Vikublaðið - 10.06.1994, Blaðsíða 13
VIKUBLAÐIÐ ÍO.JUNI 1994
13
Guarding Tess ★★
Sýnd í Stjömubíói
Leikstjóri: Hugh Wilson
Aðalhiutverk: Shirley MacLaine,
Nicholas Cage.
Allflestar bíómyndir samtímans
eru gerðar með einhvern
markhóp í huga. Til eru þó
myndir sem tiiheyra óljósum mark-
hópi eða falla á rnilli tveggja slíkra.
Myndinni Guarding Tess er sýnilega
miðað á þann „þroskaða" hóp sem
sækir ntyndir á borð við Driving Miss
Daisy og Fried Green Tomatoes en á
köflum er eins og aðstandendur hafa
ekki viljað missa út unglingana
óhörðnuðu sem sækja myndir á borð
við The Bodyguard. Ur þessu verður
hálf stefnulaus grautur sem maður
veit ekki hvort maður á að taka alvar-
lega eður ei.
En stefhuleysi er því miður ekki
stærsta vandamál myndarinnar. Upp-
byggingin öll ber keim af ófrágengnu
handriti þar sem þurft hefur að fylla
upp í eyðurnar á síðustu stundu. A
köflum er eins og höfundarnir hafi
lent í vandræðum með að finna eitt-
hvað handa persónunum að gera.
Ekki er myndin alslæm, það bregður
fyrir stöku flugeldi í samleik Nicholas
Cage og Shirley MacLaine en annars
er þetta ástar/haturssamband þeirra
afar ósannfærandi þegar til lengdar
lætur.
Ef aðstandendur hefðu eytt aðeins
meiri tíma í undirbúning hefði mynd
þessi kannski átt sér viðreisnar von en
eins og er sekkur hún í hinn fúla pytt
meðallagsins.
Leikarar eins og Nicholas og
Shirley eiga betra skilið en að koma
fram í hálfkáki sem þessu, vonum bara
að umboðsmennirnir reynist þeim
betur næst.
Naked Gun 3373 ★ V2
Sýnd í Háskólabíói
Leikstjóri: Peter Segal
Aðalhlutverk: Leslié Nielsen,
Priscilla Presley, O.J. Simpson.
Innihald myndaraðarinnar „Nakin
byssa“ (Sem íslenskt bíófólk ákvað
af augljósum ástæðum að þýða
„Beint á ská“) hefur ekki einkennst af
miklum þykkleika hvað húmor varðar.
Raunar hafa myndirnar mest gengið
út að á blóðmjólka brandarana úr
þáttaröðinni „Police Squad!“ sem þær
eru byggðar á og strá svo nýjum
bröndurum inn á milli.
Þetta gekk nokkurn veginn upp í
fyrstu tvö skiptin, enda voru þar með-
limir ZAZ-gengisins margfræga sem
toguðu í spottana en þeir kuinpánar
hafa sýnt með myndum eins og Kent-
ucky Fried Movie og Airplane! að þeir
hafa næmt auga fyrir inyndrænum
húmor. Þeir hafa hins vegar kosið að
koma sem minnst náiægt þessari
þriðju nrynd flokksins enda hefur
þeim eflaust fundist brunnurinn
þurrausinn þótt frameiðendur séu á
öðru máli.
Það fer lítið fýrir ffumleika hvorki í
ffásögninni né bröndurunum sem er
skvett ffarnan í áhorfendur af handa-
hófi. Þó má finna stöku skondin
nryndskeið, t.d réttlætir það allt að því
miðaverðið að sjá Leslie Nielsen í
diskógalla með barta. Annars eru það
viðskipti eins og vanalega hjá Police
' Squad genginu. .
Maður er farinn að kunna of mikið
á húmorinn tii að geta hlegið einhver
ósköp að honum.
Heart and Souls ★★★
Sýnd í Bíóborginni
Leikstjóri: Ron Underwood
Aðalhlutverk: Robert Downey Jr.,
Kyra Sedgwick, Charles Grodin.
ó svo að 33 ár séu liðin ffá því
að ítalsk-bandaríski leikstjór-
inn Frank Capra (It's a wond-
erfúl life, It happened one night)
gerði sína síðustu mynd verður ljósara
með hverjum deginum hversu djúp
þau spor eru sem hann skildi eftir sig í
Hollywood. Þessi óbilandi trú á
mannky'ninu og mætti „meðaljónsins"
sem skein í gegn í myndum hans hef-
ur verið að iáta á sér kræla í nokkrum
af grínmyndum seinni ára, t.d. Mr.
Destiny, Dave og svo myndinni sem
er umfjöllunarefni þessa textabálks,
Heart and Souls.
Þetta er lítil og góðhjörtuð gainan-
mynd' sem erfitt er að vera á móti
þrátt fyrir að hún sé eilítið tilgerðar-
leg á köflum, sér í lagi í fyrri hlutan-
um.
Robert Downey sýnir snilldarlega
takta í aðalhlutverkinu og kemst
nokkrum skrefum nær því að sanna
fyrir alheiminum að hann sé einn af
ffemstu grínleikurum samtímans.
Fjórmenningarnir sein túlka þau
ffamliðnu sýna einnig líflegan og
skemmtilegan samleik og sameinaðir
kraffar aðstandenda leiða til þess að
myndin verður annað og meira en
þurr eftiröpun á gömlu Cary Grant
myndinni „Topper" sem fjallar um
svipað efni.
Þetta er þriðja myndin sem leik-
stjórinn Ron Underwood sendir ffá
sér og af affakstrinum að dæma gæti
hann orðið trygging fyrir skemmtun
líkt og Rob nokkur Reiner hefur löng-
um verið. Heart and Souls er tilvalin
dægrastynting fyrir jákvæða og gæti
jafnvel fengið þá neikvæðu til að end-
urheimta trú sína á því að tilveran sé
einhvers virði.
Utboð
F.h. stofnana_ og fyrirtækja Reykjavíkurborgar er óskað eftir
tilboðum í HVÍTAN PAPPÍR 80 gr í stærðinni A4. Æskilegt er að
pakkning sé 500 blöð í pakka.
Áætluð heildarkaup eru 12.000 pakkar.
Útboðsgögn verða afhent á skrifstofu vorri Fríkirkjuvegi 3, Reykja-
vík.
Tilboðin verða opnuð á sama stað þriðjudaginn 21. júní. 1994 kl.
14.00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800
Sagt með iiiynd
Höfundar: Hjörtur Gunnarsson og Puríður Hjartardóttir
Lausn myndagárunnar í síðasta blaði er: „G-listinn í Neskaupstað baetti einum fulltrúa við hálfrar aldar hreinan meirihluta.“