Fréttablaðið - 28.05.2003, Blaðsíða 27
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Nú hefur þjóðin sent til þingsyngri kynslóð en hér hefur sést
um áraraðir,“ sagði dr. Ólafur Ragnar
forseti við þingsetninguna í fyrradag.
,,Kynslóð sem komist hefur til vits og
þroska á tíma alþjóðavæðingar og
upplýsingabyltingar sem kennd er
við alheimsnetið, fóstruð í samfélagi
þar sem sjónvarp er sterkast miðla,
nam frásögn í myndum áður en hún
lærði að lesa. Kynslóð sem man ekki
annað Ísland en sjálfstætt og sterkt.“
GOTT AÐ FORSETINN skuli vera
bjartsýnn eftir að einhver vorfiðring-
ur hljóp í kjósendur sem leiddi til
þess að heill hópur af ungviði er nú
sestur inn á Alþingi. Aldrei hefur það
komið fyrir að „eldri kynslóðin“ hefði
ekki þungar áhyggjur af þeirri
„yngri“. Yfirleitt reynast þessar
áhyggjur þó ástæðulausar því að
æska er sjúkdómur sem tíminn sér
um að lækna. Eða eins og einhver vit-
ur maður sagði einhvern tímann:
„Það er ekkert það að ungu fólki sem
ekki lagast þegar það þarf að fara að
borga skatta.“
ÞAÐ ER ÞÓ ÁHYGGJUEFNI
hversu þaulsætnir menn reynast á
valdastólum. Á tímum hraðra þjóðfé-
lagsbreytinga og þróunar er það mik-
ið vafamál að menn sem hafa setið á
valdastólum lengur en svo sem tvö
kjörtímabil hafi mikið fram að færa
annað en einhvern óáþreifanlegan
„stöðugleika“ sem stundum gengur
einnig undir nafninu „stöðnun“. Í
Bandaríkjunum hafa menn reynt að
setja undir þennan leka með lögum
sem banna að nokkur maður gegni
valdamesta embætti þjóðarinnar
lengur en tvö kjörtímabil.
ÞESSA SKYNSAMLEGU reglu
ættu íslenskir forsætisráðherrar og
forsetar að taka til athugunar. Hún
hefur marga góða kosti og fáa ókosti,
því að reynslan sýnir jú að jafnan
kemur maður í manns stað. Enginn er
ómissandi. Og burtséð frá lögum og
reglum þá er það góður siður að sitja
ekki lengur í samkvæmum en maður
er velkominn. Þegar húsráðendur eru
farnir að líta á klukkuna á fárra mín-
útna fresti er kominn tími til að halda
leiðar sinnar og þakka góðan viður-
gjörning. Þetta er bara almenn kurt-
eisi. Þetta þyrftu eldri og reyndari
menn á Alþingi að kenna ungviðinu
sem nú mætir til leiks. ■
Bakþankar
ÞRÁINS BERTELSSONAR
Stöðugleiki
eða stöðnun?