Morgunblaðið - 10.10.2005, Blaðsíða 35
Þetta verður frekar lágreist byggð,
sérstaklega einbýlishúsin. Raðhúsin
geta verið upp á tvær hæðir og fjöl-
býlishúsin verða ekki mjög há eða
fjórar til fimm hæðir. Byggðin í 5. og
6. áfanga verður því mun gisnari en í
áföngunum fyrir norðan, þar sem hún
er mun þéttari, en þar eru nær ein-
göngu fjölbýlishús. Eftir því sem
dregur lengra suður í hraunið þynnist
byggðin og fer meira yfir í sérbýli.
Eins og annars staðar í Vallahverfi
verða opin svæði á milli hinna nýju
áfanga. „Byggðin í Vallahverfi er
skipulögð líkt og eyjar í hrauninu,“
segja þau Gunnhildur og Þórhallur.
„Á milli hverfishlutanna eru alls stað-
ar opin svæði, sem hríslast eins og
grænar tungur í gegnum byggðina.
Þar er hraunið látið ósnert en lagt
með góðu göngustígakerfi. Þess hefur
líka verið gætt að fylgja landslaginu í
hrauninu og nýta það sem best.“
Austan við 6. áfanga eru hraunhól-
ar í Áslandshlíðinni, sem eru vernd-
aðir og verða látnir halda sér. Allt
skapar þetta skemmtilegt og aðlað-
andi mótvægi við byggðina í Valla-
hverfi, sem er sums staðar allþétt.
Fimmti og sjötti áfangi eru næst-
síðustu áfangarnir í íbúðahluta Valla-
hverfis. „Við erum sannfærð um, að
þetta verður mjög heildstætt og gott
hverfi,“ segja arkitektarnir. „Valla-
hverfi er að ná þeirri stærð, að það
stendur mjög vel undir allri grennd-
arþjónustu eins og kallað er, það er
skóla og öðru af því tagi og þegar það
er fullbyggt með um 6.000 íbúum,
verður það jafn fjölmennt og mynd-
arlegur kaupstaður.
Þetta verður mjög sjálfstætt bæj-
arhverfi með allri þjónustu, því að í
því verður grunnskóli, þrír leikskólar,
sundlaug og ekki má gleyma Hauka-
húsinu, einu besta íþróttahúsi lands-
ins.“
Uppbygging á
atvinnuhúsnæði hafin
Austan 6. áfanga kemur síðar meir
7. áfangi, sem einnig verður skipu-
lagður fyrir íbúðarbyggð. „Á suður-
svæðinu er einnig gert ráð fyrir um-
talsverðu atvinnuhúsnæði,“ segir dr.
Bjarki Jóhannesson, skipulags- og
byggingafulltrúi Hafnarfjarðar, sem
nú hefur orðið. „Þessi uppbygging er
nú að hefjast. Krýsuvíkurvegurinn
verður færður vestur fyrir Valla-
hverfi og mun þá liggja beint frá
Reykjanesbraut. Á milli Krýsuvíkur-
vegar og Ásbrautar kemur atvinnu-
svæði, sem þegar hefur fengið heitið
Selhraun og skiptist í norður- og suð-
urhluta. Þar er gert ráð fyrir versl-
unum, skrifstofuhúsnæði og léttum
iðnaði, sem fellur vel að íbúðarbyggð-
inni.“
Lóðaúthlutun er þegar hafin í norð-
urhluta Selhrauns og á meðal lóðar-
hafa eru stór fyrirtæki eins og BYKO
og Brimborg. „Ásbraut aðskilur Sel-
hraun frá íbúðarhluta Vallahverfis,“
segir Bjarki. „Ásbraut verður innan-
hverfisgata. Það skýrir jafnframt öll
hringtorgin á Ásbrautinni. Þau eru
sett til þess að draga úr umferðar-
hraða.
Í framtíðinni verður aðkoma að
Vallahverfi eftir Krýsuvíkurvegi, sem
mun liggja nokkru vestar beint frá
Reykjanesbraut og þá um mislæg
gatnamót. Syðri hluti Krísuvíkurveg-
ar frá Hraunhellu og suður úr verður
tilbúinn næsta sumar og áætlað er að
nyrðri hlutinn fari í útboð árið 2007 og
verklok verði 2008. Að lokum tengist
svo Krísuvíkurvegur Ofanbyggðavegi
og þá verður einnig hægt að komast
inn í Vallahverfi að sunnanverðu.“
Iðnaðarhverfið við Hellnahraun
sunnan við Straumsvík er búið að
vera um 20 ár í uppbyggingu. Hún
hefur því gengið fremur hægt. „Vonir
standa til, að uppbygging iðnaðar-
svæðanna muni ganga mun hraðar
með batnandi samgöngum, en tvö-
földun Reykjansbrautar er þegar far-
in að hafa jákvæð áhrif á hana,“ segir
Bjarki. „Það er einnig verið að skipu-
leggja nýtt iðnaðarhverfi fyrir sunnan
gamla Hellnahraunssvæðið.“
Framundan er einnig mikil upp-
bygging íbúðarhúsnæðis í kringum
Ásfjall. „Það verður byrjað norðan
megin við Ásfjall, það er Kaldársels-
megin á móts við hesthúsin,“ segir dr.
Bjarki Jóhannesson að lokum. „Síðan
mun byggðin teygja sig suður fyrir
Ásfjall og í vestur, þar til hún mætir
Vallahverfi. Þar með verður komin
samfelld byggð í kringum Ásfjall.“
Í 5. áfanga Vallahverfis er samkvæmt deiliskipulagi skipulagðar lóðir fyrir 88 einbýlishús, 54 íbúðir í
raðhúsum, tvær íbúðir í parhúsum og 242 íbúðir í fjölbýli, samtals 386 íbúðir.
Í 6. áfanga Valla felur deiliskipulagið m.a. í sér lóðir fyrir 24 einbýlishús, 83 íbúðir í rað- og par-
húsum og 56—64 íbúðir í fjölbýli, samtals 145—153 íbúðir auk lóðar fyrir 4—6 deilda leikskóla.
Uppdráttur af Hellnahrauni lengst til vinstri, þá Selhrauni og Vallahverfi og síðan Áslandi lengst til hægri.
Rammaskipulag fyrir íbúðarsvæði á Völlum, Áslandi og síðar Hamranesi (ljós litur). Dekkri svæði eru athafnasvæðin Sel-
hraun norður og suður og vestan Straumsvíkurraflínu er 2. áfangi Hellnahrauns og fleiri iðnaðarsvæði í framhaldi af því
(dökkur litur). Sunnan Ofanbyggðavegar eru svo svæði til notkunar síðar meir.
MORGUNBLAÐIÐ MÁNUDAGUR 10. OKTÓBER 2005 F 35