Fréttablaðið - 26.01.2004, Blaðsíða 6
6 26 janúar 2004 MÁNUDAGURVeistusvarið?
1Hverjum er spáð forsetastóli Banda-ríkjanna í nýrri könnun tímaritsins
Newsweek?
2Hvað heitir báturinn sem félagarnirSvanur Karl og Heimir Gunnar
björguðust af eftir að hann hvolfdi í inn-
siglingunni í Grindavík?
3Hversu mörg mörk skoraði ÓlafurStefánsson í fyrstu tveimur leikjum
liðsins á Evrópumótinu.
Svörin eru á bls. 30
Félagsmálaráðherra um mótmæli öryrkja:
Við höldum okkar striki
FÉLAGSMÁL „Mér þykir leitt að for-
ystumenn öryrkja skuli ekki taka
þátt í þessu með okkur. Það
breytir ekki því að við höldum
okkar striki,“ sagði Árni Magn-
ússon félagsmálaráðherra um
mótmæli Öryrkjabandalagsins
gegn fyrirhuguðu ráðstefnuhaldi
ráðuneytisins undir merkjum
Evrópuárs fatlaðra.
Öryrkjabandalagið sendi 30
aðildarfélögum sínum bréf, þar
sem fram kom að samkomulag
heilbrigðisráðherra og öryrkja
hefði verið algjör forsenda þess
að gengið hefði verið til sam-
starfs við stjórnvöld um Evrópu-
ár fatlaðra. Ákveðið hefði verið
að bíða með allt samstarf vegna
„þeirra alvarlegu samnings-
svika“ sem félagsmálaráðherra
hefði tekið fullan þátt í, þar sem
enn vantaði hálfan milljarð til að
standa við samkomulagið.
„Við lítum svo á að við séum
með þessari ráðstefnu og mörg-
um öðrum aðgerðum að vinna að
framgangi þessa fólks og ég mun
halda mínu striki með það,“ sagði
félagsmálaráðherra. „Mér þykir
leitt hvernig forsvarsmenn ör-
yrkja hafa hagað sér á undanförn-
um vikum. Þeir hafa gengið til
baka frá ýmsum þeim viðburðum,
sem við höfum verið að vinna að,
lengst af í samvinnu við þá. Það
breytir ekki því að ég mun halda
áfram að vinna að málefnum fatl-
aðra eins og ég hef gert. ■
Starfssvipting og
eignaupptaka
Dómsmálaráðherra vill herða eftirlit með störfum fasteignasala og styrkja
öryggi í fasteignaviðskiptum. Eigandi Remax Þingholts segir starfs-
grundvellinum kippt undan mörgum sem hafi unnið af heilindum.
FRUMVARP „Það er löngu tímabært
að taka lögin til endurskoðunar,
ekki síst vegna mála sem hafa skað-
að greinina. Mér líst vel á margt í
frumvarpinu, en tel óeðlilegt að
ekki skuli hafa verið leitað umsagn-
ar og álits hjá mörgum sem hafa
hagsmuna að gæta og búa yfir mik-
illi reynslu,“ segir Geir Þorsteins-
son, einn eigenda fasteignasölunn-
ar Remax Þingholts, sem hefur
starfað við fasteignasölu í 10 ár.
Hann er ekki löggiltur fasteigna-
sali, en samkvæmt frumvarpi
dómsmálaráðherra verður meiri-
hlutaeign í fyrirtækjunum að vera
á hendi löggiltra fasteignasala til að
þau fái starfsleyfi. Einnig verður
fasteignasölum gert að vera félag-
ar í Félagi fasteignasala, en alls eru
skráðir um 150 löggiltir fasteigna-
salar og á þriðja hund-
rað manns starfa við
greinina.
Félag fasteignasala
óskaði eftir því að fast-
eignasölulögin yrðu end-
urskoðuð í ljósi mála
sem komið hafa upp og
varða misferli þeirra
sem starfa í greininni. Í
gildandi lögum eru eng-
in ákvæði um eftirlit
með störfum fasteigna-
sala eða heimildir til að
bregðast við brotum af
þeirra hálfu. Við gerð
frumvarpsins var meðal
annars leitað umsagnar
Félags fasteignasala,
ASÍ og Neytendasamtakanna.
„Markmiðið er að auka
skyldur fasteignasala og
styrkja öryggi þeirra sem
eru í fasteignaviðskiptum,
því oft snúast viðskiptin
um aleigu viðkomandi,“
segir Björn Bjarnason
dómsmálaráðherra. Sér-
stök eftirlitsnefnd verður
sett á fót sem mun fylgjast
með eignarhaldi á fast-
eignasölum, meðferð
fjármuna og varðveislu á
fé viðskiptamanna.
Nefndin hefur meðal ann-
ars heimild til að kafa
hvenær sem er ofan í
bókhaldsskjöl fasteigna-
sala og gera húsleit og
getur beitt tímabundinni sviptingu
löggildingar og lokað fasteignasölu.
„Það er margt í frumvarpinu
sem mun vafalítið skila faglegri og
öruggari viðskiptaháttum, en eins
og það lítur út þá þá tel ég að það
leiði að óþörfu til starfssviptingar
og eignaupptöku hjá mörgum sem
hafa árum saman unnið af heilind-
um við fyrirtæki sín,“ segir Geir.
