Morgunblaðið - 11.06.2005, Page 11

MORGUNBLAÐIÐ LAUGARDAGUR 11. JÚNÍ 2005 11
FRÉTTIR
á hluthafafundi, eða um 55% atkvæða í
Íslandsbanka, þá hlýtur staða
Straums, Burðaráss og lífeyrissjóð-
anna, þ.e. núverandi minnihluta að
teljast sterkari, því hann nýtur að lág-
marki stuðnings 35,5% atkvæða af
þessum 64,5% atkvæðum og geti
Straumur farið með öll sín atkvæði, þá
hækkar hlutfallið upp í 38,7% og fer yf-
ir 39% ef 0,74% hlutur Jóns Ásgeirs
Jóhannessonar er talinn með.
Meirihlutinn aftur á móti nýtur að
lágmarki 21,82% atkvæða af heildar-
eign þeirra 20 stærstu, en ef óvissu-
atkvæðin þeirra Snorrasona, Jóns
Helga Guðmundssonar og Lífeyr-
issjóða Bankastræti, ásamt eigin bréf-
um eru talin með atkvæðamagni meiri-
hlutans, þá verður hlutfallið 33,9%
atkvæða í Íslandsbanka og fer yfir
37%, ef þeir njóta stuðnings af 3% af
eign Straums.
„Það hlýtur að vera alveg á hreinu,
að fjárfestingarfélag eins og Burðarás
færi ekki út í fjárfestingu á hlutabréf-
um upp á liðlega 7,3 milljarða króna,
án þess að hafa vissu fyrir því að ráð-
andi hlutur í Íslandsbanka hafi verið
tryggður,“ sagði viðmælandi sem er
þess fullviss að Straumur, Burðarás og
lífeyrissjóðirnir hafi þegar tryggt sér
umtalsvert meiri stuðning en núver-
andi meirihluti.
Samkvæmt ofangreindu hefur hvor-
ug fylkingin enn tryggt sér hreinan
meirihluta atkvæða í Íslandsbanka.
Það verða því að líkindum litlu hlut-
hafarnir, sem samtals ráða yfir um
35% atkvæða, sem ráða úrslitum um
það hvernig stjórn Íslandsbanka verð-
ur skipuð.
Það er ljóst af ofangreindu að í sum-
um tilvikum telja báðar fylkingar sig
njóta stuðnings sömu atkvæða, því sé
litið til þess stuðnings sem hvor fylking
um sig telur sig njóta að hámarki, að
þá er atkvæðamagnið komið vel fram
úr þeim 64,5% prósentum sem til
skiptanna eru. Sé aftur á móti stuðst
við lágmarkstölurnar, virðast þær
nokkurn veginn stemma við þau 55%
atkvæða í Íslandsbanka, sem ég tel
mig hafa upplýsingar um að hægt sé
að eyrnamerkja.
Þeir sem glöggt þekkja til, segja að
líkur séu á því, að á næstunni verði
bundinn endi á eitt lengsta og harðvít-
ugasta viðskiptastríð hér á landi, sem
hófst á vordögum árið 2000, með því að
ágreiningur var gerður í Íslands-
banka, um skiptihlutföllin, sem Krist-
ján Ragnarsson, þáverandi bankaráðs-
formaður Íslandsbanka, hafði samið
um við FBA (Fjárfestingarbanka at-
vinnulífsins), en þeim ágreiningi hafa
þegar verið gerð ítarleg skil hér í
Morgunblaðinu í ársbyrjun ársins
2003.
Vilja skipta um „kallinn í brúnni“
Margir hafa velt vöngum yfir því
hver séu áform Landsbankamanna og
Burðaráss með þessum kaupum í Ís-
landsbanka. Fullyrt er úr þeirra röð-
um að þeir hafi engin áform um sam-
einingu Landsbanka og Íslandsbanka.
Þeir geri sér mætavel grein fyrir því,
að slík sameining verði aldrei liðin.
Þeir horfi til öflugs samstarfs bank-
anna tveggja erlendis, þannig að þeir í
samvinnu, geti tekið að sér stærri og
arðvænlegri verkefni en þeir geta nú,
sinn í hvoru lagi. Til þess að slíkt sam-
starf geti komist á og verið giftu-
samlegt, þurfi einfaldlega að skipta um
stjórnendur í Íslandsbanka og því séu
þessi kaup liður í þeirra áformum um
að skipta um „kallinn í brúnni“.
í Íslandsbanka
agnes@mbl.is
Karl Wernersson, Jón Ásgeir Jóhannesson og Hannes Smára-
son ætluðu í sameiningu að taka völdin í Íslandsbanka.
