Vikublaðið - 03.02.1994, Blaðsíða 5
VIKUBLAÐIÐ 3. FEBRUAR 1994
5
téttarbaráttan
tækni var þó horfin þegar hann settist
í menntaskóla því þar hófst kunnings-
skapur og samstarf hans og Kjartans
Gunnarssonar framkvæmdastjóra
Sjálfstæðisflokksins. Síðan hafa leiðir
Þórarins og Eimreiðarhópsins svo-
nefnda oftast legið samsíða.
Þegar Þórarinn kom til starfa hjá
VSI vakti hann strax athygli viðsemj-
enda sinna fyrir hörku í samningum.
Það kom fyrir oftar en einu sinni á
fyrstu árum hans í Garðastrætinu að
VSI varð að kalla á gamla samninga-
refinn Barða Friðriksson til að bjarga
málunum efdr að Þórarinn var búinn
að keyra allt í hnút. Einria frægust
varð deila hans við starfsmenn
Mjólkursamsölunnar á sínurn tíma.
Síðan var eins og Þórarinn róaðist,
eða þá að honum var meðvitað haldið
til hlés. Nú er hann kominn á toppinn
og enginn til að halda aftur af honum
lengur. Og þá getur hann beitt þeim
starfsstíl sein honum hentar best.
Spurningin er bara sú hvort eða.
kannski hvenær hann fer offari. Þá
gæti verið að hófsamari menn í röðurn
atvinnurekenda sæju að þessi harða
lína firamkvæmdastjórans sé ekki endi-
lega sú ákjósanlegasta til að verja
heildarhagsmuni stéttarinnar.
*
A öllum vígstöðvum
Þórarinn stendur í stéttabaráttu, á
því leikur enginn vafi. Aðstæðurnar
eru líka hliðhollar honum; vaxandi at-
vinnuleysi og velviljuð ríkisstjórn þar
sem gömlu Eimreiðarvinirnir sitja á
öðrum hverjum ráðherrastól.
Það er heldur ekki látið við það sitja
að þrengja að réttindum launafólks í
veikindum. Eins og Guðmundur
Gunnarsson nefndi þá er VSÍ að fara í
saumana á öllum samningum. „Þeir
eru að beita sínum túlkunum á ákvæði
samninga um lögboðinn hvfldartíma,
þe. hvenær vinnutíini hefst og hvenær
honum lýkur,“ segir hann.
Aður er minnst á uppsagnir kaup-
tryggingar fiskverkafólks vegna hrá-
efnisskorts, en Guðmundur Ómar
segir að farið sé að bera á því víða að
mönnum er sagt upp fastráðningu en
þess í stað 'ooðin lausráðning í ákveð-
in verkefni til skamms tíma í einu.
Með þessu mótd er fólk svipt rétti til
launa í veikindum, það hefur engan
uppsagnarfrest og ef það neitar að
þiggja lausavinnuna missir það rétt til
atvinnuleysisbóta.
Það er líka kominn nýr tónn í full-
trúa VSÍ á ýmsum vígstöðvum. Sem
dæmi má nefna Jafnréttisráð og
Kærunefnd í jafnréttismálum. Fyrir
skemmstu féll dómur í Hæstarétti í
máli kærunefndarinnar gegn mennta-
málaráðherra vegna ráðningar í stöðu
lektors við Háskóla Islands, en dóm-
urinn komst að þeirri niðurstöðu að
brotin hefðu verið lög á Helgu Kress
þegar hún fékk ekki stöðuna.
Fulltrúi VSI í Jafnréttisráði tók þátt
í afgreiðslu ráðsins á sínum tíma og
stóð ásamt öðrum ráðsmönnum að
því að skjóta máli Helgu til dómstóla.
En þegar niðurstaðan Var fengin var
komið nýtt hljóð í strokk atvinnurek-
enda. Fulltrúi þeirra í Jafnréttisráði,
lögfræðingurinn Hrafnhildur Stef-
ánsdóttir, lét hafa það eftir sér að þessi
úrskurður væri ekki endilega konuin
til framdráttar. Þetta vakti athygli og
margir urðu til þess að spyrja hvort
fulltrúi VSÍ sæti í Jafnréttisráði til að
stuðla að jafnrétti eða verja þrengstu
hagsmuni atvinnurekenda hverju
sinni.
Sameinaðir stöndum
vér...
En það verður að segja hverja sögu
eins og hún er og þá verður ekki litið
ffamhjá því að verkalýðshreyfingin
hefur að sumu leyti auðveldað Þórarni
að framfylgja sinni línu í kjaramálun-
um. Þar er vísað til þess að ýmislegt
skorti upp á samstöðu stéttarfélag-
anna. Allir vita hvernig samkomulagið
hefur verið milli ASÍ, BSRB og
BHMR síðustu árin, í það minnsta
Þórarinn V. Þórarinsson sem oftar en
ekki hefur spilað á þær mótsagnir af
mikilli kúnst.
