Morgunblaðið - 15.10.2005, Blaðsíða 36

36 m
Til að gera langa sögu stutta má bæta því við að fæstir sem læra
að búa til sitt eigið majónes snúa aftur í tilbúnu majónesin. Þessi
majónes má nota með sama hætti og það tilbúna, beint ofan á
brauð sem og í hvaða rétti sem er þið eruð vön að nota majónes.
kasjú majónes
Oscar Umahro Cadogan matkönnuður á heiðurinn af þessu exótíska majónesi,
en hann vill vita hvað er í majónesinu sínu. Hann býr það til úr kasjú-hnetum
og ananassafa, en segir að það megi líka nota sólblómafræ og mangósafa ef
vill. Hljómar spennandi og bragðast frábærlega.
100 g kasjú-hnetur
1½ dl ananassafi
3 hvítlauksrif
2 msk. dökkt hrísgrjónaedik eða ferskur sítrónusafi
sjávar- eða steinasalt
nýmalaður svartur pipar
Látið kasjú-hneturnar liggja í bleyti í ananassafanum minnst 1 klst., en helst
einn til tvo daga. Blandið þá hnetunum og safanum saman ásamt hvítlauk,
ediki eða sítrónusafa, salti og pipar, þar til það er orðið mjúkt og flott.
Umahro skorar á ykkur að prófa þennan rækjurétt.
tófú majónes
Er bæði eggja- og olíulaust, og ætti því að henta flestum. Sumir vilja þó
skipta út smá tófú fyrir olíu, og þá gjarna hnetuolíu, en einnig má gjarnan
nota ólífuolíu.
450 g tófú
1 msk. eplaedik
1 msk. ferskur sítrónusafi
1 tsk. tamari eða soja-sósa
1 msk. hlynsíróp – ef vill
Brjótið tófúið niður í matvinnsluvélina. Bætið hinum efnunum út í og
blandið saman þar til rétt áferð er komin á majónesið.
Athugið! Ef þið viljið reyna gómsætt hvítlauks-majónes er gott að sletta smá
ólífuolíu á 2–3 hvítlaukshausa, vefja þeim inn í álpappír, og grilla við 180°C í
30–40 mín. Setjið hvítlaukinn út í blandarann um leið og hin efnin. Blandið
saman við majónesið og berið fram.
franskt majónes
Er að grunni til það sama og við kaupum úti í búð, en þó bragðsterkara og
ferskara. Mælt er með smá chilli eða tabasco-slettu til að fá smá hita í það.
2 stórar eggjarauður
2 msk. Dijon sinnep
2 tsk. ferskur sítrónusafi
1 tsk. edik að eigin vali
½ tsk. salt
2½ dl ólífuolía
Setjið allt nema olíuna í blandara og blandið í 30 sekúndur. Látið blaðið
snúast áfram á meðan þið hellið olíunni í blandarann í örmjórri bunu. Það
ætti að taka um 2 mínútur. Þegar majónesið tekur á sig mynd, eykst hávað-
inn frá blandaranum og slettuhljóð heyrast líkt og þegar er verið að hræra
deig. Blandið áfram þar til majónesið er orðið þykkt og mjúkt.
Geymið í lokuðu boxi í ísskáp, allt upp að viku.
Athugið! Sumir kjósa að blanda ólífuolíuna til helminga með vínsteinaolíu,
svo að ólífu-bragðið komi ekki of sterkt í gegn.
hinn kosturinn
margs konar
majónes
Með nýju, fersku og heimatilbúnu majónesi geturðu
gert frönsku kartöflurnar að gourmet-mat, hresst upp
á gömlu góðu uppskriftirnar og jafnvel gert hollari út-
gáfu af rækjusalatinu. Það er óþarfi að kaupa þetta
þarfaþing, því hér gefum við upp þrjár mismunandi
uppskriftir að gómsætu og „öðruvísi“ majónesi.
Umsjón Hildur Loftsdóttir. Ljósmyndir Arnaldur Halldórsson.
rækjuforréttur
fyrir 4
400 g rækjur
ferskt dill
hvítur spergill
kasjú-majónes að vild
Úr þessu má gera rækjusalat, en það er líka upplagt að bjóða
upp á réttinn sem ferskan forrétt. Þá má blanda efnunum
saman eða raða girnilega á disk, allt eftir smekk og vilja.