Morgunblaðið - 15.10.2005, Blaðsíða 16

16 m
Vín frá Þýskalandi hafa ekki verið í náðinni hjá íslenskum neytend-
um síðastliðin ár. Þrátt fyrir það eru ekki mörg ár síðan þýsk hvítvín
voru þau vinsælustu sem á boðstólum voru. Það voru sætu þýsku vín-
in sem voru ríkjandi á markaðnum og þegar smekkur Íslendinga
þornaði skyndilega upp sneru flestir baki við þýsku vínunum. Þau
höfðu fengið á sig ákveðinn stimpil og þó svo að Þjóðverjar búi til
mörg af bestu þurru hvítvínum heims virðist það litlu skipta.
Nú eru að koma kynslóðir vínneytenda sem hafa jafnvel aldrei
bragðað á þýsku víni og missa þar af leiðandi ekki einungis af hinum
hræðilegu liebfraumilch-vínum er eyðilögðu markaðinn fyrir þýsk
vín heldur einnig öllum þurru og yndislegu hvítvínunum frá Mósel,
Rín, Baden og fleiri svæðum.
Hér verður hins vegar staldrað við svæði sem aldrei hefur náð fót-
festu hér á landi og þykir jafnvel nokkuð sjaldgæft í Þýskalandi sjálfu:
Franken. Þjóðverjar sjálfir segja stundum að þetta sé vín fyrir sérvitr-
inga og eru þá gjarnan nefndir til sögunnar gáfumenn, læknar og
lyfsalar af einhverri ástæðu.
Löng vínræktarsaga
Þetta hérað austur af Frankfurt, á milli borganna Aschaffenburg og
Schweinfurt, á sér langa sögu líkt og önnur þýsk víngerðarsvæði.
Ólíkt t.d. Rín og Mósel hefur enn ekki verið hægt að sýna fram á með
óyggjandi hætti að það hafi verið Rómverjar sem hófu vínrækt í
suðurhlíðum við ána Main þó svo að það teljist líklegt – að minnsta
kosti eru margir heimamenn sannfærðir um það. Það er hins vegar
allt eins líklegt að það hafi ekki verið fyrr en á áttundu öld að vínrækt
festi þarna rætur og þá fyrir tilstilli kaþólsku kirkjunnar.
Vínræktin breiddist hratt út og er talið að á miðöldum hafi um 40 þús-
Vínframleiðsla frá þýska héraðinu
Franken þykir sjaldgæfur fundur
jafnvel í eigin heimalandi og Þjóð-
verjar segja stundum vínin þaðan
vera fyrir sérvitringa. Þeir eru því
efalítið enn færri Íslendingarnir
sem þekkja til þessara vína, enda
hafa þýsk vín ekki átt upp á pall-
borðið hjá landanum undanfarin
ár, jafnvel þó að þar sé að finna
fjölmargar gæðavínstegundir.
Texti og ljósmyndir Steingrímur Sigurgeirsson.
þurr og þýsk
í skrýtnum flöskum
Hin sérstæða bocks-
beutel-flaska er hér
hangandi á staur-
um á vínekrunni.
vín
Langbestu vín Franken
eru úr unnin úr Riesling.