Fréttablaðið - 16.08.2003, Side 8

8 16. ágúst 2003 LAUGARDAGUR
Eins og að vera á móti
Ég tel að þessir atburðir hafi af-
hjúpað að hersetan, hersetunnar
vegna, er orðið markmið í sjálfu
sér.
Steingrímur J. Sigfússon.
Morgunblaðið, 15. ágúst.
Langt til Möðruvalla
Þeir sigldu yfir
hafið og settu
fyrstu skattapara-
dís heimsins á
stofn, Ísland.
Ólafur Ragnar Grímsson á ráðstefnu
um rannsóknir í viðskiptafræði.
Morgunblaðið, 15. ágúst.
Treyst á Flórídatalningu
Mér finnst mikið öryggi í því
Davíð Oddsson segir engar líkur á að
Bandaríkjamenn afturkalli orustuþotur meðan
Georges Bush er við völd. DV, 15. ágúst.
Orðrétt
MENNTAMÁL „Við verðum tilbúin í
tíma. Skóli er ekki bara hús heldur
skiptir mestu kennsluskrá,
kennslufræði, hugmyndir, áherslur,
kennarar og stundatöflur,“ segir
Margrét Pála Ólafsdóttir, fram-
kvæmdastjóri Hjallastefnunnar,
um hinn nýja einkarekna grunn-
skóla á Vífilsstöðum sem byrjar
næsta haust.
Hún segir að innritun í Barna-
skóla Hjallastefnunnar sé langt
komin og fyrstu kennararnir séu
þegar byrjaðir með undirbúning.
Alls munu verða 60 fimm og sex
ára börn í skólanum í vetur.
„Við erum þegar búin að innrita
50 börn. Fólk hefur sótt um víða að
en börn í Garðabæ hafa forgang,“
segir hún.
Deilur hafa staðið í bæjarstjórn
Garðabæjar um það hvort skóla-
húsnæðið verði tilbúið þegar
kennsla á að hefjast. Minnihluti
bæjarstjórnar lagði til að skólanum
yrði frestað um eitt ár vegna þessa.
Margrét Pála segir að þetta sé mis-
skilningur og verið sé að vinna í
húsnæðinu til að fullnægja öllum
kröfum. Ekkert útlit sé fyrir annað
en að skólahúsnæðið verði tilbúið.
„Ég held að minnihlutinn í
Garðabæ sé vanur að vera á móti,
en enginn hefur gagnrýnt hug-
myndafræði okkar eða væntanlega
starfsemi skólans. Hluti af húsnæð-
inu verður tekinn í notkun í haust
en unnið verður að frekari stækkun
í vetur. Við munum fjölga um einn
árgang á hverju ári og stækka
þannig, vaxa og dafna,“ segir Mar-
grét Pála. ■
Vill geta fjárfest meira
ATVINNULÍF Nýsköpunarsjóður hef-
ur tapað tæpum 2,1 milljarði króna
á tveimur árum. Dregið hefur verið
stórlega úr nýfjárfestingum.
Arnar Sigurmundsson, stjórn-
arformaður Nýsköpunarsjóðs, seg-
ir gríðarlegar breytingar hafa orð-
ið á starfsumhverfi sjóðsins frá
því hann tók til starfa fyrir fimm
árum. Í ársskýrslu fyrir árið 2002
segir Arnar að lítið framboð hafi
verið á áhættufjármagni til ný-
sköpunar- og sprotafyrirtækja á
þeim tíma. Fleiri áhættufjárfestar
hafi síðan farið að fordæmi Ný-
sköpunarsjóðs:
„Margir áhugaverðir kostir
ganga einfaldlega ekki upp, en
nokkrir ná góðu flugi og skila fjár-
festum góðum hagnaði. Erfiðleikar
upplýsinga- og hátæknifyrirtækja
víðs vegar um heim undanfarin tvö
til þrjú ár hafa aukið áhættuna enn
frekar og komið illa niður á fjár-
festingasjóðum sem leggja áherslu
á framtaks- og áhættufjárfesting-
ar,“ segir stjórnarformaðurinn.
Þörf á meiri þolinmæði
Nýsköpunarsjóður hefur keypt
hlutabréf í rúmlega 100 fyrirtækj-
um á fimm árum og greitt fyrir þau
yfir 3,2 milljarða króna. Sjóðurinn
hefur veitt 1,4 milljörðum í áhættu-
lán og 200 milljónum hefur verið
varið til svokallaðrar verkefnafjár-
mögnunar. Sjóðurinn hefur endan-
lega afskrifað um 600 milljónir af
fjárfestingum sínum.
