Fréttablaðið - 10.08.2002, Blaðsíða 11

11LAUGARDAGUR 10. ágúst 2002
FÓTBOLTI Mick McCarthy, landsliðs-
þjálfari Íra, valdi ekki Roy Keane,
fyrrverandi landsliðsfyrirliða og
fyrirliða Manchester United, í
landsliðshópinn fyrir vináttulands-
leik gegn Finnum þann 21. ágúst
næst komandi. Keane hafði lýst því
yfir að hann vildi koma aftur inn í
hópinn en hann var sendur heim úr
heimsmeistarakeppninni í Suður-
Kóreu og Japan eftir að hafa lent
upp á kant við þjálfarann. Írska
landsliðið stóð sig með ágætum á
heimsmeistaramótinu. McCarthy
valdi sex leikmenn í hópinn sem
voru ekki með á HM. Þeir eru
Nicky Colgan frá Hibernian, Steph-
en Carr úr Tottenham, Colin Healy
úr Celtic, Rory Delap úr Sout-
hampton, Stephen McPhail úr
Leeds og Gary Doherty úr Totten-
ham. Nial Quinn, Alan Kelly og
Steve Staunton eru allir hættir að
gefa kost á sér í landsliðið.

Mick McCarthy harður á sínu:
Roy Keane
er ekki í náðinni
Norski bikarinn:
Íslendingaslagur
FÓTBOLTI Íslendingaliðin Lyn og
Stabæk mætast í átta liða úrslit-
um norsku bikarkeppninnar en
dregið var í fyrradag. Um sann-
kallaðan stórleik er að ræða í
norskri knattspyrnu því Lyn er á
toppi deildarinnar með 35 stig en
Stabæk er í fjórða sæti með 31
stig. Með liði Lyn leika Helgi Sig-
urðsson og Jóhann B. Guðmunds-
son. Sá fyrrnefndi hefur skorað
tvö mörk fyrir liðið en sá síðar-
nefndi eitt. Í liði Stabæk eru Mar-
el Baldvinsson og Tryggvi Guð-
mundsson og hafa þeir farið mik-
inn með liðinu. Í hinum leikjum
átta liða úrslitanna mætast Odd-
Grenland og Strömsgodet, Valer-
anga og Viking Stavangri, og Ala-
sund og Tromsö.

Gjaldkeri Skautasam-
bandsins um mútumálið:
Skandall
SKAUTAR „Þetta mál er algjör skan-
dall,“ segir Elísabet Eyjólfsdóttir,
gjaldkeri Skautasambands Íslands,
um mútumálið sem nú skekur
skautaheiminn. Elísabet sat þing
Alþjóðaskautasambandsins í Kyoto
í Japan í júnímánuði þar sem málið
var tekið fyrir. „Forseti sambands-
ins talaði um í ræðu sinni að þetta
væri algjör hneisa og gæti haft al-
varlegar afleiðingar í för með sér
fyrir skautaíþróttina. Þetta getur
t.d. haft áhrif á styrktaraðila.“
Á þinginu var ákveðið að breyta
núverandi dómarakerfi. „Það er
verið að hanna alveg nýtt dómara-
kerfi. Það á eftir að samþykkja það
á alþjóðaþingi sem er eftir tvö ár
en verður væntanlega tekið í notk-
un þá. „ Í núverandi kerfi bera
dómarar saman keppendur í list-
hlaupi og gefa einkunnir út frá því.
Nýja kerfið byggir hins vegar á því
að dómarar vega og meta hvern
einstakling eða par út af fyrir sig.
Fram að þeim tíma sem kerfið
verður tekið í notkun verður dóm-
urum fjölgað. Hver og einn þeirra
gefur einkunn fyrir sig. Lokaein-
kunnin verður síðan valin af handa-
hófi úr niðurstöðum dómara.
„Þannig veit t.d. franski dómarinn
ekki hvort sín einkunn gildir eða
ekki,“ segir Elísabet.

