Fréttablaðið - 30.09.2003, Blaðsíða 17

17ÞRIÐJUDAGUR 30. september 2003
Svona bók hefur ekki verið til ogmér fannst ástæða til að bæta úr
því,“ segir Þórður Víkingur Frið-
geirsson verkfræðingur en nýlega
kom út eftir hann bók um stjórnun
sem ber heitið „Stjórnun á tímum
hraða og breytinga“.
Þórður Víkingur vonast til að
bókin sé á mannamáli og öllum auð-
skilin en hún er ætluð stjórnendum,
frumkvöðlum og athafnamönnum.
„Bókin er kaflaskipt, meðal annars
er talað er um stjórnun, hvernig
viðskiptaáætlanir eru gerðar og
hvernig á að leiða hóp til árangurs.
Hluti hennar er hins vegar meira
fræðilegur eins og gerist um
kennslubækur,“ segir hann og
bendir á að til skamms tíma hafi
t.d. verkefnastjórar tæpast þekkst
innan íslenskra fyrirtækja.
„Verkefnastjórnun er ekkert
annað en birtingarform nýrra tíma.
Fyrirtæki hafa verið að losa um það
sem við köllum starfaskipulag sem
gekk út á sérhæfingu starfanna. Nú
eru fyrirtæki skipulögð þannig að
miklu meira er lagt upp úr þekk-
ingu starfsfólks en tækja á tækja-
gólfi. Þessi nýja hugsun í rekstri
fyrirtækja kallar á að í stað þess að
menn séu alltaf bundnir á sínum
bás að gera sama hlutinn taki þeir
þátt í verkefnum sem hafa upphaf
og endi,“ segir Þórður Víkingur.
Hann segir bókina byggða á
þrettán ára þekkingu og reynslu
sem stjórnandi og fræðimaður á
sviði stjórnunar. Þórður rekur sitt
eigið fyrirtæki, Verkfræðistofuna
Stefni. Hann hefur gaman af flugu-
veiði og er mikill áhugamaður um
lífsnautnir, ekki síst matargerð.
„Það er afar misjafnt hvað ég elda
en sérstaklega hef ég gaman af að
prófa mig áfram í grænmetisrétt-
um. En vegna þess að ég er lífs-
nautnamaður verð ég að hreyfa
mig og hleyp talsvert,“ segir Þórð-
ur Víkingur, sem er miðbæjarrotta
og skokkar um miðbæinn þrisvar í
viku. ■
??? Hver?
Atli Rafn Björnsson. B.S. í viðskiptafræði
og starfsmaður í Greiningardeild Ís-
landsbanka.
??? Hvar?
Er í útsýnisturninum á Kirkjusandi og
horfi yfir borgina.
??? Hvaðan?
Kem frá Eskifirði og flutti í bæinn þegar
ég byrjaði í Verzló.
??? Hvað?
Er í framboði til formanns Heimdallar
og svo er ég á leiðinni til Þýskalands á
landsleikinn.
??? Hvernig?
Í máli og riti, í samstarfi við áhugasama
stjórn og þá þingmenn sem tilbúnir eru
til að veita okkur lið.
??? Hvers vegna?
Mig langar að vinna þeim hugsjónum
brautargengi sem Heimdellingar hafa.
Ég tel mikilvægt að afnema einkasölu
ríkisins á áfengi og halda áfram að
einkavæða. Einnig er ég fylgjandi að-
skilnaði ríkis og kirkju.
??? Hver?
Bolli Thoroddsen. Stúdent frá MR og er
á 2. ári í véla- og iðnaðarverkfræði.
??? Hvar?
Er í kosningamiðstöðinni okkar í Skip-
holtinu.
??? Hvaðan?
Ég kem úr 101 Reykjavík en var
skiptinemi í Japan og stefni á nám og
búsetu þar í framtíðinni.
??? Hvað?
Ég býð mig fram sem formann
Heimdallar.
??? Hvernig?
Við lítum á okkur sem lið og ætlum að
byggja upp styrkleika heildarinnar. Við
höfum mikla reynslu af félagsstarfi og
viljum nýta krafta okkar í þágu ungliða-
hreyfingarinnar.
??? Hvers vegna?
Við erum að bjóða okkur fram vegna
þess að okkur langar að gera Heimdall
að öflugustu ungliðahreyfingu landsins.
Það þarf að opna og efla Heimdall, gera
félagið skemmtilegra og ná betur til
ungs fólks.
JARÐSKJÁLFTAÆFING
Börn í sjötta bekk í Langholtsskóla í
Reykjavík komu á Rannsóknarmiðstöð Há-
skóla Íslands í jarðskjálftaverkfræði á Sel-
fossi á mánudaginn til þess að læra um
jarðskjálfta og fyrirbyggjandi ráðstafanir og
viðbrögð í slíkum hamförum. Hér eru tvö
þeirra komin undir borð en það eru rétt
viðbrögð við skjálfta.
skemmtileg birta