Karl
Wernersson
Jón Ásgeir
Jóhannesson
Hannes
Smárason
Ætluðu að taka völdin
Þeir feðgar, Björgólfur Guðmundsson, stjórnarformaður
Landsbankans, og Björgólfur Thor Björgólfsson, stjórn-
arformaður Burðaráss, og Þórður Már Jóhannsson, forstjóri
Straums, munu telja breytinga þörf á yfirstjórn Íslandsbanka.
Feðgarnir og forstjórinn
Björgólfur
Guðmundsson
Björgólfur Thor
Björgólfsson
Þórður Már
Jóhannesson
Þeir Bjarni Ármannsson, forstjóri Íslandsbanka, og Einar
Sveinsson, formaður bankastjórnar, eru sagðir telja öruggt að
meirihlutinn í stjórn bankans haldi velli.
Forstjórinn og for-
maður bankastjórnar
Bjarni
Ármannsson
Einar
Sveinsson
Steinunni Jónsdóttur og föður hennar Jóni Helga Guðmunds-
syni var nóg boðið er þau heyrðu af áformum Karls Werners-
sonar, Jóns Ásgeirs Jóhannessonar og Hannesar Smárasonar.
Feðginum nóg boðið
Steinunn
Jónsdóttir
Jón Helgi
Guðmundsson
ÍSAKSSKÓLI var stofnaður árið
1926 af Ísaki Jónssyni og fagnar skól-
inn því 80 ára afmæli á næsta ári.
Ísak þróaði og innleiddi nýjar hug-
myndir um kennslu yngri barna en
skólinn hefur frá upphafi verið fyrir
börn á aldrinum fimm til átta ára.
Þegar skólinn var stofnaður var afar
þarft að bæta úr kennslu fyrir yngri
börn og þó að þörfin hafi kannski
breyst í dag eru kennsluaðferðir Ís-
aks og gildi enn í hávegum höfð, s.s.
almenn kurteisi, jákvæðni og agi.
Árni Pétur telur þau gildi svo sann-
arlega eiga við í dag enda samfélagið
að verða sífellt hraðara auk þess sem
fjölskyldan verji færri stundum sam-
an en áður tíðkaðist. Því sé mikilvægt
að allir sem koma að uppeldi barna
ásamt foreldrum kenni börnum að
meta þessi mikilvægu gildi. Í náminu
er jafnframt lögð áhersla á söng,
myndmennt og hreyfingu.
Einkunnaorð skólans eru Starf –
Þroski – Háttvísi – Hamingja.
Um 215 nemendur stunda nám við
skólann og koma nemendurnir af öllu
höfuðborgarsvæðinu. Ætlunin er að
fjölga þeim í um 250 fyrir næsta
skólaár og stendur innritun yfir þessa
dagana. „Þá kemur mest inn af fimm
ára börnum. Það hefur alltaf verið
mikil ásókn í það enda byrja börnin
fyrr að læra t.d. lestur og ensku.“
Allir velkomnir í Ísaksskóla
Að sögn Árna Péturs hefur alltaf
verið mikil eftirspurn eftir skólavist
og áhugi foreldra mikill. Hin seinni ár
hefur skólinn ekki vísað börnum frá.
Hann segist vilja leiðrétta þann mis-
skilning að einstaklingar séu valdir
inn eftir fjölskyldum eða ríkidæmi.
„Það virðist vera saga sem lifir lengi.
Það er ekki þannig og hefur aldrei
verið stefna skólans,“ segir Árni Pét-
ur og bætir við að skólinn starfi í anda
Ísaks Jónssonar, sem vildi fá inn börn
úr öllum stéttum þjóðfélagsins.
Aðspurður segir hann fimm ára
börn vera mjög móttækileg fyrir
fræðslu og því sé afar eðlilegt að börn
hefji grunnskólanám á þeim aldri.
Fyrsta árið byggist mjög mikið á
námi sem kennt er í gegnum leiki.
„Börnin eru að gera mjög skemmti-
lega hluti og þau móttaka mjög mikið
af fróðleik, maður finnur það. Við vit-
um að það hjálpar krökkum síðar að
byrja svona snemma að læra á þenn-
an hátt.“
Árni Pétur segir það vera mikla
viðurkenningu fyrir skólann að for-
eldrar skuli hafi valið Ísaksskóla fram
yfir sinn hverfisskóla fyrir börnin sín.
Þeir greiði skólagjöld sem þeir ann-
ars þyrftu ekki að greiða og sumir
foreldrar leggi leið sína úr t.a.m.
Hafnarfirði til þess að börnin geti
komist í þennan tiltekna skóla. Árni
Pétur segir fólk gera þetta því það
hafi trú á náminu og þeirri menntun
sem barnið geti öðlast.
