Vikublaðið - 10.02.1994, Blaðsíða 9
VTKUBLAÐIÐ 10. FEBRUAR 1994
9
Háskolinn
eru þó tvær undantekningar. Annar
Háskólaráðsfulltrúi Vöku, Hrönn
Hrafnsdóttir og Börkur Gunnarsson,
formaður funda- og menningarmála-
nefhdar hafa unnið vel á sínu sviði.“
Formaður Vöku segir gagnrýni for-
manns Stúdentaráðs í garð minnihlut-
ans bera vott um starfsþreytu. „Við
höfum boðið ffam okkar fulltrúa í
embætti en verið hafhað. Embættum
fylgir eðlilega vinna og mér þykir leitt
ef hún vex Röskvumönnum í augum,
en þeir geta þá sjálfum sér um kennt. I
nefhdum ráðsins koma fulltrúar fylk-
inganna beggja að málunum. I
menhtamálanefnd t.d. hafa okkar full-
trúar unnið að mótun menntastefnu í
samvinnu við hina. Varðandi and-
stöðu Vöku innan ráðsins þá hafa allar
tillögur sem við höfum haft trú á ver-
ið samþykktar. Við vorum hlynnt
stofnun nemendafyrirtækis, annað er
fásinna, en lögðum áherslu á að vel
yrði á málurn haldið við framkvæmd.
Auðvitað gagnrýnum við mikið og ýt-
um á ntál ef ástæða er tdl. Hlutverk
stjórnarandstöðu er á margan hátt
mikilvægt. Hún hefur veitt stjórninni
mikilvægt aðhald og verið til góðs.“
Erfitt að meta árangur í
lánamálum
Minnihlutinn í Stúdentaráði hefur
gagnrýnt meirihlutann fyrir aðgerða-
leysi í lánamálúm. „Við teljum að það
hefði verið hægt að ná einhverjum ár-
angri með því að beita öðrum aðferð-
um,“ segir Anna Birna urn breyting-
arnar sem gerðar voru á Lánasjóðn-
um. „A þessum tíma var allof lítið gert
af því að setjast að samningaborði. í
staðinn var stjórnarandstöðunni á Al-
þingi beitt í baráttunni og valdhöfum
þannig stefht gegn okkur. Við gerð-
um okkur grein fyrir að Lánasjóðslög-
unum yrði breytt og að þá þróun var
ekki hægt að stöðva. Raunhæfum til-
lögurn, t.d. um endurgreiðslur lán-
anna, hefði mögulega verið komið í
gegn.“ Anna Birna segir stjórn Stúd-
entaráðs alltof seint hafa reynt að
fylkja stúdentum saman gegn breyt-
ingunum og að strengir stúdenta hafi
ekki verið nægjanlega stilltir saman.
Páll tekur ekki undir þetta en segir
erfitt að meta árangur. Vel geti verið
að hægt hafi verið að gera hlutina
öðruvísi. „Við teljum okkur hafa hald-
ið úti málefhalegri og kröftugri bar-
áttu gegn nýjum lögum um Lánasjóð-
inn. Allt ffá því að þau voru samþykkt
höfum við margkallað á breytingar og
viðræður við ríkisvaldið um afleiðing-
ar þessara laga. Mér finnst námsmenn
hafa stutt við bakið á okkur og finn
ekki að þeir séu óánægðir með að-
gerðir okkar. Fólk er náttúrulega
óánægt með meðferð þessarar ríkis-
stjórnar á málefhum Lánasjóðsins."
Unnið í sátt og samlyndi
Anna Birna telur samstarfið hafa
verið ágætt í vetur og átök fylking-
anna í Stúdentaráð vera orðum aukin.
„Báðar fylkingarnar eigi að vera að
berjast fyrir sömu hlutum, hagsmun-
um stúdenta. I einstökum málum er
áherslumunur og stundum er deilt um
leiðir en þegar á heildina er litið er
unnið í sátt og samlyndi. Vaka hefur
lagt áherslu á að stofna vinnuhópa um
ákveðin mál og í vor var unnið sam-
eiginlega að tillögum í lánamálum og
það gekk eins og í sögu.“
Heimóttarlegur háskóli
eða á heimsmælikvarða
A undanförnum misserum hefur
verið skorið niður víða í menntakerf-
inu og hefur Háskólinn ekki farið var-
hluta af því. „Fólk gerir iniklar kröfur
til Háskólans ogvill að hann stuðli að
nýsköpun en samt sem áður finnur
maður ekki nógu mikinn stuðning við
námsmenn eða Háskólann," segir for-
maður Stúdentaráðs. „Háskóli á
heimsmælikvarða kostar peninga og
taka verður ákvörðun um hvort eigi að
halda úti alvöru háskóla með öflugu
rannsóknastarfi eða ekki. Þjóðinar í
kringum okkur auka hinsvegar fjár-
framlög til menntunar og vísinda í
heimskreppunni."
