Fréttablaðið - 03.09.2002, Blaðsíða 2
2 3. september 2002 ÞRIÐJUDAGURINNLENT
Bresk herflutningavél með áttamanns innanborðs nauðlenti á
Keflavíkurflugvelli í gær. Flug-
stjórinn lýsti yfir neyðarástandi
þegar vélin var 100 sjómílur suður
af Ingólfshöfða. Truflanir voru í
rafmagnsbúnaði og torkennileg
lykt fannst. Engan sakaði.
Guðni Ágústsson, landbúnaðar-ráðherra, hefur ákveðið að út-
flutningshlutfall kindakjöts á tíma-
bilinu 1. sept. til 31. okt. skuli vera
25%. Stjórn Bændasamtaka Ís-
lands hafði lagt til að útflutnings-
hlutfallið yrði ákveðið 28%.
Fiskverkun GPG á Húsavík er aðhefja framleiðslu á roðlausum,
þurrkuðum og söltuðum ufsaflök-
um. Þau á að selja til Karabíska
hafsins. Flökin verða flutt til Karí-
bahafsins í sérstökum þar til gerð-
um trékössum.
FLUGLEIÐIR
Flugleiðir keyptu meira í sjálfum sér í gær.
Flugleiðir kaupa meira:
Keyptu
fyrir 230
milljónir
VIÐSKIPTI Flugleiðir halda áfram að
kaupa eigin hlutabréf. Í gær keyp-
ti félagið bréf í sjálfu sér fyrir
230 milljónir króna á genginu 3,9.
Eignarhlutur Flugleiða í sjálfum
sér er eftir kaupin 6,41%. For-
ráðamenn fyrirtækisins hafa sagt
að ástæðan sé að fyrirtækið vilji
eiga bréf til að nota í kaupréttar-
samningum við lykilstarfsmenn. Í
markaðsyfirliti Landsbankans-
Landbréfa var velt vöngum yfir
kaupum félagsins, þegar það
keypti í sjálfu sér á dögunum.
Gengið í þeim viðskiptum var
3,75.
Þar sagði að félög keyptu bréf
þegar verð lækkaði til að sýna
markaðnum fram á að reksturinn
standi undir hærra gengi. „Félög
fara einnig út í svona aðgerðir til
að tryggja að nýir menn komist
ekki til valda innan félagsins eftir
að mikil viðskipti hafa átt sér stað
og er hugsanlegt að það sé ástæð-
an fyrir þessum kaupum Flug-
leiða á eigin bréfum,“ segir í
Markaðsyfirlitinu.
ÚR FJÁRLAGANEFND
Ólafur Örn Haraldsson og Ísólfur Gylfi
Pálmason á fundi nefndarinnar.
Vandi Landspítala:
Skilgreina
þarf hlutverk
spítalans
STJÓRNMÁL „Það kom fram á þess-
um fundi að það vantar í pólitísk-
an vilja til að ákveða með skýrum
hætti hver eigi að vera verkefni
Landspítalans,“ sagði Margrét
Frímannsdóttir, eftir fund fjár-
laganefndar um fjárhagsvanda
spítalans. Komið hafi fram að í
132 rúmum spítalans væru sjúk-
lingar sem ættu í raun að vistast
annars staðar. Eins séu um 10 til
12 þúsund komur sjúklinga á
bráðamóttöku sem ættu að leita til
heilsugæslunnar. Landspítali sé
vel rekinn miðað við það fjár-
magn sem sé til ráðstöfunar.
Ólafur Örn Haraldsson, for-
maður fjárlaganefndar, sagði
fundinn fróðlegan. Fulltrúar spít-
alans hafi gert grein fyrir sértæk-
um ráðstöfunum sem hafi verið
ráðið í. „Það er verið að efla spít-
alann á alla lund.“
KEIKÓ Háhyrningurinn Keikó er
líklega vinsælasti Íslendingurinn
í Noregi um þessar mundir, en
myndir af honum prýddu síður
norskra dagblaða í gær. Keikó,
sem er réttdræpur í Noregi, var í
Skálavíkurfirði, sunnan við
Þrándheim í gær. Norsk dagblöð
greindu frá því að börn hefðu leik-
ið við hann og gefið honum að
borða. Hallur Hallsson, fram-
kvæmdastjóri Ocean Futures
samtakanna hérlendis, segir þetta
vera nokkuð áhyggjuefni, þar sem
vonast hefði verið eftir því að
Keikó myndi velja náttúruna
framyfir mennina.
„Það virðist vera sem Keikó
hafi tekið það upp hjá sjálfum sér
að elta bát inn í höfnina í firðin-
um,“ sagði Hallur. „Hann hefur
yfirgefið háhyrningavöðu og það
veldur okkur vonbrigðum, því er
ekki að neita.“
Hallur sagði að menn frá Oce-
an Futures hefðu farið til Noregs
fyrir helgi og væru búnir að vera
að fylgjast með honum.
„Við erum að meta stöðuna og
ákveða hvernig við munum bregð-
ast við þessu. Það hefur ekki ver-
ið tekin ákvörðun um það ennþá.
Það eru rúmar sex vikur síðan
Keikó hóf að umgangast aðra há-
hyrninga við Vestmannaeyjar og
vorum við að vonast eftir því að
hann myndi áfram halda til með
þeim.“
Hallur sagði augljóst að Keikó
hefði þrifist vel í hafinu. Starfs-
menn Ocean Futures teldu að
hann hefði veitt sér til matar, þar
sem hann væri mjög vel á sig
kominn. Hallur sagði að Keikó-
verkefnið sem slíkt héldi áfram.
