Fréttablaðið - 10.08.2002, Síða 8
Um 30% fjölgun nem-
enda á Hvanneyri
Um 130 manns verða í Landbúnaðarháskólanum á Hvanneyri í vetur.
Um helmingurinn mun stunda nám á háskólastigi og er kvenfólk þar í
meirihluta.
8 10. ágúst 2002 LAUGARDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúi: Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja hf.
Fréttablaðinu er dreift ókeypis á heimili
á höfuð-borgarsvæðinu. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS Kaupþing banki:
870 milljónir
í hagnað
UPPGJÖR Hagnaður Kaupþings
banka hf. á fyrri helmingi ársins
var 870 milljónir króna fyrir
skatta en 703 milljónir króna eftir
skatta segir á fréttavef Kaup-
þings. Arðsemi eigin fjár var
16,0% á tímabilinu. Hreinar
rekstrartekjur námu 3.991 milljón
króna og nemur aukningin 43,5%
milli ára. Rekstrargjöld námu
2.813 milljónum sem er aukning
um 30,2% milli ára. Aukninguna
má að mestu leyti rekja til auk-
inna umsvifa og vaxtar erlendis.
Heildareignir bankans námu
134,5 milljörðum króna í lok tíma-
bilsins og jukust þær um 14% frá
síðustu áramótum
Kauphöllin:
Tólf milljón
króna hagn-
aður
UPPGJÖR Hagnaður tímabilsins eft-
ir skatta nemur tólf milljón krón-
um samanborið við níu milljónir á
sama tímabili í fyrra. Félagið hef-
ur hætt að verðleiðrétta reikn-
ingsskil í samræmi við lög sam-
þykkt á Alþingi í lok síðastliðins
árs. Ef beitt
hefði verið
sömu aðferð og
í fyrra hefði
hagnaður orðið
1,4 milljónum
lægri.
R e k s t r a r -
tekjur að frá-
dregnum sölu-
hagnaði jukust
um rúm 20%
frá sama tímabili í fyrra eða úr
119,2 m.kr. í 143,8 m.kr. Aukningu
tekna milli ára má öðru fremur
rekja til aukinna veltugjalda og
árgjalda Kauphallaraðila og upp-
lýsingaveitna. Í tilkynningu segir
að velta á verðbréfamarkaði sé sú
stærð sem hefur hvað mest áhrif
á afkomu Kauphallarinnar. Mikil
velta hafi einkennt árið hingað til
sem hafi skilað sér í góðri afkomu
fyrstu 6 mánuði ársins.
SKÓLAMÁL Aðsókn að Landbúnaðar-
háskólanum á Hvanneyri hefur
aldrei verið meiri en í ár. Nemend-
um hefur fjölgað um 30% miðað
við í fyrra. Björn Garðarsson
kennslustjóri sagði alls myndu um
130 nemendur verða við nám í
skólanum í haust. Um 45 yrðu í
„gamla góða“ bændaskólanum,
sem væri á framhaldsskólastigi og
um 30 í fjarnámi. Um 75 manns
yrðu við nám á háskólastigi.
Björn sagði að skýringin á
fjölguninni væri meðal annars sú
að nú væri í fyrsta skiptið verið að
taka inn nemendur í námið á há-
skólastigi tvö ár í röð. Fram að
þessu hefði það ekki verið hægt
vegna húsnæðisskorts, en þar sem
bætt hefði verið úr honum yrðu
nýir nemendur teknir inn á hverju
ári hér eftir. Hann sagði að meiri-
hluti þeirra sem stunduðu nám á
háskólastigi væru stelpur. Nem-
endur á háskólastigi kæmu jafnt
úr þéttbýli sem dreifbýli. Yfir-
gnæfandi meirihluti þeirra sem
sæktu bændadeildina, sem er á
framhaldsskólastigi, væru strákar
úr sveit.
