Morgunblaðið - 01.05.2005, Blaðsíða 72

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 1. MAÍ 2005 VERÐ Í LAUSASÖLU 350 KR. MEÐ VSK.
APÓTEK OG HEILSUBÚÐIR
Góð heilsa gulli betri
UNDANFARIN 15 ár hefur notkun serótónín-
geðdeyfðarlyfja margfaldast hér á landi og víð-
ar í Vestur-Evrópu. Í skýrslu NOMESCO,
nefndar um heilbrigðistölfræði á Norður-
löndum, um lyfjaneyslu frá 1999–2003 kemur
fram að sala þunglyndislyfja hafi aukist um 65%
á Íslandi á þessu tímabili. Í upphafi kafla um
þunglyndislyf í skýrslunni segir jafnframt, að
„fyrirstaða í samfélaginu gegn lyfjameðferð sé
lítil“ og að aukin neysla þunglyndislyfja sé „að
verulegu leyti til komin vegna öflugrar mark-
aðssetningar á serótónín-þunglyndislyfjunum
SSRI“.
Samkvæmt upplýsingum frá skrifstofu lyfja-
mála í heilbrigðis- og tryggingaráðuneytinu
hefur dagskömmtum SSRI-lyfja á hverja þús-
und íbúa hér á landi fjölg-
að úr 0,96 í 61,86 frá 1989
til 2004. Söluverð lyfjanna
á verðlagi hvers árs, hef-
ur aukist úr 17,5 millj-
ónum árið 1989 í 779 árið
2004. Samkvæmt upplýs-
ingum frá Trygginga-
stofnun ríkisins námu út-
gjöld hennar vegna
SSRI-lyfja árið 2004 rúm-
lega 471 milljón. Fjöldi
skilgreindra dagskammta
SSRI-lyfja árið 2004 var
rúmar sex milljónir. Ef sambærilegar tölur eru
skoðaðar fyrir 18 ára og yngri er fjöldi skil-
greindra dagskammta rúmlega 315 þúsund og
útgjöld TR 22,5 milljónir.
Samkvæmt útreikningum frá landlæknis-
embættinu er áætlað að rúmlega 900 börn og
unglingar 19 ára og yngri hafi neytt SSRI-lyfja
árið 2004, en þá er gengið út frá því að hver
einstaklingur taki lyfið í heilt ár. Í skýrslu
NOMESCO sem fyrr er getið, kemur fram að frá
1999–2003 hafi notkun þunglyndislyfja, ósund-
urliðuð, verið 12,6 dagskammtar á þúsund drengi
á Íslandi og 7,2 dagskammtar á þúsund stúlkur í
hópi 0–14 ára. Sama hlutfall í Danmörku er 0,7
dagskammtar á hvert þúsund fyrir bæði kynin
og 1,2 og 1,0 í Svíþjóð, svo sem sjá má í töflunni.
Matthías Halldórsson aðstoðarlandlæknir seg-
ir í viðtali í Tímariti Morgunblaðsins að meiri sál-
fræðistuðning þurfi við meðferð þunglyndis og
hugsanlega minni lyfjameðhöndlun. Lyfjastofn-
un hefur mælt fyrir um að sterk varnaðarorð
verði sett inn í lyfjatexta seróntónín-lyfja til þess
að upplýsa lækna og foreldra um áhættu af auka-
verkunum hjá börnum og unglingum./Tímarit
Kallað eftir meiri sálfræðistuðningi
og minni lyfjagjöf við þunglyndi

7
89 :8
;;;





    

