. Geir segist ekki vera sami
maður og fyrir þremur árum, þegar hann gamnaði sér með
uppblásinni gúmmídúkku í viðtali við kallana.is.