Fréttablaðið - 13.09.2002, Blaðsíða 24
Það er nú meira hvað þjóðin hefurauðgast á undanförnum árum;
ungmenni sem á síðustu öld hefðu
naumast haft tekjur af öðru en að
tína hagalagða kaupa nú banka eða
erlendar verslanakeðjur og vita
ekki aura sinna tal. Þetta er náttúr-
lega alveg dásamlegt. En óneitan-
lega verður maður dáldið öfund-
sjúkur af því að horfa upp á þessa
barnungu milljarðamæringa.
ÞAÐ næsta sem ég hef komist því
að verða ríkur var þegar ég fékk
bréf frá kaupsýslumanni í Nígeríu
sem hafði haldið uppi fyrirspurnum
um mig og komist að þeirri niður-
stöðu að ég væri einn sérdeilis
traustur viðskiptaaðili og vildi ólm-
ur borga mér rúma milljón dollara
fyrir lítilsháttar afnot af banka-
reikningi mínum. Með framtaks-
leysi tókst mér að klúðra þessu við-
skiptatækifæri. En það kemur út á
eitt því að ég hefði notað gróðann til
að fjárfesta í spútnikfyrirtæki sem
þá seldi hlutinn á sextíukall en hef-
ur nú hrapað niður í túkall svo ég
hefði staðið slyppur og snauður eft-
ir með töluvert þungar afborganir
af lúxusjeppa, sumarbústað á Þing-
völlum, og höll við Laufásveginn.
ÞEGAR landbúnaðarþjóðfélagið
leið undir lok lagðist af sá siður að
tína hagalagða. En fátæktin er söm
við sig. Í staðinn fyrir hagalagða
tínir fólk flöskur, dósir og önnur
verðmæti upp úr ruslatunnum sem
þeir sem leiða neyslukapphlaupið
fleygja frá sér til að verða léttari á
hlaupunum. Eftir því sem hraðinn
eykst í kapphlaupinu verður bilið
milli fremstu keppenda og þeirra
öftustu sífellt meira og æsingurinn
er svo mikill að sumir hafa týnt átt-
um og hlaupa öfugan hring lengra
og lengra frá markinu.
REGLURNAR í neyslukapphlaup-
inu eru mjög skýrar: Sá, sem á
mesta peninga þegar hann deyr,
vinnur. Einfaldara getur það ekki
verið. Og ef maður hrekkur í kút
þegar maður kemur út á morgnana
við að rekast á bláókunnuga mann-
eskju sem stendur hálf upp úr
öskutunnunni manns og kjamsar á
matarleifum gærdagsins þá er það
aðeins til marks um að einhver sem
er aftarlega í hlaupinu hefur stað-
næmst til að fá sér morgunhress-
ingu og verður kannski orðinn millj-
arðamæringur eftir ár - ef hann
deyr þá ekki úr matareitrun.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Kapphlaupið
Byggðu á þínum tíma
Grafarvogi
Vestur í bæ
Kópavogi
Ármúla
Bakþankar
Þráins Bertelssonar