Fréttablaðið - 06.05.2003, Side 16

16 6. maí 2003 ÞRIÐJUDAGUR
Í aðdraganda alþingiskosning-anna hinn 10. maí nk. hafa
flokkarnir sem bjóða fram nú
flestir birt stefnumál sín. Í áhersl-
um Sjálfstæðisflokks, Framsókn-
ar og Samfylkingar hefur áhersla
verið lögð á skattalækkanir.
Þannig hafa loforðapakkar þess-
ara flokka í skattalækkunum legið
á bilinu 15-25 milljarðar, allt eftir
því hver hefur reiknað hjá hverj-
um, eða hver hefur sagt frá. En
hversu trúverðugur er þessi mál-
flutningur ?
Trúir fólk loforðum Sjálfstæð-
isflokksins um flata 4% lækkun á
tekjuskatti? Hvort skyldi það nú
koma sér betur fyrir láglaunafjöl-
skyldu (en þær eru margar í land-
inu, öfugt við það sem formaður
Sjálfstæðisflokksins hefur haldið
fram) með um 300 þúsund í heim-
ilistekjur á mánuði að fá flata 4%
skattalækkun eða niðurfellingu á
leikskólagjöldum og styttri vinnu-
viku? Það er líka ljóst að með
stefnu sinni í skattamálum hóta
stjórnarflokkarnir því að vextir
muni hækka á kjörtímabilinu og
verðbólga mun þá vafalítið verða
skammt undan þegar menn missa
tökin á þenslunni. Heimilin í land-
inu eru mörg hver stórskuldug, og
án verulegs aðhalds í fjármálum
ríkisins og markvissra aðgerða til
að halda niðri vöxtum verður
mörgum þeirra stefnt í þrot.
Ef einhver hagnast verulega á
þessum skattalækkunartillögum,
þá eru það hátekjuhópar. Þeim
hafa Sjálfstæðisflokkurinn og
Framsóknarflokkurinn lofað að
halda áfram verndarhendi yfir.
Flatur niðurskurður í tekjuskatti
mun einungis halda áfram að auka
bilið milli þeirra sem minnst mega
sín og þeirra sem búa best.
Stefna Vinstri grænna í hag-
stjórnarmálum er skýr. Við viljum
að skattbyrði verði létt af lífeyris-
þegum og láglaunafólki. Við vilj-
um að skólagjöld verði felld niður í
leikskólum með samstilltu átaki
ríkis og sveitarfélaga. Við viljum
að fjármagnseigendur borgi eðli-
legan hluta af tekjum sínum í skat-
ta rétt eins og aðrir. Við viljum að
sá hagvöxtur sem gæti orðið á
kjörtímabilinu verði notaður til að
byggja aftur upp öflugt velferðar-
kerfi. Við viljum að á Íslandi verði
aftur til velferðarsamfélag sem
stendur undir nafni. ■
Kosningar
maí 2003
ÓLAFUR ÞÓR
GUNNARSSON
■ öldrunarlæknir og í
3. sæti VG í Suðvest-
urkjördæmi skrifar um
kosningaloforð stjórn-
málaflokkanna.
Að gera hina ríku ríkari
Mikill meirihluti þjóðarinnarvill að hér starfi gott Ríkisút-
varp sem sinnir menningar- og
lýræðisskyldum sínum með vand-
aðri og skemmtilegri dagskrá. Við
í Samfylkingunni höfum mótað þá
stefnu að þjóðarútvarpið eigi að
hafa forystu á
l j ó s v a k a v e t t -
vangi og vera
öðrum stöðvum
f y r i r m y n d .
Markaðsstöðv-
arnar gegna ein-
nig mikilvægu
hlutverki og það
er eitt af hlut-
verkum al-
mannavaldsins
að tryggja að
skilyrði þeirra
séu sem allra
best. Ísland er
ekki lengur
fjarst í eilífðar útsæ, og í raun
starfa fjölmiðlarnir nú í harðri
samkeppni við erlend fyrirtæki,
sérstaklega ljósvaka- og netmiðl-
arnir. Starfsumhverfi fjölmiðla er
hluti af íslenskri atvinnu-,
mennta- og menningarstefnu.
Sjálfseignarstofnun
Það er stefna Samfylkingar-
innar að Ríkisútvarpið verði
sjálfseignarstofnun án
flokkspólitískra ítaka. Við skul-
um leggja útvarpsráð niður í nú-
verandi mynd og fjarlægja
flokkspólitík úr yfirstjórn RÚV –
leiða fagmennsku til öndvegis
hjá útvarpsstjóra, fréttastjórum
og öðrum stjórnendum. Burt með
bláu höndina í RÚV – en engar
aðrar hendur í staðinn. Metnaður
hugmyndaríkra og reyndra
starfsmanna, traust rekstrar-
stjórn og stefnumótun um dag-
skrá til langs tíma eiga að vera
grundvöllur þjóðarútvarpsins.
Við teljum að dagar afnota-
gjaldsins séu taldir, og að nú
verði að leita annarra leiða til að
sjá Ríkisútvarpinu fyrir tekjum.
Helsti kosturinn er fjármögnun á
fjárlögum með löngum þjónustu-
samningum, en ýmsar aðrar leið-
ir koma jafnframt til greina, svo
sem auðlindagjald á útvarpsrásir
í framtíðinni.