E
FE

E
E EF EF
  
;
 < Eftir Helgu Kristínu Einarsdóttur
helga@mbl.is
Fjarðabyggð | Stofna á atvinnuslökkvilið í
Fjarðabyggð og er það samstarfsverkefni
bæjarstjórnar, Heilbrigðisstofnunar Aust-
urlands og Alcoa Fjarðaáls.
Átta menn eiga að skipa slökkviliðið og
sjá að auki um sjúkraflutninga fyrir Heil-
brigðisstofnunina, brunavarnir og eftirlit.
Það mun einkum sinna Reyðarfirði og
Eskifirði og slökkvistarfi við nýtt álver
Fjarðaáls.
Í liðinu eiga að verða átta atvinnu-
slökkviliðsmenn, slökkviliðsstjóri og eld-
varnaeftirlitsmaður. Reiknað er með að
tveir menn verði á vakt að jafnaði, sem
sinni einkum sjúkraflutningum. Ef um
brunaútköll er að ræða myndu 5–6 menn
frá álverinu bætast við. Þá er í skoðun að á
hverri slökkviliðsvakt í álverinu verði 10
menn í hlutastarfi og þeir takist á við þá
elda sem kviknað geta innan álversins
sjálfs.
Atvinnuslökkvi-
liðsmenn í
Fjarðabyggð
LÖGREGLAN í Reykjavík stöðvaði um
klukkan tvö í fyrrinótt bifhjól sem var ek-
ið á 180 km hraða norður Kringlumýr-
arbraut, við gatnamótin að Miklubraut.
Leyfilegur hraði þar sem hann ók er 80
km. Maðurinn má búast við að verða
sviptur ökuleyfi í þrjá mánuði og þurfa að
greiða 70.000 krónur í sekt. Lögreglan
bendir á að á slíkum hraða megi ekkert
bregða út af til þess að ökumaður missi
ekki stjórn á hjóli sínu með ófyrirsjáan-
legum afleiðingum. Með slíkum ofsa-
akstri stefni ökumaðurinn ekki aðeins
sjálfum sér í hættu heldur einnig öðrum
vegfarendum. Þá bendir hún á að bifhjól-
um fjölgi nú hratt á götum og vegum.
Tekinn á 180
km hraða
á vélhjóli
MIKIL umsvif og gróska einkennir mann-
virkjagerð um þessar mundir og eru yf-
irleitt næg verkefni fram undan allt til
sumarloka í byggingariðnaði og jarð-
vinnu, skv. upplýsingum Eyjólfs Bjarna-
sonar og Árna Jóhannssonar hjá Sam-
tökum iðnaðarins. Mikil eftirspurn er enn
eftir nýbyggingum og jarðvinnuverktakar
hafa næg verkefni næstu mánuði.
„Segja má að ástandið í dag sé eins og
við viljum hafa það, þar sem fyrirtæki í
byggingariðnaði sjá verkefni tvo til þrjá
mánuði fram í tímann. Það eykur bæði
rekstraröryggi fyrirtækjanna og öryggi
starfsmannanna,“ segir Eyjólfur.
Að sögn hans er framboð verkefna við
húsbyggingar á höfuðborgarsvæðinu
mjög svipað og á síðastliðnu sumri. Staðan
er einnig góð víða úti á landi, m.a. við
íbúðarhúsabyggingar á álverssvæðinu fyr-
ir austan og á Norðurlandi.
„Við getum verið ánægðir eins og stað-
an er í dag og bendum fólki á að það er
ekkert óeðlilegt við það þó ekki fáist iðn-
aðarmaður í vinnu strax á morgun. Það er
bara eðlilegt ástand þó menn þurfi að
reikna með því að það geti tekið ein-
hverjar vikur,“ segir hann.
„Menn sjá fram á gróskusumar,“ segir
Árni Jóhannsson. „Það er allt á útopnu í
jarðvinnunni. Harmónikan er þanin.“
Athygli hefur vakið hversu mikil þátt-
taka hefur verið í útboðum jarðvinnuverk-
efna að undanförnu.
Næg verkefni í byggingar-
iðnaði og jarðvinnu
„Harmónikan
er þanin“
SUMARIÐ hentar best til jarðvegsframkvæmda og slíkar framkvæmdir
voru einmitt í fullum gangi þegar ljósmyndari Morgunblaðsins átti leið
um Geldinganesið í gær. Stórvirkri gröfu var þar beitt af lagni við
fjörusandinn og árangurinn lét ekki á sér standa; stóreflis hrúga mynd-
aðist með ógnarhraða. Arnar Máni og Heiða Rún voru greinilega
ánægð með sumarblíðuna.
Morgunblaðið/Þorkell
Í stórframkvæmdum í fjörunni
ÍBÚAR við Gullengi í Grafarvogi í
Reykjavík vilja að borgaryfirvöld
taki mark á athugasemdum sem
gerðar hafa verið við fyrirhugaða
byggingu fjölbýlishúsa á lóðinni
við Gullengi 2–6 og taki frekar
ákvörðun um að á lóðinni verði
gert ráð fyrir grænu svæði eða
sjálfsafgreiðslubensínstöð.
Þetta kom fram á borgarafundi
sem haldinn var í gær, en þar hitt-
ust íbúar í Gullengi til að ræða um
hvernig mótmæla mætti fyrirhug-
aðri byggingu stórra blokka á lóð
þar sem áður átti að vera byggð
lágreist bensínstöð.
Frank M. Michelsen, sem fer
fyrir hópnum og er fulltrúi fyrir
húsfélag í grennd við Gullengi
2–6, segir tekið lítið tillit til óska
íbúa. „Íbúasamtökin gerðu at-
hugasemdir í fyrra og óskuðu
eftir að tekið yrði tillit til óska
þeirra,“ segir Frank. „Við
óskuðum eftir að byggingamass-
inn yrði minnkaður og byggð
þarna lágreist parhús eða ein-
býlishús, sem ekki verður gert.
Það eina sem breyttist var að
íbúðunum í blokkunum fækkaði
og þar af leiðandi stæðunum. En
íbúðirnar stækkuðu í staðinn og
blokkirnar sem við vildum að
yrðu lægri halda sömu stærð.“
Verði af byggingu blokkanna
verður að sögn Franks ekkert
rými fyrir tvöföldun Borgavegs,
sem á að þjóna sem tengibraut
milli Sundabrautar og Úlfarsfells,
en gert er ráð fyrir þeirri tvöföld-
un í skipulagi. „Nýtingarhlutfallið
á lóðinni er það hátt að það þarf
að setja hljóðmanir við Borga-
veg.“
Frank segir íbúa vilja samvinnu
við borgaryfirvöld sem ekki hafi
verið til staðar hingað til. „Við
teljum hafa verið farið dálítið aft-
an að okkur með þessu,“ segir
Frank sem gagnrýnir það að nú-
verandi lóðarhafi, Skeljungur,
skuli braska með lóð sem hann
fékk upphaflega til byggingar
bensínstöðvar.
Vilja ekki blokkir í Gullengið
Morgunblaðið/Þorkell
Frank M. Michelsen ásamt nágranna sínum, Þorvaldi Ó. Karlssyni, við
lóðina umdeildu og segja þeir háar byggingar munu takmarka útsýni.
♦♦♦