Fréttablaðið - 05.10.2002, Blaðsíða 4

4 5. október 2002 LAUGARDAGUR
INNLENT
LÖGREGLUFRÉTTIR
FRAMKVÆMDIR Byggingarfyrirtæk-
in Björgun og BYGG, fengu í vik-
unni framkvæmdaleyfi vegna
landfyllingar í Arnarnesvogi. Sam-
kvæmt upplýsingum frá Björgun
verður líklega byrjað á landfyll-
ingunni, með því að dæla sandi upp
úr sjónum, strax eftir helgi.
Gert er ráð fyrir 560 almennum
íbúðum og 200 íbúðum fyrir eldri
borgara á svæðinu. Flestar bygg-
ingarnar verða tveggja til þriggja
hæða og á hæð þeirra að trufla
sem minnst útsýni frá núverandi
íbúðahverfum.
Upphaflega var sótt um leyfi
fyrir 7,5 hektara landfyllingu og
fékkst heimild fyrir henni hjá
Skipulagsstofnun. Áformin mættu
hins vegar andstöðu íbúa. Vegna
breyttra byggingaráforma óskuðu
byggingarfyrirtækin eftir því að
úrskurðurinn yrði felldur úr gildi.
Í stað 7,5 hektara landfyllingar er
nú gert ráð fyrir 2,5 hektara land-
fyllingu, en samkvæmt lögum
þarf ekki að fara fram mat á um-
hverfisáhrifum nema vegna land-
fyllinga sem eru 5 hektarar eða
stærri.

Landfylling í Arnarnesvogi:
Framkvæmdir
að hefjast
ARNARNESVOGUR
Byggingarfyrirtækin Björgun og BYGG,
fengu í vikunni framkvæmdaleyfi vegna
landfyllingar í Arnarnesvogi.
REKIN FRÁ VÍDALÍN Á annan tug
manna var vísað frá skemmti-
staðnum Vídalín um ellefuleytið
í fyrrakvöld. Svokallað bjór-
kvöld var haldið þar að tilstuðl-
an framhaldsskóla. Vísaði lög-
reglan þeim frá sem voru yngri
en tvítugt við litla hrifningu. Þá
var veski stolið á veitingastaðn-
um Celtic Cross í fyrrinótt.
SLÓGUST Á GLAUMBAR Karl-
maður var fluttur á slysadeild
Landspítala-háskólasjúkrahúss
eftir átök við annan mann á veit-
ingastaðnum Glaumbar um
tvöleytið í fyrrinótt. Ekki er
talið að meiðsl hans hafi verið
alvarleg.
SILVER SPRING, MARYLAND, AP Fimm
manns voru skotnir til bana í út-
hverfi Washington-borgar í
Bandaríkjunum í gær. Morðin,
sem áttu sér stað með nokkru
millibili, voru framin á innan við
16 klukkustundum. Yfirvöld í
Maryland-úthverfinu leituðu í
gær að „mjög hæfri skyttu,“ en
talið er að hvert fórnarlambanna
hafi verið myrt með einni byssu-
kúlu. Málið hefur vakið mikinn
óhug í Bandaríkjunum, sérstak-
lega vegna þess að morðin virðast
hafa verið framin af handahófi án
nokkurrar sýnilegrar ástæðu.
Einn maður var skotinn til
bana er hann var að slá grasblett-
inn heima hjá sér. Annar var skot-
inn er hann var að setja bensín á
bíl sinn og sá þriðji var skotinn
fyrir utan matvörubúð. Tvær
konur voru á meðal hinna myrtu.
Önnur þeirra var skotin í höfuðið
við pósthús og hin var skotinn er
hún var á gangi við bensínstöð.
Fórnarlömbin voru á bilinu 25 til
55 ára gömul og virðast ekkert
hafa tengst innbyrðis í lifanda
lífi.
Hátt í 150 lögreglumenn, þar á
meðal fulltrúar frá bandarísku al-
ríkislögreglunni, FBI, tóku þátt í
leit að morðingjanum eða morð-
ingjunum. Einn sjónarvottur sá tvo
aðila inni í hvítum sendiferðabíl
aka hratt á brott frá þeim stað þar
sem eitt morðanna var framið.

