Morgunblaðið - 29.05.2005, Blaðsíða 11
MORGUNBLAÐIÐ SUNNUDAGUR 29. MAÍ 2005 11
’Það sem er í veði er framtíð ykkarsjálfra, barnanna ykkar, framtíð Frakk-
lands og Evrópusambandsins.‘Jacques Chirac Frakklandsforseti í ávarpi til frönsku
þjóðarinnar á fimmtudag, þar sem hann hvatti ákaft
til þess að landsmenn samþykktu nýja stjórnarskrá
Evrópusambandsins, en þjóðaratkvæðagreiðsla um
hana fer fram í Frakklandi í dag, sunnudag.
’Þetta eru rakalausar dylgjur og alvegfáránlegar ásakanir. Kosningabarátta
mín var heiðarleg. Framkvæmd kosning-
anna var bæði lögleg, eðlileg og hefð-
bundin. Þetta hafa formaður kjör-
stjórnar, kjörstjórnin sjálf,
framkvæmdastjóri flokksins, starfsfólk
flokksins á staðum sem og formaður
flokksins öll staðfest.‘Ágúst Ólafur Ágústsson alþingismaður mótmælti á
fimmtudag ásökunum um óeðlileg vinnubrögð í að-
draganda og framkvæmd kosningar til embættis vara-
formanns Samfylkingarinnar á landsfundi flokksins,
þar sem hann bar sigurorð af Lúðvík Bergvinssyni.
’Augljóslega mættu margir stuðnings-menn Liverpool ekki í vinnuna vegna
timburmanna, en talsvert var líka um að
stuðningsmenn Everton tækju sér frí til
að forðast sigurhlakkandi starfsfélaga.‘Talsmaður atvinnurekenda í borginni Liverpool á
Englandi, þar sem fimmtungur allra launþega til-
kynnti forföll frá vinnu á fimmtudag, eftir sigur
knattspyrnuliðsins Liverpool á ítalska félaginu AC
Milan í úrslitaleik Meistaradeildar Evrópu á mið-
vikudagskvöld.
’Kerfið hvetur bæði þá tekjulægri ogaðra til að setja sig í skuldir og það eru
ekki mjög heppileg skilaboð út úr svona
kerfi með tilliti til efnahagsstjórnar al-
mennt.‘Geir H. Haarde fjármálaráðherra sagði á miðvikudag
að til greina kæmi að endurskoða vaxtabótakerfið frá
grunni, í kjölfar þess að Efnahags- og framfarastofn-
unin (OECD) mælti með því í yfirliti sínu um efna-
hagsmál hér á landi að dregið yrði úr útgjöldum skatt-
kerfisins vegna vaxtabóta.
’Mörg tilboðanna eru feiknalega velgerð.‘Jón Sveinsson , formaður framkvæmdanefndar um
einkavæðingu, kvaðst ánægður með áhuga fjárfesta á
Símanum, en nefndin ákvað í vikunni að bjóða tólf af
fjórtán bjóðendum í hlut ríkisins að afla sér frekari
upplýsinga um fyrirtækið í því augnamiði að gera
bindandi tilboð fyrir júlílok.
’Þegar voldugasta ríki heims gerir lítiðúr lögum, reglu og mannréttindum, gefur
það öðrum leyfi til að fremja ofbeldi af
ófyrirleitni og án þess að þurfa að hafa
áhyggjur af því að refsing hljótist af.‘Irene Khan , forsvarsmaður Amnesty International,
sem kynnti ársskýrslu samtakanna á miðvikudag.
’Það er alveg ljóst, af þessum fundi, aðkominn er fram á sjónarsviðið stór og öfl-
ugur flokkur, sem hefur sýnt samkeppn-
ishæfni sína á hinum pólitíska markaði
með eftirminnilegum hætti.‘Ingibjörg Sólrún Gísladóttir að loknum landsfundi
Samfylkingarinnar um liðna helgi, þar sem hún sigr-
aði Össur Skarphéðinsson í formannskjöri með tveim-
ur þriðju hlutum atkvæða.
’Ég ætla að vera lengi í stjórnmálum.‘Össur Skarphéðinsson lét engan bilbug á sér finna
eftir að Ingibjörg Sólrún felldi hann úr formannsemb-
ættinu.
’Viljið þið styðja jafnaðarmenn við sárs-aukafullar en óhjákvæmilegar breytingar
á velferðarkerfinu eða viljið þið kalla yfir
ykkur „róttæka markaðshyggju“ stjórn-
arandstöðunnar?‘Klaus Uwe Benneter, framkvæmdastjóri þýska Jafn-
aðarmannaflokksins, lýsir þingkosningunum sem boð-
að var til í haust eftir sögulegan ósigur Gerhards
Schröders kanslara í kosningum í sambandslandinu
Nordrhein-Westfalen um liðna helgi.
Ummæli vikunnar
Morgunblaðið/Skapti Hallgrímsson
Ingibjörg inn og Össur út.
arinnar, sagði að ekki væri búið að taka
ákvörðun í nefndinni en hún kemur saman á
þriðjudaginn. Hann sagði að þegar málið hafi
verið rætt innan nefndarinnar hafi allir verið
sammála um að ekkert væri hægt að gera ann-
að en að rífa húsið. Hann telur húsið vera
ónýtt. Hans persónulega skoðun er þó sú að
húsið eigi að fá að njóta vafans. Hann vill ekki
að það verði rifið fyrr en á þurfi að halda. Það
sé ekki fyrir eins og er.
Hefur séð það svartara
Magnús Skúlason hjá húsfriðunarnefnd er
ekki sammála því að húsið sé ónýtt. Hann seg-
ir að þrátt fyrir að það sé illa farið eins og hús
verði þegar þau fái ekkert viðhald hafi hann
séð það svartara.