„Við höfum dæmi um það langt aft-
ur í tímann að nemendur sem koma
frá okkur hafa staðið sig feikilega vel
í prófum,“ segir Árni Pétur en fylgst
er með framþróun barnanna sem
stundað hafa nám í skólanum.
Árni Pétur segir skilning yfirvalda
gagnvart starfsemi skóla líkt og Ís-
aksskóla hafa breyst til hins betra á
síðustu sex mánuðum. „Einkaskólar
hafa ekki notið þess skilnings sem
þeir eiga skilið í mörg ár. Þar af leið-
andi hafa þeir átt á brattann að
sækja. En núna er viðhorf Reykjavík-
urborgar til þessara mála allt annað.
Aðkoma forsvarsmanna þessara
málaflokka hjá borginni hefur gjör-
breyst, sér-
staklega Stefáns
Jóns Hafstein og
Þorláks Karls-
sonar, og hún hef-
ur orðið til þess að
við erum nú að
klára samninga,“
segir Árni Pétur.
Hann segir að
Reykjavíkurborg
hafi hækkað
framlög borgarinnar á hvern nem-
enda myndarlega og það sé mikið
fagnaðarefni. Hann bendir á að fram-
lög til skólans frá borginni und-
anfarin ár hafi verið það lág að það
hafi verið nánast ómögulegt að reka
skólann. Með nýjum samningi sé ann-
að uppi á teningnum.
„Ef við höldum áfram því góða
starfi sem unnið er í skólanum, eft-
irspurn foreldra eftir plássi fyrir
börnin sín helst áfram og við gætum
aðhalds í rekstri, sjáum við ekki ann-
að en að hægt sé að láta reksturinn
ganga upp,“ segir Árni Pétur og bæt-
ir því við að hann líti svo á að samn-
ingarnir við borgina séu búnir og það
eina sem eftir sé að gera sé að skrifa
undir þá.
Lágmarkslaun 240 þúsund kr.
Kennarar skólans leika lykilhlut-
verk í velgengni skólans að sögn Árna
Péturs, og hann segir að þar sé að
finna marga afburðahæfa kennara og
annað starfsfólk. Margir kennaranna
hafa kennt þar áratugum saman og
búa yfir mjög mikilli reynslu. Skólinn
gerði fyrr á þessu ári kjarasamning
við 10 af 16 kennurum skólans, þ.e.
við alla nema þá kennara sem hafa
unnið það lengi að þeir voru á sínum
tíma skipaðir af Reykjavíkurborg.
Árni Pétur segir hvern og einn
kennara geta samið um sín laun en
lágmarkslaun fyrir kennara verða
ekki undir 240 þúsund kr. Þetta er
talsvert hærri upphæð en er að finna í
kjarasamningi Kennarasambands Ís-
lands (KÍ). Árni Pétur segist vita að
skiptar skoðanir séu meðal kennara
og samtaka þeirra um samninginn en
að allir hafi þó sömu markmið, þ.e. að
bæta kjör kennara og efla menntun í
landinu.
„Hugsjónin með samningnum var
að færa þetta nær því sem þekkist al-
mennt í vinnuumhverfinu. Við erum
að reyna segja við kennarana að þetta
sé ný hugsun og ný leið sem verið sé
að fara þarna og þeir eru sammála
okkur,“ segir Árni Pétur. Nauðsyn-
legt sé að menn horfi fram á veginn
og fagni framsæknum og nýjum hug-
myndum.
Bjart framundan
„Staða Ísaksskóla er mjög sterk
núna. Skólinn er ekki lengur í fjár-
hagserfiðleikum. Við erum að gera
nýjan samning við Reykjavíkurborg
og við finnum mikinn velvilja bæði frá
fólki almennt og ekki síður fyr-
irtækjum sem vilja styðja okkur. Nú
nýverið voru m.a. ákveðin tímamót
þegar EJS gaf skólanum tölvur sem
gerði okkur kleift að endurnýja allan
tölvukost skólans og tryggja öllum
kennurum fartölvur,“ segir Árni Pét-
ur og bætir því við að starfsmenn
skólans finni fyrir miklum meðbyr.
Hann bendir á að verið sé að skoða
ýmsa vaxtarmöguleika skólans.
„Ég er algjörlega sannfærður um
að þessi skóli á mikla framtíð fyrir
sér,“ segir Árni Pétur.
„Þessi skóli
á mikla fram-
tíð fyrir sér“
Ísaksskóli stendur á tímamótum en staða hans
er sterk og framtíðin björt að sögn Árna Péturs
Jónssonar, formanns skólanefndar. Jón Pétur
Jónsson ræddi við Árna Pétur um starfið.
jonpetur@mbl.is
Árni Pétur Jónsson