Fréttablaðið - 26.01.2004, Blaðsíða 2

2 26 janúar 2004 MÁNUDAGUR
„Nei, það þyrfti frekar að fækka
þeim svo núverandi fjöldi lögfræð-
inga ráði við þetta.“
Eiríkur Tómasson er forseti lagadeildar Háskóla Ís-
lands. Hann segist hafa orðið vör við skort á lög-
fræðingum á Íslandi og því þurfi að fjölga þeim.
Spurningdagsins
Eiríkur, þarf þá ekki að fjölga glæpa-
mönnum líka?
■ Írak
■ Stéttarfélög
Heimilin eyddu meira
en 400 milljörðum
Íslendingar fjárfesta minna en áður en neysla þeirra eykst samkvæmt tölum Hagstofunnar.
Fjármunamyndun landsmanna á árinu 2002 nam alls 146 milljörðum, þar af 37 milljörðum
vegna íbúðarhúsnæðis. Einkaneysla heimilanna hefur aukist um 25 milljarða á tveimur árum.
EFNAHAGSMÁL Íslensk heimili
vörðu vel yfir 400 milljörðum
króna í einkaneyslu í hittiðfyrra.
Þetta er átta milljörðum króna
meira en árið áður og 25 milljörð-
um krónum meira en árið 2000.
Mestu var eytt í mat, drykki og tó-
bak á þessum tíma, eða rúmum 95
milljörðum, og hefur neysla Ís-
lendinga á þessum
vörum þar með
aukist um fimm
milljarða frá árinu
2001 og um 13
milljarða frá árinu
2000. Tæplega 140
milljörðum var
eytt í húsnæði og
ýmislegt því teng-
du árið 2002 og er
það veruleg aukn-
ing frá árinu á undan. Samkvæmt
tölum Hagstofunnar námu útgjöld
á veitingastöðum og gistihúsum
38 milljörðum árið 2002 og sama
ár voru Íslendingar greinilega
duglegir við að eyða peningum í
útlöndum því útgjöld þeirra er-
lendis hljóðuðu upp á 33 milljarða.
Samkvæmt upplýsingum frá
Hagstofu Íslands minnkaði fjár-
munamyndun Íslendinga milli ár-
anna 2001 og 2002, en með fjár-
munamyndun er átt við það sem
fjárfest er til viðbótar á árinu.
Þannig námu viðbótarfjárfesting-
ar Íslendinga alls 146 milljörðum
árið 2002, en 166 milljörðum árið
áður. Tölur eru á verðlagi hvers
árs og þegar þær eru skoðaðar
verður að hafa í huga að þær
snerta marga flokka og atvinnu-
greinar, meðal annars fiskveiðar,
samgöngur, fjármálastarfsemi og
íbúðarhúsnæði.
Í úttekt Hagstofunnar kemur í
ljós að Íslendingar bættu við sig
fjárfestingum í fiskveiðum fyrir
þrjá milljarða árið 2002, en það er
rúmlega helmingi minni viðbótar-
fjárfesting en var í greininni árið
2001, þegar upphæðin nam 7,7
milljörðum. Í fjármálastarfsemi
juku landsmenn fjárfestingar sín-
ar um tvo milljarða í hittiðfyrra
sem er töluvert minni upphæð en
árið 2001 og þegar íbúðarhúsnæði
er skoðað sést að fjármunamynd-
unin eykst úr 33 milljörðum í 37
milljarða. Landsmenn bættu við
sig fjárfestingum í verslunar-
geiranum sem námu fjórum millj-
örðum árið 2002, en árið á undan
hljóðaði þessi upphæð upp á 5,5
milljarða og 3,6 milljarða árið
2000.
