Morgunblaðið - 15.10.2005, Blaðsíða 28

28 m
geitaosts-gratíneruð basílíkumús
fyrir 6
800 g kartöflur
2 msk. smjör
3 eggjarauður
1 tsk. salt
1⁄8 tsk. nýmalaður svartur pipar
20 basilíkublöð
1 lítill hvítlauksgeiri
6 sneiðar geitaostur
Afhýðið kartöflur og sjóðið þær í örlítið söltu vatni þar til þær eru mjúkar.
Hellið vatninu af og pressið kartöflurnar með kartöflupressu eða með
handþeytara í stutta stund. Blandið eggjarauðum og smjöri útí og
smakkið til með salti, pipar og hvítlauk. Setjið kartöflumúsina í eldfast
form eða skiptið í 6 lítil eldföst form og stingið basilíkulaufunum í músina
og leggið geitaostinn yfir. Stillið ofninn á grill og gratínerið í 12 til 15 mín-
útur eða þar til osturinn hefur tekið smá lit.
fylltir sveppir
fyrir 6
12 stórir sveppir (aðeins hattarnir)
6 msk. gráðaostur
2 msk. smjör
2 ½ msk. balsamedik
Hreinsið sveppina og takið stilkana af.
Blandið saman í skál, gráðaosti, smjöri
og balsamedik. Fyllið sveppahattana
með gráðaostablöndunni. Bakið
sveppina við 180°C í 15 mínútur.
exotískt ávaxtasalat með vanillugljáa
fyrir 6
Vanillugljái:
¾ dl vatn
¾ dl sykur
½ límóna, hýði og safi
1 vanillustöng
Salat:
1 mangó
1 papaya
2 kíví
1 ananas
1 box hindber
Setjið allt sem á að fara í vanillugljáann í pott nema vanillustöngina. Opnið hana og skafið van-
illukornin úr og setjið útí pottinn. Leggið að því loknu alla stöngina útí og látið sjóða í 10 mín-
útur, kælið. Afhýðið og skerið ávextina niður og blandið saman og hellið vanillugljáanum yfir
og berið fram kalt til dæmis með dökkum súkkulaðistöngum.