Nýsköpunarsjóður er skil-
greindur sem „þolinmóður áhættu-
fjárfestingasjóður“. Í upphafi hafi
þótt eðlilegt að það tæki sjóðinn allt
að fimm til sjö ár að losa sig út úr
sumum fjárfestingum. Nú er orðið
ljóst að sjóðurinn þarf að hafa enn
meiri þolinmæði en reiknað var
með:
„Ljóst er nú að það mun taka
mun lengri tíma að komast út úr
þeim fjárfestingum sem farið hef-
ur verið í. Staða sjóðsins er því
þannig að lítið svigrúm er til ný-
fjárfestinga, lánveitinga eða verk-
efnafjármögnunar,“ segir í árs-
skýrslu sjóðsins.
Lítt er því hægt að veita nýjum
„góðum“ hugmyndum brautar-
gengi vegna þess að fé Nýsköpun-
arsjóðs er bundið í gömlum hug-
myndum.
Brosað gegnum tárin
Þrátt fyrir erfiða stöðu Nýsköp-
unarsjóðs er ekki uppgjafartón í
Gunnari Erni Gunnarssyni, fram-
kvæmdastjóra sjóðsins. Í árs-
skýrslunni segir Gunnar enga
ástæðu til að örvænta:
„Almennt er talið að ein af
hverjum tíu fjárfestingum í sprota-
fyrirtækjum muni skila þeim arði
sem til er ætlast. Hin fyrirtækin
verða annað hvort gjaldþrota eða
skila litlum sem engum arði,“ skrif-
ar Gunnar.
Að sögn Gunnars er það alkunna
að það taki sprotafyrirtæki að
minnsta kosti fimm til tíu ár að
verða söluhæf á markaði. Fyrir-
tækin sem Nýsköpunarsjóður eigi í
séu að meðaltali tveggja til þriggja
ára gömul. Fyrst nú megi vænta að
sjóðurinn geti farið að koma þess-
um eignum sínum á sölustig.
Í samtali við Fréttablaðið segist
Gunnar telja að fjölmörg verkefni
lofi góðu. Sum séu reyndar komin á
það stig að sjóðurinn hafi sett eign-
arhluta sinn í þeim á sölulista.
„Þetta á til dæmis við um Bláa lón-
ið. Við vonumst til að selja okkar
hlut í því með góðum hagnaði,“ seg-
ir Gunnar. Nýsköpunarsjóður á um
15% í Bláa lóninu og greiddi fyrir
það um 100 milljónir króna.
Tapaði 600 milljónum
erlendis
Hluti af sjóðum Nýsköpunar-
sjóðs er geymdur á sérstökum
vörslureikningi erlendis. Þar til í
fyrra skilaði þetta fé sjóðnum góð-
um hagnaði. Til dæmis græddi sjóð-
urinn 1.400 milljónir króna árið
1999 á vörslusjóðnum. En í fyrra
brá svo við að gengistapið á sjóðn-
um var um 600 milljónir króna. Að
sögn Gunnars horfir betur með þró-
unina á þessu ári vegna hækkandi
gengis erlendra hlutabréfa og
hækkandi gengis erlendra gjald-
miðla.
Þrátt fyrir að Nýsköpunarsjóður
hafi tapað áðurnefndum 2,1 millj-
arði á tveimur árum er eiginfjár-
staðan enn tiltölulega sterk, nærri
3,7 milljarðar króna. Af því eru tæp-
ir 1,4 milljarðar bundnir í beinum
eignarhlutum í fyrirtækjum.
Hlutabréfaeignin var reyndar
skráð tæpir 2,5 milljarðar í 74 fyr-
irtækjum um áramót. Sjóðurinn
mat stöðuna hins vegar svo að
setja þyrfti 1,1 milljarð af þessu
inn á afskriftarreikning vegna
veikrar stöðu margra félaganna
sem sjóðurinn á hlut í. Sum bréf-
anna eru enda augljóslega einskis
virði. Þetta á til dæmis við um 105
milljóna króna eign í skófyrirtæk-
inu X-18 sem nú er gjaldþrota. Frá
upphafi hefur sjóðurinn endanlega
afskrifað um 600 milljónir.