Skólinn býður upp á þrenns
konar nám á háskólastigi, þ. e.
landnýtingarbraut, búvísinda-
braut og umhverfisskipulags-
braut. Í fyrra var í fyrsta skipti
boðið upp á nám á umhverfis-
skipulagsbraut, sem er meðal ann-
ars fornám fyrir landslagsarki-
tektúr. Björn sagði að alveg fullt
væri í það nám. Stjórn skólans
hefði tekið þá stefnu að vera ekki
að stækka brautina mjög hratt og
því yrðu ekki nema tólf nýir nem-
endur teknir inn í haust. Hann
sagði að mjög góð ásókn væri í
landnýtingarbrautina og búvís-
indabrautina.
„Á búvísindabrautinni eru
menn að fást við þessi hefðbundnu
landbúnaðarmál,“ sagði Björn. „Á
landnýtingarbrautinni eru nem-
endur meira að fást við náttúruna,
vistkerfið, skógrækt og umhverf-
ismál í breiðum í skilningi þar sem
menn eru að horfa á það að land-
búnaðurinn er að breytast. Einu
sinni voru menn eingöngu með bú-
fénað en núna eru þeir kannski
með golfvöll, skógrækt og fisk-
eldi. Þannig að notkun á landi og
hvað er skilgreint sem landbúnað-
ur er að breytast svolítið.“
trausti@frettabladid.is
HVANNEYRI
Landbúnaðarháskólinn á Hvanneyri býður upp á þrenns konar nám á háskólastigi, þ. e. landnýtingarbraut, búvísindabraut og umhverfis-
skipulagsbraut. Í fyrra var í fyrsta skipti boðið upp á nám á umhverfisskipulagsbraut.
Klerkur orðaður við Samfylkingu:
Víðförull prestur á
leið í framboð
FRAMBOÐ Nýtt nafn hefur bæst í
umræðuna um frambjóðendur
fyrir Samfylkinguna í nýja suður-
kjördæminu fyrir næstu þing-
kosningar. Það er nafn séra Ön-
undar Björnssonar, prests á
Breiðabólsstað í Fljótshlíð, en
þessa dagana mun þrýst á hann að
gefa kost á sér á listann.
„Það er allt opið í stöðunni,“
segir Önundur. „Ég er að skoða
landslagið og hlusta á þær raddir
sem hafa hreyft þessu við mig.
Það er afskaplega óljóst enn
hvernig Samfylkingin hefur hugs-
að sér að standa að vali á lista,
hvort það á að stilla upp eða fara í
lokað eða opið prófkjör.“ Ýmislegt
geti ráðið því hver niðurstaða
hans verður.
Önundur er vel kynntur í hinu
víðfeðma suðurkjördæmi og hef-
ur þjónað íbúum kjördæmisins
sem prestur enda kjördæmisins á
milli. Hann hefur verið prestur í
Garði og Sandgerði á Suðurnesj-
unum og Höfn á Hornafirði. Að
auki hefur hann verið héraðs-
prestur í Kjalarnesprófastsdæmi
og leyst af í Vestmannaeyjum.
SÉRA ÖNUNDUR BJÖRNSSON
Veltir nú fyrir sér hvort hann fari í
framboð fyrir Samfylkinguna í suður-
kjördæmi.
KAUPHÖLLIN
NEW YORK, AP Umfang bókhalds-
svikanna sem leiddu til gjaldþrots
bandaríska fjarskiptafyrirtækis-
ins WorldCom er næstum tvöfalt
meira en áður hafði verið upplýst.
280 milljarðar króna hafa nú bæst
við þann pening sem fyrirtækið
greindi ekki frá í bókhaldi sínu.
Alls er því um tæpar 600 milljarða
króna að ræða. Vöruðu talsmenn
fyrirtækisins við því í gær að
fleiri bókhaldsafglöp gætu komið
í ljós á meðan á innanhússrann-
sókn fyrirtækisins á málinu
stendur.
Í síðustu viku var fyrrverandi
fjármálastjóri WorldCom, Scott
Sullivan, handtekinn ásamt David
Myers, fyrrverandi stjórnanda
hjá fyrirtækinu. Eiga þeir yfir
höfði sér allt að 65 ára fangelsis-
dóm verði þeir fundnir sekir, að
því er John Ashcroft, dómsmála-
ráðherra Bandaríkjanna segir.