Fimm manns myrtir í Bandaríkjunum:
Leitað að mjög
hæfri skyttu
BENSÍNSTÖÐ
Leigubílstjóri var skotinn á bensínstöð í Aspen Hill í úthverfi Washington-borgar. Lögreglan
telur að sterkar líkur séu á því að morðin tengist innbyrðis.
AP
/M
YN
D
SALA BANKANNA Söluferli Búnaðar-
bankans er í uppnámi og mörgum
þykir hægt ganga við sölu Lands-
bankans. Heimildir blaðsins
herma að Ríkisendurskoðun geri
athugasemdir við flesta þætti
söluferlisins. Meðal þess sem er
gagnrýnt í skýrslu Ríkisendur-
skoðunar sem væntanleg er í
næstu viku, er skortur á upplýs-
ingagjöf til fjárfesta. Þá eru
markmið talin illa skilgreind.
Fram kom í Fréttablaðinu um
það leyti sem ákvörðun um við-
ræður við Samson, eignarhaldsfé-
lag að Kaldbakur hefði boðið
hæsta verðið í bankann. Illa gekk
hins vegar hjá Kaldbaksmönnum
að fá upplýsingar um hversu stór
hlutur í bankanum væri til sölu.
Kaldbakur hafði sænskan banka á
bak við sig sem samkvæmt heim-
ildum blaðsins var Skandinaviska
Enskilda Banken. Sá banki þekkir
vel til Landsbankans og hafði áður
átt í þreifingum um kaup á bank-
anum. Bankinn taldi ekki ómaks-
ins virði að koma inn nema hlutur-
inn sem til sölu væri næði þriðj-
ungi af heildarhlutafé bankans.
Gilding tekur af skarið
Þórður Magnússon, forsvars-
maður Gildingar fjárfestingarfé-
lags, fór fyrir hópi fjárfesta sem
höfðu áhuga á báðum bönkunum.
Einkavæðingarnefnt þótti nokkuð
skorta á að Þórður gæti sýnt fram
á hvernig hann ætlaði að fjár-
magna kaupin. Hann var því úr
leik í fyrstu atrennu. Eigendur
Gildingar eignuðust drjúgan hlut í
bankanum þegar félagið var sam-
einað Búnaðarbankanum. Bank-
inn gerði góð kaup í þeim við-
skiptum. Gilding var stofnuð þeg-
ar allt var í blóma á mörkuðum.
Fall krónunnar og hlutabréfa-
markaðar voru nánast búin að
ríða félaginu að fullu. Sameining-
in við Búnaðarbankann varð þeg-
ar allt var í lágpunkti. Síðan þá
hefur úr ræst og safn Gildingar
ávaxtast vel innan bankans.
Síðustu daga september fór að
bera á miklum viðskiptum með
bréf Búnaðarbankans. 26. septem-
ber skiptu bréf að markaðsvirði
2,5 milljarðar um hendur og þann
30. september voru viðskipti fyrir
1,8 milljarð. Bankinn keypti sjálf-
ur tæp 10% bréfa í sjálfum sér og
seldi áfram til hóps tengdum Gild-
ingu.
Heimildir Fréttablaðsins
herma að fjárfestingarhópurinn
sé kominn með milli 25 og 30% í
bankanum. Það þýðir að kjölfest-
an er komin í bankann. Eigi að
selja bankann öðrum þarf sá sem
kaupir að fá stærri hlut af bank-
anum en hópurinn sem fyrir er.
Helst verulega stærri.
Bankinn vanur sjálfstæði
Halldór Ásgrímsson, utanríkis-
ráðherra og formaður Framsókn-
arflokksins telur þessi tíðindi
ekki breyta neinu um söluferli
bankanna. „Söluferli ríkisbank-
anna heldur áfram eins og upp-
haflega var til stofnað. Við hljót-
um að selja þau hlutabréf á þeim
grundvelli sem stofnað var til og
án tillits til annarra hreyfinga á
markaði,“ segir Halldór.
Fréttablaðið hefur heimildir
fyrir því að atburðarrásin í Bún-
aðarbankanum sé stjórnendum
bankans að skapi. Árni Tómasson
neitar því að kaupin séu að frum-
kvæði bankans. Pólitísk afskipti
af Búnaðarbankanum hafa alltaf
verið minni en af Landsbankan-
um. Bankinn vill halda sjálfstæði
sínu. Dreifð eignaraðild með kjöl-
festufjárfesti sem vill hámarka
arðsemi af fjárfestingu sinni er
því stjórnendum og starfsmönn-
um bankans að skapi.
Sérfræðingar á fjármálamark-
aði telja að ein þeirra leiða sem nú
sé fýsisleg sé að selja bréf ríkis-
ins í gegnum Kauphöll Íslands
með tilboðsfyrirkomulagi. Þannig
fengi ríkið gott verð fyrir bréfin
og kjölfestan myndaðist af sjálfu
sér. Skýrsla Ríkisendurskoðunar
kann að kalla á að sala Búnaðar-
bankans verði sett í annað ferli en
hún er í nú.
haflidi@frettabladid.is
Kjölfestan er komin
í Búnaðarbankann
FRÉTTASKÝRING
Skýrsla Ríkisendurskoðunar kann að leiða til þess að söluferli Búnaðarbankans verði endurskoð-
að. Kjölfestufjárfestir hefur þegar myndast í bankanum. Sérfræðingar telja að skynsamlegt sé að
selja bréf ríkisins með tilboðsfyrirkomulagi. Halldór Ásgrímsson segir myndun kjölfestu í bank-
anum engu breyta um það ferli sem sala bankans sé í.
BREYTT STAÐA
Viðskipti að undanförnu með bréf í Búnaðarbankanum hafa leitt til þess að kjölfestufjár-
festir hefur þegar myndast í bankanum. Ekki er pólitískur vilji til að breyta því ferli sem
sala bankans er í.
NEYSLUVATN Í GEISLUNARHÚS
Búið er að koma upp geislunar-
húsi sem allt neysluvatn Patreks-
firðinga fer í gegnum áður en það
fer í vatnskerfið. Útfjólubláir
geislar drepa allar örverur í vatn-
inu og þannig næst að tryggja að
vatnið verði tandurhreint. Pat-
reksfirðingar hafa mátt eiga það á
hættu í gegnum tíðina að neyta
mengaðs neysluvatns, sérstaklega
á vorin og í leysingum. Tíð.is
ENDURBÆTUR FRAM ÚR ÁÆTLUN
Kostnaður við endurbætur á nýju
skrifstofuhúsnæði Verkalýðsfé-
lags Akraness að Sunnubraut 13
er kominn langt framúr þeirri
kostnaðaráætlun sem gerð var
við upphaf framkvæmda. Upp-
hafleg kostnaðaráætlun hljóðaði
upp á rétt rúmar þrjár milljónir
en er nú komin í tæplega sjö
milljónir. skessuhorn.is
STÆRSTA SKIP AÐ BRYGGJU Um
miðnættið í gær lagðist olíuskipið
Ophelia að Óslandsbryggjunni.
Þetta er mikið skip, 4.270 tonn og
115,7 metra langt eða helmingi
lengra en bryggjukanturinn.
Þetta er stærsta skip sem komið
hefur til Hornafjarðar. horn.is
Nýtt nafn í flota
Samskipa:
Gullnes heit-
ir nú Ísfell
SAMGÖNGUR Ísfell, sem er nýtt
nafn í flota Samskipa, hóf sigling-
ar undir merkjum félagsins við
vesturströnd Noregs um síðustu
mánaðamót. Skipið mun sigla
reglulega frá Múrmansk með
vesturströndinni og alla leið til
Hollands.
Ísfell er frystiskip sem tekur
1.100 palla. Það sigldi áður á veg-
um Samskipa undir nafninu Gull-
nes en var endurbyggt í skipa-
smíðastöð í Póllandi á fyrri hluta
ársins. Samskip leigja skipið til
langs tíma frá norsku skipafélagi.
Auk reglubundinna ferða um
Vestur-Noreg verður Ísfell notað
til Íslandssiglinga, siglinga um
Eystrasalt og til Portúgals.