Ogmundur Jónasson formaður
BSRB nefnir SVR-málið sem dæmi
um mál þar sem atvinnurkendur fá
frítt spil vegna skorts á samstöðu
stéttarfélaganna. Fleiri viðmælendur
blaðsins nefndu SVR og sögðu að þar
vissu atvinnurekendur nákvæmlega
hvað þeir væru að gera. „SVR skiptir
engu máli fyrir þá, en það er alveg
sama hvernig það mál fer, VSÍ verður
alltaf sigurvegari. Þeir notfæra sér
innbyrðis togstreitu verkalýðshreyf-
ingarinnar þar sem menn standa í
skotgrafahernaði," sagði einn.
„Það er staðreynd að innan verka-
lýðshreyfingarinnar eru ólíkar áhersl-
ur og hugmyndir um það hvaða leiðir
eru árangursríkastar í baráttunni gegn
atvinnuleysi og aukinni misskiptingu.
Þennan ágreining verða menn að
horfast í augu við og ræða opinskátt á
málefnalegan hátt. En þegar farið er
að sverfa að sjálfum grundvelli verka-
lýðsbaráttunnar og starfsemi stéttar-
félaganna verður hreyfingin að geta
sameinast. Eins og raunin varð á úti-
fundinum í síðustu viku,“ segir Ög-
mundur Jónasson og á þar við úti-
fundinn á Austurvelli þar sem
launþegasamtökin sameinuðust gegn
atvinnuleysinu.
Hann tekur undir með kollegum
sínum sem áður er vitnað til og segir
að það sé merkileg reynsla að upplifa
áfergju atvinnurekenda í að rífa niður
kjörin hjá launafólki. „Við töldum
okkur vera að reyna að koma
samskiptum launafólks og atvinnu-
rekenda á siðmenntað plan, en nú eru
þeir að færa okkur aftur niður á frum-
skógarstigið. Og þar er enginn munur
á einkafyrirtækjuin og þeim sem eru í
ríkiseigu. Við þurfum að útkljá sífellt
fleiri mál fyrir dómstólum sem er
bæði dýr og heimskuleg leið. Að því
leyti hafa atvinnurekendur hag-
kvæmnina ekki að leiðarljósi. Hún
virðist eingöngu vera í því fólgin að
hagræða fólki úr vinnu og rýra kjör
þeirra sem eftir eru.“
Björn Grétar vill ekki kannast við
að ágreiningur innan hreyfingarinnar
standi henni fyrir þrifuin. Staðan sé
hins vegar erfið, ekki síst vegna at-
vinnuleysisins.
„Það kemur fyrir að við erum beðn-
ir að beita okkur ekki í tilteknum mál-
um vegna þess að menn óttast um at-
vinnuöryggi sitt. í þessu ástandi koma
allir verstu eiginleikar mannskepn-
unnar ffam. Á því verðum við að átta
okkur og bregðast við á viðeigandi
hátt og það eruin við alltaf að reyna,“
segir Björn Grétar Sveinsson formað-
ur Verkamannasambandsins og það
látuin við verða lokaorðin.
H E I M I L I S L I N A
BUNAÐARBANKANS
INNGÖNGUTILBOÐ
Félagar fá handhœga
skipulagsbók og möppufyrir
fyármál heimilisins sér að
kostnaðarlausu.
Þetta tilboð gildir aðeins um
takmarkaðan tíma.
: i
BIJNAÐARBANKI
ÍSLANDS
Fjölbreyttur
sparnaður
- einfóld leið.
í Spariþjónustu Heimilislínunnar getur þú safnað á einfaldan
hátt og valið um ótal ávöxtunarleiðir. ,
Við millifærum af launareikningi og ráðstöfum sparifénu inn á
sparireikninga eða til kaupa á verðbréfum í gegnum nýjan
verðbréfareikning Búnaðarbankans.
Lágmarksspamaður í Spariþjónustunni er aðeins 3000 kr. á
mánuði!
Áunninn lánsréttur með reglubundnum sparnaði gefur
möguleika á hagstæðari lánum.
Bankinn annast verðbréfavörslu, innlausn bréfa og fylgist með
útdrætti húsbréfa. Um hver áramót er sent yfirlit yfir stöðuna.
Þú getur líka nýtt þér Greiðsluþjónustu Heimilislímmnar.
Reikningar eru sendir beint í bankann sem annast greiðslu á
réttum tíma. 1/12 af útgjöldum ársins er millifærður
mánaðarlega af launai eikningi þínum á sérstakan
útgjaldareikning. Ef innstæðan á útgjaldareikningnum
dugar ekki einstaka mánuði brúar bankinn bilið með
reikningsláni.
HEIMILISLINAN
- Heildarlausn á Jjármálum
einstaklinga