Fréttablaðið - 24.08.2002, Page 4

4 24. ágúst 2002 LAUGARDAGURSVONA ERUM VIÐ
ÁNÆGJA MEÐ STÖRF RÁÐHERRA
Ánægja með störf ráðherra Framsóknar-
flokksins hefur aukist síðan í janúar sam-
kvæmt Þjóðarpúlsi Gallup. Ríflega 58% eru
ánægð með störf Halldórs Ásgrímssonar,
utanríkisráðherra. Þá er um helmingur
þjóðarinnar ánægður með störf Guðna
Ágústssonar, landbúnaðarráðherra, og Jóns
Kristjánssonar, heilbrigðis- og trygginga-
málaráðherra. Ánægjan með störf Sivjar
Friðleifsdóttur, umhverfisráðherra, eykst
minna en hjá öðrum en um 40% lands-
manna eru ánægðir með hana. 35% þjóð-
arinnar kunna að meta störf Valgerðar
Sverrisdóttur, iðnaðar- og viðskiptaráð-
herra, og minnst er ánægjan með Pál Pét-
ursson, félagsmálaráðherra, eða 28%.
INNLENT
ERLENT
SAKAMÁL Bresku skólastúlkurnar
Hollý Wells og Jessica Chapman
létust ekki á þeim stað þar sem lík
þeirra fundust, þ. e. í skurði í af-
skekktu skóglendi um 11 kílómetr-
um frá heimabæ stúlknanna, So-
ham. Svo virðist því sem stúlkurnar
hafi verið myrtar annars staðar og
líkum þeirra síðan kastað ofan í
skurðinn. Líkin, sem fundust fyrir
viku síðan, voru afar illa farin og að
hluta til voru beinagrindurnar það
eina sem eftir var af þeim.
Þetta kom fram í yfirheyrslum
sem hófust í Cambridge í gær
vegna dauða stúlknanna. Hvorugir
foreldrar stúlknanna voru við-
staddir yfirheyrslurnar. Að sögn
lögreglumannsins Andy Hebb, sem
hafði yfirumsjón með rannsókninni
á hvarfi stúlknanna, voru kennsl
borin á lík þeirra með notkun DNA
rannsóknar. David Morris, dánar-
dómstjóri, sagði í vitnisburði sínum
að enn sé ekki vitað hvernig stúlk-
urnar létu lífið þrátt fyrir að þrjár
líkskoðanir hafi þegar verið fram-
kvæmdar á líkunum. 
Hollý Wells og Jessica Chapman:
Líkunum kastað í skurð
AÐ LOKNUM VITNISBURÐI
David Morris, til hægri, og Andy
Hebb standa fyrir utan dómshúsið
eftir að hafa flutt vitnisburði sína í
málinu. Enn er ekki vitað um dán-
arorsök þeirra Hollý og Jessicu.
AP
/M
YN
D
Vinstri grænir:
Engan
nektardans í
Kópavogi
EINKADANS Stjórn Vinstrihreyfing-
arinnar græns framboðs í Kópa-
vogi hefur samþykkt ályktun þar
sem fullum stuðningi er lýst við til-
lögu sem lögð hefur verið fyrir
bæjarstjórn Kópavogs um bann við
einkadansi á nektarstöðum í Kópa-
vogi. Vinstri grænir vilja ekki láta
þar við sitja og hvetja bæjaryfir-
völd til að leita leiða til að koma í
veg fyrir rekstur nektarstaða í
bænum, en með því að viðurkenna
þessa atvinnustarfsemi geti falist
viðurkenning á réttmæti þess að
verslað sé með líkama kvenna. 
Einkadans í Kópavogi:
Samfylkingin
mótmælir að-
gerðaleysi
NEKT Fulltrúar Samfylkingarinnar í
bæjarstjórn Kópavogs eru ósáttir
við meint afstöðu- og aðgerðarleysi
meirihluta sjálfstæðis- og fram-
s ó k n a r m a n n a
gagnvart nektar-
dansi. Flokkarnir
frestuðu af-
greiðslu á tillögu
Samfylkingarinnar
um bann við einka-
dansi í bænum á
fimmtudag. Sam-
fylkingin lét bóka
mótmæli þar sem
meirihlutinn er
sagður skjóta sér
undan því að taka
afstöðu til siðferð-
islegra vandamála með frestun
málsins í a. m. k 2 mánuði. Hann
hafi einungis peningalega hags-
muni að leiðarljósi en sinni í engu
hagsmunum stúlknanna sem dansa
á nektarstöðunum.