„Samkvæmt skilgreiningu dóms-
málaráðuneytisins þá telst ég, sem
og margir aðrir sem eru í svipaðri
stöðu, ekki til hagsmunaaðila í
þessu máli. Það er aftur á móti já-
kvætt og skiptir vitaskuld mestu að
með frumvarpinu verða hagsmunir
þeirra sem eru í fasteignaviðskipt-
um betur tryggðir.“
bryndis@frettabladid.is
Björgunarsveitir:
Leituðu
vélsleðamanns
LEIT Björgunarsveitarmenn héldu á
eftir rúmlega fertugum vélsleða-
manni honum til bjargar í fyrra-
kvöld. Maðurinn, sem var á ferð í
nágrenni Drangajökuls á Vestfjörð-
um, ætlaði að láta vita af sér um há-
degisbilið en þegar ekkert hafði
heyrst frá honum um kvöldið var
farið að óttast um hann.
Vitað var að maðurinn ætlaði
að gista í húsi við Kaldalón innst í
Ísafjarðardjúpi og var því haldið
þangað. Þegar þangað var komið
var maðurinn þar fyrir við góða
heilsu en farsími hans virkaði
ekki og því gat hann ekki látið vita
af sér. ■
Tólg- og kertafyrirtæki
brann:
Gífurlegt
eignatjón
BRUNI Gífurlegt eignatjón varð þeg-
ar iðnaðarskemma og gömul útihús
við bæinn Stóru-Velli í Bárðardal
brunnu til kaldra kola í fyrrinótt.
Engan sakaði.
Lögreglu á Húsavík barst til-
kynning um brunann á tólfta tíman-
um. Slökkviliðið í Þingeyjarsveit
ásamt slökkviliði Húsavíkur fór á
staðinn og var þá kominn mikill eld-
ur. Slökkvistarfi var lokið klukkan
þrjú um nóttina en vakt var við hús-
ið til klukkan tíu í gærmorgun.
Skemmdir urðu mjög miklar.
Fyrirtæki var starfrækt í skemm-
unni sem meðal annars framleiddir
tólg og kerti. Um mikið eignatjón er
því að ræða. Þá urðu smávægilegar
reykskemmdir í íbúðarhúsi sem
stendur um fimmtán metra frá
eldsupptökum. Einnig skemmdust
bílar sem stóðu í nálægð við
skemmuna.
Eldsupptök eru ókunn. Lögregl-
an á Húsavík segir börn hafa verið
á leik við húsið í fyrrakvöld en ekki
sé vitað hvort þau eigi þátt í brun-
anum. ■
Útflöggun kaupskipa:
Alþjóðlegt
vandamál
KAUPSKIP „Það fer í taugarnar á mér
að menn skuli þurfa að skrá þau
annars staðar,“ sagði Davíð Odds-
son forsætisráðherra aðspurður á
fundi sjálfstæðismanna í Valhöll
hvort bregðast þyrfti við því að öll
kaupskip Íslendinga væru skráð er-
lendis.
Davíð sagði það alþjóðlegt
vandamál að kaupskipum væri
flaggað út og að víða væru fáir
heimamenn eftir í áhöfnum skip-
anna. Nokkur lönd, svo sem Dan-
mörk, hefðu reynt að finna lausnir á
þessu en með litlum árangri. ■
ENSKT PAR SLAPP MEÐ
SKREKKINN Enskt par slapp
með skrekkinn eftir að bíll valt
á Suðurlandsvegi, rétt austan
við Hvolsvöll, á laugardag.
Parið var á vesturleið í bíla-
leigubíl þegar ökumaður missti
stjórn á bílnum vegna hálku.
Bíllinn hafnaði út af veginum
vinstra megin við akstursleið,
valt og hafnaði á hliðinni. Öku-
maður var fluttur á heilsugæsl-
una til frekari skoðunar. Að
mati lögreglu er bíllinn ónýtur.
Sjónvarpshappdrætti:
Vinningshafi
lést
INDIANA, AP Maður sem vann sem
svarar fjórum milljónum ís-
lenskra króna í sjónvarpshapp-
drætti lést af slysförum aðeins fá-
einum klukkustundum eftir að
vinningurinn var dreginn út, 73
ára að aldri.
Sjónvarpsþátturinn var tekinn
upp fyrirfram og að ósk fjöl-
skyldu Atwoods var hann sýndur
að honum látnum. „Ég er mjög
þakklátur. Ég verð að viðurkenna
að ég átti alls ekki von á því að
fara héðan út með alla þessa pen-
inga. Nú get ég keypt mér góðan
bíl,“ sagði Atwood þegar hann tók
við vinningnum. Nokkrum
klukkustundum síðar varð hann
fyrir bíl á leið út í matvörubúð
skammt frá heimili sínu í Elwood
í Indiana. ■
■ Lögreglufréttir
■ Leiðrétting
Af frétt blaðsins í gær um sjó-
slysið við Grindavíkurhöfn mátti
skilja að slöngubát björgunar-
sveitarinnar Þorbjörns hefði
hvolft eftir að skipverjarnir voru
komnir um borð. Þetta er ekki
rétt. Hið rétta er að björgunarbát
Sigurvins GK, en ekki björgunar-
sveitarinnar, hvolfdi áður en
björgunarsveitarmenn komu á
staðinn.
ÁRNI MAGNÚSSON
Leitt hvernig forsvarsmenn öryrkja hafa
hagað sér.
GEIR ÞORSTEINSSON
Eigandi Remax Þingholts
gagnrýnir að við gerð fast-
eignafrumvarpsins skuli
ekki hafa verið leitað um-
sagnar hjá mörgum sem
hafa hagsmuna að gæta
og búa yfir mikilli reynslu
í fasteignabransanum.
REYKJAVÍK
Félag fasteignasala óskaði eftir því að lögin yrðu endurskoðuð í ljósi mála sem komið
hafa upp og varða misferli þeirra sem starfa í greininni. Í gildandi lögum eru engin
ákvæði um eftirlit með störfum fasteignasala eða heimildir til að bregðast við brotum af
þeirra hálfu.