Morgunblaðið - 24.09.2003, Síða 40

Sjóðið lasagnablöðin skv. upplýsingum á pakka, látið renna af þeim og
þerrið á viskastykki. Saxið grænmetið og skinkuna. Saxið pylsuna, rífið
hana niður eða maukið í matvinnsluvél. Steikið aðeins í olíu á pönnu
áður en skinkan og grænmetið er sett saman við og mýkt vel. Brúnið
hakkið á annarri pönnu. Setjið síðan saman við grænmetisblönduna.
Hellið rauðvíninu út á pönnuna og látið sjóða þar til það hefur gufað
upp. Bætið tómötunum og lárviðarlaufinu út í og kryddið. Látið malla í
klukkustund. Sósan á að vera vökvamikil. Útbúið béchamel-sósuna á
meðan hin sósan sýður.
Setjið lag af béchamel í kantað, eldfast mót. Þá lag af sósunni og loks
lasagna-blöð. Yfir þau er settur saxaður mozzarellaostur og parmes-
anosti sáldrað yfir. Endurtakið þessa röðun hráefna þar til þau eru
uppurin. Endið á kjötsósu og béchamel og stráið parmesanosti yfir
ásamt nokkrum smjörklípum. Bakið í 200° heitum ofni í 30–40 mínútur.
Lasagna
lifun
Sósa:
150 g nautahakk
4 skinkusneiðar
50 g ítölsk pylsa, salami
1 1/2 dós niðursoðnir
tómatar
1/2 laukur
2 gulrætur
1 sellerístilkur
1 hvítlauksrif
1 lárviðarlauf
basilíka
1/2 rauðvínsglas
ólívuolía
salt og pipar
Annað:
lasagnablöð eftir smekk
2 Galbani-mozzarellakúlur
Galbani-parmesanostur
béchamel-sósa (sjá uppskrift
af canneloni)
Saxið hvítlaukinn og chillíaldinið smátt og mýkið í örlítilli olíu á pönnu
áður en þið bætið allri olíunni út í. Gætið vel að því að blandan brúnist
ekki, þá eyðileggst bragðið. Hellið þessu yfir soðið pasta og blandið
vel saman. Berið fram með parmesanosti. Þetta er ein auðveldasta og
fljótlegasta uppskrift sem til er að góðum pastarétti.
Pasta með hvítlauk, olíu og chillí
400 g pasta að vild
4 hvítlauksrif
1 rautt chillíaldin
1 bolli ólívuolía, má vera
minna eða meira
Galbani-parmesanostur