Meirihlutinn taldi að gefnu áliti
bæjarlögmanns ekki rétt að aðhaf-
ast í málinu að svo stöddu þar sem
lögfræðiálit séu misvísandi. Flosi
Eiríksson, fulltrúi Samfylkingar-
innar, neitaði að greiða frestunartil-
lögu meirihlutans atkvæði þar sem
hann og Samfylkingin hefðu með
viðleitni til að stemma stigu við
kynlífsiðnaði á Íslandi sýnt ábyrgð
í störfum sínum í bæjarstjórn og
reynt að stuðla að betra mannlífi í
Kópavogi. 
Nýbygging Lækjarskóla í Hafn-arfirði hefur verið tekin í
notkun. Af því tilefni heimsótti
Lúðvík Geirsson bæjarstjóri skól-
ann og skoðaði bygginguna. Hann
færði síðan Reyni Guðnasyni,
skólastjóra Lækjarskóla og Höllu
Þórðardóttur aðstoðarskólastjóra
blómvönd.
Gatan Bakkavör hefur veriðvalin fallegasta gata Seltjarn-
arness. Umhverfisnefnd bæjarins
veitti fyrir skömmu fimm um-
hverfisviðurkenningar og var
garðurinn á Látraströnd 13, sem
er í eigu Ernu Guðlaugar Jóns-
dóttur, valinn sá fallegast í bæn-
um. Páll Einar Kristinsson og
Kristín Hannesdóttir í Grænu-
mýri 4 fengu sérstaka viðurkenn-
ingu fyrir snyrtilegan garð.
Helgafell, hús Ragnars Hauksson-
ar og Lóu Wilberg, fékk sérstaka
viðurkenningu fyrir eldri hús.
Bakkavör var valin gata ársins.
Bæjaryfirvöld á Seltjarnarnesihafa farið þess á leit við fé-
lagsmálaráðherra að hann heimili
að aflétt verði kaupskyldu og for-
kaupsrétti sveitarfélagins vegna
félagslegara eignaíbúða og kaup-
leiguíbúða í sveitarfélaginu sam-
kvæmt heimild í breytingu á lög-
um um húsnæðismál frá 1998 og
samþykkt var á Alþingi í maí.
Ráðuneytið hefur þegar aflétt
kaupskyldu og forkaupsrétti hjá
Akranesbæ, Garðabæ, Hafnar-
fjarðarbæ, Kópavogi, Mosfellsbæ,
Reykjanesbæ og Reykjavíkurborg.
FLOSI
EIRÍKSSON
Vill stuðla að
betra mannlífi í
Kópavogi með því
að stemma stigu
við kynlífsiðnaði.
Önnur síamstvíburastúlknannafrá Guatemala sem aðskild
var frá systur sinni fyrir sköm-
mu hefur gengist undir þriðju
skurðaðgerð sína eftir aðskilnað-
inn. Þurfti að fjarlægja blóð sem
hafði komist inn á heila hennar.
Ekki er talið líklegt að hún þurfi
að fara í aðra aðgerð af þessu
tagi. Stúlkan, sem heitir Maria
Teresa Quiej Alvarez, er nú að
jafna sig eftir aðgerðina.
Stjórnvöld í Brasilíu ætla ánæstunni að opna stærsta
verndaða hitabeltisþjóðgarð
heimsins. Verður hann staðsettur
í ríkinu Amapa á afskekktu svæði
Amazon-frumskógarins. Garður-
inn mun ná yfir tæpar fjórar
milljónir hektara. Mikið verður
um framandi plöntur í garðinum
og sjaldgæfar dýrategundir.