Þann 11. júlí óskaði fyrirtækið
eftir greiðslustöðvun til að það
fengi tíma til að vinna sig út úr
slæmri stöðu sinni. Um er að ræða
stærsta mál sinnar tegundar til
þessa í Bandaríkjunum.
SÚR Á SVIPINN
Scott Sullivan, fyrrverandi fjármálastjóri
WorldCom, á leið úr dómssalnum þar sem
hann var kærður fyrir sjö afbrot í starfi.
Verði hann fundinn sekur á hann yfir höfði
sér allt að 65 ára fangelsi.
Fjármálahneyksli World Com:
Helmingi stærra en áður var talið
Lesendur geta skrifað bréf íblaðið. Æskilegt er að hvert
bréf sé ekki lengra en sem nemur
hálfri A4-blaðsíðu. Hægt er að
senda bréfin í tölvupósti, rit-
stjorn@frettabladid.is, hringja í
síma 515 7500, faxa í síma 515 7506
eða senda bréf á Fréttablaðið,
Þverholti 9, 105 Reykjavík.
LESENDABRÉF
Til ham-
ingju með
daginn
Alfreð skrifar:
Mig langaði bara að óska sam-kynhneigðum til hamingju
með hátíðina sína í dag. Ég er nú
reyndar orðinn gamall og man
tímana tvenna, en mér finnst
alltaf að virðingin fyrir einstak-
lingnum sé aðalatriði. Ég átti góð-
an vin þegar ég var yngri sem var
samkynhneigður. Hann leið mikl-
ar kvalir og rataði í mikla ógæfu
því vinirnir hurfu honum og fjöl-
skyldan afneitaði honum. Hann
endaði líf sitt aleinn og óham-
ingjusamur. Við ættum að fagna
því að umræðan er opinskárri og
muna að allir eiga sinn tilverurétt.
Ég verð óstjórnlega reiður þegar
ég hlusta á guðsmenn fordæma
samkynhneigða, og hugsa þá oft
um orð frelsarans: Sá yðar sem
syndlaus er kasti fyrsta steinin-
um. Það er skýlaus réttur allra að
fá vera þeir sjálfir án þess að vera
fordæmdir. Gleðjumst með sam-
kynhneigðum í dag, það er okkar
allra hagur að hlúa að einstakling-
unum í þessu þjóðfélagi, líka
minnihlutahópunum.
Gott
framtak
Nikulás skrifar
Ég er alveg fullur af þakklætitil ykkar sem standa að útgáfu
þessa ágæta alhliða blaðs. Þetta
sýnir mikinn baráttuvilja og kjark
ykkar. Til að byrja með vil ég
meina að þið eigið aðeins einn
keppinaut–Moggann, hann er góð-
ur, en kemst ekki lengra, en ykkar
er tækifærið og ekki er annað að
sjá en þið séuð komin á fulla ferð.
Ég verð að segja það að ég hef
ekki séð neitt í blaðinu ennþá sem
mér líkar ekki. Af því að ég er
gamlingi, langar mig að nefna það
að mikið væri það gott, ef þið gæt-
uð séð ykkur fært að hafa blaðið
líka í Bónus-versluninni, en ég bý
á Selfossi, en það myndi auka aug-
lýsingagildi blaðsins til muna. Í
Bónusversluninni er alltaf allt
fullt út úr dyrum og ekki hvað síst
af ferðafólki og svo sumarbú-
staðafólki. Mér datt svona í hug,
smá tillaga: Dálkur, sem myndi
kannske heita: Ég bara spyr? Og
ég bara spyr: Mætti ekki flokka
lagið „Rokkarnir eru þagnaðir“
undir rokkmúsik og er ekki jar-
mið í honum Bubba Morthens
bara sveitatónlist (country)? Með
einlægu þakklæti fyrir framtak
ykkar og megi ykkur ganga allt í
haginn.