„Gamla Mjólkursamlagshúsið gæti orðið
fínasta hús ef það yrði endurbyggt,“ sagði
hann. „Mörg mjög illa farin hús hafa verið
gerð upp með góðum árangri. Þetta kostar
auðvitað mikla peninga og sveitarfélögin hafa
oft notað að endurbætur séu dýrar sem
ástæðu fyrir því að rífa gömul hús. En í aukn-
um mæli er sveitarstjórnarfólk að gera sér
betur grein fyrir því að gömul hús hafa ákaf-
lega mikið aðdráttarafl bæði fyrir innlenda og
erlenda ferðamenn. Fyrir íbúa bæjanna eykur
það yfirleitt ánægju þegar gömul hús eru gerð
upp eða endurbyggð. Mitt álit er að það eigi að
varðveita þetta hús og gera það upp. Hug-
myndirnar um nýtt skipulag á þessu svæði eru
mjög áhugaverðar og ég get ekki séð að húsið
sé fyrir.“
Á hiklaust að rifta samningum
komi eitthvað nýtt í ljós
Magnús Skúlason var nýlega á ráðstefnu í
Austurríki þar sem fjallað var um nýja byggð
innan um gamla. Hann sagði að ágætur maður
hafi þar rætt um að þótt búið væri að gera
áætlanir og samninga um byggingu nýrra
húsa eða að rífa gömul ætti hiklaust að rifta
slíkum samningum komi eitthvað nýtt í ljós
sem varðar fyrirhugaðar breytingar.
„Hús eiga að fá að njóta vafans,“ sagði hann.
„Gamla Mjólkursamlagshúsið er alls ekki að
hrynja þótt það líti illa út. Það á því tvímæla-
laust að slá því á frest að rífa það á meðan mál-
in eru rædd betur. Það liggur alls ekkert á að
rífa það.
Húsfriðunarnefnd hefur borist bréf þar sem
rætt er um að friða húsið. Um þetta bréf verð-
ur fjallað á fundi á miðvikudaginn. Fordæmi
eru fyrir neyðarfriðun til að koma í veg fyrir
að hús verði rifin. Ég veit ekki hvort ástæða sé
til að friða þetta hús en alveg kæmi til greina
að varðveita það samkvæmt svokallaðri hverf-
isvernd og ég tel að það ætti að gera. Þá fá
húsin að standa í sínu umhverfi, en þeim má
breyta til að aðlaga þau þeirri starfsemi sem
þar fer fram.“
Þessi burðarbiti er farinn að síga. Magnús Skúlason hjá húsfriðunarnefnd hefur ekki áhyggjur af því.
Hann segir húsið ekki vera að hrynja.
Mjólkursamlagshúsið í Borgarnesi. Húsfriðunarnefnd taldi upphaflega aðeins þessa hlið hafa varðveislugildi en hefur nú skipt um skoðun.
Gamli tækjasalurinn er mjög illa farinn. Þeir hlutar hússins sem nýttir voru undir byggingarvörudeild
KB líta betur út, enda haldið betur við.
Á móti því að rífa gömul hús
Lára Ingþórsdóttir
vill að húsið verði
verndað. „Ég vil ekki
að húsið verði rifið.
Undir flestum kring-
umstæðum er ég á
móti því að rífa
gömul hús, t.d.
gömlu húsin við
Laugaveginn í
Reykjavík. Mér
finnst að það eigi að gera þetta hús upp
og koma því í sem upprunalegast horf.
Best væri að fá fjárfesta til að gera það og
gera það síðan að fjölnota menningar-
húsi.“
Tilvalið félagsheimili
„Ég vildi að húsið
yrði gert upp,“ segir
Guðrún Grímsdóttir.
„Mér hefur alltaf
þótt þetta hús setja
sérstakan svip á
bæinn og þarna
verslaði ég áður fyrr.
Einhvern veginn
finnst mér að það
yrði sjónarsviptir að
Mjólkursamlaginu ef
það yrði rifið. Húsið yrði tilvalið félags-
heimili fyrir íbúa Borgarness. Alveg frá því
að ég fluttist hingað fyrir um 30 árum
hefur mér fundist vanta slíka aðstöðu.“
Vil halda í hefðina
Sísi Karelsdóttir
segist vilja að húsið
verði gert upp. „Ég
vil halda í hefðina og
mér finnst hefð að
hafa húsið þarna.
Það hlýtur að vera
hægt að nýta það.
Ég geri mér grein
fyrir að mikið þarf
að gera fyrir húsið,
helst þyrfti að gera
það upp eins og það var. Ég ólst upp við
að hafa Mjólkursamlagshúsið og vil halda í
þessi gömlu hús. Það væri synd að rífa
húsið.“
Verði gert upp þótt það kosti mikið
„Ég vil ekki að
gamla Mjólk-
ursamlagshúsið
verði rifið. Ég geri
mér alveg grein fyrir
að það kostar mjög
mikið að gera það
upp,“ segir Guðrún
Jónsdóttir, „en það
vil ég gjarnan að
verði gert og húsið
varðveitt. Ég er viss
um að hægt verður að finna því verðugt
hlutverk í framtíðinni.“
Húsið ekki svipur hjá sjón
Trausti Jóhannsson segist vilja láta rífa
Mjólkursamlagshúsið. „Húsið er ekki svipur
hjá sjón,“ segir hann. „Ég ólst upp hér í
Borgarnesi og man því til dæmis eftir
skorsteininum sem var við húsið. Þetta
yrði aldrei sama húsið þótt það yrði gert
upp. Ég skil samt sjónarmið þeirra sem
vilja halda í það.“
Hvað vilja
bæjarbúar gera?