Þarf meira fé til framtíðar
Þó eiginfjárstaða Nýsköpunar-
sjóðs sé 3,7 milljarðar króna er
hún veikari en 4 milljarða lög-
bundið lágmark sem sjóðnum er
sett. Þetta er höfuðástæða þess að
sjóðurinn verður að halda veru-
lega að sér höndum í ár og á næsta
ári. Árið 2001 keypti sjóðurinn
hlutabréf fyrir um 800 milljónir
króna. Í fyrra var fjárfest fyrir um
400 milljónir í hlutabréfum og á
þessu ári gæti þessi tala orðið um
200 milljónir.
Gunnar Örn Gunnarsson segir
veika stöðu sjóðsins að þessu leyti
vera áhyggjuefni. Margar góðar
hugmyndir séu á sveimi sem ekki
fái nauðsynlegan stuðning:
„Hvað á að taka við árið 2007
þegar stórvirkjanaframkvæmdirn-
ar eru afstaðnar? Það er núna sem
þarf að setja aukið fé í sprotafyrir-
tæki svo árangurinn geti skilað sér
að fimm árum liðnum. Starfsfólk í
sprotafyrirtækjum er yfirleitt
menntafólk sem fyrirtækin skapa
nýjan starfsgrundvöll fyrir til
framtíðar. Þetta sjónarmið hyggst
sjóðurinn á næstunni kynna fyrir
ráðuneytunum,“ segir Gunnar. ■
Faldi beinagrind:
Þáði lífeyri
látinnar
móður
FRAKKLAND, AP Frönsk kona á sjö-
tugsaldri er í haldi lögreglu, grun-
uð um að hafa falið beinagrind
móður sinnar heima hjá sér í yfir
þrjú ár og tekið við ellilífeyri
hinnar látnu.
Læknar móðurinnar voru farn-
ir að óttast um hana og ákváðu að
hafa samband við yfirvöld. Rann-
sókn var hrundið af stað sem end-
aði með því að lögreglan í Nar-
bonne í Suður-Frakklandi braust
inn á heimili dótturinnar og fann
beinagrindina liggjandi í rúmi
inni í læstu herbergi. Konan lést í
febrúar árið 2000 og hafði dóttirin
haldið áfram að taka við lífeyris-
greiðslum hennar.
Dóttirin, sem var á ferðalagi
þegar beinagrindin fannst, gaf sig
sjálf fram við lögreglu. ■
Leitað að stríðs-
glæpamanni:
Áhlaup á
heimili lát-
innar móður
SARAJEVO, AP Friðargæslusveitir
Nató í Bosníu gerðu áhlaup á
heimili móður Ratko Mladic,
fyrrum hershöfðingja, fáeinum
klukkustundum eftir að hún lést.
Enginn var handtekinn og engin
meiðsl urðu á fólki.
Fjölskylda Stana Mladic var
að undirbúa jarðarför hennar
þegar friðargæsluliðana bar að
garði. Leituðu þeir í húsinu í út-
hverfi Sarajevo í hálfa aðra
klukkustund. Nató hefur marg-
oft áður reynt að hafa hendur í
hári Mladic, en án árangurs.
Mladic stjórnaði her Serba í
Bosníustríðinu. Hann hefur ver-
ið eftirlýstur af stríðsglæpa-
dómstólnum í Haag síðan árið
1995. ■
Tekinn með 20 kíló
af hassi í Færeyjum:
Réttað yfir
Íslendingi
DÓMSMÁL Réttað verður yfir Ís-
lendingi í Færeyjum á mánudag-
inn klukkan hálfellefu. Hann var
handtekinn eftir að tuttugu kíló
af hassi fundust í bíl hans þegar
hann kom með Norrænu frá Dan-
mörku. Hann átti pantað far með
ferjunni til Íslands nokkrum
dögum síðar, þannig að talið var
víst að efnið hafi verið ætlað til
sölu hér á landi. Gæsluvarðhald
yfir manninum gildir til 18.
ágúst. ■
Barnaskóli Hjallastefnunnar á Vífilsstöðum:
Skólinn verður
tilbúinn í tíma
MARGRÉT PÁLA ÓLAFSDÓTTIR
Allt verður tilbúið þegar fyrstu börnin koma.
GUNNAR ÖRN GUNNARSSON
„Starfsfólk í sprotafyrirtækjum er yfirleitt menntafólk sem fyrirtækin skapa nýjan starfs-
grundvöll fyrir til framtíðar. Þetta sjónarmið hyggst sjóðurinn á næstunni kynna fyrir
ráðuneytunum,“ segir Gunnar Örn Gunnarsson framkvæmdastjóri.