Verðmæti allra eigna Íslend-
inga, miðað við nýjustu tölur frá
árinu 2000, nemur 2.000 milljörð-
um króna, þar af eru húseignir
landsmanna metnar á rúmlega
690 milljarða og eignir tengdar at-
vinnuvegunum eru verðmetnar á
alls 900 milljarða.
bryndis@frettabladid.is
Powell segir mörgum spurningum ósvarað:
Óvíst að Írakar hafi átt
gereyðingarvopn
GEORGÍA Colin Powell, utanríkis-
ráðherra Bandaríkjanna, segist
ekki geta svarað þeirri spurningu
hvort Írakar hafi átt gereyðingar-
vopn þegar gerð var innrás í land-
ið í mars á síðasta ári.
Powell var spurður út í um-
mæli Davids Kays, fyrrum yfir-
manns bandarísku vopnaeftirlits-
sveitanna í Írak, sem lýsti því yfir
að hann teldi ólíklegt að stjórn
Saddams Hussein hefði haft undir
höndum efna- eða sýklavopn.
„Svarið við þeirri spurningu er að
við vitum það ekki ennþá,“ sagði
Powell.
Utanríkisráðherrann viður-
kenndi að Bandaríkjastjórn hefði
talið að írösk stjórnvöld ættu ger-
eyðingarvopn. „Við urðum að fá
svör við spurningum okkar,“ sagði
Powell og ítrekaði að það væri
hlutverk bandarísku vopnaleitar-
sveitanna að komast að því hvort
til væru efna- og sýklavopn í Írak.
Fyrir tæpi ári kom Powell fyr-
ir Öryggisráð Sameinuðu þjóð-
anna til að reyna að réttlæta þá
ákvörðun Bandaríkjamanna að
fara í stríð gegn Írökum. Hann
hélt því þá fram að Írakar hefðu
brotið gegn alþjóðasamþykktum
með því að framleiða gereyð-
ingarvopn og sagðist telja að þeir
ættu á bilinu 100 til 500 tonn af
efnavopnum. ■
Halldór Ásgrímsson:
Stríðið er
réttmætt
ÍRAK Halldór Ásgrímsson utanríkis-
ráðherra segir að gereyðingarvopn
hafi verið til staðar í Írak og hann
hafi ekki trú á því að Saddam
Hussein hafi náð að eyða þeim öllum.
„Það er hins vegar alvarlegt mál
ef bestu leyniþjónustur heims, sú
bandaríska og breska, hafa farið
fram með rangar upplýsingar,“ segir
Halldór.
Hann segir að þótt gereyðingar-
vopn hafi ekki fundist í Írak sé stríð-
ið samt sem áður réttmætt. Hann
segist alltaf hafa verið þeirrar skoð-
unar að það þyrfti að koma Saddam
Hussein frá vegna voðaverka hans
sem sannanir hafi fengist fyrir. ■
BLAIR STENDUR FAST Á SÍNU
Tony Blair, forsætisráðherra
Breta, segist enn sannfærður um
að þær upplýsingar sem bresk
stjórnvöld lögðu fram um vopna-
eign stjórnar Saddams Hussein
hafi verið áreiðanlegar. Blair vill
þó ekki tjá sig um það hvort hann
telji að gereyðingarvopn eigi eft-
ir að finnast í Írak.
HERÞYRLA HRAPAÐI Í ÁNA TÍGRÍS
Tveggja flugmanna er saknað
eftir að bandarísk herþyrla hrap-
aði í ána Tígris við borgina
Mósúl. Þyrlan hafði verið kölluð
út til að leita að bandarískum
hermanni sem talinn var hafa
fallið í ána þegar bát hvolfdi.
Talið er að þyrlan hafi rekist á
rafmagnslínu en ekki liggur fyrir
hvort skotið hafði verið á hana
áður.
FIMMTÍU MANNS HANDTEKNIR
Bandarískar hersveitir handtóku
hátt í fimmtíu manns og lögðu
hald á sprengjur og skotvopn í
samstilltum aðgerðum víðs vegar
í súnní-þríhyrningnum í gær. Þrír
mannanna eru taldir hafa átt að-
ild að árásum á bandaríska her-
námsliðið en hinir voru hand-
teknir fyrir ólöglega vopnaeign.