Áfram væri stefnt að því að Keikó
gæti lifað einn í hafinu án þess að
þurfa að reiða sig á aðstoð mann-
fólksins.
Gísli A. Víkingsson, hvalasér-
fræðingur hjá Hafrannsóknar-
stofnun, sagði að erfitt væri að
svara því hversu lengi Keikó gæti
lifað í hafinu án matar. Almennt
séð væru hvalir vel byggðir til að
safna forða og gætu þeir því lifað
lengi án þess að þurfa að veiða sér
til matar.
Aðspurður sagði Gísli að það
væri ekkert sem bannaði Norð-
mönnum að veiða Keikó. Háhyrn-
ingar, teldust til smærri hvala og
féllu því ekki undir lög Alþjóða-
hvalveiðiráðsins. Hann sagði
samt að það myndi líklega ekki
falla í góðan jarðveg ef Norðmenn
myndu taka upp á því að veiða
dýrið.
Gísli sagði að í gegnum tíðina
hefðu háhyrningar ekki verið
mikið veiddir til matar, en þó
væru dæmi um það.
„Hér á landi veit ég til þess að
háhyrningar sem hafa fest sig í
netum hafi verið borðaðir. Ég
prófaði það sjálfur einu sinni á
Hótel Búðum fyrir nokkrum
árum og það var ekkert að því
kjöti.“
trausti@frettabladid.is
KEIKÓ ER VINSÆLL Í NOREGI
Norsk dagblöð greindu frá því í gær að börn í Skálavíkurfirði hefðu gefið Keikó að borða
og leikið við hann.
Keikó réttdræpur
við Noregsstrendur
Vonbrigði að Keikó hafi elt bát inn í norskan fjörð segir Hallur Hallsson, framkvæmdastjóri
Ocean Futures. Ekkert sem bannar Norðmönnum að veiða dýrið segir Gísli A. Víkingsson,
hvalasérfræðingur Hafrannsóknarstofnunar. Bragðaði sjálfur háhyrningakjöt á Hótel Búðum.
DUBLIN, AP Bertie Ahern, forsætis-
ráðherra Írlands, segir að Írar
verði að samþykkja í næstu þjóð-
aratkvæðagreiðslu samning Evr-
ópusambandsins, sem gerður var í
Nissa í Frakklandi fyrir einu og
hálfu ári. Í samningnum er kveðið
á um breytingar á skipulagi Evr-
ópusambandins sem nauðsynlegar
þykja vegna fyrirhugaðrar stækk-
unar þess.
Samningurinn var alls óvænt
felldur í þjóðaratkvæðagreiðslu á
Írlandi í júní 2001. Bertie Ahern
segir að markmiðum Nissa-samn-
ingsins sé stefnt í voða ef Írar sam-
þykki hann ekki í þjóðaratkvæða-
greiðslu, sem flestir búast við að
verði haldin í næsta mánuði. Enn
hefur ekki verið boðað til atkvæða-
greiðslunnar, en í gær hófu írsk
stjórnvöld svonefnda upplýsinga-
herferð, með það að markmiði að
sannfæra þjóðina um ágæti samn-
ingsins.
„Við skulum segja þetta
tæpitungulaust,“ sagði Ahern í
gær. „Ef þetta verður ekki sam-
þykkt þá myndum við bregðast
fólki gífurlega mikið. Þá yrði litið
svo á að Írland væri að koma í veg
fyrir og væri andsnúið stækkun
Evrópusambandsins.“
Ahern segist sannfærður um að
margir hafi greitt atkvæði gegn
samningnum vegna þess eins að
þeir hafi ekki þekkt eða skilið inni-
hald hans nógu vel. Með því einu
að upplýsa þjóðina betur megi
tryggja að samningurinn verði
samþykktur í næstu umferð.
Írland er eina ríkið Evrópusam-
bandsins sem leggur Nissa-samn-
inginn fyrir þjóðaratkvæði. Hin
aðildarríkin 14 hafa þegar staðfest
hann.
Forsætisráðherra Írlands:
Nissa-samninginn verður að samþykkja
BERTIE AHERN
Forsætisráðherra Írlands ætlar að sannfæra landa sína á næstu vikum um að Nissa-samn-
ingur Evrópusambandsins sé ekki jafn slæmur og af er látið. Líklegt er talið að ný þjóðar-
atkvæðagreiðsla um samninginn fari fram í næsta mánuði.
AP
/J
O
H
N
C
O
G
IL
L
Beinbrot á Landakoti:
Brotnuðu ekki
vegna flutninga
HEILBRIGÐISMÁL „Það er rétt að
sjúklingur á öldrunardeild brotn-
aði eftir flutningana í síðustu
viku. Hann hefur margsinnis áður
dottið og brotið sig og því vil ég
alls ekki tengja það flutningum.
Hinn sjúklingurinn hafði hins
vegar brotnað fyrir flutninga en
það kom ekki í ljós fyrr en farið
var að rannsaka viðkomandi nán-
ar að um beinbrot var að
ræða,“segir Ingibjörg Hjaltadótt-
ir, hjúkrunarforstjóri á Landakoti,
en fyrir helgi voru að minnsta
kosti tveir heilabilaðir sjúklingar
að jafna sig eftir beinbrot eftir
breytingar á sjúkrahúsinu.
Ingibjörg sagði að allar breyt-
ingar hefðu slæm áhrif á fólk með
heilabilun. Reynt væri að halda
lífi þessa fólks í sem mestum
skorðum en hjá því væri ekki
komist að breyta til því stundum
þyrfti að flytja fólk til.
LANDAKOT
Heilabilaðir sjúklingar hafa brotið bein eftir að vera fluttir til eftir að einni deild sjúkra-
hússins var lokað.