PRAG, TÉKKLANDI, AP Mikið hreins-
unarstarf stóð yfir í miðborg Prag
í Tékklandi í gær eftir hin gífur-
legu flóð sem gengið hafa yfir
borgina. Hafði mikið af drasli
safnast saman við bakka árinnar
Vltava. Að sögn yfirvalda í Prag
gætu margir mánuðir liðið þar til
hlutirnir komast í fastar skorður
að nýju. Svo virðist sem aðeins
tvær byggingar í hinni sögufrægu
miðborg Prag hafi eyðilagst að
einhverju ráði í flóðunum. Á
mörgum stöðum hafa vegir og
gangstéttir hins vegar farið illa út
úr flóðunum og gætu viðgerðir á
þeim tekið marga mánuði. Enn er
meira en helmingur heimila og
fyrirtækja í borginni án rafmagns
af öryggisástæðum. Hreinsunar-
starf hefur einnig verið í fulllum
gangi í Þýskalandi vegna flóð-
anna.
Alls fórust 113 manns í flóðun-
um víðsvegar um Evrópu, þar af
16 manns í Þýskalandi. 
Flóðin í Prag:
Hreinsunarstarf í fullum gangi
HREINSUN
Hreinsunarstarf stendur yfir víðsvegar um Evrópu vegna flóðanna. Þessi mynd var tekin í
bænum Weesensteir í austurhluta Þýskalands.
AP
/M
YN
D
SAKAMÁL Svo gæti farið að húsið
þar sem grunaðir morðingjar
stúlkanna Hollý Wells og Jessicu
Chapman bjuggu verði rifið niður
þegar réttarhöldunum yfir þeim
lýkur. Húsið er í eigu Soham skól-
ans þar sem Ian Huntley og
unnusta hans, Maxine Carr, störf-
uðu bæði. Huntely var þar hús-
vörður og Carr starfaði sem að-
stoðarkennari í bekk stúlknanna.
Að sögn skólayfirvalda er vilji
fyrir því að rífa húsið, sem stað-
sett er á skólalóðinni. Líkur eru þó
taldar á því að húsið verði einung-
is girt af og byggð verði varnar-
girðing í kringum það, að því er
sagði á fréttavef Sky. Rannsókn
lögreglunnar á húsinu og lóðinni
þar í kring stendur enn yfir.
Huntley, sem dvelur nú á geð-
deild þar sem læknar meta sálar-
ástand hans, hefur verið rekinn úr
starfi sem húsvörður í skólanum.
Segja yfirvöld skólans að ómögu-
legt hefði verið fyrir hann að snúa
aftur til starfa eftir það sem á
undan er gengið.
Þann 30. ágúst verður haldin
minningarathöfn um Hollý og
Jessicu. Gestum með aðgöngu-
miða verður aðeins hleypt inn og
er búist við um 2000 manns í
kirkjuna þar sem athöfnin verður
haldin.
Einnig hefur verið ákveðið að
jarðarfarir stúlknanna verði
haldnar í kyrrþey. Talið er að þær
geti ekki farið fram fyrr en eftir
nokkrar vikur þar rannsókn
stendur enn yfir á líkum stúlkn-
anna.
Einnar mínútu þögn verður
haldin á knattspyrnuvöllum Eng-
lands í dag til minningar um stúlk-
urnar. Í gærkvöldi var stúlknanna
einnig minnst fyrir leik Chelsea
og Manchester United, sem var
uppáhaldslið Hollý og Jessicu.
Þegar þær sáust síðast á lífi voru
þær einmitt í Manchester-treyj-
um merktum átrúnaðargoði sínu,
David Beckham. 
Skólayfirvöld vilja rífa hús
grunaðra stúlknamorðingja
Húsið líklega girt af eftir að réttarhöldum yfir Huntley og Carr lýkur. Huntley rekinn sem
húsvörður í Soham skólanum. Minningarathöfn vegna dauða Hollý Wells og Jessicu
Chapman haldin þann 30. ágúst.
HUNTLEY
Huntley hefur verið rekinn úr starfi sínu
sem húsvörður í Soham skólanum.
STÚLKNANNA MINNST
Fjölmargir hafa lagt blóm til jarðar skammt frá þeim stað þar sem lík stúlknanna Hollý og Jessicu fundust í skóglendi við Lakenheath í
austurhluta Englands.
AP
/M
YN
D
IR