Traustir tekjustofnar mundu
losa Ríkisútvarpið undan því að
standa í blóðugri samkeppni um
auglýsingar og kostun við mark-
aðsstöðvarnar. Sá opinberi stríðs-
rekstur er ekki einungis ósann-
gjarn gagnvart hinum stöðvunum
heldur vondur fyrir RÚV, sem nú
miðar dagskrána sífellt meira við
að þóknast auglýsendum í leit að
markhópum. Minni ásókn RÚV í
auglýsingar yki dagskrárlegt
sjálfstæði þar á bæ og styrkti
fyrirtækið í þjónustu sinni við al-
menning í landinu. Um leið
ykjust möguleikar markaðs-
stöðvanna.
Samvinna um landið
Það á að efla umsvif Ríkisút-
varpsins um allt land. Við teljum
að auk svæðisstöðvanna geti RÚV
verið í margvíslegu samstarfi um
útsendingar og dagskrárgerð við
sveitarfélög, skóla, félagasamtök
og sprotafyrirtæki í öllum héruð-
um landsins.
Við viljum efla nýjan sjóð til
stuðnings leiknu sjónvarpsefni og
bæta hlut sjálfstæðra framleið-
enda. RÚV á að líta á það sem
skyldu sína að starfa sem best
með sjálfstæðum framleiðendum
– og á í þeim efnum meðal annars
að líta á sig sem hjálparhellu og
uppalanda. Samfylkingin er reiðu-
búin til samvinnu um útfærslu
þessarar stefnu við aðra stjórn-
málaflokka, við stjórnendur og
starfsmenn alla í ljósvakagrein-
inni, og við áhugamenn hvar-
vetna.
Í úlfakreppu Flokksins
Sjálfstæðisflokksmenn hafa
nú stjórnað menntamálaráðu-
neytinu í tólf ár samfleytt, og þar
með málefnum Ríkisútvarpsins.
Þeir hafa haft þar það eitt mark-
mið að koma sér og sínum að
hvenær sem færi gefst. Bláa
höndin er sífellt reidd yfir Efsta-
leitinu og allt starf þar fer fram í
þeim skugga, sama hvort um er
að ræða ráðningar, kaup dag-
skrárefnis eða fréttaflutning.
Þessi flokksstjórn hefur líka
haldið fyrirtækinu í fjárhags-
legri spennitreyju. Helsti tekju-
stofn RÚV hefur dregist langt
aftur úr allri verðþróun. Niður-
skurður, samdráttur og hörð
samkeppni RÚV á auglýsinga-
markaði duga ekki til og afleið-
ingin er stöðugur hallarekstur.
Eiginfjárhlutfall Ríkisútvarpsins
var 36,4% árið 1997. Árið 2002
var hlutfallið 9,4%. Ef RÚV væri
venjulegt fyrirtæki rambaði það
nú á barmi gjaldþrots. Hér skipta
líka máli þungar og óréttlátar líf-
eyrisskuldbindingar sem ráð-
herrarnir hafa notað til að halda
RÚV áfram í úlfakreppu. Við
þessa rekstrarstöðu bætist svo
skipulagsleg óreiða og stefnu-
leysi við yfirstjórn Ríkisútvarps-
ins. Fyrirtækið er í pólitískri
pattstöðu. Metnaður og starfs-
andi sljákka með hverju ári.
Ekki orð á landsfundinum
Þetta stafar meðal annars af
því að innan Sjálfstæðisflokksins
er sundrung í málefnum RÚV og
ljósvakagreinarinnar. Þar eru
annars vegar tiltölulega hófsamir
íhaldsmenn eins og Tómas Ingi
Olrich, sem hika við að tefla í tví-
sýnu þessari merkilegu íslensku
menningarstofnun, og hins vegar
öfgamenn sem vilja leggja niður
Ríkisútvarpið eða draga úr því all-
an lífsþrótt, menn á borð við Pét-
ur Blöndal, Guðlaug Þór Þórðar-
son, Sigurð Kára Kristjánsson og
Birgi Ármannsson. Hvorug fylk-
ingin nær sínu fram. Á landsfundi
flokksins í vor var ekki eitt ein-
asta orð um RÚV og ljósvakann í
miklu pappírsflóði samþykkta.
Sjálfstæðisflokkurinn er í reynd
stefnulaus í málefnum RÚV og
annarra ljósvakamiðla, – að öðru
leyti en því að auka þar ítökin! Af-
leiðingin af yfirráðum hans í
ráðuneytinu og á fimmtu hæðinni
í Efstaleiti er að fyrirtækið drabb-
ast niður.
Nýir tímar
Styrkur og staða ljósvakamiðl-
anna skipta ótrúlegu máli fyrir
framtíðina, fyrir lýðræðið,
menntirnar, menninguna, at-
vinnulífið, fyrir daglega tilveru
okkar allra. Í kosningunum gefst
tækifæri til að losa Ríkisútvarpið
úr spennitreyjunni og gefa öðrum
miðlum um leið sjálfsagt svig-
rúm. Þetta er eitt af fyrirheitum
Samfylkingarinnar. ■
Kosningar
maí 2003
MÖRÐUR
ÁRNASON
■ þriðji maður á lista
Samfylkingarinnar í
Reykjavík suður og
meðlimur í útvarps-
ráði skrifar um RÚV.„Það er
stefna Sam-
fylkingarinnar
að Ríkisút-
varpið verði
sjálfseignar-
stofnun án
flokkspóli-
tískra ítaka.
RÍKISÚTVARPIÐ
Sjálfstæðisflokkurinn hefur
haldið Ríkisútvarpinu í
fjárhagslegri spennitrreyju
segir Mörður.
www.samfylking.is
www.samfylking.is
Gott útvarp – burt
með bláu höndina