Morgunblaðið - 27.03.2005, Blaðsíða 30

D
A
G
N
Ý
G
R
É
TA
Ó
L
A
F
S
D
Ó
T
T
IR
LOFAR GÓÐU
Þ
etta er svo skemmtilegt og maður er stöðugt að
læra eitthvað nýtt,“ segir Dagný Gréta Ólafs-
dóttir þegar hún er spurð hvað sé eiginlega
svona heillandi við hár. „Hártískan er svo fjölbreytileg.
Til dæmis eru mjög ólíkar línur í gangi núna: krullur,
styttur og alls kyns litir sem maður getur notað til að
breyta útliti fólks til hins betra.“
Frá því að þessi 23 ára Reykjavíkurmær hóf nám í
hársnyrtingu árið 2000 hefur hún tekið virkan þátt í
starfi Intercoiffure Junior hársnyrtinema og verið iðin
við að sýna hvað í henni býr á hárgreiðslusýningum. Ár-
ið 2002 fékk hún fyrstu verðlaun fyrir tískulínu dömu á
Íslandsmeistarakeppni nema á Broadway, árið 2003
varð hún í þriðja sæti í Intercoiffure Junior keppninni
og sigraði ári síðar. Þá eru ónefndar fjölmargar sýn-
ingar þar sem Dagný hefur sýnt verk sín. Á næstunni
mun hún svo taka þátt í sýn-
ingu á vegum Intercoiffure í
háborg tískunnar, París.
Dagný lauk sveinsprófi í hár-
skurði og hárgreiðslu frá Iðn-
skólanum í Reykjavík síðast-
liðið vor en allt frá því að hún
hóf nám hefur hún starfað á Salon Reykjavík í
Glæsibæ. Eigendur stofunnar eru Arnar Tómasson og
Hreiðar Á. Magnússon og í félagi við þá hefur hún verið
iðin við að sækja sýningar erlendis í því skyni að kynna
sér nýjustu strauma og stefnur. Dagný segir þá félaga
óhrædda við ímyndunarafl hennar sem hún virkjar
óhikað í þágu kúnnanna. „Þeir hafa gefið mér svolítið
lausan tauminn og það hefur hjálpað mér mjög mikið.
Ég er líka komin með minn kúnnahóp sem er byrjaður
að treysta mér. Það tekur alltaf eitt skipti hjá þeim að
þora og sumir eru alltaf fastir í einhverju. Margir eru þó
óhræddir við breytingar og hafa bara gaman af þeim
enda er nauðsynlegt að breyta til og kannski að fylgjast
svolítið með því sem er að gerast í hártískunni.“ Og hún
segist aldrei fá leiða á starfinu, ekki einu sinni þegar
hún fær haugaskítugt hár upp í hendurnar. „Nei, nei,
það er bara eðlilegt,“ svarar hún galvösk og vindur sér í
næsta koll. | ben@mbl.is
Með hendur
í hári
kúnnanna
L
jó
sm
yn
d:
K
ri
st
in
n
In
gv
ar
ss
on