Fréttablaðið - 26.09.2002, Blaðsíða 6
6 26. september 2002 FIMMTUDAGURSPURNING DAGSINS
Átt þú hlutabréf í deCODE?
Nei. sem betur fer ekki.
Sigvaldi Sigvaldason. 63 ára.
LEIÐRÉTTING
KAUPMANNAHÖFN, AP „Tíbet er hluti
af Kína og við erum á móti aðskiln-
aðarstarfsemi Dalaí Lama,“ sagði
Zhu Rongji, forsætisráðherra
Kína, í Kaupmannahöfn í gær. „Við
erum á móti því að nokkur ríkis-
stjórn veiti Dalaí Lama stuðning af
hvaða tagi sem er.“
Zhu er í opinberri heimsókn til
Danmerkur í beinu framhaldi af
leiðtogafundi Evrópusambands-
ins og Asíuríkja. Eftir að hann
hafði rætt við Anders Fogh
Rasmussen, forsætisráðherra
Danmerkur, hélt Zhu blaðamanna-
fund þar sem hann hvatti öll ríki
til þess að láta af stuðningi við
Dalaí Lama, leiðtoga Tíbeta, sem
verið hefur í útlegð frá því 1959.
Fyrr í vikunni hvöttu mann-
réttindasamtökin Amnesty
International Evrópusambandið
til þess að sýna Kínverjum fulla
hörku og gagnrýna mannréttinda-
brot á minnihlutahópum.
Samtökin segja að ástand
mannréttindamála í Kína hafi
versnað undanfarið, aðallega
vegna þess að Kínverjar hafa
gengið fram af aukinni hörku
gegn glæpum og hryðjuverkum.
Þeir hafi notað stríðið gegn
hryðjuverkum sem „fyrirslátt til
þess að herða kúgun“.
Forsætisráðherra Kína í Kaupmannahöfn:
„Hættið að styðja
Dalaí Lama“
GÓÐAR MÓTTÖKUR Í KAUPMANNAHÖFN
Zhu Rongji, forsætisráðherra Kína, fékk góðar móttökur frá Anders Fogh Rasmussen, for-
sætisráðherra Danmerkur, sem er vinstra megin við Zhu á myndinni, og Romano Prodi,
forseta framkvæmdastjórnar Evrópusambandsins. Danmörk fer nú með forsæti í Evrópu-
sambandinu.
www.hagkaup.is
Kringlan - Skeifan - Smáralind
Loksins á Íslandi
NEYTENDUR Þing Neytenda-
samtakanna verður hald-
ið í Rúgbrauðsgerðinni í
Borgartúni um næstu
helgi. Forseti Íslands og
h e i l b r i g ð i s r á ð h e r r a
munu ávarpa þingið en
meðal verkefna þess er
kosning 20 manna stjórn-
ar. Jóhannes Gunnarsson
er sjálfkjörinn formaður
Neytendasamtakanna þar
sem ekkert mótframboð
kom fram.
„Á þinginu munum við
leggja áherslu á umræðu
um fákeppni og sam-
þjöppun valds í verslun
og viðskiptum,“ segir Jóhannes
Gunnarsson. „Þá munum við
einnig ítreka þá kröfu okkar að
neytendur hér á landi fái að njóta
Evrópuverðs á matvælum og
þjónustu. Við erum jú hluti af
innri markaði Evrópusambands-
ins,“ segir hann.
Í Neytendasamtökunum eru
14 þúsund félagar sem hver fyrir
sig greiðir 3.200 krónur í félags-
gjöld. Íslensku Neytendasamtök-
in eru þau fjölmennustu í heimi
miðað við höfðatölu. Aðeins Hol-
lendingar komast með tærnar
þar sem Íslendingar hafa hælana
í þeim efnum.
Þing Neytendasamtakanna um næstu helgi -
formaðurinn sjálfkjörinn:
Krefjast Evrópu-
verðs á matvælum
NEYTENDUR
Vilja vera hluti af Evrópu - líka í verði
matvæla. Ranglega var eftir haft í blað-inu þriðjudag að viðskipti
með hlutabréf væru ekki orðin
jafn mikil og í fyrra. Hið rétta
er að metvelta er með hlutabréf
í Kauphöll Íslands á árinu. Hins
vegar er veltuaukning milli ára
ekki jafn mikil nú og þegar mest
var.
Vestfirðir:
Þjóðhátíð
fyrir nýbúa
MENNING Þjóðhátíð Vestfirðinga
verður haldin á Tálknafirði helg-
ina 4.-5. október. Verður það í
fimmta sinn sem hátíðin er haldin.
Það eru Rætur, félag áhugafólks
um menningarfjölbreytni á Vest-
fjörðum, sem stendur fyrir hátíð-
inni og í tilkynningu er það orðað
sem svo: „Tilefnið er sem fyrr, það
er að fólki af erlendum uppruna
hefur fjölgað mjög á Vestfjörðum
undanfarin ár. Óhjákvæmilega er
hætta á því að þegar fólk, sem er
lítt eða ekki talandi á íslenska
tungu, kemur inn í samfélagið að
það einangrist. Við Vestfirðingar
viljum bjóða innflytjendur vel-
komna til að auðga menningu okk-
ar og vonandi auðga þeirra menn-
ingu sömuleiðis.“
EFNAHAGSLÍF Búnaðarbankinn tel-
ur að enginn hagvöxtur verði á
þessu ári. Samkvæmt spá bank-
ans verður hagvöxtur næsta árs
2% sem er undir jafnvægishag-
vexti. Það þýðir að slaki verður
áfram einhver í hagkerfinu.