FR
ÉT
TA
B
LA
Ð
IÐ
/R
Ó
B
ER
T
Nafn fyrirtækis Kaupverð Eignarhluti
Adsoft ehf. 22,500,000 21,1%
AGR ehf. 12,140,000 10,1%
Almenna vörus. (MT bílar) 17,000,000 31,1%
Alur - álvinnsla ehf. 8,577,000 32,8%
Atferlisgreining ehf. 13,000,000 14,9%
Bergspá ehf. 36,000,000 13,7%
BioProcess A/S 111,699,503 9,6%
Bláa Lónið baðstaður hf. 88,048,475 14,3%
Bláa lónið heilsuvörur 15,775,088 6,7%
BonusOrtho hf. 17,668,750 10,7%
CanAg Diagnostics AB 50,079,863 10,4%
DomesticSoft 15,263,333 26,0%
Enex hf. 12,000,000 10,4%
Flexilam Lda 71,396,401 44,6%
Foxhall 7,500,000 21,7%
Framtíðartækni hf. 30,000,000 16,7%
Geca hf. 61,000,000 32,2%
Genergy Varmaraf 40,000,000 42,9%
Giraffe á Íslandi ehf. 4,950,000 36,5%
Globodent ehf. 12,500,000 6,2%
Hafmynd ehf. 41,181,022 44,3%
Hlýri ehf. 25,000,000 44,3%
Nafn fyrirtækis Kaupverð Eignarhluti
Icelandic Genomics 171,569,695 13,2%
Icelandic Green Polyols 37,305,145 17,2%
Ilsanta UAB 87,986,750 14,0%
IN-ORBIT Inc. 50,790,000 19,0%
IntelScan örbylgjutækni ehf 15,000,000 16,7%
Interseafood á Íslandi hf. 12,000,000 22,7%
Investments and Advice SIA 15,648,050 15,0%
Ísgel ehf. 2,346,614 17,6%
Íshestar hf. 21,765,665 13,6%
Íslensk nýsköpun hf. 4,000,000 13,3%
Íslenska lífmassafélagið 7,173,216 21,4%
Íslenska Magnesíumfélagið 950,000 1,9%
Kine ehf. 18,500,000 16,8%
Kná ehf. 11,000,000 18,4%
Lightspeed games Inc 50,815,940 14,2%
Lífeind ehf. 11,000,000 14,9%
MarkMar ehf. 3,650,000 20,6%
MarSel ehf. 5,727,272 25,0%
Mótorís hf. 37,500,000 43,6%
MP-Bio hf. 75,000,000 3,5%
Myllan Carberry’s Bakery 77,126,213 10,0%
Nikita ehf. 41,500,160 20,7%
Nafn fyrirtækis Kaupverð Eignarhluti
NorðurÍs hf. 51,773,326 28,5%
Norrænar myndir ehf. 13,551,440 17,0%
Orkuhugbúnaður hf. 35,000,000 35,0%
Plötur ehf. (Thule Musik) 24,000,000 25,9%
Poly-Ice Mexico S.A. de C.V. 17,920,000 28,6%
Primex hf (Genís hf.) 87,722,798 8,3%
Reykjavik collection ehf. 10,000,000 50,0%
Seaflower Whitefish 59,086,934 12,0%
Sindraberg ehf. 37,050,000 29,6%
Sjávarleður hf. 20,000,000 66,7%
Skaginn hf. 61,278,716 9,1%
Snorri Þorfinnsson ehf. 6,000,000 16,7%
Sprotasjóðurinn hf. 85,300,000 100,0%
Stjörnu - Oddi ehf. 35,000,000 23,5%
Sæbýli hf. 57,626,115 19,5%
Sögusafnið 20,000,000 30,0%
Tölvumyndir ehf. 40,000,000 1,3%
Útgerðarfélagið Byr hf. 62,833,333 17,8%
Vindorka ehf. 35,000,000 12,7%
VistOrka/ Íslensk NýOrka 52,200,000 79,5%
Þetta er - This.is ehf. 5,000,000 10,0%
Samtals 2,287,976,817
HLUTAFÉ STOFNSJÓÐS NÝSKÖPUNARSJÓÐS
Staða 01. júlí 2003
FR
ÉT
TA
B
LA
Ð
IÐ
/
VI
LH
EL
M
Fréttaskýring
GARÐAR ÖRN ÚLFARSSON
■ skrifar um stöðu og fjárfestingar
Nýsköpunarsjóðs atvinnulífsins.
Framkvæmdastjóri Nýsköpunarsjóðs segir áhyggjuefni að sjóðurinn þurfi að halda að sér
höndum í nýfjárfestingum. Hann hyggst leita liðsinnis ráðherra um að auka fjármagn.