Formaður Landverndar:
Varaþing-
maður hafn-
ar Framsókn
STJÓRNMÁL Ólöf Guðný Valdimars-
dóttir, varaþingmaður Framsókn-
arflokksins á Vestfjörðum, segir
að sér sé ómögulegt að gefa kost á
sér í framboð fyrir flokkinn fyrir
næstu kosningar vegna stefnu
forystu hans í stóriðju- og virkj-
anamálum. Hún geti ekki stutt
það að náttúru landsins verði
fórnað fyrir vafasaman efnahags-
legan ávinning.
„Ég tel að áherslur forystu
Framsóknarflokksins í þessum
málum séu komnar langt frá hug-
myndafræði Framsóknarflokks-
ins og hugsjónum mínum.“

KJÖRKASSINN
Farðu inn á frett.is og segðu
þína skoðun
frétt.is
Er spilling almenn í íslenskum
stjórnmálum?
Spurning dagsins í dag:
Hvernig lýst þér á framboð Halldórs
Ásgrímssonar í Reykjavík?
Niðurstöður gærdagsins
á www.frett.is
GERSPILLTIR
Kjósendur á frett.is
telja mikla spillingu
vera í íslenskum
stjórnmálum.
14,4%
Veit ekki 4,4%
Nei
81,1%Já