SKAUTAR Yfirmaður franska
skautasambandsins, Didier Gail-
haguet, telur að bandaríska alrík-
islögreglan, FBI, hafi lagt á ráðin
um að hagræða úrslitum í list-
hlaupi á skautum á Vetrarólymp-
íuleikunum í Salt Lake City til að
geta fengið meintan rússneskan
mafíósa framseldan.
Gailhaguet var yfirheyrður af
FBI á meðan Vetrarólympíuleik-
unum stóð. Í samtali við franska
blaðið Le Figaro segir hann að al-
ríkislögreglan hafi ekki spurt sig
um mafíósann, Alimzhan Tokhtak-
hounov. Tokhtakhounov var hand-
tekinn á Ítalíu í síðustu viku og er
sakaður um að hafa reynt að múta
dómurum í listhlaupinu til að fá
franskt vegabréf. Saksóknarar
segja að hann hafi reynt að hag-
ræða úrslitum þannig að franskt
par færi með sigur af hólmi í ís-
dansi en rússneskt par í para-
keppni. FBI hefur lengi verið á
höttunum eftir Tokhtakhounov en
hann er m.a. grunaður um vopna-
sölu. Hann segist þó saklaus af öll-
um ásökunum.
Formaður franska skautasam-
bandsins segir að fulltrúar alrík-
islögreglunnar hafi spurst sig
hvort hann vissi um tengsl mafí-
unnar í skautaheiminum. „Við töl-
uðum um peningaþvott, vopna-
sölu og hugsanlegar hryðjuverka-
árásir,“ sagði Gailhaguet í viðtal-
inu við franska blaðið. Hann segir
að FBI hafi ekki minnst á rúss-
neska glæpamanninn við sig. „Til
að fá hann framseldan þurfti FBI
að leggja fram kæru á hendur
honum á bandarísku yfirráða-
svæði. Nú velti ég því fyrir mér
hvort alríkislögreglan hafi ekki
sjálf lagt á ráðin um skautaúrslit-
in í þeim tilgangi að fá hann fram-
seldan.“ Gailhaguet viðurkennir
þó að hafa hitt Tokhtakhounov
fyrir tveimur árum til að ræða
hugsanlegt samstarf við íshokký-
félag í París. Hann segir þá þó
ekki hafa hist aftur til að fylgja
málinu eftir.
Alþjóða skautasambandið
dæmdi Gailhaguet og franska
dómarann Marie-Reine Le
Gougne í þriggja ára bann. Le
Gougne var dómari á Vetrar-
ólympíuleikunum og lýsti því þá
yfir að hún hefði verið beitt þrýst-
ingi af hálfu franska skautasam-
bandsins til að gefa rússneska
parinu hæstu einkunn. Hún dró
yfirlýsingu sína til baka stuttu
síðar.

ROY KEANE
Fyrirliði Manchester United hefur verið einn burðarása í írska landsliðinu. Hann er ekki í
náðinni hjá landsliðsþjálfaranum.
GLÆPA-
MAÐURINN?
Alimzhan Tokhtakhounov, rússneski
glæpamaðurinn, hitti Gailhaguet til að
ræða hugsanlegt samstarf við hokkýklúbb.
FRANSKA
Didier Gailhaguet, forseti franska skautasambandsins, lengst til hægri, sést hér á blaðamannafundi ásamt skautaparinu Marina Anissina og Gwendal Peizerat eftir að þau urðu
sigurvegarar á Vetrarólympíuleikunum í Frakklandi.
Sakar FBI um að hafa lagt á ráðin
Formaður franska skautasambandsins telur að FBI hafi lagt á ráðin um að hagræða úrslitum
í listhlaupi á Vetrarólympíuleikunum í Salt Lake City. Viðurkennir þó að hafa hitt meintan
rússneskan glæpamann.
RÚSSNESKA PARIÐ
Elena Berznia og Anton Sikharulidze unnu
parakeppnina en talið var að dómarar
hefðu haft rangt við.