FRESTAÐ VEGNA LANDSLEIKS
Evrópumeistaramótið í handbolta
hefur ýmis áhrif á íslenskt þjóð-
félag. Til að mynda var stjórnar-
fundi Verkalýðsfélags Húsavíkur
sem vera átti klukkan fimm í
gær frestað til klukkan átta svo
stjórnarmenn gætu horft á leik-
inn sem réði úrslitum um fram-
hald Íslands í keppninni.
Viðbrögð Landspítala við kröfum háskólamanna:
Boðað til viðræðna
HEILBRIGÐISMÁL „Við munum ræða
við fulltrúa þeirra aðildarfélaga
Bandalags háskólamanna, sem und-
irrituðu bréfið vegna fyrirhugaðra
hópuppsagna, áður en við svörum
þeim með bréfi,“ sagði Erna Einars-
dóttir, sviðsstjóri starfsmannamála
á Landspítala-háskólasjúkrahúsi.
Á samráðsfundi fulltrúa BHM og
Landspítala á föstudag settu fulltrú-
ar háskólamanna fram formlegar
athugasemdir um aðferðir við fyrir-
hugaðar hópuppsagnir á spítalan-
um. Kröfðust þeir þess, að einstak-
lingsbundnar tilkynningar um
áformaðar uppsagnir yrðu dregnar
skriflega til baka, áður en lengra
yrði haldið.
Jafnframt tilkynntu fulltrúarnir
að þeir hefðu hvatt sér til aðstoðar
KPMG-ráðgjöf meðan á samráðinu
stæði. Myndu þeir aðstoða aðildar-
félög BHM við að gera sameiginleg-
ar tillögur um rekstrarbreytingar á
Landspítala-háskólasjúkrahúsi,
meðal annars með flutningi verk-
efna.
Erna sagðist búast við að boðað
yrði til viðræðnanna strax eftir
helgina. Hún sagðist álíta, að erind-
ið frá BHM væri athyglisvert og af
hinu góða að þeir skyldu hafa leitað
til KPMG-ráðgjafar. ■
POWELL EFAST
Colin Powell, utanríkisráðherra Bandaríkj-
anna, fór til Georgíu til að vera viðstaddur
embættistöku Mikhails Saakashvili,
nýkjörins forseta.
VIÐRÆÐUR UM SPARNAÐ
Fulltrúar Landspítala-háskólasjúkrahúss ætla að boða til viðræðna við BHM vegna fram-
kominna athugasemda hinna síðarnefndu.
ÓHÓFLEG NEYSLA ÍSLENDINGA?
Íslendingar eyddu 95 milljörðum í mat, drykki og tóbak á árinu 2002. Einkaneysla heimilanna hefur aukist um 25 milljarða á tveimur
árum. Sælgætisland í Kringlunni er ágætt dæmi um það sem blasir við neytendum.
EINKANEYSLA ÍSLENDINGA
(MILLJARÐAR KR.)
2000 2001 2002
Matur, drykkir og tóbak 82 90 95
Fatnaður 23 23 22
Húsnæði, ljós og hiti 65 70 74
Annað húsnæði 57 61 65
Heimilish. og heimilistæki 27 29 28
Húsgögn og húsbúnaður 18 19 18
Lyf og læknishjálp 9 11 12
Flutningatæki og samg. 56 51 52
Menntun og menningarm. 42 46 46
Ýmsar vörur og þjónusta 48 55 58
Útgj. á veitingah. og gistih. 30 35 38
Einkaneysla innanlands 356 379 390
Útgj. Íslendinga erlendis 37 36 33
Einkaneysla heimila 375 392400
Heimild: Hagstofa Íslands
■
Íslendingar
voru greinilega
duglegir við að
eyða peningum
í útlöndum árið
2002 því út-
gjöld þeirra
erlendis hljóð-
uðu upp á 33
milljarða.
FR
ÉT
TA
B
LA
Ð
IÐ
/G
VA