Við fjárlagagerðina í haust lagði
menntamálaráðherra til að skólagjöld
yrðu hækkuð en Stúdentaráð brást
hart við, ályktaði um málið og sendi
öllum þingmönnum bréf og ekkert
varð úr hækkun skólagjalda. Frum-
varp um fjöldatakmarkanir lá fyrir
þingi í vor og voru fulltrúar stúdenta
kallaðir á fund þingflokks Alþýðu-
flokksins ásamt fylgismönnum fjölda-
takmarkana innan Háskólans. Eftir
þennan fund hafnaði þingflokkurinn
frumvarpinu.
Páll segir fjárveitingu Háskólans
vera að raungildi þá sömu og 1988 en
á sama tíma hefur námsbrautum Há-
skólans fjölgað. „Val innan náms-
brauta hefur verið takmarkaað og
Bergþór
Bjarnason
stúdentar geta ekki valið á milli nám-
skeiða og þannig sniðið nám sitt að
eigin áhugasviði. I líffræði svo dærni
sé tekið geta nemendur á lokaári ekki
útskrifast því þar eru ekki nógu rnörg
námskeið í boði til að uppfylla þann
einingafjölda sem ,til þarf. Nemend-
um seinkar þvf um um hálft til eitt ár í
námi. Háskólinn er nt.ö.o. að staðna
og þó svo að verkfræðideildin hafi ný-
lega fengið alþjóðlega viðurkenningu
er hætt við að með sama áframhaldi
muni Háskólinn ekki standast sam-
keppni við erlenda skóla í fyrirsjáan-
legri ffamtíð. Engar breytingar eru
sjáanlegar, t.d. eru fjárveitingar til
Háskólans óbreyttar á árinu 1994.“
Marktæk kosningaspá?
Stundum hefur verið litið á úrslit í
Stúdentaráðskosningum sem fyrir-
boða í öðrum kosningum og að í Há-
skólanum verði fyrst vart væntanlegra
sveiflna til hægri og vinstri.
Árið 1990 vann Vaka sinn stærsta
kosningasigur í sögu félagsins. A sama
tíma var hluti minnihlutaflokkanna í
borgarstjórn að reyna að sameina
krafta sína sem leiddi af sér stofnun
Nýs vettvangs. Allir muna hvernig
borgarstjórnarkosningar fóru það ár-
ið. Ári seinna sigraði Röskva í fyrsta
skipti og kosningar til Alþingis vorið
1991 þóttu fara verr fyrir Sjálfstæðis-
flokkinn en við var búist þrátt fyrir að
þær leiddu af sér þá ríkisstjórn sem nú
situr. Reyndar er athyglisvert að inn-
an Háskólans hefur félagshyggjufólk
starfað saman í sex ár, nokkuð sem
ekki hefur tekist annars staðar.
Nú er aftur komið að borgarstjórn-
arkosningum og minnihlutaflokkun-
um í Reykjavík hefur tekist að sam-
eina krafta sína. Því er spennandi að
sjá hvort lesa megi út úr Stúdenta-
ráðskosningum spá um úrslitin í kosn-
ingum til borgarstjórnar nú í vor eða
hvort stúdentapólitíkin lúti öðrum
lögmálum en stjórnmálin utan veggja
HI.
S T Æ R S T I
VERÐBRÉFASJÓÐUR Á ÍSLANDI
Einingabréf 2 - kostirnir eru ótvírœbir:
• Einingabréf 2 eru eignarskattsfrjáls
sjóöur sem fjárfestir í ríkisveröbréfum
• Einingabréf 2 báru 14,21% ársávöxtun á
árinu 1993, eöa 10,9% raunávöxtun
• Einingabréf 2 má innleysa hvenœr sem er
• Einingabréf 2 henta vel í reglulegan sparnaö
Bréfin fást hjá eftirtöldum abilum:
Kaupþingi hf., Kaupþingi Noröurlands hf.,
sparisjóbunum og Búnabarbanka Islands.
SPARISJOÐIRNIR
BUNAÐARBANKINN
KAUPÞING HF
Löggilt verðbréfafyrirtœki
Kringluntti 5, sírni 689080
í eigu Búnaðarbanka íslands
og sparisjóðanna
KAUPÞING H F. - F RAM T í Ð A RÖ RYG G I í FJÁRMÁLUM