Bankinn spáir lægri verðbólgu
en Seðlabankinn. Samkvæmt
spánni verður verðbólga 1,6% í
ár og 1,5% á næsta ári. Þá er við-
skiptahallinn á hröðu undan-
haldi.
Spá bankans var kynnt á fundi
undir yfirskriftinni Kreppan
sem aldrei kom. Björn Rúnar
Guðmundsson, hagfræðingur,
kynnti spá Búnaðarbankans. Í
máli Björns Rúnars kom fram að
heppni átti þátt í því að niður-
sveiflan varð ekki að kreppu.
Helstu þættir sem réðu því að
ekki fór illa var hagstætt árferði
í sjávarútvegi, tímasetning ný-
fjárfestinga í stóriðju, lækkandi
vextir erlendis og minnkandi
fjárflæði frá landinu vegna al-
þjóðlegrar hlutabréfakreppu.
Bankinn gerir ráð fyrir því að
einkaneysla dragist saman á
þessu ári, en fari að vaxa lítillega
á því næsta. Fari fram sem horf-
ir samkvæmt spánni mun fjár-
festing hafa dregist saman um
30% að raungildi síðustu tvö ár.
Reiknað er með að fjárfesting
glæðist lítillega á ný næsta ár.
Hins vegar hefur fjárfesting í
íbúðarhúsnæði aukist undanfar-
in misseri. Í máli Árna Tómas-
sonar, bankastjóra Búnaðarbank-
ans, kom fram að ekki er búist
við mikilli aukningu fjárfesting-
ar. Ennþá sé töluvert svigrúm til
að nýta betur þá fjárfestingu
sem fyrir er í hagkerfinu.
Kaupmáttur rýrnaði á þessu
ári vegna verðbólgu, en í spánni
er gert ráð fyrir að kaupmáttur
fólks vaxi á ný á næsta ári. Laun
eru í sögulegu samhengi hátt
hlutfall af tekjum fyrirtækja. Í
ljósi þessa telur bankinn hættu á
því að atvinnuleysi aukist á
næsta ári. Bankinn gerir ráð fyr-
ir 2,8% atvinnuleysi. Verði það
meira má búast við að hagvöxtur
yrði minni. Annar óvissuþáttur í
þróun efnahagsmála er ákvörðun
um álver. Bankinn gerir þó ekki
ráð fyrir að álver muni hafa mik-
il áhrif á hagvöxt á næsta ári.
Þriðji óvissuþátturinn er aðhald í
ríkisfjármálum. Kosningar eru
framundan og þekkt úr sögunni
að ekki er haldið eins fast um
ríkisbudduna á kosningaári og
önnur ár.
haflidi@frettabladid.is
Hægur bati framundan
eftir væg veikindi
Ytri aðstæður og heppni komu í veg fyrir kreppu í efnahagslífinu. Búnaðarbankinn gerir ráð fyrir að
hagvöxtur verði enginn á þessu ári og 2% á því næsta. Kaupmáttur mun styrkjast á næsta ári og
einkaneysla aukast. Fjárfesting verður lítil ef ekki kemur til stóriðjuframkvæmda.
AFTUR AÐ LIFNA
Búnaðarbankinn kynnti fyrstu heildstæðu
hagspá fjármálastofnunar á fundi með yfir-
skriftinni Kreppan sem aldrei kom. Sam-
kvæmt spá bankans stefnir í að efnahags-
lífið fari hægt og bítandi uppávið.
GENGI GJALDMIÐLA
Bandaríkjadalur 86.86 -0.38%
Sterlingspund 135.56 0.04%
Dönsk króna 11.46 -0.13%
Evra 85.11 -0.16%
Gengisvístala krónu 129,16 0,54%
KAUPHÖLL ÍSLANDS
Fjöldi viðskipta 257
Velta 2.911 m
ICEX-15 1.296 0,31%
Mestu viðskipti
Bakkavör Group hf. 162.126.082
Baugur Group hf. 143.843.467
Samherji hf. 118.588.600
Mesta hækkun
Kögun hf. 9,00%
Hampiðjan hf. 7,50%
Vinnslustöðin hf. 5,26%
Mesta lækkun
Þorbjörn Fiskanes hf. -6,54%
Þormóður rammi-Sæberg hf. -2,97%
Marel hf. -1,59%
ERLENDAR VÍSITÖLUR
DJ*: 7779,5 1,30%
Nsdaq*: 1203,1 1,80%
FTSE: 3696,2 0,70%
DAX: 2908,5 1,20%
Nikkei: 9165,4 -1,70%
S&P*: 828,2 1,10%
*Bandarískar vísitölur kl. 17.00
Grandi hf. hefur seldi í gær Aflifjárfestingarfélagi hf. allan
eignarhlut sinn í Islu ehf. Isla ehf.
er eignarhaldsfélag um hlutabréf í
sjávarútvegsfyrirtækjum í
Mexíkó. Uppgjöri Granda þann 30.
júní sl. var hagað á þann veg að
salan mun hafa óveruleg áhrif á
afkomu félagsins seinni hluta árs-
ins.
Lífeyrissjóðir Bankastræti 7keyptu í gær hlutabréf í Sam-
herja hf. að nafnverði kr. 5.000.000.
Eignarhlutur Lífeyrissjóða Banka-
stræti 7 er nú 5,22% eða kr.
86.652.618 að nafnverði en var
áður 4,92% eða kr. 81.652.618.
VIÐSKIPTI
FR
ÉT
TA
B
LA
Ð
IÐ
/R
Ó
B
ER
T