fyrir alla
93.000 eintök

frítt me› Fréttabla›inu á föstudögum



sjónvarpsdagskráin

vi›töl

greinar

ver›launagátur

pistlar

sta›reyndir og sta›leysur

frítt á föstudögum
Bækur
ÞÓRÐUR VÍKINGUR
■ Þórður er verkfræðingur en hefur nú
skrifað bók um verkefnastjórnun. Hann
er mikill lífsnautnamaður og verður því
að hlaupa af sér hóglífið.
Miðbæjarrotta á skokki
ÞÓRÐUR VÍKINGUR FRIÐGEIRSSON
Hann segir að innan íslenskra fyrirtækja sé
mun meira lagt upp úr þekkingu starfs-
fólks en áður.
Sunnudagurinn næsti verðurGuðmundi Ólafssyni leikara erf-
iður, en líklegast afskaplega
ánægjulegur. Þannig er mál með
vexti að hann mun leika í þremur
sýningum sama daginn. Fyrst á
tveimur sýningum Línu Langsokk,
þar sem hann leikur lögregluþjón,
fyrst klukkan tvö og svo aftur
klukkan fimm. Eftir það brunar
hann niður í Iðnó þar sem hann
frumsýnir leikritið Tenórinn klukk-
an níu. Það verður eftirminnileg
reynsla fyrir hann, sama hvernig
fer, því auk þess að leika aðalhlut-
verkið er hann einnig höfundur
leikritsins.
„Ég vona bara að ég verði heill á
húfi eftir þann eltingarleik, svo ég
nái að frumsýna um kvöldið,“ segir
Guðmundur og vísar þar í eltingar-
leik löggunnar og Línu í leikritinu.
„Tenórinn er leikrit sem ég skrifaði
sjálfur. Mig langaði til þess að sýna
hvað ég gæti gert. Ég leik í þessu
ásamt Sigursveini Magnússyni sem
er þekktur sem skólastjóri Tón-
skóla Sigursveins. Hann leikur und-
irspilara tenórsöngvara sem er að
undirbúa sig fyrir tónleika. Leikrit-
ið gerist á einum og hálfum tíma
áður en hann fer á svið. Tenórinn er
svona týpískur listamaður með of-
sóknarbrjálæði sem heldur að allir
fái betri tækifæri en hann.“
Leikstjóri er Oddur Bjarni Þor-
kelsson, hæfileikaríkur piltur sem
Guðmundur kynntist í Borgarleik-
húsinu og hefur tröllatrú á.
Guðmundur segist hafa mikinn
áhuga á söng og syngur í leikritinu
allt frá Villiöndinni upp í óperu-
aríur. Hann segist einnig rappa
smávegis.
„Ég er með svona 96% af text-
anum,“ segir Guðmundur og segir
hlutverkið sitt stærsta til þessa.
„En Sigursveinn er með mér inni
á sviðinu meira og minna. Við vor-
um með forsýningu á þessu á
Ólafsfirði, mínum heimabæ, í
ágúst. Þar var haldin lítil listahá-
tíð og við vorum með tvær sýning-
ar sem gengu mjög vel. Okkur
langaði því að hamra járnið og
komumst inn í Iðnó.“ ■
NÁMSKEIÐ Í TRÉSKURÐI
Í tilefni af sýningu á tréstyttum Sæmundar
Valdimarssonar býður Listasafn Reykjavíkur
til námskeiðs í tréskurði á Kjarvalsstöðum
næstkomandi sunnudag. Skráning fer fram
á Kjarvalsstöðum eða í síma 590 1200.
Kennarar eru Ólafur Oddsson, fræðslufull-
trúi Skógræktar ríkisins, og Guðmundur
Magnússon en öll verkfæri eru til staðar.
Þáttakendur samt beðnir að taka með sér
vasahníf, eigi þeir hann.
GUÐMUNDUR ÓLAFSSON
Sýningin Tenórinn er hans barn frá upp-
hafi til enda. Frumsýnt verður á sunnudag
en hér er Guðmundur að vinna að leik-
myndinni.
Tímamót
GUÐMUNDUR ÓLAFSSON
■ stendur í ströngu þessa dagana. Auk
þess að leika í Línu Langsokki leikur
hann aðalhlutverkið í sýningunni Tenór-
inn í Iðnó eftir eigin handriti.
Þrjár sýningar
á einum degi
■ Formannsslagur
ATLI RAFN BJÖRNSSON OG BOLLI THORODDSEN
Eru í framboði til formanns Heimdalls en kosið verður í Valhöll á miðvikudaginn kl. 17.
FR
ÉT
TA
B
LA
Ð
IÐ
/V
IL
H
EL
M
FRÉTTAB
LAÐ
IÐ
/VILH
ELM